‘పట్టణాల’కు పైసలు పెరిగినయ్

  • హౌసింగ్, అర్బన్ మినిస్ట్రీకి రూ.48 వేల కోట్లు
  • గతేడాదితో పోలిస్తే 12 శాతం వృద్ధి

న్యూఢిల్లీ: పట్టణాభివృద్ధికి బడ్జెట్​లో పైసలు పెరిగినయ్. హౌసింగ్, అర్బన్ మినిస్ట్రీకి రూ.48 వేల కోట్లు కేటాయించారు. గతేడాదితో పోలిస్తే ఇది 12 శాతం ఎక్కువ. మెట్రో ప్రాజెక్టులకు గతేడాదితో పోలిస్తే 25 శాతం కేటాయింపులు పెరిగాయి. గతేడాది  రూ.14,864.6 కోట్లు ఇవ్వగా.. ఈసారి రూ.17,713.93 కోట్లకు పెరిగింది. ‘‘పీఎంఏవై–అర్బన్ కింద దేశవ్యాప్తంగా 81 లక్షల ఇళ్లు నిర్మించేందుకు రూ.4.83 లక్షల కోట్ల నిధులు మంజూరు చేశాం. ఇందులో 47 లక్షల ఇళ్ల పనులు జరుగుతున్నాయి. సుమారు 24 లక్షల ఇళ్లను లబ్ధిదారులకు అందజేశాం” అని కేంద్ర ఆర్థిక మంత్రి చెప్పారు. ఇక బలమైన మురుగునీటి నెటవర్క్​లు, నీటి సరఫరా, ఇతర మౌలిక సదుపాయాలను అభివృద్ధి చేసేందుకు ఉద్దేశించిన అటల్ మిషన్ ఫర్ రెజువనేషన్, అర్బన్ ట్రాన్స్​ఫార్మేషన్ (ఏఎంఆర్​యూటీ)కి రూ.7,300 కోట్లు కేటాయించారు. స్మార్ట్ సిటీస్ మిషన్ కింద ప్రభుత్వం ఎంపిక చేసిన 100 నగరాలకు రూ.6,450 కోట్లు కేటాయించారు.

కేటాయింపులు ఇలా..(రూ. కోట్లలో)                 గతేడాది            ప్రస్తుతం

పీఎంఏవై-అర్బన్                                             6,505          6,853.26

మెట్రో ప్రాజెక్టులకు                                        ,864.60          17,713.93

ఢిల్లీ మెట్రో                                                         50             414.7

మాస్ ర్యాపిడ్ ట్రాన్సిట్ సిస్టమ్                         15,600             19,152

ఏఎంఆర్​యూటీ                                              6,400            7,300

స్మార్ట్ సిటీస్                                                 6,169              6,450

స్వచ్ఛ్ భారత్                                                2,500              2,650

Latest Updates