బోర్డర్ లో పాకిస్తాన్ డ్రోన్ ను కూల్చేసిన భారత సైన్యం

జమ్ముకశ్మీర్ లోని కుప్వారా జిల్లాలో ఇవాళ(శనివారం) పాకిస్తాన్ డ్రోన్ ను కూల్చేశారు భారత సెక్యూరిటీ ఫోర్సెస్(BSF). పాక్ చర్యలను అడ్డుకోవడానికి సైన్యం ఎప్పుడూ సిద్ధంగా ఉంటుందని చెప్పారు. చలికాలంలో ఈ ప్రాంతంలో మంచు ఎక్కువగా కురుస్తోందని… అందుకే ఈలోగానే ఉగ్రవాదులను బోర్డర్ దాటించేందుకు పాక్ ప్రయత్నిస్తోందని తెలిపారు BSF అధికారులు. ఈ డ్రోన్ ను‌ చైనా కంపెనీ డీజేఐ తయారుచేసిందనీ… దాని పేరు మావిక్-2 ప్రో అని చెప్పారు.

ఉగ్రవాదులకు డ్రోన్ల ద్వారా తన సహాయ సహకారాలను పాకిస్తాన్ అందిస్తోంది. ఆయుధాలను కూడా డ్రోన్లతో అందిస్తోంది. మరోవైపు మన ఆర్మీ కదలికలను కూడా డ్రోన్ల సహకారంతో తెలుసుకునే ప్రయత్నం చేస్తోంది. ఈ క్రమంలో ఇప్పటికే పాక్ కు చెందిన పలు డ్రోన్లను మన సైనికులు కూల్చేశారు. లేటెస్టుగా శనివారం ఇలాంటి ఘటనే మరొకటి జరిగింది. నియంత్రణ రేఖ దగ్గర ఏదో కదులుతున్నట్టు గుర్తించిన  BSF దళాలు … పాకిస్తాన్ కు చెందిన డ్రోన్ గా గుర్తించి..వెంటనే దాన్ని కూల్చేశారు.

Latest Updates