న్యూఢిల్లీ: భారత సైన్యం చేపట్టిన ‘ఆపరేషన్ సిందూర్’ తర్వాత పొరుగు దేశం పాకిస్తాన్ తో దౌత్య సంబంధాలు దెబ్బతిన్న విషయం తెలిసిందే. 

ఈ నేపథ్యంలో పాక్ మంత్రి ఒకరు త్వరలో భారత పర్యటనకు రానున్నారు. షాహీ కట్టుబాట్లు, సాంస్కృతిక సంబంధాల బలోపేతానికి సంబంధించి షాంఘై సహకార సంస్థ(ఎస్ సీవో) ఆధ్వర్యంలో ఢిల్లీలో జరగనున్న సివిలైజేషన్ డైలాగ్ ఫోరమ్ కు పాక్ మంత్రి ముసాదిక్ మాలిక్ హాజరుకానున్నారు. 

అంతకుముందు 2023 మే నెలలో గోవాలో ఎస్ సీవో విదేశాంగ మంత్రుల సమావేశం జరగగా పాక్ మంత్రి బిలావల్ భుట్టో జర్దారీ హాజరయ్యారు. భుట్టో తర్వాత సుమారు మూడేళ్ల కాలంలో పాకిస్తాన్ నుంచి ఒక కేంద్ర మంత్రి భారత్‌‌లో పర్యటించడం ఇదే మొదటిసారి కావడం విశేషం. 
 

తనదైన గ్లామర్‌‌తో  ఆకట్టుకుంటున్న హీరోయిన్ మానస వారణాసి  ప్రస్తుతం ‘జార్జ్ క్రిష్’ సినిమాతో ఆడియన్స్ ముందుకు రాబోతోంది. శర్వానంద్ హీరోగా శ్రీనువైట్ల తెరకెక్కిస్తున్న ఈ చిత్రానికి సంబంధించి  డబ్బింగ్ కార్యక్రమాలు ప్రారంభమయ్యాయి. 

మానస వారణాసి తన పాత్రకు స్వయంగా డబ్బింగ్ చెబుతున్న వీడియోను రిలీజ్ చేశారు. ఫ్యామిలీ ఎంటర్‌‌టైనర్‌‌గా రూపొందుతోన్న ఈ చిత్రంలో శర్వానంద్  రెండు విభిన్న పాత్రల్లో కనిపించనున్నాడు.  క్రిస్టియన్‌గా జార్జ్,  హిందువుగా క్రిష్ పాత్రల్లో ఆయన కనిపించనున్నట్టు ఇప్పటికే విడుదలైన ఫస్ట్ బూస్టర్ ఆసక్తిని పెంచింది.

  ఏకే ఎంటర్‌టైన్‌మెంట్స్ బ్యానర్‌పై అనిల్ సుంకర ఈ చిత్రాన్ని నిర్మిస్తున్నారు.  అజయ్ సుంకర కో ప్రొడ్యూసర్. అనూప్ రూబెన్స్ సంగీతం అందిస్తుండగా, కేవీ గుహన్ సినిమాటోగ్రఫీ, అవినాష్ కొల్లా ప్రొడక్షన్ డిజైన్ బాధ్యతలు నిర్వహిస్తున్నారు. సంక్రాంతి కానుకగా  జనవరి 14న ఈ చిత్రాన్ని విడుదల చేయనున్నట్టు ప్రకటించారు. 

పరాక్రమం, నిర్భంధం లాంటి చిత్రాలతో మెప్పించిన బండి సరోజ్ .. ప్రస్తుతం ‘ఛప్రి’ అనే చిత్రాన్ని తెరకెక్కిస్తూ,  తనే హీరోగా నటిస్తున్నారు. సరోజ్, ప్రమోద్ పడమటి, పృథ్వీ చౌహాన్ నిర్మిస్తున్నారు.  శనివారం ఈ మూవీ టీజర్‌‌‌‌ను రిలీజ్ చేశారు. అనంతరం బండి సరోజ్ కుమార్ మాట్లాడుతూ ‘ ఈ సినిమాను వచ్చే ఏడాది సమ్మర్‌‌‌‌‌‌‌‌లో,  టీజర్‌‌‌‌‌‌‌‌ను ఫిబ్రవరిలో విడుదల చేయాలనుకున్నాం. కానీ ఇండస్ట్రీలో, సెట్‌‌‌‌లో నిర్మాతకు సెక్యూరిటీ లేదు. డబ్బును నేను లెక్కచేయను. కానీ కళ అనేది ఖజానా. 

దానికోసమే బతుకుతున్నా. గత రెండేళ్లుగా కష్టపడి పటిష్టమైన స్క్రీన్ ప్లేతో ఈ స్టోరీ రాస్తే,  సినిమాకెంతో కీలకమైన సీన్‌‌‌‌ను ఎవరో జూనియర్‌‌‌‌‌‌‌‌ ఆర్టిస్ట్‌‌‌‌ లీక్‌‌‌‌ చేశారు.  అందుకే ఇంత త్వరగా టీజర్‌‌‌‌‌‌‌‌ రిలీజ్ చేశాం. సమ్మర్‌‌‌‌లో సినిమాతో కలుద్దాం’ అని చెప్పారు. సరోజ్‌‌‌‌తో వర్క్ ఎక్స్‌‌‌‌పీరియన్స్‌‌‌‌ కొత్తగా ఉందని నటుడు ప్రవీణ్‌‌‌‌ చెప్పారు. నటీనటులు ఐశ్వర్య బోరా,  దివ్య జ్యోతి, రమేష్, జీవా, అజయ్ సాయి, ప్రమోద్ పడమటి తదితరులు పాల్గొన్నారు.   

• హాజరుకానున్న అమెరికా, చైనా, రష్యా దేశాల అగ్రనేతలు
• తొలిసారి ఒకే వేదికపైకి మూడు అగ్రరాజ్యాల అధినేతలు 

బీజింగ్/వాషింగ్టన్: ప్రపంచ రాజకీయాల్లో కీలకమైన ముగ్గురు దేశాధినేతలు వచ్చేవారం భేటీ కానున్నారు. అమెరికా, చైనా, రష్యా దేశాల ప్రెసిడెంట్లు డొనాల్డ్ ట్రంప్, జిన్‌‌‌‌‌‌‌‌పింగ్, వ్లాదిమిర్ పుతిన్‌‌‌‌‌‌‌‌ల మధ్య చైనాలో ఈ సమావేశం జరగనుంది. ఈ మూడు అణు దేశాల అధినేతలు ఇలా ఒకే వేదికపై కలవడం ఇదే తొలిసారి. చైనాలోని ప్రముఖ సాంకేతిక కేంద్రమైన 'షెంజెన్' వేదికగా జరగనున్న ఆసియా–-పసిఫిక్ ఆర్థిక సహకార (ఏపీఈసీ) శిఖరాగ్ర సదస్సు సందర్భంగా నవంబర్​19న ఈ సమావేశం జరగనుంది. ఈమేరకు శుక్రవారం ఈ విషయాన్ని వైట్‌‌‌‌‌‌‌‌హౌస్ అధికారికంగా ధ్రువీకరించింది.

ప్రతీకాత్మకమే కానీ.. భారీ అంచనాలు లేవు..

అగ్రరాజ్యాల అధినేతల ఈ అపూర్వ కలయిక చరిత్రాత్మక ఘట్టమే అయినప్పటికీ, దీనివల్ల ఎలాంటి సంచలనాత్మక ఒప్పందాలు కుదిరే అవకాశంలేదని విశ్లేషకులు అభిప్రాయపడుతున్నారు. ఇది ఆచరణాత్మక అంశాల కంటే ప్రతీకాత్మకతకే ఎక్కువ ప్రాధాన్యత సంతరించుకుంటుందని స్పష్టం చేస్తున్నారు. 

ఈ మూడు దేశాల మధ్య సంబంధాలు అత్యంత క్లిష్టమైన దశలో ఉన్న తరుణంలో అధినేతల భేటీ ప్రాధాన్యం సంతరించుకుంది. ఫిబ్రవరితో ముగిసిన ‘న్యూ స్టార్ట్’ ఒప్పందం తర్వాత అమెరికా, రష్యాల అణు ఆయుధాలపై ఎలాంటి పరిమితులు లేకుండా పోయాయి. చైనాను కూడా భాగస్వామ్యం చేస్తూ ఒక కొత్త అణు ఆయుధ నియంత్రణ ఒప్పందాన్ని కుదుర్చుకోవాలని అమెరికా అధ్యక్షుడు ట్రంప్ కోరుతున్నారు. 

రష్యా, చైనాల ఎత్తుగడలు..

అమెరికా, చైనాలతో సమానంగా తాము కూడా ఒక అగ్రరాజ్యమేనని ప్రపంచానికి చాటిచెప్పడానికి పుతిన్‌‌‌‌‌‌‌‌కు ఈ సమావేశం ఒక సువర్ణావకాశంగా మారింది. ఉక్రెయిన్ భవిష్యత్ గురించి తమ ముగ్గురిదే తుది నిర్ణయం అన్న సంకేతాలు పంపాలని పుతిన్ భావిస్తున్నారు. 

అయితే, తమ ప్రమేయం లేకుండానే ఉక్రెయిన్ ఒప్పందాలు జరిగిపోతాయేమోనని ఆ దేశ అధ్యక్షుడు వొలొదిమిర్ జెలెన్‌‌‌‌‌‌‌‌స్కీ తీవ్ర ఆందోళన వ్యక్తం చేస్తున్నారు. ఈ సదస్సు ద్వారా అంతర్జాతీయంగా చైనా తన పెత్తనాన్ని, సత్తాను మరోసారి ప్రదర్శించాలని చూస్తోంది. ఈ త్రిముఖ భేటీ అంతర్జాతీయ రాజకీయాల్లో ఎలాంటి సంచలనాలకు దారితీస్తుందనేది ఇప్పుడు సర్వత్రా ఉత్కంఠ రేపుతోంది.
 
రష్యా, చైనాల ఎత్తుగడలు..

అమెరికా, చైనాలతో సమానంగా తాము కూడా ఒక అగ్రరాజ్యమేనని ప్రపంచానికి చాటిచెప్పడానికి పుతిన్‌‌‌‌‌‌‌‌కు ఈ సమావేశం ఒక సువర్ణావకాశంగా మారింది. ఉక్రెయిన్ భవిష్యత్ గురించి తమ ముగ్గురిదే తుది నిర్ణయం అన్న సంకేతాలు పంపాలని పుతిన్ భావిస్తున్నారు. 

అయితే, తమ ప్రమేయం లేకుండానే ఉక్రెయిన్ ఒప్పందాలు జరిగిపోతాయేమోనని ఆ దేశ అధ్యక్షుడు వొలొదిమిర్ జెలెన్‌‌‌‌‌‌‌‌స్కీ తీవ్ర ఆందోళన వ్యక్తం చేస్తున్నారు. ఈ సదస్సు ద్వారా అంతర్జాతీయంగా చైనా తన పెత్తనాన్ని, సత్తాను మరోసారి ప్రదర్శించాలని చూస్తోంది. ఈ త్రిముఖ భేటీ అంతర్జాతీయ రాజకీయాల్లో ఎలాంటి సంచలనాలకు దారితీస్తుందనేది ఇప్పుడు సర్వత్రా ఉత్కంఠ రేపుతోంది.

పద్మారావు నగర్, వెలుగు: ప్రభుత్వ వైద్య రంగాన్ని బలోపేతం చేయడంలో భాగంగా వీసీ పరేఖ్ చారిటబుల్ ట్రస్ట్ తన దాతృత్వాన్ని చాటుకుంది. ట్రస్ట్ వ్యవస్థాపక సభ్యుడు, మేనేజింగ్ ట్రస్టీ ప్రేమల్ సి.పరేఖ్ ఆధ్వర్యంలో శ్రీ గోపాల్ దాస్ ఝవేరి అండ్ శకుంతలా బాయి ఝవేరి చారిటబుల్ ట్రస్ట్, ఎస్వీఎస్ రెఫ్‌‌‌‌‌‌‌‌కాంప్ సంస్థల సహకారంతో సికింద్రాబాద్ గాంధీ దవాఖానకు శనివారం 19 రిఫ్రిజిరేటర్లను విరాళంగా అందజేశారు.

 ప్రభుత్వ దవాఖానల అభివృద్ధికి, ప్రజా సేవకు వీసీ పరేఖ్ చారిటబుల్ ట్రస్ట్ అందిస్తున్న సహకారం అభినందనీయమని గాంధీ హాస్పిటల్​సూపరింటెండెంట్ డాక్టర్ ఉషారాణి అన్నారు. రిఫ్రిజిరేటర్లు అందించిన ట్రస్ట్ నిర్వాహకులకు ఆమె కృతజ్ఞతలు తెలిపారు.

•     మంత్రి కోమటిరెడ్డి వెంకట్ రెడ్డి
•     కేటీఆర్ మాట్లాడేముందు ఆలోచించుకోవాలని హితవు 

హైదరాబాద్​, వెలుగు: తెలంగాణ రాష్ట్ర ఏర్పాటులో సోనియా గాంధీ పాత్ర చారిత్రాత్మకమని, ఆమె లేకపోతే ప్రత్యేక రాష్ట్రం వచ్చేది కాదని రోడ్లు, భవనాల శాఖ మంత్రి కోమటిరెడ్డి వెంకట్ రెడ్డి స్పష్టం చేశారు. భారత్ సమిట్‌‌‌‌‌‌‌‌‌‌‌‌‌‌‌‌లో భాగంగా శనివారం హైదరాబాద్‌‌‌‌‌‌‌‌‌‌‌‌‌‌‌‌లో ఆయన మీడియాతో మాట్లాడారు. బీఆర్ఎస్ వర్కింగ్ ప్రెసిడెంట్ కేటీఆర్ వ్యాఖ్యలపై తీవ్రంగా స్పందించారు. కేటీఆర్ మాట్లాడే ముందు ఆలోచించుకోవాలని ఆయన హితవు పలికారు. గతంలో కేసీఆర్ స్వయంగా అసెంబ్లీ సాక్షిగా సోనియా గాంధీని తెలంగాణ దేవతగా అభివర్ణించారని, కుటుంబంతో సహా వెళ్లి ఆమెకు కృతజ్ఞతలు తెలిపారని మంత్రి గుర్తు చేశారు. రాహుల్ గాంధీ, కేటీఆర్ లాగా తండ్రి చాటు కుమారుడు కాదని, దేశం కోసం ప్రాణాలర్పించిన కుటుంబం నుంచి వచ్చారని పేర్కొన్నారు. 

దేశమే తన కుటుంబంగా భావిస్తూ రాహుల్ గాంధీ నిరంతరం ప్రజల మధ్యే ఉంటున్నారని, త్వరలోనే ఆయన దేశ ప్రధాని కాబోతున్నారని ధీమా వ్యక్తం చేశారు. అడ్డగోలు హామీలతో మోసం చేశారు. గత బీఆర్ఎస్ పాలనపై మంత్రి విమర్శలు గుప్పిస్తూ.. దళితుడిని సీఎం చేయకపోతే తల నరుక్కుంటానని చెప్పిన కేసీఆర్ ఆ హామీని తుంగలో తొక్కారని ఆరోపించారు. అడ్డగోలు హామీలతో పదేండ్ల పాటు మైనారిటీలు, గిరిజనులు సహా అన్ని వర్గాల ప్రజలను మోసం చేశారని, అందుకే ప్రజలు వారిని ఇంటికే పరిమితం చేశారని వ్యాఖ్యానించారు. ప్రస్తుత ప్రజా ప్రభుత్వంలో అమలవుతున్న సంక్షేమ పథకాలు దేశంలో మరే రాష్ట్రంలోనూ లేవని తెలిపారు. ముఖ్యంగా రాహుల్ గాంధీ చేతుల మీదుగా గిగ్ వర్కర్ల సంక్షేమం కోసం ప్రత్యేక పాలసీని తీసుకువచ్చి, పథకాన్ని విజయవంతంగా అమలు చేస్తున్నామని కోమటిరెడ్డి వివరించారు. 

• గోరటి వెంకన్న, బస్వరాజు సారయ్య, బొగ్గారపు దయానంద్‌‌‌‌కు ముగిసిన పదవీకాలం

హైదరాబాద్, వెలుగు: గవర్నర్ కోటాలో ఎమ్మెల్సీలుగా నియమితులైన గోరటి వెంకన్న, బస్వరాజు సారయ్య, బొగ్గారపు దయానంద్‌‌‌‌ల పదవీకాలం శనివారంతో ముగిసింది. ఈ సందర్భంగా శాసనమండలి కాన్ఫరెన్స్ హాల్‌‌‌‌లో ఈ ముగ్గురికి ఘనంగా పదవీ విరమణ సన్మాన కార్యక్రమాన్ని నిర్వహించారు. ఈ కార్యక్రమంలో శాసనమండలి చైర్మన్ గుత్తా సుఖేందర్ రెడ్డి, అసెంబ్లీ స్పీకర్ గడ్డం ప్రసాద్ కుమార్, ప్రభుత్వ చీఫ్ విప్ పట్నం మహేందర్ రెడ్డితో పాటు పలువురు ఎమ్మెల్సీలు పాల్గొన్నారు. ఈ సందర్భంగా నేతలు మాట్లాడుతూ.. విరమణ అనేది కేవలం పదవికి మాత్రమేనని, ప్రజాసేవకు కాదని పేర్కొన్నారు. 

ఎమ్మెల్సీలుగా వారు అందించిన విశిష్ట సేవలను శాసనమండలి ఎప్పటికీ గుర్తుంచుకుంటుందని కొనియాడారు. భవిష్యత్తులోనూ వారికి మరింత ప్రజాసేవ చేసే అవకాశం రావాలని, అందుకు సంపూర్ణ ఆరోగ్యంతో ఉండాలని చైర్మన్, స్పీకర్, ఇతర ప్రజాప్రతినిధులు ఆకాంక్షించారు. అనంతరం ముగ్గురు ఎమ్మెల్సీలను శాలువాలతో సత్కరించి, జ్ఞాపికలను అందజేశారు.   

• నోవాటెల్ హోటల్ వద్ద నల్ల దుస్తులు, ప్లకార్డులతో ఆందోళన

హైదరాబాద్, వెలుగు: రాష్ట్ర పర్యటనకు వచ్చిన కాంగ్రెస్ నేత రాహుల్ గాంధీని నోవాటెల్ హోటల్ వద్ద బీజేవైఎం కార్యకర్తలు అడ్డుకొని, నల్ల దుస్తులు, ప్లకార్డులతో నిరసన తెలిపారు. ఎన్నికల్లో ఇచ్చిన హామీలను అమలు చేయకుండా రాష్ట్రంలో పర్యటించే హక్కు రాహుల్ గాంధీకి లేదని బీజేవైఎం రాష్ట్ర అధ్యక్షుడు గణేశ్ కుండే స్పష్టం చేశారు. రాష్ట్రంలో కాంగ్రెస్ ప్రభుత్వం ఏర్పడి రెండేండ్లు గడుస్తున్నా, మేనిఫెస్టోలో ప్రకటించిన గ్యారెంటీలను అమలు చేయడంలో విఫలమైందని ఆయన విమర్శించారు. 

