కరెంట్ షాక్ తో పులి మృతి..వ్యక్తి అరెస్ట్

నాగ్‌ పూర్: కరెంట్ షాక్ తగిలి పులి మరణించిన ఘటన మహారాష్ట్రలో జరిగింది. వ్యవసాయ క్షేత్రానికి అమర్చబడిన ఎలక్ట్రిక్ ఫెన్సింగ్‌ కు తాకడంతో పులి విద్యుదాఘాతానికి గురై అక్కడికక్కడే మృతి చెందింది. నాగ్‌ పూర్.. చంద్రాపూర్ జిల్లా తడోబా-అంధారి దగ్గర డిసెంబర్ -8రాత్రి 10 గంటల సమయంలో పులి మృతదేహం కనిపించిందని తెలిపారు డిప్యూటీ కన్జర్వేటర్ ఆఫ్ ఫారెస్ట్స్ గజేంద్ర నర్వానె.

చనిపోయిన ఆ పులి యుక్త వయస్సుకు దగ్గర్లో ఉందని, డిసెంబర్-9న  పులి మృతదేహానికి పోస్టుమార్టం నిర్వహించామని, విద్యుత్ షాక్‌ తోనే  పులి మృతి చెందిందని రిపోర్టు వచ్చిందని తెలిపారు. ఈ క్రమంలోనే సదరు వ్యవసాయ క్షేత్రానికి ఎలక్ట్రిక్ ఫెన్సింగ్‌ ను ఏర్పాటు చేసిన ఆ క్షేత్ర యజమానిని సంబంధిత‌ అధికారులు అరెస్టు చేశారని తెలిపారు.

 

Posted in Uncategorized

Latest Updates