శంషాబాద్, వెలుగు: వరంగల్లో ఆదివారం నిర్వహించిన బీఎస్పీ బహిరంగ సభకు వివిధ జిల్లాల నుంచి కార్యకర్తలు తరలివెళ్లారు. కాగా శంషాబాద్ ఓఆర్ఆర్ మీదుగా వెళ్లేందుకు డీసీఎంలో వచ్చిన కొందరు లీడర్లు, కార్యకర్తలు తొండుపల్లి టోల్గేట్ వద్ద టోల్ చార్జ్ మినహాయిపు ఇవ్వాలని కోరారు. అక్కడి సిబ్బంది అందుకు నిరాకరించడంతో వాగ్వాదానికి దిగారు. బెంగళూరు నేషనల్ హైవేపై బైఠాయించి నినాదాలు చేశారు. దీంతో హైవేపై భారీగా ట్రాఫిక్ నిలిచింది. తర్వాత టోల్ సిబ్బంది వారితో మాట్లాడి పంపించేశారు.