ప్రజా సమస్యలను పరిష్కరించడంలో చిత్తశుద్ధి చూపకుండా సీఎం రేవంత్ రెడ్డి, పాలకవర్గం స్వప్రయోజనాలపైనే దృష్టి సారిస్తున్నారని ఆరోపించారు. విద్యార్థులకు సంబంధించిన సుమారు రూ.15 వేల కోట్ల ఫీజు రీయింబర్స్‌‌‌‌‌‌‌‌‌‌‌‌‌‌‌‌మెంట్, స్కాలర్‌‌‌‌‌‌‌‌‌‌‌‌‌‌‌‌షిప్ బకాయిలను తక్షణమే విడుదల చేయాలని బీజేవైఎం నేతలు డిమాండ్ చేశారు. ప్రతి ఏటా 2 లక్షల ఉద్యోగాల భర్తీ, రూ.4 వేల నిరుద్యోగ భృతి, మహిళలకు రూ.2,500 ఆర్థిక సాయం, తులం బంగారం, విద్యార్థినులకు స్కూటీల పంపిణీ హామీలను అమలు చేయాలన్నారు. ప్రభుత్వ పాఠశాలలు, కాలేజీల్లో మౌలిక సదుపాయాల కొరతను తీర్చాలని పేర్కొన్నారు. నిరసనలో బీజేవైఎం నేషనల్ ఎగ్జిక్యూటివ్ మెంబర్ సింధు, రాష్ట్ర ఉపాధ్యక్షులు చాడ అనిత రెడ్డి, సాయినాథ్, నితిన్ నందాకర్, సెక్రటరీలు ఝాన్సీ, శివచంద్రగిరి, హరిప్రసాద్, జిల్లా అధ్యక్షులు సాయిరాం గౌడ్, అవినాష్ గౌడ్, రాహుల్ భరత్, అఖిల్ తదితరులు పాల్గొన్నారు.       

Lalit Modi: ఇండియన్ ప్రీమియర్ లీగ్ (IPL) వ్యవస్థాపకుడు, మాజీ ఛైర్మన్ లలిత్ మోడీ (Lalit Modi) కీలక ప్రకటన చేశారు. తాను అధికారికంగా బ్రిటిష్ పౌరసత్వం (British Citizenship) పొందినట్లు ఆయన వెల్లడించారు. నిన్న (2026, నవంబర్ 14, శనివారం) ప్రతిష్టాత్మక ఆక్స్‌ఫర్డ్ యూనియన్ (Oxford Union) వేదికగా ప్రసంగిస్తూ ఆయన ఈ విషయాన్ని బహిరంగంగా ప్రకటించారు. 2026 సెప్టెంబర్ 15న తన కుటుంబ సభ్యులు, సన్నిహితుల సమక్షంలో జరిగిన ప్రత్యేక కార్యక్రమంలో బ్రిటిష్ పౌరసత్వాన్ని స్వీకరించినట్లు సోషల్ మీడియా వేదికగా తెలిపారు.

నా జీవితంలో ఇదే గర్వకారణం.. ఇదొక కొత్త అధ్యాయం: 

తన ఇన్‌స్టాగ్రామ్ ఖాతాలో లలిత్ మోడీ భావోద్వేగపూరిత నోట్ రాశారు.. నవంబర్ 14, 2026న ఆక్స్‌ఫర్డ్ యూనియన్‌లో ప్రసంగించే గౌరవం నాకు దక్కింది.. నా జీవితంలోని అత్యంత ప్రత్యేకమైన మైలురాయిని పంచుకున్నాను.. నేను బ్రిటిష్ పౌరుడినని చెప్పుకోవడానికి ఎంతో గర్వపడుతున్నాను.. సెప్టెంబర్ 15, 2026న కుటుంబం, స్నేహితుల మధ్య జరిగిన పౌరసత్వ వేడుక నా గుండెల్లో ఎప్పటికీ నిలిచిపోతుందని లలిత్ పేర్కొన్నారు.

యునైటెడ్ కింగ్‌డమ్ నా ఇల్లు: చాలా సంవత్సరాలుగా బ్రిటన్ తనకు నివాసంగా ఉందని, ఇక్కడి ప్రజలు, సంస్థలు, సంప్రదాయాలు, విలువలను తాను ఎంతో గౌరవిస్తానని చెప్పారు. బ్రిటిష్ పౌరుడిగా మారడం కేవలం ఒక గౌరవం మాత్రమే కాదని, అదొక బాధ్యత అని ఆయన అభివర్ణించారు.

కింగ్ చార్లెస్ III పుట్టినరోజున ప్రకటన.. గాడ్ సేవ్ ది కింగ్: 

బ్రిటన్ రాజు కింగ్ చార్లెస్ III పుట్టినరోజు నాడే ఈ శుభవార్తను పంచుకోవడం మరింత ప్రత్యేకంగా నిలిచిందని లలిత్ మోడీ తెలిపారు. విభిన్న సంస్కృతులు, అనుభవాలతో నా జీవిత ప్రయాణం కొనసాగింది. ఇప్పుడు నేను గర్వంగా నా ఇల్లు అని పిలుచుకునే ఈ దేశ అభివృద్ధికి నా వంతు సహకారం అందించడానికి ఎదురుచూస్తున్నాను.. ఈ ప్రయాణంలో నాకు అండగా నిలిచిన కుటుంబం, స్నేహితులు, ఆక్స్‌ఫర్డ్ యూనియన్‌కు ధన్యవాదాలు.. ఇదొక కొత్త అధ్యాయం. గాడ్ సేవ్ ది కింగ్ అంటూ లలిత్ మోడీ తన పోస్ట్‌లో రాసుకొచ్చాడు. 

🇬🇧 A PROUD MOMENT. A NEW CHAPTER. Today, 14 November 2026, I had the honour of addressing the Oxford Union, where I publicly shared a very special and personal milestone. I AM PROUD TO BE A BRITISH CITIZEN. 🇬🇧 On 15 September 2026, surrounded by family and friends, I celebrated my British citizenship at a ceremony that will always hold a special place in my heart. The United Kingdom has been my home for many years. It is a country I have come to admire and appreciate deeply — its people, institutions, traditions and values. Becoming British is a privilege and a responsibility that I embrace with pride, gratitude and a genuine sense of belonging. My life’s journey has been shaped by different cultures and experiences, and I look forward to continuing to contribute positively to the country I proudly call home. Thank you to my family, friends and everyone who has been part of this journey, and to the Oxford Union for providing such a memorable occasion to share this news. A new chapter, with much to look forward to. And on His Majesty King Charles III’s birthday, a particularly special day to share this moment. God Save the King! 🇬🇧👑 Lalit Modi Founder IPL #BritishCitizen #OxfordUnion #UnitedKingdom #GodSaveTheKing

— Lalit Kumar Modi (@LalitKModi) November 14, 2026

న్యూఢిల్లీ: భారతదేశంలో ఫోన్ ట్యాపింగ్ జరుగుతోందనేది వాస్తవమని జన్ సురాజ్ పార్టీ చీఫ్ ప్రశాంత్ కిశోర్ అన్నారు. పెగాసస్ స్పైవేర్ వివాదం సమయంలో తన ఫోన్ కూడా నిఘా నీడలోనే ఉందని ఆయన వెల్లడించారు. కాంగ్రెస్ అగ్రనేత రాహుల్ గాంధీ చేసిన ఫోన్ ట్యాపింగ్ ఆరోపణలపై శుక్రవారం మీడియా ప్రతినిధులు అడిగిన ప్రశ్నలకు పీకే స్పందించారు. 

దేశంలో ఫోన్ల ట్యాపింగ్ ఎప్పట్నుం చో జరుగుతోందని, ప్రజలందరూ ఈ వాస్తవాన్ని గ్రహించాలని చెప్పారు. ఇజ్రాయెల్ సంస్థ ఎన్ఎస్ఓ గ్రూప్ అభివృద్ధి చేసిన పెగాసస్ టార్గెట్ల జాబితాలో తన పేరు ఉన్నప్పుడే తన ఫోన్ ట్యాప్ అవుతున్నట్లు తెలిసిందన్నారు. 

• అప్పుడు ఆయన చదివిన పుస్తకాల సంఖ్య 80,001 అవుతుందని ఎద్దేవా
•     మూడు నెలల్లో తెలుగులో సోనియా బుక్
•     మీడియాతో చిట్‌‌‌‌‌‌‌‌‌‌‌‌‌‌‌‌చాట్‌‌‌‌‌‌‌‌‌‌‌‌‌‌‌‌లో పీసీసీ చీఫ్ మహేశ్ కుమార్ గౌడ్

హైదరాబాద్, వెలుగు: సోనియా గాంధీ ఆత్మకథ పుస్తకాన్ని మాజీ సీఎం కేసీఆర్‌‌‌‌‌‌‌‌‌‌‌‌‌‌‌‌కు అందిస్తానని పీసీసీ అధ్యక్షుడు మహేశ్ కుమార్ గౌడ్ అన్నారు. దీనివల్ల ఆయన చదివిన పుస్తకాల సంఖ్య 80 వేల నుంచి 80,001 కి చేరుతుందని ఆయన వ్యంగ్యంగా వ్యాఖ్యానించారు. శనివారం మాదాపూర్‌‌‌‌‌‌‌‌‌‌‌‌‌‌‌‌లోని హెచ్‌‌‌‌‌‌‌‌‌‌‌‌‌‌‌‌ఐసీసీలో ఆయన మీడియాతో చిట్‌‌‌‌‌‌‌‌‌‌‌‌‌‌‌‌చాట్ చేశారు. ఈ సందర్భంగా మహేశ్ గౌడ్ మాట్లాడుతూ.. సోనియా ఆత్మకథ పుస్తకాన్ని కేంద్ర మంత్రి కిషన్ రెడ్డికి కూడా పంపిస్తానని తెలిపారు. ప్రస్తుతం ఇంగ్లీషులో ఉన్న ఈ పుస్తకం మరో మూడు నెలల్లో తెలుగులోనూ అందుబాటులోకి వస్తుందని, సామాన్య కార్యకర్తలు సైతం దీనిని చదవాలనే ఆసక్తిని చూపిస్తున్నారని పేర్కొన్నారు. 

ఈ క్రమంలోనే రాహుల్ గాంధీపై ప్రశంసలు కురిపించారు. సంపన్న కుటుంబంలో పుట్టినప్పటికీ పేదల సంక్షేమంపై రాహుల్‌‌‌‌‌‌‌‌‌‌‌‌‌‌‌‌కు ఉన్న చిత్తశుద్ధి గొప్పదని కొనియాడారు. గిగ్ వర్కర్ల బిల్లు అమలయ్యే వరకు ఆయన పట్టువదలకుండా కృషి చేసిన తీరు ఆశ్చర్యకరమన్నారు. గతంలో గిగ్ వర్కర్ల ర్యాలీ సందర్భంగా జరిగిన తోపులాటలో తన బైక్ కిందపడిపోవడంతో రాహుల్ కోసం పరుగెత్తాల్సి వచ్చిందని గుర్తుచేసుకున్నారు. తాను కుర్తా-పైజామా ధరించాలని రాహుల్‌‌‌‌‌‌‌‌‌‌‌‌‌‌‌‌ను కోరగా, ఆయన నవ్వుతూ తనకు చాక్లెట్ ఇచ్చారని సరదాగా చెప్పారు. ప్రస్తుతం తానే కాదు, యావత్ దేశం రాహుల్ మత్తులో ఉందని వెల్లడించారు.  భారత్ సమిట్ సూపర్ సక్సెస్ అయిందని మహేశ్ గౌడ్ వివరించారు. 

కోల్​బెల్ట్, వెలుగు: సింగరేణి వ్యాప్తంగా వివిధ ఏరియాల్లో పనిచేస్తున్న ఉన్నతాధికారులను బదిలీ చేస్తూ శనివారం యాజమాన్యం ఉత్తర్వులు జారీ చేసింది. ఇందులో జీఎం నుంచి సీనియర్​ అండర్​ మేనేజర్​ హోదా వరకు ఆఫీసర్లు ఉన్నారు. కొత్తగూడెం కార్పొరేట్​(పీపీ) జీఎంగా పనిచేస్తున్న గాజర్ల దేవేందర్​ను కార్పొరేట్​ (సీపీఅండ్​పీ) వింగ్​కు, కార్పొరేట్​ సేఫ్టీ జీఎం కమాలకార సాయిబాబును కార్పొరేట్​ (పీపీ) వింగ్​కు, కొత్తగూడెం రీజియన్​ సేఫ్టీ జీఎంగా పనిచేస్తున్న కృష్ణ గోపాల్ తివారీని కార్పొరేట్​ సేఫ్టీ జీఎంగా బదిలీ చేసింది. 

అడ్రియల్​ ఏరియా ఏజీఎంగా కొనసాగుతున్న బండి సత్యనారాయణకు ప్రమోషన్​ కల్పిస్తూ కొత్తగూడెం రీజియన్​ జీఎం సేఫ్టీగా నియమించింది. కొత్తగూడెం ఏరియా సేఫ్టీ డీజీఎం మెక్కపాటి వెంకటేశ్వర్​రావును సత్తుపల్లి ఏరియా ఏస్వోటుజీఎంగా, సత్తుపల్లి ఏస్వోటుజీఎం బొల్లం శ్రీనివాస్​ను సత్తుపల్లి ఏరియా కిష్టారం ఓసీపీ పీవోగా, కిష్టారం ఓసీపీ పీవో ఏఎల్ఎస్ వీ సునీల్​ వర్మను సత్తుపల్లి జేవీఆర్​ ఓసీపీ2 పీవోగా నియమిస్తూ ట్రాన్స్​ఫర్​ చేసింది.

 మణుగూరు ఏరియా సేఫ్టీ మేనేజర్​ను అదే ఏరియా ఎంవీటీసీకి, పీకే ఓసీపీ మేనేజర్​ను మణుగూరు ఏరియా సేఫ్టీ ఆఫీసర్​గా, భూపాలపల్లి ఏరియా కేటీకే ఓసీపీ3 మేనేజర్​ను అదే ఏరియా సేఫ్టీ ఆఫీసర్​గా, మందమర్రి ఏరియా శాంతిఖని గని మేనేజర్​ సంజయ్​కుమార్​ సిన్హాను కొత్తగూడెం ఏరియా సేఫ్టీ ఆఫీసర్​గా, రామగుండం1 ఏరియా జీడీకే సీఎం మేనేజర్​ అనిల్​ గబాలెను మణుగూరు ఏరియా పీకే ఓసీపీకి, రామగుండం1 ఏరియా క్వాలిటీ వింగ్​ మేనేజర్​ బ్రహ్మాజీ రావును అదే ఏరియా సేఫ్టీ వింగ్​ మేనేజర్​గా బదిలీ చేసింది. మరో ఏడుగురు అడిషనల్, డిప్యూటీ, సీనియర్​ అండర్​ మేనేజర్లను సింగరేణి యాజమాన్యం బదిలీ చేస్తూ ఉత్తర్వులు జారీ చేసింది.

చేర్యాల, వెలుగు: రైతుల గురించి మాట్లాడే ముందు ఎమ్మెల్యే పల్లా రాజేశ్వర్ రెడ్డి ముందు వాస్తవాలు తెలుసుకోవాలని చేర్యాల వ్యవసాయ మార్కెట్ కమిటీ (ఏఎంసీ) చైర్మన్ కొమ్మూరి ప్రశాంత్ రెడ్డి విమర్శించారు. శనివారం చేర్యాల మండలం ఆకునూరు గ్రామంలో నిర్వహించిన వడ్ల కొనుగోలు కేంద్రం ప్రారంభోత్సవం అనంతరం ఆయన విలేకరులతో మాట్లాడారు. 

చేర్యాల పట్టణంలోని వాసవి కాటన్ ఇండస్ట్రీస్‌‌లో సీసీఐ ఆధ్వర్యంలో ఏర్పాటు చేసిన పత్తి కొనుగోలు కేంద్రం ప్రారంభోత్సవానికి హాజరుకాని పల్లా రాజేశ్వర్ రెడ్డి కాంగ్రెస్ ప్రభుత్వం వడ్ల కొనుగోలు కేంద్రాలను ప్రారంభించడం లేదని విమర్శించడం సిగ్గుచేటన్నారు. ప్రైవేట్ కార్యక్రమాలపై చూపిస్తున్న శ్రద్ధను రైతులకు సంబంధించిన కార్యక్రమాలపైనా చూపించాలని సూచించారు. 

రైతుల సంక్షేమమే లక్ష్యంగా కాంగ్రెస్ ప్రభుత్వం పనిచేస్తోందని, రైతులకు అండగా వడ్ల కొనుగోలు కేంద్రాలను ప్రారంభించి ధాన్యం కొనుగోళ్లకు చర్యలు తీసుకుంటోందని తెలిపారు. అనంతరం చిట్యాల, ముస్త్యాల, వీరన్నపేట, చుంచనకోట, కడవేరుగు, తాడూరు, గుర్జకుంట, రాంపూర్, పాత దొమ్మాట గ్రామాల్లో వడ్ల కొనుగోలు కేంద్రాలను ఆయన ప్రారంభించారు. ఈ కార్యక్రమంలో కాంగ్రెస్ పార్టీ నాయకులు, ప్రజాప్రతినిధులు, కార్యకర్తలు పాల్గొన్నారు.

• పరిశోధనలకు కేంద్ర, రాష్ట్ర ప్రభుత్వాలు ఆర్థిక సహకారం అందించాలి

పంజాగుట్ట, వెలుగు: సౌరశక్తిని సమర్థంగా వినియోగించుకుంటూ పర్యావరణ ప్రభావాలను తగ్గించే సురక్షిత ఎస్ఎల్‌‌‌‌‌‌‌‌ఏపీ(సెమీకండక్టర్ అండ్ లిక్విడ్ అసిస్టెడ్ ఫోటోథెర్మల్ ఎఫెక్ట్) టెక్నాలజీని డెవలప్​చేస్తున్నట్లు శాస్త్రవేత్త డాక్టర్ ఇబ్రామ్ గణేశ్​తెలిపారు. శనివారం హైదరాబాద్​లోని సోమాజీగూడ ప్రెస్ క్లబ్‌‌‌‌‌‌‌‌లో నిర్వహించిన విలేకరుల సమావేశంలో ఆయన మాట్లాడారు. 18 ఏళ్లుగా సోలార్ ప్యానెళ్ల సామర్థ్యం పెంపుపై పరిశోధనలు చేస్తున్నట్లు వెల్లడించారు.

 ప్రస్తుత సోలార్ ప్యానెళ్లలో వృథా అవుతున్న ఉష్ణశక్తిని సేకరించి, అదనపు విద్యుత్, వేడి నీటిని ఉత్పత్తి చేయవచ్చన్నారు. సూర్యరశ్మి, నీరు, కార్బన్ డయాక్సైడ్‌‌‌‌‌‌‌‌ను ఉపయోగించి సింథటిక్ ఇంధనాలను తయారు చేస్తే విదేశీ చమురు దిగుమతులపై ఆధారపడటం తగ్గుతుందని పేర్కొన్నారు. రక్షణ రంగ క్షిపణి సాంకేతికతలోనూ అనుభవమున్న తన బృందం సొంత నిధులతో ఈ పరిశోధనలు చేస్తోందని చెప్పారు. 

దేశ ఇంధన స్వావలంబనకు తోడ్పడే ఈ ఆవిష్కరణలను గుర్తించి, ఆర్థిక సహకారం, ప్రయోగశాలల ఏర్పాటు ద్వారా కేంద్ర, రాష్ట్ర ప్రభుత్వాలు తగిన ప్రోత్సాహం అందించాలని కోరారు.

దుల్కర్ సల్మాన్ హీరోగా పవన్ సాధినేని తెరకెక్కిస్తున్న చిత్రం ‘ఆకాశంలో ఒక తార’. తెలుగమ్మాయి సాత్విక వీరవల్లి హీరోయిన్‌‌‌‌గా పరిచయం అవుతోంది.  సందీప్ గున్నం, రమ్య గున్నం నిర్మిస్తున్నారు. నవంబర్ 20న సినిమా విడుదలవుతున్న సందర్భంగా సాత్విక వీరవల్లి ఇలా ముచ్చటించింది.  

