నిజామాబాద్ క్రైమ్‌, వెలుగు: నిజామాబాద్ జిల్లా కేంద్రంలోని షాపింగ్ మాల్దగ్గర ఓ చిన్నారి కిడ్నాప్కు గురైంది. జగిత్యాల జిల్లా మెట్‌పల్లి మండలానికి చెందిన నూరిన్‌ సుల్తానా తన భర్త, కుటుంబసభ్యులతో కలిసి షాపింగ్ కోసం నిజామాబాద్ పట్టణంలోని షాపింగ్ మాల్కు వచ్చారు. షాపింగ్ పూర్తయ్యాక కౌంటర్‌ వద్ద బిల్లు కట్టేందుకు నిలబడ్డారు. అదే సమయంలో వారి పాప(3) చేతిలో బ్యాగు పట్టుకుని బయటకు వెళ్లింది. ఇంతలో గుర్తు తెలియని ఓ మహిళ పాపను ఎత్తుకొని ఆటో రిక్షాలో పారిపోయినట్లు ప్రత్యక్ష సాక్షులు చెప్పారు. పాప వద్ద బ్యాగ్‌ ఉండడంతో అందులో డబ్బులు ఉన్నాయని ఎత్తుకెళ్లారా లేక వారికి సంబంధించిన వ్యక్తులు ఎవరైనా పాపను తీసుకెళ్లారా అనే కోణంలో పోలీసులు దర్యాప్తు చేస్తున్నారు.
