పివోకేలోని ఉగ్రవాదుల్లో కరోనా వ్యాప్తి

పాక్‌ ఆక్రమిత కాశ్మీర్‌లో ఉగ్రవాద క్యాంపుల్లో ఉన్న వారిలో కరోనా వ్యాపించిందని…దీంతో కొందరు చనిపోయారని జమ్ముకశ్మీర్‌ డీజీపీ దిల్‌బాగ్‌ సింగ్‌ చెప్పారు. ఈ కరోనా లక్షణలు ఉన్న టెర్రరిస్టులు భారత్‌లోకి ప్రవేశించి కరోనా వ్యాప్తి చేయాలని చూస్తున్నారని ఆయన తెలిపారు. కశ్మీర్‌ నుంచి ఉగ్రవాద శిక్షణ కోసం POK వెళ్లిన ఒక వ్యక్తి తన ఇంటికి చేసిన ఫోన్‌ను తాము టాప్‌ చేశామని… అందులో ఈ విషయాలు బయటపడ్డాయని దిల్‌బాగ్‌ సింగ్‌ చెప్పారు. ఉగ్రవాదులు కరోనా బారిన పడి చనిపోతున్నప్పటికీ పట్టించుకునే వాళ్లు ఎవరూ లేరని ఆ ఫోన్‌ చేసిన వ్యక్తి ఆందోళన వ్యక్తం చేసినట్లు తెలిపారు. పాకిస్తాన్‌ 20 ఉగ్రవాద కేంద్రాలను, 20 టెర్రరిస్టు ల్యాంచ్‌ ప్యాడ్‌లను ప్రస్తుతం పివోకేలో సిద్ధంగా ఉంచిందని.. ఒక్కొ కేంద్రంలో 50 మంది వరకు ఉగ్రవాదులు ఉన్నారని దిల్‌బాగ్‌ సింగ్‌ చెప్పారు.

Latest Updates