‘‘యూఎస్‌‌‌‌లో ఇంజనీరింగ్, మాస్టర్స్ పూర్తి చేసి,  రెండేళ్లు జాబ్ చేశాక ‘కాంత’ చిత్రానికి ఆడిషన్ ఇచ్చా. దానికి ఎంపిక కాలేదు కానీ అదే నిర్మాత తీస్తున్న మరో తమిళ చిత్రానికి సెలెక్ట్ కావడంతో ఇండియా వచ్చేశా. ఆ  తర్వాత ‘ఆకాశంలో ఒక తార’లో అవకాశం వచ్చింది. ఇందులో నాది ఇన్నోసెంట్‌‌‌‌ క్యారెక్టర్. అంతరిక్షంలోకి వెళ్లాలన్నదే తన లక్ష్యం. ఎవరెలా కించపరిచినా పట్టించుకోకుండా తన లక్ష్యం వైపే దృష్టి పెడుతుంది. ఫస్ట్ డే షూటింగ్‌‌‌‌లో చాలా టెన్షన్‌‌‌‌ పడ్డా.  

దుల్కర్ చాలా సపోర్ట్ చేశారు. అలాగే శ్రుతి హాసన్, రుహాని శర్మల నుంచి చాలా నేర్చుకున్నా.  యూఎస్‌‌‌‌లో పుట్టి పెరిగిన నాకు విలేజ్ అమ్మాయిగా ఈ ట్రాన్స్‌‌‌‌ఫర్మేషన్ ఛాలెంజింగ్‌‌‌‌గా అనిపించింది. స్కూల్ డ్రెస్ లో చూసుకుని సర్‌‌‌‌ప్రైజ్ అయ్యా.  నా లైఫ్‌‌‌‌లో ఎప్పుడూ అనుభవించని ఒక పాత్రను ఎక్స్‌‌‌‌పీరియన్స్ చేయడం కొత్తగా ఉంది.  ఆ పాత్రలో చాలా మ్యాజిక్ ఉంది.  నటిగా అనేక పాత్రల్లో జీవించడం అనేది కేవలం సినిమా ఇచ్చే మ్యాజిక్. ప్రతి మగాడి విజయం వెనుక ఒక మహిళ ఉంటుందని అంటారు. 

ఈ సినిమాలో ఓ అమ్మాయి విజయం వెనుక గొప్ప మనసున్న అబ్బాయి ఉంటాడు. నా దృష్టిలో ఇవి రెండూ ఉండాలి. ఒకరినొకరు ప్రోత్సహించుకుంటూ ముందుకు వెళ్తే జీవితం చాలా అందంగా ఉంటుంది. ఈ సినిమా ఖచ్చితంగా గొప్ప అనుభూతిని పంచుతుంది’’ 

హైదరాబాద్: కుత్బుల్లాపూర్ పరిధిలోని దుండిగల్ పోలీస్ స్టేషన్ పరిధిలో భారీ అగ్ని ప్రమాదం చోటుచేసుకుంది. బౌరంపేట బొడ్రాయి సమీపంలో పార్క్ చేసి ఉంచిన ప్రైవేట్ ట్రావెల్స్ బస్సుల్లో ఒక్కసారిగా మంటలు చెలరేగాయి. ఈ ఘటనలో మొత్తం ఐదు బస్సులు అగ్నికి ఆహుతయ్యాయి.

ఆదివారం తెల్లవారుజామున సుమారు ఒంటి గంట సమయంలో ఈ ప్రమాదం జరిగినట్లు సమాచారం. తొలుత ఒక బస్సులో మంటలు చెలరేగగా, పక్కపక్కనే ఇతర వాహనాలు పార్క్ చేసి ఉండటంతో మంటలు వేగంగా వ్యాపించాయి. దీంతో మూడు బస్సులు పూర్తిగా దగ్ధం కాగా, మరో రెండు వాహనాలు కూడా మంటల్లో చిక్కుకుని ధ్వంసమయ్యాయి.

సమాచారం అందుకున్న అగ్నిమాపక సిబ్బంది వెంటనే ఘటనా స్థలానికి చేరుకుని మంటలను అదుపులోకి తీసుకొచ్చారు. ప్రాథమికంగా షార్ట్ సర్క్యూట్ కారణంగా అగ్ని ప్రమాదం జరిగి ఉండవచ్చని అగ్నిమాపక సిబ్బంది అనుమానిస్తున్నారు.

మరోవైపు దుండిగల్ పోలీసులు ఘటనాస్థలానికి చేరుకుని వివరాలు సేకరించారు. ఈ ఘటనపై కేసు నమోదు చేసి దర్యాప్తు చేస్తున్నారు. అగ్ని ప్రమాదానికి అసలు కారణాలు పోలీసుల విచారణలో తేలాల్సి ఉంది.

హైదరాబాద్, వెలుగు: దేశ భవిష్యత్తును తీర్చిదిద్దడంలో యువత కీలక పాత్ర పోషించాలని, పెద్ద సంఖ్యలో వారు రాజకీయాల్లోకి రావాలని వక్తలు పిలుపునిచ్చారు. శనివారం హైదరాబాద్ హైటెక్స్‌‌‌‌‌‌‌‌‌‌‌‌‌‌‌‌లో భారత్ సమిట్ రెండో రోజు సదస్సులో ‘తెలంగాణ రైజింగ్, యూత్ అండ్ పాలిటిక్స్ ఆఫ్ టుమారో’ అంశంపై ప్యానెల్ డిస్కషన్ జరిగాయి. యూత్ కాంగ్రెస్ ఇన్‌‌‌‌‌‌‌‌‌‌‌‌‌‌‌‌చార్జ్ మనీష్ శర్మ మోడరేటర్‌‌‌‌‌‌‌‌‌‌‌‌‌‌‌‌గా వ్యవహరించిన ఈ చర్చలో పలువురు మంత్రి, ఎంపీలు, కాంగ్రెస్ నేతలు పాల్గొన్నారు.  

నిరంతర అధ్యయనం అవసరం: అజారుద్దీన్

రాజకీయాల్లోకి వచ్చే యువత నిరంతరం నేర్చుకుంటూ ఉండాలని, సమాజంలో ఏది తప్పు, ఏది ఒప్పు అని విశ్లేషించేందుకు కనీస విద్య అవసరమని మంత్రి అజారుద్దీన్ పేర్కొన్నారు.  క్రికెట్ మౌలిక వసతులు గతంతో పోలిస్తే మెరుగుపడినా.. హాకీ, ఫుట్‌‌‌‌‌‌‌‌‌‌‌‌‌‌‌‌బాల్ లాంటి ఇతర క్రీడలకు, గ్రామీణ, జిల్లాస్థాయి క్రీడాకారులకు మరింత ప్రోత్సాహం కావాలన్నారు. హైదరాబాద్‌‌‌‌‌‌‌‌‌‌‌‌‌‌‌‌లో వసతి, ప్రయాణ సాయం, మెరుగైన శిక్షణ అందిస్తే అద్భుతాలు సాధిస్తారని, సీఎం రేవంత్ రెడ్డికి క్రీడలపై ఉన్న ప్రత్యేక ఆసక్తి యువతకు ఎంతో మేలు చేస్తుందని ఆశాభావం వ్యక్తం చేశారు.

తెలంగాణ స్పోర్ట్స్ పాలసీ దేశంలోనే బెస్ట్: జితేందర్ రెడ్డి

క్రీడలను వినోదంగా కాకుండా యువత అభివృద్ధి, ఉపాధి కల్పన, నాయకత్వ నిర్మాణ మార్గంగా రాష్ట్ర ప్రభుత్వం చూస్తోందని ఢిల్లీలో తెలంగాణ ప్రభుత్వ ప్రత్యేక ప్రతినిధి జితేందర్ రెడ్డి అన్నారు. తెలంగాణ స్పోర్ట్స్ పాలసీ–2025 దేశంలోనే అత్యుత్తమంగా ఉందని, ఒలింపిక్స్‌‌‌‌‌‌‌‌‌‌‌‌‌‌‌‌లో స్వర్ణం సాధిస్తే రూ.6 కోట్లు, రజతానికి రూ.4 కోట్లు, కాంస్యానికి రూ.2.5 కోట్ల నగదు ప్రోత్సాహకం అందిస్తున్నామన్నారు. రాష్ట్రవ్యాప్తంగా 17,274 గ్రామీణ క్రీడా మైదానాలు, మండల స్థాయిలో ఇండోర్ స్టేడియాలు, ఇంటర్ తర్వాత యువత కోసం ప్రత్యేకంగా ‘స్కిల్ అండ్ స్పోర్ట్స్ యూనివర్సిటీ’ ఏర్పాటు చేస్తున్నామని వెల్లడించారు.

విద్యార్థి ఎన్నికలు తప్పనిసరి: ఎంపీ అనిల్ 

కాలేజీలు, యూనివర్సిటీల్లో విద్యార్థి సంఘాల ఎన్నికలను తప్పనిసరి చేయాలని రాజ్యసభ ఎంపీ అనిల్ కుమార్ యాదవ్ డిమాండ్ చేశారు. స్కూల్ స్థాయి నుంచే ఎన్నికల ప్రక్రియపై అవగాహన కల్పిస్తే స్థానిక, జాతీయ సమస్యలను అర్థం చేసుకుని సమర్థవంతమైన నాయకులుగా ఎదుగుతారన్నారు. 

యువ ఎంపీల వాటా తగ్గింది: బ్రిజేంద్ర, మనీష్ శర్మ
లోక్‌‌‌‌‌‌‌‌‌‌‌‌‌‌‌‌సభలో 25 నుంచి 40 ఏళ్ల వయసున్న యువ ఎంపీల వాటా 1957లో 34 శాతంగా ఉండగా.., 2024 నాటికి అది 11 శాతానికి పడిపోవడం ఆందోళనకరమని ఏఐసీసీ ఉపాధ్యక్షుడు బ్రిజేంద్ర సింగ్ అన్నారు. యూనివర్సిటీల్లో విద్యార్థి సంఘాల ఎన్నికలు నిలిచిపోవడంతో కొత్త నాయకత్వం ఎదగడం లేదన్నారు. హర్యానా తరహాలో క్రీడాకారులకు ఉద్యోగాలు, ప్రోత్సాహకాలు ఇస్తే దేశం మరింత పురోగమిస్తుందని సూచించారు. దేశ జనాభాలో యువత వాటా 60 శాతం ఉన్నప్పటికీ, ఎంపీల సగటు వయసు 55 ఏళ్లుగా ఉండటం విచారకరమని మోడరేటర్ మనీష్ శర్మ పేర్కొన్నారు.

అశోక్ గల్లా, శ్రీ గౌరీ ప్రియ జంటగా కొత్త దర్శకుడు  ఉద్భవ్ రఘు రూపొందిస్తున్న చిత్రం ‘విసా : వింటారా సరదాగా’. నాగవంశీ, సాయి సౌజన్య నిర్మిస్తున్నారు. ఈ చిత్రాన్ని న్యూ ఇయర్ ట్రీట్‌గా జనవరి 1న విడుదల చేయనున్నట్టు మేకర్స్ ప్రకటించారు.  అమెరికా బ్యాక్‌డ్రాప్‌లో  లవ్, ఫ్రెండ్‌షిప్, ఎంటర్‌‌టైన్‌మెంట్ సహా అన్ని  ఎలిమెంట్స్‌తో ఈ చిత్రాన్ని తెరకెక్కిస్తున్నట్టు తెలియజేశారు.   

ఉన్నతమైన కలలను సాకారం చేసుకోవాలనే లక్ష్యంతో  స్వదేశాన్ని విడిచి అమెరికాకు వెళ్లిన తెలుగు విద్యార్థుల జీవితాల చుట్టూ కథనం సాగుతుందని చెప్పారు.  రాహుల్ విజయ్, శివాత్మిక రాజశేఖర్, హర్ష చెముడు, సత్య, గుండు సుదర్శన్  కీలక పాత్రలు పోషిస్తున్నారు.  విజయ్ బుల్గానిన్ సంగీతం అందిస్తున్నాడు. ఇప్పటికే విడుదలైన టీజర్, రెండు పాటలు  సినిమాపై  ఆసక్తిని పెంచాయి. 

అనీష్, అనస్వర రాజన్ జంటగా మహేష్ ఉప్పల తెరకెక్కించిన చిత్రం ‘ఇట్లు అర్జున’. నాగార్జున సమర్పణలో వెంకీ కుడుముల నిర్మించారు. ఇటీవల విడుదలైన ఈ చిత్రానికి లభిస్తున్న రెస్పాన్స్‌‌‌‌ గురించి తెలియజేసేందుకు ప్రెస్‌‌‌‌మీట్ నిర్వహించారు. కింగ్ నాగార్జున మాట్లాడుతూ ‘మాటలు రాని హీరోతో ఒక కథ చెప్పడం ఈజీ కాదు. మహేష్ చాలా బాగా తీశాడు. 

రోజురోజుకీ వర్డ్ ఆఫ్ మౌత్ పెరుగుతోంది. నిర్మాతగా వెంకీ ప్రొడక్షన్‌‌‌‌ను బాగా హ్యాండిల్ చేశాడు. అనస్వర పెర్ఫార్మెన్స్‌‌‌‌కు నేను ఫ్యాన్‌‌‌‌ అయిపోయా. ఇక అనీష్‌‌‌‌ హీరోగా పాస్ అయ్యాడు.  తన విషయంలో నాకు చాలా గర్వంగా ఉంది. నేను ఈ సినిమాను ప్రజెంట్ చేసినందుకు నా మాట నిలబెట్టారు. ఇది టీమ్ అందరి విజయం’ అని చెప్పారు.

  క్లైమాక్స్‌‌‌‌లో ఆడియన్స్‌‌‌‌ చప్పట్లు కొడుతుంటే తొలి సినిమా నటుడిగా ఎంతో ఆనందమేసిందని, ఆ క్రెడిట్ దర్శకుడిదని, లవ్‌‌‌‌స్టోరీతో పాటు యాక్షన్‌‌‌‌ను  ప్రేక్షకులు ఎంజాయ్ చేస్తున్నారని హీరో అనీష్‌‌‌‌ చెప్పాడు.  హీరోయిన్ అనస్వర రాజన్, దర్శకుడు మహేష్ ఉప్పల,  నిర్మాత వెంకీ కుడుముల, మ్యూజిక్ డైరెక్టర్ తమన్ పాల్గొన్నారు.  
 - నాగార్జున

గండిపేట, వెలుగు: ఇండిగో విమానానికి బాంబు బెదిరింపు కలకలం సృష్టించింది. కేరళంలోని కన్నూర్​నుంచి శంషాబాద్‌‌‌‌‌‌‌‌ విమానాశ్రయానికి శనివారం ఉదయం 10.40 గంటలకు ఇండిగో విమానం వచ్చింది. అందులో సిబ్బంది సాధారణ భద్రతా తనిఖీలు చేపడుతుండగా.. ఈ విమానంలో బాంబు ఉందని గుర్తు తెలియని వ్యక్తి రాసిన కాగితం బాత్రూమ్​లో కనిపించింది. దీంతో ప్రయాణికులను దింపి, విమానాన్ని క్షుణ్ణంగా తనిఖీ చేశారు. అనుమానాస్పద వస్తువులేవీ కనిపించలేదు. ఇది ఆకతాయిల పనా లేక కుట్ర కోణం ఏమైనా ఉందా అనే విషయమై పోలీసులు ఆరా తీస్తున్నారు.  

ప్రయాణికుడి బ్యాగులో లైవ్ బుల్లెట్.. శంషాబాద్ ఎయిర్​పోర్టులో కలకలం 

శంషాబాద్‌‌‌‌‌‌‌‌ విమానాశ్రయంలో భద్రతా తనిఖీల సమయంలో ఓ ప్రయాణికుడి బ్యాగులో లైవ్ బుల్లెట్ లభించడం తీవ్ర కలకలం రేపింది. శనివారం ఉదయం 7.34 గంటలకు చెక్‌‌‌‌‌‌‌‌-ఇన్ బ్యాగేజీ స్క్రీనింగ్ చేస్తుండగా ఈ ఘటన జరిగింది. మస్కట్ నుంచి హైదరాబాద్ మీదుగా గోరఖ్‌‌‌‌‌‌‌‌పూర్‌‌‌‌‌‌‌‌కు ఇండిగో విమానంలో ప్రయాణిస్తున్న రంగ్ లాల్ అనే ప్రయాణికుడి లగేజీలో 9 ఎంఎం లుగర్ రకానికి చెందిన ఒక తూటాను సిబ్బంది గుర్తించారు. 

కౌంటర్ వద్ద ఎలాంటి అనుమతి పత్రాలు చూపకపోవడంతోపాటు, తూటా గురించి ముందస్తుగా వెల్లడించలేదు. దీంతో భద్రతా సిబ్బంది బుల్లెట్‌‌‌‌‌‌‌‌ను స్వాధీనం చేసుకుని, ప్రయాణికుడిని తదుపరి చర్యల కోసం ఆర్జీఐఏ పోలీసులకు అప్పగించారు. కేసు దర్యాప్తు చేస్తున్నట్లు పోలీసులు పేర్కొన్నారు.
 

ఎవరూ ఊహించని కొత్త కాంబినేషన్‌‌‌‌ను తెరపైకి తెచ్చి సర్‌‌‌‌‌‌‌‌ప్రైజ్ చేశారు జూనియర్ ఎన్టీఆర్. అనిల్ రావిపూడి డైరెక్షన్‌‌‌‌లో తాను నటించబోతున్నట్టు శనివారం (2026 నవంబర్ 15) ఆయన ప్రకటించారు. నవ్వుల విందుకు సిద్ధమవ్వండి అంటూ సోద‌‌‌‌రుడు క‌‌‌‌ళ్యాణ్ రామ్‌‌‌‌, దర్శకుడు అనిల్‌‌‌‌ రావిపూడితో కలిసి దిగిన ఫొటోస్‌‌‌‌ను తారక్‌‌‌‌ సోషల్‌‌‌‌మీడియా వేదికగా పంచుకున్నారు.  

త్రివిక్రమ్‌‌‌‌ డైరెక్షన్‌‌‌‌లో చేయబోయే ‘గాడ్ ఆఫ్‌‌‌‌ వార్‌‌‌‌‌‌‌‌’ ప్రాజెక్ట్‌‌‌‌కు సంబంధించిన క్లారిటీ ఇచ్చి ఇరవై నాలుగు గంటలు తిరక్కముందే ఈ కొత్త ప్రాజెక్ట్‌‌‌‌ను అనౌన్స్‌‌‌‌ చేయడం విశేషం. ఎన్టీఆర్ ఆర్ట్స్ బ్యాన‌‌‌‌ర్‌‌‌‌పై  ఈ సినిమాను నిర్మించబోతున్న కళ్యాణ్​ రామ్.. తన డ్రీమ్ కాంబినేషన్‌‌‌‌ ఇదని చెప్పారు. 

