పెట్రో, డీజిల్ మంట : 20 నుంచి దేశవ్యాప్తంగా లారీల బంద్

దేశంలో ప్రధానమైన రవాణా రంగం సమస్యలతో రగులుతోంది. రవాణా రంగాన్ని ఆదుకోవాలని లారీల యజమానులు ఇప్పటికే పలుమార్లు ఆందోళనలు చేపట్టినా కేంద్రం ప్రభుత్వం పట్టించుకోలేదు. దీంతో జూలై 20 ఉదయం 6 గంటల నుంచి దేశ వ్యాప్తంగా లారీల నిరవధిక బంద్‌ కు పిలుపునిచ్చింది ఆలిండియా మోటర్‌ ట్రాన్స్‌పోర్ట్‌ అసోసియేషన్.
ఈ సమ్మెతో దేశ వ్యాప్తంగా 90 లక్షల లారీలు నిలిచిపోనున్నాయి.

అంతర్జాతీయ మార్కెట్‌ లో చమురు రేటు తగ్గినా దేశంలో డీజిల్‌, పెట్రోల్‌ ధరలు అసాధారణంగా పెరుగుతున్నాయి. దీంతో రవాణా రంగంపై పెను భారం పడుతోంది. దేశంలో ఈ ధరలు రాష్ట్రానికో రకంగా ఉన్నాయి. వాహనాల బీమా ప్రీమియాన్ని ఇష్టారాజ్యంగా పెంచడం పట్ల తీవ్రంగా నిరసన వ్యక్తం చేస్తుంది అసోసియేషన్.  దేశవ్యాప్తంగా చేపట్టే నిరవధిక బంద్ కు తెలంగాణ, ఆంధ్రప్రదేశ్ రాష్ట్రాల లారీ యజమానుల సంఘాలు సంపూర్ణ మద్దతు ప్రకటించాయి.

Posted in Uncategorized

Latest Updates