కరెంటు పోతే గంటకు రూ. 50 ఫైన్ : బిల్లులో తగ్గిస్తారు

POER FINEకరెంటు బిల్లులు అడ్డగోలుగా వసూలు చేస్తున్న విద్యుత్ సంస్థులు..అదే స్థాయిలో నిరంతర కరెంటు ఇవ్వాలని ఓ సరికొత్త స్కీంను తీసుకొచ్చారు ఢిల్లీ సీఎం అరవింద్ కేజ్రీవాల్. సమ్మర్ సీజన్ కావడందో ప్రజలకు ఎలాంటి కరెంటు కష్టాలు ఉండకూడదని..ఒకవేళ కరెంటు పోతే వినియోగదారులకు డబ్బులు ఇచ్చే పథకానికి శ్రీకారం చుట్టారు. విద్యుత్ పంపిణీ కంపెనీలు అన‌ధికార‌ విద్యుత్ కోతలు విధిస్తే..కరెంట్ పోయినప్పటి నుంచి మొద‌టి రెండు గంట‌ల పాటు ఒక్కో గంట‌కు రూ.50 చొప్పున‌.. రెండు గంట‌లు దాటితే త‌రువాతి ఒక్కో గంట‌కు రూ.100 చెల్లించేలా పాల‌సీని రూపొందించారు.

దీంతో డిస్కంలు మరింత బాధ్యతాయుతంగా పనిచేస్తాయని ఢిల్లీ ప్రభుత్వం భావిస్తోంది. ఈ పరిహారం మొత్తాన్ని సంబంధిత పంపిణీ వ్యవస్థ ఆటోమేటిక్‌ గా వినియోగదారుడికి జమ చేస్తుంద‌ని, ఇందులోంచి కరెంట్ బిల్లును సర్దుబాటు చేయనున్నారు. భార‌త్‌ లో ఇలాంటి పవర్ కన్జూమర్ కంపెన్‌సేషన్ పాలసీని తీసుకురావ‌డం ఇదే తొలిసారి. ఈ పాలసీ తుది ఆమోదం కోసం లెఫ్టినెంట్ గవర్నర్ అనిల్ బైజల్ దగ్గరకు ప్రభుత్వం పంపించింది.

Posted in Uncategorized

Latest Updates