 ‘పటాస్‌‌‌‌’తో అనిల్ రావిపూడికి దర్శకుడిగాతొలి ఛాన్స్‌‌‌‌ ఇచ్చింది కళ్యాణ్‌‌‌‌ రామ్ అనే విషయం తెలిసిందే. ఎన్టీఆర్‌‌‌‌‌‌‌‌కు ఉన్న మాస్‌‌‌‌ ఇమేజ్‌‌‌‌తో పాటు ఆయనలోని కామెడీ టైమింగ్‌‌‌‌కు తగ్గట్టుగా అనిల్‌‌‌‌ రావిపూడి మార్క్‌‌‌‌ ఎంటర్‌‌‌‌‌‌‌‌టైనర్‌‌‌‌‌‌‌‌ రాబోతోందని సమాచారం. సంక్రాంతి తర్వాత ఈ సినిమా పట్టాలెక్కే అవకాశాలు కనిపిస్తున్నాయి. మరోవైపు ‘డ్రాగన్‌‌‌‌’ షూటింగ్‌‌‌‌తో బిజీగా ఉన్న ఎన్టీఆర్.. త్రివిక్రమ్ డైరెక్షన్‌‌‌‌లో ‘గాడ్ ఆఫ్‌‌‌‌ వార్‌‌‌‌‌‌‌‌’లో నటించనున్నారు. 
 

మియాపూర్, వెలుగు: మియాపూర్ పోలీస్ స్టేషన్ పరిధిలోని హఫీజ్‌‌‌‌‌‌‌‌పేట్ ఫ్లైఓవర్ సమీపంలో గల ఓ పెయింటింగ్ దుకాణంలో శనివారం తెల్లవారుజామున భారీ అగ్నిప్రమాదం జరిగింది. రాజస్థాన్‌‌‌‌‌‌‌‌కు చెందిన హీర్ సింగ్ నిర్వహిస్తున్న ఈ షాపులో ఒక్కసారిగా మంటలు చెలరేగాయి. ఆ సమయంలో లోపల ఉన్న ఇద్దరు వ్యక్తులు అప్రమత్తమై ప్రాణాలతో బయటపడ్డారు. 

సమాచారం అందుకున్న పటాన్‌‌‌‌‌‌‌‌చెరు, కూకట్‌‌‌‌‌‌‌‌పల్లి ఫైర్ సిబ్బంది ఘటనాస్థలికి చేరుకుని మంటలను అదుపులోకి తెచ్చారు. ఈ ప్రమాదంలో దుకాణంతోపాటు వెనక ఉన్న గోదాంలోని రూ.60 లక్షల విలువైన పెయింటింగ్ సామగ్రి పూర్తిగా దగ్ధమైంది. పక్కనే ఇతర భవనాలు ఉండటంతో స్థానికులు తీవ్ర భయాందోళనకు గురయ్యారు. అయితే, సకాలంలో మంటలు ఆర్పడంతో పెను ప్రమాదం తప్పింది. ఈ ఘటనలో ఎలాంటి ప్రాణనష్టం జరగలేదని, బాధితుడి ఫిర్యాదు మేరకు కేసు దర్యాప్తు చేస్తున్నట్లు పోలీసులు తెలిపారు.

• అమెరికాలోని మిస్సిస్సిపీ నదిలో ఘటన

న్యూఆర్లీన్స్: అమెరికాలోని లూసియానా రాష్ట్రం న్యూఆర్లీన్స్‌‌‌‌‌‌‌‌లో ఓ క్రూయిజ్ షిప్ ను మరో ట్యాంకర్ నౌక ఢీ కొట్టింది. మిస్సిస్సిపీ నదిలో ప్రయాణిస్తుండగా చోటుచేసుకున్న ఈ ప్రమాదంలో 32 మంది గాయపడ్డారు. వారందరినీ తక్షణమే స్థానిక ఆస్పత్రులకు తరలించి చికిత్స అందిస్తున్నారు. పోర్టు అధికారుల కథనం ప్రకారం.. 129 మంది ప్రయాణికులతో వెళ్తున్న ‘అమెరికన్ హెరిటేజ్’ పాడిల్‌‌‌‌‌‌‌‌ షిప్​ను శుక్రవారం మధ్యాహ్నం అదుపుతప్పిన ‘అట్లాంటిక్ ఆస్ఫాల్ట్’ ట్యాంకర్ నౌక ఢీకొట్టింది. 

ప్రయాణికులను దించేందుకు డాక్ వద్దకు చేరుకుంటున్న సమయంలో ప్రమాదం జరగడంతో షిప్ ఒక్కసారిగా పక్కకు ఒరిగి నీటిలో మునిగిపోయింది. వెంటనే షిప్​లోని ప్రయాణికులు నీటిలో పడిపోయారు. రెస్క్యూ సిబ్బంది వెంటనే రంగంలోకి దిగి ప్రయాణికులను కాపాడి ఒడ్డుకు చేర్చారు. 

పోర్టు పోలీసులు, అగ్నిమాపక సిబ్బంది, కోస్ట్ గార్డ్ అధికారులు తక్షణమే స్పందించి సహాయక చర్యలు చేపట్టారు. పోర్టు అడ్మినిస్ట్రేషన్ బిల్డింగ్‌‌‌‌‌‌‌‌లో ప్రత్యేక వైద్య శిబిరాన్ని ఏర్పాటుచేసి క్షతగాత్రులకు ప్రథమ చికిత్స అందించారు. ప్రమాద తీవ్రత కారణంగా నదిలో నౌకల రాకపోకలను అధికారులు తాత్కాలికంగా నిలిపివేశారు. ట్యాంకర్ అదుపుతప్పడానికి గల కారణాలపై ప్రస్తుతం దర్యాప్తు కొనసాగుతోంది. 

న్యూఢిల్లీ: దేశ రాజధాని ఢిల్లీలో కాలుష్యం కోరలు చాచి, గాలి నాణ్యత పూర్తిగా క్షీణించడంతో రాజకీయ దుమారం రేగింది. వాయు కాలుష్య కట్టడిలో విఫలమైందంటూ కేంద్ర ప్రభుత్వంపై కాంగ్రెస్ పార్టీ తీవ్రస్థాయిలో విరుచుకుపడింది. ప్రధాని నరేంద్ర మోదీ గతంలో ఇచ్చిన ‘అబ్ కీ బార్.. 400 పార్’ నినాదాన్ని కాంగ్రెస్ నేతలు వ్యంగ్యాస్త్రంగా సంధించారు. ఆ నినాదం ఎన్నికల్లో కాలేదు కానీ  ఇప్పుడు ఢిల్లీ వాయుకాలుష్య సూచీ విషయంలో నిజమైందని, ఏక్యూఐ 400 మార్కును దాటి ‘తీవ్రమైన’ స్థాయికి చేరిందని ఎద్దేవా చేశారు.

ప్రజారోగ్యంపై తీవ్ర ప్రభావం

ఢిల్లీ ప్రపంచంలోనే అత్యంత కాలుష్య నగరాల్లో ఒకటిగా మారిపోయిందని కాంగ్రెస్ ఆందోళన వ్యక్తంచేసింది. ఈ కాలుష్య కోరల్లో చిక్కుకుని చిన్నారులు, వృద్ధులు ఇబ్బందులు పడుతున్నారని, శ్వాసకోశ సంబంధిత సమస్యలతో ఆస్పత్రులలో చేరుతున్న వారి సంఖ్య రోజురోజుకూ పెరుగుతోందని ఆ పార్టీ నేతలు ఆందోళన వ్యక్తం చేశారు. కేంద్ర, రాష్ట్ర ప్రభుత్వాలు కాలుష్య కట్టడిలో విఫలమయ్యాయని విమర్శించారు.

అధికారుల ఉన్నతస్థాయి సమీక్ష

క్షీణిస్తున్న వాయు నాణ్యతపై కేంద్ర ప్రభుత్వం అప్రమత్తమైంది. కేంద్ర పర్యావరణ మంత్రి భూపేందర్ యాదవ్ అధ్యక్షతన ఢిల్లీ, హర్యానా, ఉత్తరప్రదేశ్, రాజస్థాన్ రాష్ట్రాల అధికారులతో ఉన్నత స్థాయి సమావేశం జరిగింది. కాలుష్యానికి సరిహద్దులు ఉండవని స్పష్టం చేసిన కేంద్రం.. పొరుగు రాష్ట్రాలు మరింత బాధ్యతాయుతంగా వ్యవహరించాలని ఆదేశించింది. గ్రేడెడ్ రెస్పాన్స్ యాక్షన్ ప్లాన్ (గ్రాప్) నిబంధనలను కఠినంగా అమలు చేయాలని, బహిరంగంగా వ్యర్థాలను కాల్చడాన్ని అరికట్టడం వంటి చర్యలపై ప్రత్యేక దృష్టి పెట్టాలని ఆయా రాష్ట్రాలను కోరింది. 

కంటోన్మెంట్, వెలుగు: కంటోన్మెంట్ పరిధిలోని అన్నానగర్ వార్డు 3లోని బాలజ్యోతి ప్రభుత్వ పాఠశాలలో శనివారం చిల్డ్రన్స్ డే ఘనంగా నిర్వహించారు. ఎన్ఎస్ యూఐ కంటోన్మెంట్ ప్రెసిడెంట్ ఆదిత్య యాదవ్ విద్యార్థులకు స్టేషనరీ పంపిణీ చేశారు. 

మన దేశ మొదటి ప్రధాని నెహ్రూ పిల్లల పట్ల ప్రేమ, విద్యా వికాసానికి ప్రాధాన్యత ఇచ్చారని కొనియాడారు. కార్యక్రమంలో నాయకులు మహేశ్ యాదవ్, పరమేశ్ బాలమ్రాయ్, మురళి, ఎండీ అస్గర్, శివ ముదిరాజ్, జేపీ బాబు తదితరులు పాల్గొన్నారు.

టెక్సాస్: స్టార్‌‌‌‌‌‌‌‌షిప్ రాకెట్‌‌‌‌‌‌‌‌ను సురక్షితంగాభూమికి వెనక్కి రప్పించాలన్న స్పేస్-ఎక్స్ ప్రయత్నానికి శుక్రవారం భారీ ఎదురుదెబ్బ తగిలింది. టెక్సాస్‌‌‌‌‌‌‌‌లోని లాంచ్ ప్యాడ్ నుంచి నింగిలోకి దూసుకెళ్లిన తర్వాత, మొదటి దశ బూస్టర్ తిరిగి ప్యాడ్‌‌‌‌‌‌‌‌పైకి రావాల్సి ఉండగా సాంకేతిక కారణాలతో దానిని సముద్రం వైపు మళ్లించారు. దీంతో అది గల్ఫ్‌‌‌‌‌‌‌‌ ఆఫ్ మెక్సికోలో కూలి పేలిపోయింది. అయితే, ఈ ఆటంకం ఎదురైనప్పటికీ స్పేస్‌‌‌‌‌‌‌‌క్రాఫ్ట్ మాత్రం భూకక్ష్యలోకి దూసుకెళ్లింది. 

ఆర్బిట్‌‌‌‌‌‌‌‌లోకి చేరిన కొద్దిసేపటికే 26 అధునాతన స్టార్‌‌‌‌‌‌‌‌లింక్ ఉపగ్రహాలను ఈ వ్యోమనౌక ప్రవేశపెట్టింది. ఈ స్పేస్‌‌‌‌‌‌‌‌క్రాఫ్ట్ సుమారు 275 కిలోమీటర్ల ఎత్తులో భూమి చుట్టూ15సార్లు  ప్రదక్షిణలు చేయనుంది. అవాంతరాలు తలెత్తకపోతే 22 గంటల ప్రయాణం తర్వాత శనివారం ఇది లాంచ్ ప్యాడ్ వైపు తిరిగి రానుంది. భూకక్ష్య నుంచి తిరిగి వస్తున్న వ్యోమనౌకను లాంచ్ టవర్‌‌‌‌‌‌‌‌కు అమర్చిన మెకానికల్ ఆర్మ్స్ సహాయంతో గాలిలోనే ఒడిసిపట్టేందుకు స్పేస్-ఎక్స్ ప్రయత్నించడం ఇదే తొలిసారి. 

బూస్టర్ కూలిపోవడంతో రెండు భాగాలను ఒకేసారి ఒడిసిపట్టాలన్న స్పేస్ ఎక్స్ ఆశ నెరవేరలేదు. భవిష్యత్తులో రాకెట్లను రీయూజబుల్ చేసుకోవాలనే ఉద్దేశంతో ప్రతి భాగాన్ని సేఫ్​గా వెనక్కి రప్పించాలన్నది స్పేస్-ఎక్స్ లక్ష్యం. చంద్రుడిపై స్థావరాల నిర్మాణం, మార్స్ యాత్రలకు ఇలా వేగంగా ప్రయోగాలు చేయగల రాకెట్టు అవసరమని స్పేస్ఎక్స్ భావిస్తోంది. అమెరికా, మెక్సికో సరిహద్దులోని స్టార్‌‌‌‌‌‌‌‌బేస్ వద్ద గతంలో మూడుసార్లు బూస్టర్లను విజయవంతంగా పట్టుకున్న నేపథ్యంలో శుక్రవారం నాటి వైఫల్యం ఆశ్చర్యం కలిగించింది.

•     ఔట్‌‌లుక్‌‌, టీమ్స్‌‌, కోపైలట్‌‌ సహా అన్ని సేవలు ప్రారంభం
•     70కి పైగా దేశాల్లో వ్యాపార, విమాన సేవలకు అంతరాయం
•     నెట్‌‌వర్క్‌‌ అప్‌‌గ్రేడ్‌‌లో సాంకేతిక లోపమే కారణమన్న సంస్థ
•     సైబర్‌‌ దాడి, ఏఐ సమస్య కాదని స్పష్టీకరణ

న్యూఢిల్లీ: ప్రపంచవ్యాప్తంగా 70కిపైగా దేశాల్లో 36 గంటలకు పైగా తీవ్ర అంతరాయానికి కారణమైన మైక్రోసాఫ్ట్​లో టెక్నికల్​సమస్యను ఆ సంస్థ పరిష్కరించింది. సమస్యను గుర్తించిన వెంటనే టెక్నికల్ బృందాలు రంగంలోకి దిగి, ఆ కాన్ఫిగరేషన్ మార్పులను వెనక్కి తీసుకున్నాయి. క్రమంగా సర్వర్లను సాధారణ స్థితికి తెచ్చామని మైక్రోసాఫ్ట్ తెలిపింది. ఔట్‌‌లుక్‌‌, మైక్రోసాఫ్ట్‌‌ టీమ్స్‌‌, కోపైలట్‌‌ సహా ‘మైక్రోసాఫ్ట్‌‌ 365’కు చెందిన ఇతర సేవలన్నీ పునరుద్ధరించినట్లు వెల్లడించింది. సాంకేతిక సమస్య కారణంగా ఇబ్బందులు ఎదుర్కొన్న వారందరికీ సంస్థ క్షమాపణ తెలిపింది.

మైక్రోసాఫ్ట్​లో ఏం జరిగింది?

కంపెనీ గతంలో చేపట్టిన కెపాసిటీ అప్‌‌గ్రేడ్​లో ఏర్పడిన టెక్నికల్​ సమస్య ఇటీవల చేసిన నెట్‌‌వర్క్‌‌ మార్పుతో బయటపడినట్లు మైక్రోసాఫ్ట్‌‌ వెల్లడించింది. దీంతో కొన్ని సర్వర్లు అందుబాటులో లేకుండా పోయాయని, మిగిలిన సర్వర్లపై ఒత్తిడి పెరిగిందని వెల్లడించింది. ఈ సమస్యలకు సైబర్‌‌ దాడితోగానీ, ఏఐతోగానీ సంబంధం లేదని సంస్థ స్పష్టం చేసింది. అయితే సర్వర్లను తిరిగి అందుబాటులోకి తీసుకురావడంతోనే సమస్య పూర్తిగా పరిష్కారం కాలేదు. అంతరాయం సమయంలో డెలివరీ కాని ఈ-మెయిల్స్‌‌ భారీగా పేరుకుపోవడంతో కొత్త సమస్య ఏర్పడింది. దీంతో ఈ -మెయిల్‌‌ టైమ్‌‌ ఔట్‌‌ గడువును 48 గంటలకు పెంచారు.

ఇండియాలో విమాన రాకపోకలపై ఎఫెక్ట్​

మైక్రోసాఫ్ట్​సమస్య భారత్‌‌లో ఇండిగో విమానయాన సంస్థపై ప్రభావం చూపింది. ఈ-మెయిల్‌‌ డెలివరీ కానీ ప్రయాణికులు వెబ్‌‌సైట్‌‌ లేదా యాప్‌‌ను వినియోగించాలని సూచించింది. ఇక ఓపెన్‌‌ ఏఐ, ఆంత్రోపిక్‌‌ సంస్థలు కూడా మైక్రోసాఫ్ట్‌‌ 365 కనెక్టర్లలో సమస్యలు ఎదురైనట్లు తెలిపాయి. 
 

 కుత్బుల్లాపూర్, వెలుగు: బాచుపల్లిలోని వాసవి అర్బన్ ఫ్లాట్ల బాధితులు శనివారం మరోసారి రోడ్డెక్కారు. పూర్తి డబ్బులు చెల్లించినప్పటికీ ఫ్లాట్లు ఇవ్వకుండా ఏండ్ల తరబడి వేధిస్తున్నారంటూ ఆందోళన చేపట్టారు. సుమారు 3 వేల మంది నుంచి రూ.1,500 కోట్లు వసూలు చేసి, ఫ్లాట్లను 2024లోనే అప్పగిస్తామని చెప్పి ఇప్పటికీ ఇవ్వలేదని ఆవేదన వ్యక్తం చేశారు. ఆందోళన చేసిన ప్రతీసారి 6 నెలల్లో ఇస్తామని నమ్మిస్తూ ఇప్పటివరకు 8 సార్లు మాట తప్పారన్నారు. 

ఒకవైపు ఈఎంఐలు, మరోవైపు అద్దెలు కడుతూ నరకయాతన అనుభవిస్తున్నామని వాపోయారు. నిరసన సమయంలో నిర్వాహకులు దురుసుగా ప్రవర్తించడంతో ఉద్రిక్తత చోటుచేసుకుంది. వాసవి అర్బన్ నిర్వాహకులపై క్రిమినల్ కేసులు నమోదు చేసి, భారీ జరిమానా విధించాలని బాధితులు ప్రభుత్వాన్ని డిమాండ్ చేశారు.

మల్కాజ్​గిరి, వెలుగు: వివాదంలో ఉన్న భూమిని ఎటువంటి సమస్యలు లేవని అమాయకులకు నమ్మబలికి, ప్లాట్లుగా విక్రయించి మోసాలకు పాల్పడుతున్న ఓ భూ కబ్జాదారుడిపై మల్కాజ్​గిరి పోలీసులు పీడీ యాక్ట్​ప్రయోగించారు. మేడ్చల్–మల్కాజ్​గిరి జిల్లాలోని ఉప్పల్ రాఘవేంద్ర కాలనీకి చెందిన పంజాల జైహింద్ గౌడ్ ను శుక్రవారం అరెస్ట్​చేసి, చర్లపల్లి కేంద్ర కారాగారానికి తరలించినట్లు తెలిపారు.

 రాంపల్లిలోని సర్వే నంబర్ 268, బ్లాక్ ఇ పరిధిలోని 10 ఎకరాల 08 గుంటల వివాదాస్పద భూమికి సంబంధించి నిందితుడు తన అనుచరుడు రాజా లింగారెడ్డితో కలిసి కుట్రకు పాల్పడ్డాడు. ఈ భూమిపై రిజిస్టర్డ్ సేల్ డీడ్ పొందిన జైహింద్ గౌడ్, తొలుత దానిని రతన్ లాల్, ముఖేశ్​అగర్వాల్‌‌‌‌‌‌‌‌లకు విక్రయించాడు. అయితే, ఆ భూమిపై ముందే వివాదం ఉన్నట్లు తెలుసుకున్న కొనుగోలుదారులు దాన్ని తీసుకునేందుకు నిరాకరించడంతో, వారి మధ్య రాజీ కుదిరి సేల్ డీడ్ రద్దయింది.

