మన సిటీకి అంతర్జాతీయ గుర్తింపు : అభివృద్ధిలో టాప్ 10లో హైదరాబాద్

న్యూఢిల్లీ : హైదరాబాద్ కు మరో అరుదైన గుర్తింపు లభించనుంది. ప్రపంచంలో 2019 నుంచి 2035 మధ్య సూపర్ ఫాస్ట్ గా అభివృద్ధి పొందే టాప్‌ 20 నగరాల లిస్టులో హైదరాబాద్ చేరనుంది. ఆక్స్‌ ఫర్డ్‌ ఎకనమిక్స్‌ రిపోర్ట్ వెల్లడించిన ఈ లిస్టులో  సూరత్ టాప్ లో నిలవగా.. వరుసగా ఆగ్రా, బెంగళూర్‌, హైదరాబాద్, నాగపూర్‌, తిరుపూర్‌, రాజ్‌ కోట్‌, తిరుచిరాపల్లి, చెన్నై, విజయవాడలు నిలిచాయి.

అయితే 2035 నాటికి ఈ నగరాల మొత్తం GDP చైనా నగరాల GDPతో పోల్చితే తక్కువగానే ఉంటుందని వార్షిక ప్రపంచ నగరాల రీసెర్చ్ రిపోర్ట్ లో తెలిపింది ఆక్స్‌ఫర్డ్‌ ఎకనమిక్స్‌. ఉత్తర అమెరికా, యూరప్‌ నగరాల కంటే అధికంగా చైనా నగరాలే 2035 నాటికి అత్యధిక ఉత్పత్తులు సమకూరుస్తాయని అంచనా వేసింది. 2018-2035 మధ్య సూరత్‌ 9.2 శాతం వార్షిక వృద్ధి రేటుతో భారత నగరాల లిస్టులో నెంబర్‌ వన్‌ గా నిలిచింది. భారత్‌ వెలుపల కంబోడియా రాజధాని ఫెమ్‌ ఫన్‌ అత్యధికంగా 8.1 శాతం సగటు వార్షిక వృద్ధితో ఎదుగుతాయని తెలిపింది ఈ అథ్యయనం. ఆసియా నగరాలు అత్యంత వేగంగా వృద్ధి చెందుతున్నా.. 2035 నాటికీ అమెరికా నగరం న్యూయార్క్‌ ప్రపంచంలోనే అతిపెద్ద నగర ఆర్థిక వ్యవస్థగా తన ప్రతిష్టను నిలుపుకుంటుందని అంచనా వేసింది.

ఈ రీసెర్చ్ ప్రకారం ప్రపంచవ్యాప్తంగా అభివృద్ధి చెందుతున్న నగరాలు ఎక్కువగా ఇండియాలోనే ఉన్నాయని తెలిపింది. ఇండియా అభివృద్ధి చెందడం దేశానికే గర్వకారణం అని ట్వీట్ చేశారు కేంద్రమంత్రి సురేష్ ప్రభు.

 

Posted in Uncategorized

Latest Updates