చైనా ఉత్పత్తులపై అమెరికా 25% సుంకం పెంపు

అమెరికా, చైనాల మధ్య రోజు రోజుకీ వాణిజ్య పోరు పెరుగుతూ పోతోంది. రెండు దేశాల మధ్య చర్చలు జరుగుతున్నప్పటికి అమెరికా అధ్యక్షుడు ట్రంప్‌ తాజాగా తీసుకున్న నిర్ణయంతో చైనా ఆందోళనకు గురవుతోంది. అమెరికాలో 200 బిలియన్‌ డాలర్ల విలువ చేసే చైనా వస్తువులపై సుంకం 25 శాతం పెంచుతున్నట్లు తేల్చి చెప్పారు. వాణిజ్య పోరుపై చర్చల కోసం బుధవారం(మే-8) రోజు అమెరికాకు చైనా బృందం రానుంది. అయితే ట్రంప్‌ తీసుకున్న ఈ నిర్ణయంతో ఈ సారి చర్చలు ప్రాధాన్యత సంతరించుకున్నాయి.

గత 10 నెలలుగా అమెరికాలో చైనా వస్తువులపై డ్రాగన్‌ కంట్రీ సుంకం కడుతూ వస్తుంది. 50 బిలియన్‌ డాలర్లు విలువ చేసే వస్తువులపై 25 శాతం సుంకం చెల్లిస్తుండగా, 200 బిలియన్‌ డాలర్లు విలువ చేసే ఇతర వస్తువులపై 10 శాతం సుంకం చెల్లిస్తోంది చైనా. ఈ 10 శాతం వచ్చే వారం నుంచి 25 శాతానికి పెంచుతూ నిర్ణయం తీసుకున్నారు.

చైనాలో అమెరికా ఉత్పత్తులకు అధిక డిమాండ్ ఉన్నప్పటికి… ట్రంప్‌ మాత్రం క్షేత్రస్థాయిలో మార్పులు జరగాలని పట్టుబడుతున్నారు. అమెరికా కంపెనీలు తమ టెక్నాలజీని చైనాతో పంచుకోవాలని చైనా పదేపదే అమెరికాపై ఒత్తిడి పెంచడం సరైంది కాదన్నారు ట్రంప్‌. చైనా విదేశీ సంస్థలపై అవలంబించే విధానాలను ట్రంప్‌ తప్పుబట్టారు. అందుకే చైనాపై ఒత్తిడి తెచ్చేందకు అమెరికాలోకి ప్రవేశిస్తున్న చైనా ఉత్పత్తులపై ట్రంప్‌ సుంకం విధిస్తూ నిర్ణయం తీసుకున్నారు. చైనా ఉత్పత్తుల విలువ సుమారుగా 540 బిలియన్‌ డాలర్లు ఉంటుంది.

Latest Updates