 సేల్ డీడ్ రద్దయినప్పటికీ, నిందితుడు కక్షపూరితంగా అదే వివాదాస్పద భూమిలో అనధికారికంగా లేఅవుట్ వేశాడు. ప్లాట్లకు ఎలాంటి న్యాయపరమైన చిక్కులు లేవంటూ తన ఏజెంట్ల ద్వారా కొనుగోలుదారులను తప్పుదోవ పట్టించి పలువురిని మోసం చేశాడు. ఈ క్రమంలో 2026లో పోచారం ఐటీ కారిడార్ పోలీస్ స్టేషన్ పరిధిలో ఇతనిపై పలు కేసులు నమోదయ్యాయి. నిందితుడి నేరాల తీవ్రతను పరిగణలోకి తీసుకున్న మల్కాజ్​గిరి సీపీ సుమతి పీడీ చట్టం ప్రయోగిస్తూ ఉత్తర్వులు జారీ చేశారు. ప్రజలు ప్లాట్లు కొనే ముందు భూమికి సంబంధించిన అన్ని న్యాయపరమైన అంశాలను క్షుణ్ణంగా పరిశీలించుకోవాలని పోలీసులు సూచించారు.

• మేం రాజ్యాంగం వైపు.. వాళ్లు బిలియనీర్ల వైపు
• కొందరికే ఓటు హక్కు ఉండాలన్నది బీజేపీ ఆలోచన
• ఓటు హక్కు, సామాజిక న్యాయం కోసం రాహుల్ పోరాటం
• ప్రజాస్వామ్య పరిరక్షణకు ప్రపంచ శక్తులు ఏకం కావాలె
• వీసాలు రద్దు చేసినా మమ్మల్ని ఎవరూ ఆపలేరు
• భారత్ సమిట్ ముగింపు సభలో సీఎం రేవంత్ రెడ్డి

హైదరాబాద్, వెలుగు: రాహుల్ గాంధీ నాయకత్వంలోనే దేశంలో మార్పు వస్తుందని సీఎం రేవంత్ రెడ్డి అన్నారు. దేశంలో ప్రతి పౌరుడి ఓటు హక్కు కోసం, దళితులు, మైనారిటీలు, ఓబీసీల సామాజిక న్యాయం కోసం అలుపెరగని పోరాటం చేస్తున్నారని తెలిపారు. ప్రస్తుతం దేశంలో ప్రజాస్వామ్యానికి, నియంతృత్వానికి నడుమ పోరాటం జరుగుతోందన్నారు. తాము రాజ్యాంగం, చట్టబద్ధ పాలన కోసం నిలబడితే.. వాళ్లు బడా బాబులు, బిలియనీర్ల కోసం పనిచేస్తున్నారని విమర్శించారు. ప్రజాస్వామ్య విలువలు, రాజ్యాంగ హక్కులు, సామాజిక న్యాయాన్ని కాపాడుకునేందుకు వివిధ దేశాల ప్రజాస్వామ్య శక్తులన్నీ ఏకం కావాలని పిలుపునిచ్చారు. శనివారం హెచ్‌‌‌‌‌‌‌‌ఐసీసీలో జరిగిన రెండో అంతర్జాతీయ ‘భారత్ సమిట్’ ముగింపు సమావేశంలో లోక్‌‌‌‌‌‌‌‌సభ ప్రతిపక్ష నేత రాహుల్ తో కలిసి సీఎం పాల్గొని ప్రసంగించారు. రాష్ట్రానికి పెట్టుబడుల ఆకర్షణ, ప్రజాస్వామ్య విలువల పరిరక్షణ, విపక్షాల విమర్శలకు సమాధానం ప్రధాన అంశాలుగా ఆయన స్పీచ్ సాగింది.

వీసాలు రద్దు చేసినా మమ్మల్ని ఆపలేరు

భారత్ సమిట్‌‌‌‌‌‌‌‌కు 70 దేశాల నుంచి వెయ్యి మందికి పైగా ప్రతినిధులను ఆహ్వానిస్తే, కేంద్ర ప్రభుత్వం వారిలో చాలామందికి వీసాలు రద్దు చేసిందని సీఎం ఆరోపించారు. సదస్సుకు హాజరుకావాల్సిన దాదాపు 115 మంది విదేశీ ప్రతినిధులు వీసాలు పొందినప్పటికీ, కేంద్రం వారిని భారత్‌‌‌‌‌‌‌‌లోకి రాకుండా అడ్డుకుందని చెప్పారు. ఎన్ని ఆటంకాలు ఎదురైనా ప్రపంచవ్యాప్తంగా ప్రజలు తమ పోరాటాన్ని గమనిస్తున్నారని అన్నారు. ప్రశ్నలు అడగకూడదని భావించే ప్రధాని నియంతృత్వ ధోరణిని ప్రపంచం గమనిస్తోందని తీవ్రస్థాయిలో విమర్శించారు. సమ్మిట్‌‌‌‌‌‌‌‌కు వచ్చిన ప్రతినిధులు తెలంగాణకు బ్రాండ్ అంబాసిడర్లుగా మారతారని ఆశాభావం వ్యక్తం చేశారు. డిసెంబర్‌‌‌‌‌‌‌‌లో జరగనున్న ‘ఇన్వెస్ట్ తెలంగాణ గ్లోబల్ సమ్మిట్–2026’ కోసం దేశవ్యాప్తంగా ప్రచార కార్యక్రమాలు నిర్వహిస్తున్నామని చెప్పారు. తెలంగాణను 2034 నాటికి ట్రిలియన్ డాలర్ల, 2047 నాటికి 3 ట్రిలియన్ డాలర్ల ఆర్థిక వ్యవస్థగా తీర్చిదిద్దడమే తమ ప్రభుత్వ లక్ష్యమన్నారు. రాజకీయ విద్వేషాలు పక్కనపెట్టి రాష్ట్ర అభివృద్ధికి సహకరించాలని విపక్షాలకు పిలుపునిచ్చారు.

ప్రభుత్వాలు సామాన్యుల కోసం పనిచేయాలె

ప్రభుత్వాలు సంపన్నుల కోసం కాదు.. సామాన్యుల కోసం పనిచేయాలని సీఎం అన్నారు. తాము రాజ్యాంగం, చట్టబద్ధ పాలన, పర్యావరణ పరిరక్షణకు కట్టుబడి ఉంటే, ప్రత్యర్థులు నియంతృత్వాన్ని రుద్దాలని చూస్తున్నారని ఆరోపించారు. తమ ప్రభుత్వం పేదలు, మహిళలు, మైనారిటీలు, రైతుల సంక్షేమం కోసం పనిచేస్తుంటే, కేంద్రం సంపన్న మిత్రులను కాపాడుకుంటూ కొద్దిమంది చేతుల్లోనే అధికారాన్ని కేంద్రీకరిస్తోందని విమర్శించారు. అందరికీ సమాన అవకాశాలు కల్పించాలని తాము కోరుకుంటుంటే, ప్రత్యర్థులు వనరులను గుప్పిట్లో పెట్టుకోవాలని చూస్తున్నారని, పర్యావరణాన్ని నాశనం చేస్తున్నారని ఆరోపించారు. ప్రపంచీకరణ, కోవిడ్ తర్వాత అన్ని దేశాల్లోనూ ప్రాథమిక హక్కులపై దాడులు, విద్య, ఉపాధి, వైద్యం, ద్రవ్యోల్బణం వంటి ఒకే రకమైన సమస్యలు నెలకొన్నాయని వివరించారు. 

నెహ్రూ దార్శనికతతోనే బలమైన ప్రజాస్వామ్యం

భారత తొలి ప్రధాని జవహర్‌‌‌‌‌‌‌‌లాల్ నెహ్రూ 137వ జయంతి సందర్భంగా సీఎం ఆయన సేవలను స్మరించుకున్నారు. నేడు దేశంలో రాజ్యాంగబద్ధ ప్రజాస్వామ్య వ్యవస్థ ఇంత బలంగా ఉందంటే దానికి నెహ్రూ దార్శనికతే కారణమని కొనియాడారు. చర్చలు, సంప్రదింపుల ద్వారానే ప్రజాస్వామ్యం వర్ధిల్లుతుందని, కానీ కొందరు ఒకే వ్యక్తి ఆదేశాలతో పాలన సాగించాలని, అధికారాన్ని కొద్దిమంది చేతుల్లోనే కేంద్రీకరించాలని చూస్తున్నారని విమర్శించారు. ఒకే ఆలోచనా ధోరణి కలిగిన ప్రపంచ నాయకులు, మేధావులను ఒకే వేదికపైకి తీసుకురావడానికి ఈ సదస్సు గొప్ప వేదికగా నిలిచిందని పేర్కొన్నారు.
 
రాహుల్ పోరాటానికి అండగా నిలవాలె

ఓటు హక్కు పరిరక్షణ, దళిత, బహుజన, మైనారిటీల సామాజిక న్యాయం కోసం రాహుల్ గాంధీ చేస్తున్న పోరాటంలో అందరూ భాగస్వాములు కావాలని సీఎం పిలుపునిచ్చారు. దేశంలో కొంతమందికే ఓటు హక్కు ఉండాలన్నది బీజేపీ ఆలోచన అని, అందరికీ సమాన అవకాశాలు కల్పించాలన్నది తమ ధ్యేయమని అన్నారు. ‘దేశంలోని పౌరులందరి ఓటు హక్కు కోసం, సామాజిక న్యాయం కోసం రాహుల్ పోరాడుతున్నారు. ఆయనకు మద్దతుగా నిలబడుదాం. ప్రజాస్వామ్య పరిరక్షణకు ప్రపంచ శక్తులు ఏకం కావాలె’ అని పిలుపునిచ్చారు. సదస్సుకు హాజరైన 70 దేశాల ప్రతినిధులు హైదరాబాద్ సందేశాన్ని ప్రపంచవ్యాప్తంగా తీసుకెళ్లి, రాహుల్ గాంధీ నాయకత్వంలో మార్పు కోసం చేతులు కలపాలని కోరారు. ‘మీ కడుపులో విషం ఉండొచ్చు, కానీ దాన్ని రాష్ట్ర అభివృద్ధికి అడ్డుగా పెట్టొద్దు’ అని కేంద్ర ప్రభుత్వ తీరుపై సీఎం ఘాటుగా వ్యాఖ్యానించారు. 

న్యూఢిల్లీ: కోల్ ఇండియా అనుబంధ సంస్థ మహానది కోల్‌‌‌‌ఫీల్డ్స్ (ఎంసీఎల్‌‌‌‌) ఐపీఓ ఈ నెల 19న ప్రారంభమై 23న ముగుస్తుంది. ఇష్యూ సైజ్‌‌‌‌ రూ.9,500 కోట్లు.  పూర్తిగా ఆఫర్ ఫర్ సేల్ (ఓఎఫ్‌‌‌‌ఎస్‌‌‌‌) ద్వారా 66.18 కోట్ల షేర్లను విక్రయిస్తుండగా, ఈ నిధులన్నీ కోల్ ఇండియాకే వెళ్తాయి. 

యాంకర్ బుక్ నవంబర్ 18న తెరుచుకుంటుంది. షేర్ల కేటాయింపు 25న, స్టాక్ ఎక్స్ఛేంజీల్లో లిస్టింగ్ 27న జరగనుంది. కోల్ ఇండియా వాటాదారులకు 10శాతం, ఉద్యోగులకు 5శాతం, రిటైల్ ఇన్వెస్టర్లకు 35శాతం వాటా కేటాయించారు. 

బషీర్‌‌‌‌‌‌‌‌బాగ్, వెలుగు: రాష్ట్రంలో ఖాళీగా ఉన్న 2 లక్షల ప్రభుత్వ ఉద్యోగాలను వెంటనే భర్తీ చేయాలని, లేనిపక్షంలో సీఎం రేవంత్ రెడ్డి తన పదవికి రాజీనామా చేయాలని జాతీయ బీసీ సంక్షేమ సంఘం అధ్యక్షుడు, ఎంపీ ఆర్.కృష్ణయ్య డిమాండ్ చేశారు. శనివారం హైదరాబాద్ లోని బషీర్‌‌‌‌‌‌‌‌బాగ్ ప్రెస్‌‌‌‌‌‌‌‌క్లబ్‌‌‌‌‌‌‌‌లో నిరుద్యోగ జేఏసీ చైర్మన్ నీల వెంకటేశఖ్ అధ్యక్షతన నిర్వహించిన సమావేశంలో ఆయన మాట్లాడారు.

 రాష్ట్రంలోని ప్రభుత్వ, ఎయిడెడ్, గురుకుల, ఆదర్శ, కస్తూరిబాగాంధీ పాఠశాలల్లో ఖాళీగా ఉన్న సుమారు 35 వేల ఉపాధ్యాయ పోస్టులకు తక్షణమే నోటిఫికేషన్ ఇవ్వాలన్నారు. ఉపాధ్యాయ ఖాళీలను భర్తీ చేయకపోవడంతో విద్యా ప్రమాణాలు దెబ్బతింటున్నాయని ఆవేదన వ్యక్తం చేశారు. నియామక ప్రక్రియలో ఆప్షన్, వెయిటింగ్ లిస్ట్ విధానాలను అమలు చేసి ఒక్క పోస్టు కూడా మిగిలిపోకుండా చర్యలు తీసుకోవాలని కోరారు. బీసీ కులాల వేదిక రాష్ట్ర అధ్యక్షుడు జి.అనంతయ్య, నాయకులు జక్కుల చిన్న జంగయ్య యాదవ్, యాదయ్య, భీమరాజు, రాజేందర్, శివకుమార్ యాదవ్ తదితరులు పాల్గొన్నారు.

న్యూయార్క్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌: ఏఐ చిప్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ల తయారీ కంపెనీ  ఎన్విడియా సీఈఓ పదవికి రాజీనామా చేసిన జెన్సన్ హువాంగ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ను తిరిగి నియమించాలని కోరుతూ ప్రారంభమైన ఆన్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లైన్ పిటిషన్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌కు భారీ మద్దతు లభిస్తోంది. 'స్టాండ్ విత్ జెన్సన్' పేరుతో నడుస్తున్న ఈ బహిరంగ లేఖపై ఇప్పటివరకు 80,533 మంది సంతకాలు చేశారు.

 వీరిలో 43,148 మంది షేర్ హోల్డర్లు, 4,562 మంది ప్రస్తుత ఉద్యోగులు, 795 మంది మాజీ ఉద్యోగులు ఉన్నారు. టెస్లా సీఈఓ ఎలాన్ మస్క్, ఎపిక్ గేమ్స్ సీఈఓ టిమ్ స్వీనీ సహా పలువురు టెక్ దిగ్గజాలు కూడా  మద్దతు తెలిపారు.

పిటిషన్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లోని ప్రధాన డిమాండ్లు 

  స్వతంత్ర దర్యాప్తు పూర్తయ్యే వరకు హువాంగ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ను సీఈఓగా కొనసాగించాలి. ఒకవేళ ఆయనను దూరంగా ఉంచాలనుకుంటే బోర్డు బలమైన ఆధారాలు చూపాలి.
  దర్యాప్తు పరిధి, కాలపరిమితిని వెల్లడించి, తుది నిర్ణయం తీసుకునే ముందు హువాంగ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌కు తన వాదన వినిపించే అవకాశం ఇవ్వాలి.

  బోర్డు ఆందోళనలకు గల ఆధారాలను, ఉద్యోగులు- షేర్ హోల్డర్ల ప్రయోజనాలను ఎలా పరిగణనలోకి తీసుకున్నారో బహిరంగంగా వివరించాలి.

హైదరాబాద్​, వెలుగు: నగరానికి చెందిన నిహార్ ఇన్ఫో గ్లోబల్ బంగారం, వెండి అమ్మకాల కోసం GoldnSilver.shop పేరుతో ప్లాట్​ఫారమ్​ను ప్రారంభించింది.  ఈ వెబ్​సైట్​ ద్వారా భౌతిక బంగారం, వెండి నాణేలు, బహుమతి ఉత్పత్తులతో పాటు డిజిటల్ గోల్డ్​ను కొనుక్కోవచ్చు.   సంస్థ సొంత బ్రాండ్ కింద విక్రయిస్తున్న వెండి నాణేలకు ఫ్లిప్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌కార్ట్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లోనూ అమ్మకాలకు అనుమతి లభించింది. 

డిజిటల్ బంగారం, వెండి వ్యాపారాన్ని మరింత విస్తరించేందుకు ఆగ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌మాంట్, ఎంఎంటీసీ -ప్యాంప్ సంస్థలతో ఒప్పందాలు కుదుర్చుకుంది.  ఈ సంస్థలతో డిజిటల్ సిల్వర్ సేవల అనుసంధానం ఇంకా పూర్తికాలేదు. జెరోధాతో గోల్డ్, సిల్వర్ ఈటీఎఫ్ సేవల అనుసంధానం చివరి దశలో ఉంది.  కంపెనీ ఈ ఆర్థిక సంవత్సరం హెచ్1​లో  రూ.687.84 లక్షల టర్నోవర్​,   రూ.10.18 లక్షల లాభం సాధించింది.

హైదరాబాద్​, వెలుగు: ఐడీబీఐ బ్యాంక్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ను అంతర్జాతీయ స్థాయిలో పోటీపడగల సమగ్ర ఆర్థిక సేవల సంస్థగా తీర్చిదిద్దాలని కెనడాకు చెందిన ఫెయిర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ఫాక్స్ ఫైనాన్షియల్ హోల్డింగ్స్ భావిస్తోంది. బ్యాంకులో 60.72 శాతం నియంత్రణ  వాటాను రూ.52,878 కోట్లకు కొనుగోలు చేసేందుకు సంస్థ ముందుకొచ్చింది. 

ఒక్కో షేరుకు రూ.81 చొప్పున ఆఫర్ ఇచ్చింది. ప్రభుత్వం నిర్ణయించిన స్వతంత్ర విలువ అంచనా ఒక్కో షేరుకు రూ.75.99గా ఉండగా, దానికంటే అధిక ధరను ఫెయిర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ఫాక్స్ ప్రతిపాదించింది. 2026 మార్చి నాటి బ్యాంకు నియంత్రణ పుస్తక విలువ రూ.51.85 తో పోలిస్తే ఈ ఆఫర్ 56 శాతం అధికం.  ఐడీబీఐ బ్యాంకు ద్వారా బ్యాంకింగ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌తో పాటు బీమా, పెట్టుబడి బ్యాంకింగ్, వెల్త్ మేనేజ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌మెంట్ సేవలను విస్తరించాలని యోచిస్తోంది. 

గో డిజిట్ జనరల్ ఇన్సూరెన్స్, గో డిజిట్ లైఫ్ ఇన్సూరెన్స్ వ్యాపారాలను కూడా ఈ వేదికతో అనుసంధానిస్తారు. ఐఐఎఫ్ఎల్ క్యాపిటల్ సర్వీసెస్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో ఫెయిర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ఫాక్స్ ఇండియా హోల్డింగ్స్ వాటాను కూడా ఇందులోకి తీసుకురావాలని భావిస్తోంది.  

పద్మారావు నగర్, వెలుగు: రౌండ్ టేబుల్ ఇండియా - ఏరియా 9 ఆధ్వర్యంలో 3 వేల మందికి పైగా దివ్యాంగ చిన్నారులతో శనివారం నిర్వహించిన తారే జమీన్ పర్ పెయింటింగ్ పోటీలు ఉత్సాహంగా సాగాయి. హైదరాబాద్​లోని నేషనల్ ఇన్‌‌‌‌‌‌‌‌స్టిట్యూట్ ఫర్ ది ఎంపవర్‌‌‌‌‌‌‌‌మెంట్ ఆఫ్ పర్సన్స్ విత్ ఇంటెలెక్చువల్ డిజేబిలిటీస్ ప్రాంగణంలో నిర్వహించిన ఈ కార్యక్రమానికి సినీ ప్రముఖులు సాయి దుర్గ తేజ్, ఈషా రెబ్బా, అషు రెడ్డి, నిర్మాత సూర్యదేవర నాగవంశీ హాజరై చిన్నారులను ఉత్సాహపరిచారు. 

ఈ సందర్భంగా రౌండ్ టేబుల్ ఇండియా - ఏరియా 9 చైర్మన్ అనిరుధ్ సోంపల్లి మాట్లాడుతూ.. పిల్లల్లో దాగి ఉన్న ప్రతిభను వెలికితీయడమే ఈ వేడుక ప్రధాన ఉద్దేశమని, చిన్నారుల చిరునవ్వులే తమకు అతిపెద్ద విజయమన్నారు. లేడీస్ సర్కిల్ ఇండియా సహకారంతో పెయింటింగ్ పోటీలతోపాటు మ్యాజిక్ షో, డీజే, సంగీత, నృత్య ప్రదర్శనలు నిర్వహించామని పేర్కొన్నారు. కార్యక్రమంలో కన్వీనర్ సిద్ధార్థ్ , ఈవెంట్ మెంటార్ దర్శీల్ షా, ఆర్‌‌‌‌‌‌‌‌టీఐ వీక్ కన్వీనర్ లోకేశ్వర్ రెడ్డి, న్యాయనిర్ణేతలు మందాకిని రావు, తులసి నాయక్ తదితరులు పాల్గొన్నారు.

హైదరాబాద్‌‌‌‌‌‌‌‌, వెలుగు:  స్నీకర్స్​, యువత ఫ్యాషన్‌‌‌‌‌‌‌‌ మార్కెట్‌‌‌‌‌‌‌‌పై పెద్ద బ్రాండ్లు దృష్టి పెడుతున్నాయి. ఇందులో భాగంగా హైదరాబాద్​లో నవంబర్ 29న ‘స్నక్‌‌‌‌‌‌‌‌హుడ్‌‌‌‌‌‌‌‌ దేశీ డ్రిప్‌‌‌‌‌‌‌‌’  నిర్వహిస్తున్నాయి. ఈనెల 29న వన్‌‌‌‌‌‌‌‌ గోల్ఫ్‌‌‌‌‌‌‌‌లో నిర్వహించే ఈ కార్యక్రమం స్నీకర్లు, దుస్తులు, సంగీతం, కళలకు సంబంధించిన బ్రాండ్లు తమ ఉత్పత్తులను యువతకు పరిచయం చేస్తాయి.  

స్నీకర్లకు కొత్త రూపు ఇవ్వడం, సాక్స్‌‌‌‌‌‌‌‌లను ప్రత్యేకంగా అలంకరించడం వంటి వర్క్‌‌‌‌‌‌‌‌షాప్‌‌‌‌‌‌‌‌లతో పాటు ఫ్యాషన్‌‌‌‌‌‌‌‌, యాక్సెసరీలు, కళలకు సంబంధించిన ప్రదర్శనలూ ఉంటాయి . బ్రాండ్లకు కొత్త వినియోగదారులను చేరుకునే అవకాశం కల్పిస్తామని నిర్వాహకులు తెలిపారు. 

India vs New Zealand: మౌంట్ మౌంగనుయ్‌లోని బే ఓవల్ వేదికగా భారత్ వర్సెస్ న్యూజిలాండ్ జట్ల మధ్య జరుగుతున్న చివరి వన్డే సిరీస్ డిసైడర్ పోరులో న్యూజిలాండ్ కెప్టెన్ మిచెల్ శాంట్నర్ టాస్ గెలిచి ముందుగా బౌలింగ్ తీసుకున్నాడు. దీంతో టీమిండియా మొదట బ్యాటింగ్ చేయనుంది. ఐదు వన్డేల సిరీస్‌లో ప్రస్తుతం 2–1 ఆధిక్యంలో ఉన్న ఇండియన్ టీమ్, ఈ మ్యాచ్ గెలిచి సిరీస్‌ను కైవసం చేసుకోవాలని చూస్తుండగా.. కివీస్ గెలిచి సిరీస్‌ను సమం చేయాలని పట్టుదలతో ఉంది. నాలుగో వన్డేలో 89 పరుగులకే ఆలౌట్ అయిన పరాభవానికి ప్రతీకారం తీర్చుకునేందుకు భారత జట్టు కీలక మార్పులతో బరిలోకి దిగుతోంది.

న్యూజిలాండ్ కెప్టెన్ మిచెల్ శాంట్నర్  మాట్లాడుతూ.. టాస్ గెలుస్తానని నేనూ ఊహించలేదు.. రాత్రి సమయంలో మంచు (Dew) ప్రభావం ఉండే అవకాశం ఉన్నందున మేము ముందుగా బౌలింగ్ చేయాలని నిర్ణయించుకున్నాం.. మా జట్టులో మ్యాట్ హెన్రీ, కైల్ జేమీసన్ ఇవాళ్టి మ్యాచ్ ఆడటం లేదు.. వారి స్థానంలో జాకబ్ డఫీ తిరిగి జట్టులోకి వచ్చాడు. మేము మళ్లీ నలుగురు పేసర్లతో బరిలోకి దిగుతున్నాం.. జట్టులో బెంచ్ బలాన్ని (Depth) పెంచుకోవడంపైనే మా దృష్టి పెట్టినట్లు శాంట్నర్ తెలిపాడు. 

భారత కెప్టెన్ శ్రేయస్ అయ్యర్ మాట్లాడుతూ.. మేము కూడా టాస్ గెలిస్తే ముందుగా బౌలింగ్ చేయాలనే అనుకున్నాం.. అయితే ఇప్పుడు మొదట బ్యాటింగ్ చేయడం కూడా ఒక మంచి సంకేతమే.. గత మ్యాచ్ (నాలుగో వన్డే) ఫలితం నిరాశపరిచినప్పటికీ, ఈరోజు మేము ఎలా ఆడబోతున్నామనే దానిపై స్పష్టమైన ప్రణాళికలు వేసుకున్నాం.. దేశం తరఫున ఆడాలని ఎంతో కాలంగా ఎదురుచూస్తున్న యశ్ ఠాకూర్ ఈరోజు వన్డే అరంగేట్రం చేస్తుండటం చాలా ఆనందంగా ఉంది.. అలాగే కొంతకాలంగా జట్టుతో ఉంటూ అవకాశం కోసం వేచి చూస్తున్న మహమ్మద్ సిరాజ్ కూడా తుది జట్టులోకి వచ్చాడు.. అతని కోసం కూడా నేను చాలా ఎగ్జైటెడ్‌గా ఉన్నానని శ్రేయస్ పేర్కొన్నాడు. 

ఇరు జట్లు:

భారత్: రోహిత్ శర్మ, రుతురాజ్ గైక్వాడ్, విరాట్ కోహ్లీ, శ్రేయస్ అయ్యర్(కెప్టెన్), ఇషాన్ కిషన్(వికెట్ కీపర్), అక్షర్ పటేల్, నమన్ ధీర్, అఖిబ్ నబీ, అర్ష్‌దీప్ సింగ్, మహమ్మద్ సిరాజ్, యశ్ ఠాకూర్

న్యూజిలాండ్: విల్ యంగ్, టిమ్ సీఫెర్ట్(వికెట్ కీపర్), నిక్ కెల్లీ, డీన్ ఫాక్స్‌క్రాఫ్ట్, ఫిన్ అలెన్, మైఖేల్ బ్రేస్‌వెల్, మిచెల్ శాంట్నర్(కెప్టెన్), క్రిస్టియన్ క్లార్క్, బ్లెయిర్ టిక్నర్, జాకబ్ డఫీ, మాథ్యూ ఫిషర్

New Zealand have won the toss and elect to bowl first in the 5th and final ODI of the series. Two changes for #TeamIndia Yash Thakur makes his debut and Mohd Siraj comes into the XI Live - https://t.co/wqxhoXb2WC #NZvIND https://t.co/nYl2nc5OQo

— BCCI (@BCCI) November 15, 2026

హైదరాబాద్​, వెలుగు:  గోల్డ్​లోన్లు ఇచ్చే ఎన్​బీఎఫ్​సీ ఇండెల్ మనీ లిమిటెడ్ నికర లాభం 2026 సెప్టెంబర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌తో ముగిసిన రెండో త్రైమాసికంలో ఏడాది లెక్కన 222 శాతం పెరిగి రూ.79.98 కోట్లకు చేరింది. నిర్వహణలో ఉన్న రుణ ఆస్తుల విలువ (ఏయూఎం) 83 శాతం వృద్ధితో రూ.5,015 కోట్లకు పెరిగింది. కంపెనీ నికర ఆదాయం 111 శాతం పెరిగి రూ.159.81 కోట్లకు చేరగా, నికర వడ్డీ ఆదాయం 118 శాతం వృద్ధితో రూ.145 కోట్లుగా నమోదైంది. 

ప్రధాన వ్యాపారం ద్వారా వచ్చే నిర్వహణ లాభం 182 శాతం పెరిగి రూ.98.95 కోట్లకు చేరింది. స్థూల ఎన్​పీఏయేలు 1.41 శాతంగా నమోదయ్యాయి. ఈ ఆర్థిక సంవత్సరం తొలి 6 నెలల్లో కంపెనీ రూ.107.62 కోట్ల నికర లాభాన్ని ఆర్జించింది. వార్షికంగా ఇది 121 శాతం అధికం.    

హైదరాబాద్​, వెలుగు: ఆస్టర్ డీఎం క్వాలిటీ కేర్ హైదరాబాద్ ​కొండాపూర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో రూ.500 కోట్లతో 300 బెడ్స్​ మల్టీస్పెషాలిటీ హాస్పిటల్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ను నిర్మిస్తోంది. 2027 మార్చి నుంచి ఇక్కడ వైద్య సేవలు ప్రారంభమవుతాయి.  సంస్థ ఎగ్జిక్యూటివ్ ఛైర్మన్ డాక్టర్ ఆజాద్ మూపెన్ హైదరాబాద్ పర్యటన సందర్భంగా ఈ వివరాలను వెల్లడించారు. 

కొత్త హాస్పిటల్ అందుబాటులోకి వస్తే నగరంలో ఆస్టర్ నిర్వహిస్తున్న హాస్పిటళ్ల సంఖ్య ఎనిమిదికి చేరుతుంది. మొత్తం బెడ్స్​ సంఖ్య 1,700 దాటుతుంది. వ్యాపార విస్తరణ కోసం రెండేళ్లలో రూ.4,000 కోట్ల పెట్టుబడులు పెడతామని ఆజాద్ ​చెప్పారు. కొత్త హాస్పిటళ్ల నిర్మాణం, ప్రస్తుతం ఉన్న ఆసుపత్రుల విస్తరణ, ఇతర సంస్థల కొనుగోళ్ల ద్వారా 4,400 కొత్త బెడ్స్​ను అందుబాటులోకి తీసుకురావాలని లక్ష్యంగా పెట్టుకుంది.  
 

న్యూఢిల్లీ: అనవసర ఫోన్ కాల్స్, సందేశాలతో ఇబ్బంది పెడుతున్న సంస్థలపై టెలికాం రెగ్యులేటరీ అథారిటీ (ట్రాయ్​) కఠిన చర్యలు తీసుకుంది. ఈ ఏడాది జులై నుంచి సెప్టెంబర్ వరకు 1.24 లక్షలకు పైగా కనెక్షన్లను నిలిపివేసింది. స్పామ్ రూల్స్​పాటించని 374 సంస్థలను ఏడాది పాటు బ్లాక్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లిస్ట్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో పెట్టింది. 

ట్రాయ్ సెప్టెంబర్​ క్వార్టర్​ రిపోర్ట్ ​ప్రకారం.. తొలిసారి నిబంధనలు ఉల్లంఘించిన 1,10,325 కనెక్షన్లపై 15 రోజుల పాటు ఔట్​గోయింగ్ సేవలను ఆపేసింది. పదేపదే తప్పులు చేసిన 13,777 కనెక్షన్లను ఏడాది పాటు డిస్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌కనెక్ట్ చేశారు. 3,725 ఎస్ఎంఎస్ హెడర్లను కూడా బ్లాక్ చేశారు. ఈ మూడు నెలల్లో వినియోగదారుల నుంచి 15.29 లక్షల ఫిర్యాదులు అందాయి. వీటిలో 7.23 లక్షల ఫిర్యాదులపై చర్యలు తీసుకునే అవకాశం ఉందని గుర్తించారు. 

ఫిర్యాదుల్లో 92.9 శాతం ట్రాయ్ డీఎన్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌డీ యాప్ ద్వారానే వచ్చాయి. సెప్టెంబర్ 30 నాటికి ఈ యాప్ డౌన్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లోడ్లు 42.36 లక్షలకు చేరాయి. టెలికం సంస్థలు ఉపయోగిస్తున్న ఏఐ టెక్నాలజీ 1,900 కోట్ల కాల్స్, ఎంఎస్​ఎస్​లను అనుమానాస్పద స్పామ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌గా గుర్తించింది. ప్రమోషనల్ కాల్స్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌కు 140 నంబర్ సిరీస్, బ్యాంకింగ్, సేవలకు 1600 సిరీస్  కేటాయించారు.  
 

భారతదేశ స్వాతంత్ర్య పోరాట చరిత్ర అనగానే మనకు అనేకమంది జాతీయ నాయకులు, విప్లవ వీరులు గుర్తుకొస్తారు. అయితే బ్రిటిష్ వలస పాలనకు వ్యతిరేకంగా పోరాడిన ఆదివాసీ వీరుల చరిత్రకు కూడా అంతే ప్రాధాన్యత ఉంది. దేశ స్వాతంత్ర్యం కోసం తమ ప్రాణాలను సైతం లెక్కచేయకుండా పోరాడిన గిరిజన నాయకుల్లో భగవాన్ బిర్సా ముండా ప్రముఖుడు.  ఆదివాసీల భూమి, అస్తిత్వం, ఆత్మగౌరవం, హక్కుల పరిరక్షణ కోసం ఆయన సాగించిన పోరాటం భారత చరిత్రలో చిరస్థాయిగా నిలిచిపోయింది.  

కేవలం 25 సంవత్సరాల జీవితకాలంలోనే ఒక సామాజిక విప్లవానికి నాంది పలికి,  గిరిజన సమాజంలో చైతన్య జ్వాలను రగిలించిన మహనీయుడు బిర్సా ముండా.1875 నవంబర్ 15న ప్రస్తుత జార్ఖండ్ రాష్ట్రంలోని ఖుంటి జిల్లాకు చెందిన ఉలిహాతు గ్రామంలో బిర్సా ముండా జన్మించాడు.  తండ్రి సుగ్నా ముండా, తల్లి కర్మీ హాతు. సాధారణ గిరిజన కుటుంబంలో జన్మించిన ఆయన చిన్నతనం నుంచే  పేదరికం, సామాజిక అసమానతలు, గిరిజనులపై జరుగుతున్న దోపిడీని దగ్గరగా చూశారు.

గిరిజనుల హక్కుల కోసం పోరాటం

ఆ కాలంలో ఛోటానాగ్‌‌‌‌పూర్ ప్రాంతంలో బ్రిటిష్ పాలకుల విధానాలు గిరిజనుల జీవితాలను తీవ్రంగా ప్రభావితం చేశాయి.  సంప్రదాయంగా సాగుచేసుకుంటున్న భూములపై గిరిజనులకు ఉన్న హక్కులు క్రమంగా దూరమయ్యాయి.  జమీందారులు, భూస్వాములు, వడ్డీ వ్యాపారులు గిరిజనులను ఆర్థికంగా దోపిడీచేశారు. పోడు వ్యవసాయం,  పశువుల మేత, అటవీ ఉత్పత్తుల సేకరణ వంటి సంప్రదాయ జీవనాధారాలపై ఆంక్షలు విధించడం జరిగింది.  

ఈ పరిస్థితుల్లో గిరిజనుల సమస్యలను అర్థం చేసుకున్న బిర్సా ముండా వారి హక్కుల కోసం పోరాటానికి సిద్ధమయ్యారు.  గిరిజన సమాజంలో సామాజిక సంస్కరణలు రావాలని, మూఢనమ్మకాలు, మద్యపానం, సామాజిక దురాచారాలు తగ్గాలని ఆకాంక్షించారు.  గిరిజనుల సంప్రదాయ సంస్కృతిని కాపాడుకుంటూనే సమాజంలో మార్పు రావాలని  పిలుపునిచ్చారు. ఆయన బోధనలు గిరిజన ప్రజల్లో విశేషమైన ప్రభావాన్ని చూపాయి. ప్రజలు ఆయనను ఆధ్యాత్మిక నాయకుడిగా, సామాజిక సంస్కర్తగా, తమ హక్కుల కోసం పోరాడే నాయకుడిగా భావించారు అందుకే ఆయనను భగవాన్ బిర్సా ముండాగా గౌరవించారు.

జన్‌‌‌‌ జాతీయ గౌరవ్ దివస్‌‌‌‌గా..

బిర్సా ముండా నాయకత్వంలో ప్రారంభమైన ఉల్గులాన్ ఉద్యమం 1899లో తీవ్రరూపం దాల్చింది.    ‘అబువా రాజ్ ఏతే జానా, మహారాణి రాజ్ తుండు జానా’ అంటే మన రాజ్యం రావాలి,  రాణి పాలన అంతం కావాలి. ఈ నినాదంతో గిరిజనుల్లో స్వయంపాలన పట్ల ఆకాంక్షను పెంపొందించారు.  బిర్సా ముండాను 1900  మార్చి 3న జంకోపై అడవిలో  బ్రిటిష్  పోలీసులు అరెస్టు చేశారు. 1900 జూన్ 9న రాంచీ జైలులో అనారోగ్యంతో ఆయన మరణించారు. అప్పటికి ఆయన వయస్సు కేవలం 25 సంవత్సరాలు మాత్రమే. ఆయన పోరాటం బ్రిటిష్ పాలకులపై ఒత్తిడి పెంచి గిరిజన భూమి హక్కుల పరిరక్షణకు సంబంధించిన చట్టపరమైన మార్పులకు దోహదపడింది. 

ముఖ్యంగా 1908లో అమలులోకి వచ్చిన ఛోటా నాగ్‌‌‌‌పూర్ టెనెన్సీ చట్టం గిరిజన భూములను గిరిజనేతరులకు బదిలీ చేయడంపై పరిమితులు విధించింది. బిర్సా ముండా పోరాట స్ఫూర్తిని గుర్తించిన భారత ప్రభుత్వం 2021 నుంచి ప్రతి ఏటా నవంబర్ 15ను జన్‌‌‌‌ జాతీయ గౌరవ్ దివస్‌‌‌‌గా నిర్వహిస్తోంది. ఆయన 150వ జయంతి సందర్భంగా 2024–25 సంవత్సరాన్ని జన్‌‌‌‌ జాతీయ గౌరవ్ వర్ష్‌‌‌‌గా పాటించింది. గిరిజనుల అభివృద్ధి కోసం పీఎం-జన్‌‌‌‌మన్, ధర్తీ ఆబా జన్‌‌‌‌జాతీయ గ్రామ ఉత్కర్ష్ అభియాన్ వంటి కార్యక్రమాలను అమలు చేస్తోంది.  

2026లో నవంబర్ 1 నుంచి 15 వరకు జన్‌‌‌‌జాతీయ గౌరవ్ పఖ్వాడా నిర్వహిస్తూ గిరిజన ప్రాంతాలకు సంక్షేమ పథకాలను చేరువ చేయడంపై దృష్టి సారించింది.  బిర్సా ముండా జీవితం, ఆయన పోరాట స్ఫూర్తి  భారతదేశంలో సామాజిక న్యాయం,  గిరిజన సాధికారత సాధించే దిశగా ప్రతి ఒక్కరికీ మార్గదర్శకంగా నిలుస్తుంది.

- డా.చింత ఎల్లస్వామి, 
అసిస్టెంట్ ప్రొఫెసర్, 
సమ్మక్క సారక్క సెంట్రల్ ట్రైబల్ యూనివర్సిటీ

• ఓపెన్​ పేజీకి వ్యాసాలు, లెటర్లు పంపాల్సిన మెయిల్​ ఐడీ openpage@v6velugu.com
• రచయితలు ‘వెలుగు’ కు మాత్రమే పంపుతున్నామని హామీ తప్పనిసరి రాయాలి. 
• స్వీయ రచన అయి ఉండాలి.రచన 700 పదాలకు మించరాదు.

• డిసెంబర్‌‌‌‌‌‌‌‌ 27న ఇందిరాపార్కు వద్ద మహాధర్నా చేస్తాం
• మాల మహానాడు జాతీయ అధ్యక్షుడు చెన్నయ్య

బషీర్‌‌‌‌‌‌‌‌బాగ్, వెలుగు: ఎస్సీ వర్గీకరణ ద్వారా అమలులోకి తీసుకొచ్చిన రోస్టర్‌‌‌‌‌‌‌‌ విధానం కారణంగా మాలలు తీవ్రంగా నష్టపోతున్నారని మాల మహానాడు జాతీయ అధ్యక్షుడు జి.చెన్నయ్య ఆవేదన వ్యక్తం చేశారు. రోస్టర్‌‌‌‌‌‌‌‌ పాయింట్లను సవరించాలని రెండేళ్లుగా పోరాటం చేస్తున్నా రాష్ట్ర ప్రభుత్వం పట్టించుకోవడం లేదని ఆరోపించారు. శనివారం హైదరాబాద్‌‌‌‌‌‌‌‌ లోని బషీర్‌‌‌‌‌‌‌‌బాగ్‌‌‌‌‌‌‌‌ ప్రెస్‌‌‌‌‌‌‌‌క్లబ్‌‌‌‌‌‌‌‌లో నిర్వహించిన మాల మహానాడు రాష్ట్ర కార్యవర్గ సమావేశంలో ఆయన మాట్లాడారు. 

ఎస్సీ వర్గీకరణలో భాగంగా మాల, అనుబంధ ఉపకులాలకు 5 శాతం రిజర్వేషన్లు కల్పించినప్పటికీ ప్రభుత్వ ఉద్యోగాల్లో ఒక్కటి కూడా దక్కని పరిస్థితి నెలకొందన్నారు. అన్ని నియోజకవర్గాల్లో పర్యటించి, ప్రజాప్రతినిధులకు గులాబీ పూలు అందజేస్తూ.. మాలలను ప్రేమించండి.. రోస్టర్‌‌‌‌‌‌‌‌ పాయింట్లను సవరించండి అనే నినాదంతో వినతిపత్రాలు సమర్పిస్తామని చెప్పారు.

 అయినా ప్రభుత్వం స్పందించకపోతే డిసెంబర్‌‌‌‌‌‌‌‌ 27న ఇందిరాపార్కు ధర్నా చౌక్‌‌‌‌‌‌‌‌ వద్ద మాలల మహాధర్నా నిర్వహిస్తామని హెచ్చరించారు. మాల మహానాడు రాష్ట్ర అధ్యక్షుడు బూర్గుల వెంకటేశ్వర్లు మాట్లాడుతూ.. ఒకటి నుంచి రెండు శాతం జనాభా కూడా లేని కులాలకు 20 లోపు రోస్టర్‌‌‌‌‌‌‌‌ పాయింట్లు కేటాయించిన ప్రభుత్వం, 5 శాతం జనాభా ఉన్న మాలలకు మాత్రం 20 లోపు ఒక్క రోస్టర్‌‌‌‌‌‌‌‌ పాయింట్‌‌‌‌‌‌‌‌ కూడా కేటాయించకపోవడం కుట్రేనని ఆరోపించారు. మహిళా విభాగం రాష్ట్ర అధ్యక్షురాలు మేడి సరళ, ప్రధాన కార్యదర్శి కె.లలిత, గ్రేటర్‌‌‌‌‌‌‌‌ హైదరాబాద్‌‌‌‌‌‌‌‌ ప్రధాన కార్యదర్శులు మర్పల్లి శ్రీకాంత్‌‌‌‌‌‌‌‌, పాకనాటి జయకుమార్‌‌‌‌‌‌‌‌, సోషల్‌‌‌‌‌‌‌‌ మీడియా కన్వీనర్‌‌‌‌‌‌‌‌ జి.రమేశ్​తదితరులు పాల్గొన్నారు.

• ఎయిర్‌‌‌‌పోర్టుల్లోనే 15 లక్షల మంది పడిగాపులు
• 4 గంటల తర్వాత ఆంక్షలను ఎత్తివేసిన ఎఫ్‌‌‌‌ఏఏ
• ఓల్డ్ సిస్టమ్, డేటా ఓవర్‌‌‌‌లోడ్ వల్లే గందరగోళం..
• అమెరికా రవాణా మంత్రి సీన్ డఫీ వివరణ
• ఇది సైబర్ దాడి, మరో 9/11 అసలే కాదని వెల్లడి

 
వాషింగ్టన్: అమెరికాలో విమాన సర్వీసులకు తీవ్ర అంతరాయం ఏర్పడింది. ఎయిర్ ట్రాఫిక్ కంట్రోల్ కమ్యూనికేషన్(ఏటీసీ) వ్యవస్థలో తలెత్తిన టెక్నికల్ లోపంతో సుమారు 8 వేలకు పైగా విమానాలు ఎయిర్ పోర్టుల్లోనే నిలిచిపోయాయి. అంతేగాక, వేలాది విమానాలు ఆలస్యంగా నడిచాయి. దీంతో 15 లక్షల మందికి పైగా ప్యాసింజర్లు తమ ఫ్లైట్ల కోసం సుమారు 4 గంటల పాటు ఎయిర్‌‌‌‌‌‌‌‌పోర్టుల్లోనే పడిగాపులు కాశారు. 2001లో జరిగిన 9/11 ఉగ్రదాడుల తర్వాత అమెరికాలో ఇలా దేశవ్యాప్తంగా విమానాలను ఆపేయడం ఇది రెండోసారి.

అమెరికా కాలమానం ప్రకారం శుక్రవారం మధ్యాహ్నం 3:54 గంటల(భారత్‌‌‌‌‌‌‌‌లో శనివారం తెల్లవారుజామున 2.30 గంటల)కు దేశవ్యాప్తంగా బయలుదేరే అన్ని విమానాలకు ఫెడరల్ ఏవియేషన్ అడ్మినిస్ట్రేషన్ (ఎఫ్‌‌‌‌‌‌‌‌ఏఏ) 'గ్రౌండ్ స్టాప్(విమానాల నిలిపివేత)' ప్రకటించింది. దీంతో దేశవ్యాప్తంగా కొత్తగా లేదా షెడ్యూల్ ప్రకారం బయలుదేరాల్సిన అన్ని విమానాలు తాత్కాలికంగా నిలిచిపోయాయి. అయితే, అప్పటికే గాల్లో ఉన్న విమానాలు మాత్రం తమ గమ్యస్థానాలకు సురక్షితంగా చేరుకోవడానికి అధికారులు అనుమతించారు. ఎలాంటి ఉగ్రదాడి ముప్పు లేదని నిర్ధారించుకున్న తర్వాత రాత్రి 8:15 గంటలకు గ్రౌండ్ స్టాప్ ఆంక్షలు ఎత్తివేశారు.

ఓల్డ్ సిస్టమ్, డేటా ఓవర్ లోడ్ వల్లే..

టెలికమ్యూనికేషన్స్ వైఫల్యం వల్లే విమాన సర్వీసులకు అంతరాయం ఏర్పడిందని అమెరికా రవాణా శాఖ మంత్రి సీన్ డఫీ తెలిపారు. దీనివల్ల కంట్రోల్ రూమ్‌‌‌‌‌‌‌‌కు గాల్లో, నేలపై ఉన్న విమానాలకు మధ్య సంబంధాలు తెగిపోయాయని తెలిపారు. కంట్రోలర్లు పైలట్లతో మాట్లాడటానికి, మార్గాలను పర్యవేక్షించడానికి వీలులేకుండా పోయిందన్నారు. 1980ల నాటి ఓల్డ్ సిస్టమ్, డేటా ఓవర్ లోడ్ వల్లే ఈ లెగసీ సిస్టమ్ క్రాష్ అయిందని తెలిపారు. విమానాలు సురక్షితంగా ప్రయాణించాలంటే ఏ సమయానికి, ఏ విమానం ఎక్కడ ఉందో కచ్చితమైన సమాచారం అవసరమని చెప్పారు.

కమ్యూనికేషన్ వ్యవస్థ విఫలమైతే ఏ విమానం ఎటు వెళ్తుందో తెలియక విమానాలు ఢీకొంటాయన్నారు. ఈ ప్రమాదాన్ని నివారించడానికే ఏఫ్ఏఏ అధికారులు ముందుజాగ్రత్త చర్యగా దేశవ్యాప్తంగా అన్ని విమానాల రాకపోకలను తాత్కాలికంగా నిలిపివేస్తూ (గ్రౌండ్ స్టాప్) అత్యవసర ఆదేశాలు జారీ చేశామన్నారు. భద్రతా కారణాల దృష్ట్యా విమానాలను ఆపాల్సి వచ్చిందని.. ఎలాంటి సైబర్ దాడి లేదని, మైక్రోసాఫ్ట్ ఔటేజ్​తో దీనికి సంబంధంలేదని డిపార్ట్‌‌‌‌‌‌‌‌మెంట్ ఆఫ్ హోమ్‌‌‌‌‌‌‌‌ల్యాండ్ సెక్యూరిటీ కార్యదర్శి మార్క్‌‌‌‌‌‌‌‌వేన్ ముల్లిన్  తేల్చి చెప్పారు. ఎయిర్‌‌‌‌‌‌‌‌పోర్టుల్లో చిక్కుకుపోయిన ప్రయాణికులకు అన్ని ఏర్పాట్లు చేసినట్లు పేర్కొన్నారు. ప్రస్తుతం నిషేధం ఎత్తివేసినప్పటికీ.. విమానాలు, సిబ్బందిని తిరిగి సర్దుబాటు చేయడానికి కొంత సమయం పడుతుంది. మరో రెండు వారాల్లో సర్వీసులు పూర్తిస్థాయిలో సాధారణ స్థితికి వస్తాయని అధికారులు ఆశాభావం వ్యక్తం చేశారు. 

•    చదువుకు, జాబ్స్‌‌‌‌‌‌‌‌‌‌‌‌‌‌‌‌కు మధ్య గ్యాప్ పూడ్చడంపై సర్కారు ఫోకస్ 
•     భారత్ సమిట్ ప్యానెల్ చర్చలో పెద్దపల్లి ఎంపీ వంశీకృష్ణ 

హైదరాబాద్, వెలుగు: చదువు అంటే కేవలం డిగ్రీ సర్టిఫికెట్ మాత్రమే కాదని.. ఉద్యోగం తెచ్చిపెట్టే స్కిల్, కొత్తది కనిపెట్టే ధైర్యమని పెద్దపల్లి ఎంపీ గడ్డం వంశీకృష్ణ అన్నారు. హైదరాబాద్ హైటెక్స్ వేదికగా నిర్వహించిన రెండో ఎడిషన్ ‘భారత్ సమిట్ (ఫోర్జింగ్ ఎ న్యూ వరల్డ్)’ లో ఆయన పాల్గొన్నారు. ‘తెలంగాణ రైజింగ్– యూత్ అండ్ స్పోర్ట్స్’ అంశంపై ప్యానెల్ చర్చలో యువత, క్రీడలు, నైపుణ్యాభివృద్ధిపై ఎంపీ తన అభిప్రాయాలను తెలియజేశారు. ఈ సందర్భంగా ఎంపీ వంశీకృష్ణ మాట్లాడుతూ.. ఏడాదికి 2 కోట్ల ఉద్యోగాలు ఇస్తామని కేంద్రం హామీ ఇచ్చిందని, ఆ లెక్కన 12 ఏండ్లలో 20 కోట్ల ఉద్యోగాలు రావాల్సి ఉండేదన్నారు. పెద్ద నంబర్లు చెప్పడం కాదని, యువతకు నిజంగా ఉద్యోగాలు ఇవ్వడం ముఖ్యమని పేర్కొన్నారు. రాష్ట్ర ప్రభుత్వం ఇప్పుడు ప్రధానంగా చదువుకు, ఉద్యోగానికి మధ్య ఉన్న గ్యాప్‌‌‌‌‌‌‌‌‌‌‌‌‌‌‌‌ను పూడ్చడంపై దృష్టిపెట్టిందన్నారు. సీఎం రేవంత్, మంత్రి వివేక్ వెంకటస్వామి ఆధ్వర్యంలో టాటా సంస్థతో కలిసి రాష్ట్రంలో ఏటీసీలను ఏర్పాటు చేశామన్నారు. 

టామ్‌‌‌‌‌‌‌‌‌‌‌‌‌‌‌‌కామ్ ద్వారా జర్మనీ, జపాన్‌‌‌‌‌‌‌‌‌‌‌‌‌‌‌‌లకు..

విదేశీ ఉపాధి అవకాశాలపై సర్కార్ ప్రత్యేక శ్రద్ధ చూపుతోందని ఎంపీ వంశీకృష్ణ చెప్పారు. టామ్‌‌‌‌‌‌‌‌‌‌‌‌‌‌‌‌కామ్ ద్వారా యువతను జర్మనీ, జపాన్ లాంటి దేశాలకు పంపిస్తున్నామని పేర్కొన్నారు. యువతను కేవలం ఉద్యోగార్థులుగానే కాకుండా.. పది మందికి ఉపాధి కల్పించే ఎంట్రప్రెన్యూర్లుగా తయారు చేయడమే ప్రభుత్వ లక్ష్యమన్నారు. కాకా గ్రోత్ ఫండ్ (కేజీఎఫ్) ద్వారా జిల్లా స్థాయిలోనే యువత ఆలోచనలకు అనుగుణంగా సీడ్ ఫండింగ్ ఇస్తున్నామని తెలిపారు. 
 

•  రెండు శ్వాసకోశ మందులను లాంచ్ చేయనున్న సిప్లా
•  వెయిట్ లాస్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ కోసం జెనరిక్ సెమాగ్లుటైడ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ను తీసుకురానున్న డాక్టర్ రెడ్డీస్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌
•  క్యాన్సర్ మందు అన్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లాక్సిట్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌పై ఫోకస్ పెట్టిన సన్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ ఫార్మా
•  అమెరికా మార్కెటే టార్గెట్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌..

హైదరాబాద్, వెలుగు: టాప్  ఫార్మా కంపెనీలు కొత్త మందులు తీసుకురావడంపై దృష్టి పెట్టాయి. రెవెన్యూ పెంచుకోవడానికి తమ పనులను ముమ్మరం చేశాయి.  సిప్లా, డాక్టర్ రెడ్డీస్, గ్లెన్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌మార్క్, సన్ ఫార్మా వంటి పెద్ద సంస్థలు  శ్వాసకోశ సంబంధిత మందులు (ఇన్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌హేలర్లు), పెప్టైడ్,  ప్రత్యేక చికిత్స మందులను మార్కెట్లోకి తీసుకురావడానికి ప్రణాళికలు సిద్ధం చేశాయి. అయితే, అమెరికా రెగ్యులేటరీ ఎఫ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌డీఏ  అనుమతులు ఆలస్యం అయినా, సరఫరా సమస్యలు తలెత్తినా ఈ కంపెనీల వృద్ధి అంచనాలు దెబ్బతినే ప్రమాదం ఉంది.

ఏ కంపెనీ వ్యూహం ఎలా ఉందంటే?

సిప్లా: ఈ ఏడాది సెప్టెంబర్ క్వార్టర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో  అమెరికా మార్కెట్ ద్వారా 172 మిలియన్ డాలర్ల (దాదాపు రూ.1,630 కోట్ల) ఆదాయం పొందిన సిప్లా, 2026–-27 ఆర్థిక సంవత్సరం నాలుగో  క్వార్డర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ (జనవరి–మార్చి) నాటికి దీనిని 250 మిలియన్ డాలర్ల (రూ.2,375 కోట్ల) కు పెంచుకోవాలని లక్ష్యంగా పెట్టుకుంది. ఇందుకోసం ఆస్తమా ఇన్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌హేలర్లు అయిన వెంటోలిన్, అడ్వైర్ జెనరిక్ వెర్షన్ల అమ్మకాలతో పాటు మరో రెండు శ్వాసకోశ మందులు, ఒక పెప్టైడ్​ను  విడుదల చేయనుంది. పెప్టైడ్ మందులను డయాబెటిస్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌, వెయిట్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ లాస్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌, ఎముకల బలహీనత, క్యాన్సర్ చికిత్స, గుండె వ్యాధుల చికిత్సల్లో వాడతారు. 
    
డాక్టర్ రెడ్డీస్ : డయాబెటిస్, బరువు తగ్గించే  మందుల విభాగంలో విస్తరించేందుకు 'జెనరిక్ సెమాగ్లుటైడ్' తో పాటు 'అబాటాసెప్ట్' (రోగనిరోధక వ్యాధుల మందు) పై  కంపెనీ దృష్టి పెట్టింది. 10 దేశాల్లో సెమాగ్లుటైడ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌కు అనుమతులు వచ్చినా, ముడిసరుకు  ఉత్పత్తి సమస్యల వల్ల సరఫరా ఆలస్యమైంది. ఆ సమస్య పరిష్కారమైందని, నవంబర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లోనే ఈ మందును విడుదల చేస్తామని సీఈఓ ఎరెజ్ ఇజ్రాయెలీ తెలిపారు.
    
సన్ ఫార్మా: తీవ్రమైన జుట్టు రాలడాన్ని అరికట్టే 'లెక్సెల్వి' , క్యాన్సర్ ఔషధం 'అన్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లాక్సిట్'  వంటి ప్రత్యేక మందులపై ఆశలు పెట్టుకుంది. సోరియాసిస్ చికిత్సకు వాడే 'ఇలుమ్యా' మందును నవంబర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో అమెరికాలో విడుదల చేస్తోంది. అలాగే భారత్, దక్షిణాఫ్రికాల్లో జెనరిక్ సెమాగ్లుటైడ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ను ఇప్పటికే లాంచ్ చేసింది.
    
గ్లెన్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌మార్క్: అమెరికా మార్కెట్లో శ్వాసకోశ మందులతో కంపెనీ విస్తరిస్తోంది. ఆస్తమాకు వాడే 'ఫ్లోవెంట్ 44' జెనరిక్ ఇన్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌హేలర్ ఇప్పటికే అమెరికాలో 22శాతం మార్కెట్ వాటాను కైవసం చేసుకుంది. అలెర్జీలకు వాడే 'రియాల్ట్రిస్'  నాసల్ స్ప్రే ద్వారా ప్రస్తుత ఆర్థిక సంవత్సరంలో 140 మిలియన్ డాలర్ల అమ్మకాలను ఆశిస్తోంది.
 
సవాళ్లు ఉన్నాయ్​.. 

కొన్ని మందులపైనే ఆధారపడటం ఫార్మా రంగంలో సహజమేనని, పాత మందుల అమ్మకాలు తగ్గినప్పుడు కొత్తవి ఆ స్థానాన్ని భర్తీ చేస్తాయని మార్కెట్ నిపుణులు అంటున్నారు. అయితే, యూఎస్ ఎఫ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌డీఏ తనిఖీల్లో ఉత్పత్తి కేంద్రాల్లో ఏవైనా లోపాలు బయటపడినా, అనుమతులు ఆలస్యమైనా ఈ కంపెనీల ఆదాయ అంచనాలు తారుమారయ్యే అవకాశం ఉందని హెచ్చరిస్తున్నారు. కొన్ని ప్లాంట్ల పనితీరుపై గతంలోనే ఎఫ్​డీయే అసంతృప్తి వ్యక్తం చేసింది. 

• క్యూర్‌‌‌‌‌‌‌‌ చట్టం అమలుకు అధికారుల కసరత్తు
• నివాస భవనాలకు 0.15 శాతం, వాణిజ్య భవనాలకు 0.75 శాతం పన్ను
• అక్రమ నిర్మాణాలకు 300 శాతం పెనాల్టీ 
•  పాత పద్ధతితో పోలిస్తే పలుచోట్ల 50 శాతం వరకు పెరిగే చాన్స్
•  ఏటా10 శాతం చొప్పున అమలుకు నిర్ణయం
•  ఆరేళ్లలో పూర్తి పన్ను వసూళ్లను  చేరుకోవాలన్నదే లక్ష్యం

హైదరాబాద్ సిటీ, వెలుగు: క్యూర్ పరిధిలోని 3 కార్పొరేషన్లలో వచ్చే ఆర్థిక సంవత్సరం(ఏప్రిల్‌‌‌‌‌‌‌‌–2027) నుంచి ఆస్తి పన్ను వసూళ్లలో కొత్త విధానం అమల్లోకి రానుంది. ఇప్పటివరకు అమలు చేస్తున్న రెంటల్‌‌‌‌‌‌‌‌ వాల్యూ ఆధారిత పన్ను విధానానికి బదులుగా  మార్కెట్‌‌‌‌‌‌‌‌ వాల్యూ ఆధారిత ఆస్తి పన్ను వసూలు చేయనున్నారు. ఇందుకోసం సంబంధిత కార్పొరేషన్లలో సిబ్బందికి అధికారులు ప్రత్యేక శిక్షణనిస్తున్నారు.

 కొత్త విధానంలో భవనాల వినియోగాన్ని బట్టి పన్ను శాతాలను నిర్ణయించనున్నారు. నివాస భవనాలకు మార్కెట్‌‌‌‌‌‌‌‌ విలువపై 0.15 శాతం, వాణిజ్య భవనాలకు 0.75 శాతం చొప్పున వసూలు చేయనున్నారు. భవన విస్తీర్ణం, భూమి విలువ, నిర్మాణ స్వభావం, వినియోగం తదితర అంశాలను పరిగణలోకి తీసుకొని పన్ను లెక్కించనున్నారు.

 ఇక, అనుమతులు లేకుండా చేపట్టిన భవన నిర్మాణాలు, అనుమతులకు విరుద్ధంగా అదనపు అంతస్తులు లేదా విస్తీర్ణం పెంచిన నిర్మాణాలపై కఠినంగా వ్యవహరించనున్నారు. వీటికి సాధారణ ఆస్తి పన్నుతోపాటు 300 శాతం పెనాల్టీ విధించనున్నారు. సంబంధిత ఆస్తి పన్నులు లెక్కించిన తర్వాత అందులో 8 శాతం లైబ్రరీ సెస్ కలెక్ట్ చేయనున్నారు. 

దశలవారీగా అమలు

క్యూర్ చట్టం అమల్లోకి రాకముందు ఉన్న అద్దె విలువ ఆధారిత విధానంతో పోలిస్తే కొత్త మార్కెట్‌‌‌‌‌‌‌‌ విలువ విధానంలో కొన్ని ప్రాంతాల్లో ఆస్తి పన్ను  దాదాపు 50 శాతం వరకు పెరిగే అవకాశం ఉంది. అయితే, యజమానులపై ఒక్కసారిగా భారం పడకుండా దశలవారీగా కొత్త విధానాన్ని అమలు చేయనున్నారు. ఏటా 10 శాతం చొప్పున పెంచుతూ వెళ్లనున్నారు. ఆరేళ్లలో పూర్తి పన్ను వసూళ్లకు చేరుకోవాలని లక్ష్యంగా పెట్టుకున్నారు.  

  జీ+1 భవనానికి వార్షిక పన్ను రూ.13,122 

సాధారణ జీ+1 భవనాన్ని పరిగణలోకి తీసుకుంటే.. గ్రౌండ్‌‌‌‌‌‌‌‌ ఫ్లోర్‌‌‌‌‌‌‌‌లో 1,200 చదరపు అడుగులు, మొదటి అంతస్తులో మరో 1,200 చదరపు అడుగులు కలిపి మొత్తం 2,400 చదరపు అడుగుల నిర్మాణం ఉంటే నిర్మాణ వ్యయం, విలువ, అదనపు చార్జీల ఆధారంగా పన్ను లెక్కిస్తారు. ఈ ఉదాహరణలో మొత్తం వార్షిక పన్ను రూ.13,122గా నిర్ధారిస్తారు. 5 కన్నా ఎక్కువ నివాస యూనిట్లు ఉన్న అపార్ట్‌‌‌‌‌‌‌‌మెంట్లలో ఫ్లాట్‌‌‌‌‌‌‌‌ విస్తీర్ణం, కాంపోజిట్‌‌‌‌‌‌‌‌ విలువ ఆధారంగా పన్ను విధిస్తారు.

 1,000 చదరపు అడుగుల ఫ్లాట్‌‌‌‌‌‌‌‌కు చదరపు అడుగుకు రూ.4,600 కాంపోజిట్‌‌‌‌‌‌‌‌ విలువగా తీసుకొని, 0.15 శాతం చొప్పున లెక్కించి, అదనంగా 8 శాతం లైబ్రరీ సెస్  కలిపి వార్షిక పన్నును నిర్ణయిస్తారు. ఈ లెక్క ప్రకారం సదరు ఫ్లాట్‌‌‌‌‌‌‌‌కు ఏడాదికి రూ.7,452 పన్ను చెల్లించాల్సి ఉంటుంది.

షాపు, నివాసానికి వేర్వేరు పన్నులు 

ఒకే భవనంలో వాణిజ్య, నివాస ప్రాంతాలు ఉన్నప్పుడు వాటిని విడివిడిగా పరిగణించి పన్ను లెక్కిస్తారు. ఉదాహరణకు 150 చదరపు గజాల స్థలంలో జీ+1 భవనం నిర్మించి, గ్రౌండ్‌‌‌‌‌‌‌‌ ఫ్లోర్‌‌‌‌‌‌‌‌లో 1,000 చదరపు అడుగుల విస్తీర్ణంలో షాపు, మొదటి అంతస్తులో మరో 1,000 చదరపు అడుగుల విస్తీర్ణంలో నివాసం ఏర్పాటు చేస్తే.. రెండు విభాగాలకు వాటి వినియోగాన్ని బట్టి వేర్వేరుగా పన్ను విధిస్తారు. భూమి విలువను కూడా పరిగణలోకి తీసుకొని మొత్తం వార్షిక పన్నును రూ.41,317గా లెక్కిస్తారు. 

• ఫుడ్ బడ్జెట్‌‌‌‌లో 16.3 శాతం సర్వ్డ్, రెడీమేడ్ తిండికే
• తర్వాతి స్థానాల్లో తమిళనాడు, మేఘాలయ, కర్నాటక
• మొత్తం ఆహార ఖర్చులోనూ మన రాష్ట్రానికి ఐదో స్థానం
• ఎస్‌‌‌‌బీఐ రీసెర్చ్ విభాగం సర్వేలో కీలక అంశాలు వెల్లడి

హైదరాబాద్, వెలుగు: ఉరుకుల పరుగుల జీవితం.. బిజీ వర్క్ షెడ్యూళ్లు.. వంటింట్లో నిలబడి గరిటె తిప్పే తీరిక లేకపోవడం.. వెరసి తెలంగాణ ప్రజల ఆహారపు అలవాట్లలో భారీ మార్పులొస్తున్నాయి. ఇంట్లో వండే తిండి కంటే బయటి నుంచి తెచ్చుకునే ఆహారం, రెడీ టు ఈట్ (ప్యాకేజ్డ్) ఫుడ్ వైపే రాష్ట్ర ప్రజలు ఎక్కువగా మొగ్గు చూపుతున్నారు.

కుటుంబ ఆహార బడ్జెట్‌‌‌‌లో బయటి తిండి, రెడీమేడ్ మీల్స్ కోసం ఎక్కువ ఖర్చు చేస్తున్నారు. ఈ జాబితాలో దేశంలోనే తెలంగాణ నంబర్ వన్ స్థానంలో నిలిచింది. కేంద్ర ప్రభుత్వం నిర్వహించిన ‘హౌస్‌‌‌‌హోల్డ్ కన్జంప్షన్ ఎక్స్‌‌‌‌పెండిచర్ సర్వే 2023–24’ గణాంకాలను విశ్లేషించి ఎస్‌‌‌‌బీఐ రీసెర్చ్ విభాగం విడుదల చేసిన తాజా నివేదికలో ఈ ఆసక్తికర విషయాలు వెల్లడయ్యాయి. ఎస్‌‌‌‌బీఐ అధ్యయనం ప్రకారం.. తెలంగాణలోని కుటుంబాలు తమ మొత్తం ఆహార ఖర్చులో ఏకంగా 16.3 శాతాన్ని రెడీ టు ఈట్, హోటళ్లు లేదా రెస్టారెంట్లలో సర్వ్ చేసే ఆహారం కోసమే ఖర్చు చేస్తున్నాయి. దేశంలోని మరే రాష్ట్రంలోనూ ఈ కేటగిరీ ఆహారానికి ఇంత భారీగా ఖర్చు చేయడం లేదు. తెలంగాణ తర్వాత తమిళనాడు, మేఘాలయ, కర్నాటక రాష్ట్రాలు కూడా రెడీమేడ్ ఆహారానికి ఎక్కువ మొత్తంలో ఖర్చు చేస్తున్నట్టు నివేదిక పేర్కొంది. 
 
 వేగంగా పెరుగుతున్న పట్టణీకరణ, భార్యాభర్తలిద్దరూ ఉద్యోగాలు చేస్తుండటం, మారిన లైఫ్‌‌‌‌స్టైల్ కారణంగానే వంటింట్లో వంట తగ్గి బయటి తిండిపై ఆధారపడటం పెరిగిందని నివేదిక స్పష్టం చేసింది. రాష్ట్ర ప్రజల్లో కొనుగోలు శక్తి పెరగడంతో పాటు ఆహారంపై పెట్టే ఖర్చు కూడా గణనీయంగా పెరిగిందని ఎస్‌‌‌‌బీఐ రీసెర్చ్ వెల్లడించింది. నెలవారీ సగటు ఆహార వినియోగ ఖర్చులో దేశంలోనే తెలంగాణ ఐదో స్థానంలో నిలిచింది. హర్యానా, నాగాలాండ్, గోవా, కేరళ రాష్ట్రాలు మాత్రమే తెలంగాణ కంటే ముందున్నాయి.

మగోళ్లున్న ఇండ్లలోనే ఖర్చు ఎక్కువ

దేశవ్యాప్తంగా ఒక్కో రాష్ట్రంలో ఆహార వినియోగ ప్రాధాన్యతలు భిన్నంగా ఉన్నట్లు ఎస్‌‌‌‌బీఐ నివేదిక వెల్లడించింది. గోవాలో ప్యాకేజ్డ్ ప్రాసెస్డ్ ఫుడ్‌‌‌‌పై 11.4 శాతం ఖర్చు చేస్తున్నట్టు పేర్కొంది. హర్యానా ప్రజలు పాలు, పాల ఉత్పత్తులపై బడ్జెట్‌‌‌‌లో 28.6 శాతం ఖర్చు పెడుతున్నారు. జార్ఖండ్‌‌‌‌లో బియ్యం, గోధుమలు వంటి వాటికి అత్యధికంగా 38.6 శాతం బడ్జెట్ కేటాయిస్తున్నారు. ఛత్తీస్‌‌‌‌గఢ్‌‌‌‌లో పప్పుధాన్యాలపై 20.5 శాతం, కూరగాయలపై 14.3 శాతం ఖర్చు చేస్తున్నారు. కేరళలో పండ్ల కోసం 7 శాతం కేటాయిస్తున్నారు. అయితే గుడ్లు, చేపలు, మాంసం, డ్రై ఫ్రూట్స్, పండ్ల కొనుగోళ్లు మాత్రం దేశవ్యాప్తంగా తగ్గిపోతున్నట్టు రిపోర్టు పేర్కొంది. ఇక అన్ని రాష్ట్రాల్లోనూ మహిళలతో పోలిస్తే పురుషులకు సంబంధించిన ఆహార ఖర్చు ఎక్కువగా ఉన్నట్టు తేలింది. ఈ జాబితాలో తెలంగాణ, ఒడిశా, పంజాబ్, ఛత్తీస్‌‌‌‌గఢ్ రాష్ట్రాలు ముందున్నట్టు వెల్లడైంది. 

ఆన్‌‌‌‌లైన్ కొనుగోళ్లు తక్కువే..

డిజిటలైజేషన్ ఊపందుకుంటున్నప్పటికీ ఆహార పదార్థాల కొనుగోళ్లలో ఆన్‌‌‌‌లైన్ ఆర్డర్లు ఇంకా నామమాత్రంగానే ఉన్నాయని నివేదిక తెలిపింది. నిత్యావసర సరుకులను ఆన్‌‌‌‌లైన్‌‌‌‌లో ఆర్డర్ చేసేవారి వాటా 4.29 శాతంగా ఉన్నట్టు తెలిపింది. హోటల్ ఫుడ్ (సర్వ్డ్ ప్రాసెస్డ్ ఫుడ్) ఆన్‌‌‌‌లైన్ కొనుగోళ్లు 2.62 శాతం కాగా, ప్యాకేజ్డ్ ప్రాసెస్డ్ ఫుడ్ ఆర్డర్లు 1.65 శాతంగా నమోదయ్యాయి. తాజా కూరగాయలు (1.32%), పండ్లు (1%), డ్రై ఫ్రూట్స్ (0.62%) కొనుగోళ్లలో ఆన్‌‌‌‌లైన్ వాటా చాలా తక్కువగా ఉంది. తాజా ఆహార పదార్థాల కోసం ప్రజలు ఇప్పటికీ నేరుగా మార్కెట్లకు వెళ్లడానికే మొగ్గు చూపుతున్నారు. ఇంట్లో ఉండే సభ్యుల వయసును బట్టి కూడా ఆహార ఖర్చు మారుతోందని అధ్యయనం పేర్కొంది. వృద్ధులు ఎక్కువగా ఉన్న కుటుంబాల్లో పాలు, పండ్లు, కూరగాయలకు ఎక్కువ ప్రాధాన్యం ఇస్తుండగా, పిల్లలు ఉన్న ఇండ్లలో పాల ఉత్పత్తులతో పాటు రెడీ టు ఈట్, ప్యాకేజ్డ్ ఆహార పదార్థాల కోసం ఎక్కువ బడ్జెట్ వెచ్చిస్తున్నట్లు ఎస్‌‌‌‌బీఐ నివేదిక స్పష్టం చేసింది.
 

• ముందురోజు 3 వేల మంది జైన భక్తులతో శోభాయాత్ర
• వర్షీదాన్‌‌‌‌‌‌‌‌లో ఆస్తులు, విలువైన వస్తువుల దానం

అబిడ్స్, వెలుగు: విలాసవంతమైన జీవితం, మంచి ఉద్యోగం, సొంత వ్యాపారం.. అన్నీ ఉన్నా ఆ యువతి మనసు ఆధ్యాత్మికత వైపు మళ్లింది. భౌతిక సుఖాలను పూర్తిగా త్యజించి, మోక్ష మార్గమే లక్ష్యంగా 25 ఏళ్ల సంజన లునావత్ జైన భగవతి దీక్ష స్వీకరించేందుకు సిద్ధమయ్యారు. మహారాష్ట్రకు చెందిన ఈ యువతి ఎంబీఏ పూర్తి చేసి, ఫ్యాషన్‌‌‌‌‌‌‌‌ డిజైనింగ్‌‌‌‌‌‌‌‌లో రాణించడంతో పాటు సొంతంగా బొటిక్‌‌‌‌‌‌‌‌ కూడా నడిపారు.

 కానీ, 12 ఏళ్ల వయసు నుంచే జైన ధర్మం పట్ల ఏర్పడిన ఆసక్తితో ఆమె ఈ సంచలన నిర్ణయం తీసుకున్నారు. ఈ మహా దీక్షకు ముందు శనివారం హైదరాబాద్‌‌‌‌‌‌‌‌లో ఘనంగా శోభాయాత్ర నిర్వహించారు. నాంపల్లి లలిత కళాతోరణం నుంచి ఎగ్జిబిషన్‌‌‌‌‌‌‌‌ గ్రౌండ్స్‌‌‌‌‌‌‌‌ వరకు సాగిన ఈ ఊరేగింపులో 3 వేల మందికి పైగా జైన భక్తులు పాల్గొన్నారు.

 పాతకాలపు కార్లు, గుర్రాలు, సంప్రదాయ వాయిద్యాల మధ్య ఆధ్యాత్మిక వాతావరణం నెలకొంది. ఈ వేడుకలో భాగంగా వర్షీదాన్‌‌‌‌‌‌‌‌ నిర్వహించి తన ఆస్తులు, నగదును దానం చేశారు. ఆదివారం పూజ్య ఆచార్య శ్రీ జ్ఞానచంద్రజీ మహరాజ్ సాహెబ్ మార్గదర్శకత్వంలో దీక్షా మహోత్సవం జరగనుంది

‘సొంతమవుతూ .. ప్రేమ ప్రయాణం’ (బిలాంగింగ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ ఎ జెర్నీ ఆఫ్ లవ్) ‘రాజకీయం కాదు, ఇది కుటుంబ కథ’ అని రచయిత్రి సోనియా గాంధీ తన ఆత్మకథలో స్పష్టం చేసినప్పటికీ, రాజకీయ తెరపై విరుద్ధ భావనలు, బహిరంగ వ్యాఖ్యలు సాగుతూనే ఉన్నాయి.  చరిత్రగతిలో  రేగిన పలు సందేహాలకు సమాధానాలివ్వడమేకాక  వివిధ రాజకీయ దుష్ప్రచారాలకు ఈ పుస్తకం అడ్డుకట్ట వేసిందని కాంగ్రెస్ వర్గీయులు అంటున్నారు. తప్పుల్ని కప్పిపుచ్చి, తమ చర్యల్ని సమర్థించుకునేందుకు చేసిన ఓ ప్రయత్నం అని ప్రత్యర్థి బీజేపీ వర్గం విమర్శిస్తోంది. 

కొన్ని విషయాలే వివరంగా రాసి, మరిన్ని కీలక, వివాదాస్పద అంశాల్ని ప్రస్తావించకపోవడం ‘సౌకర్యవంతమైన ఆత్మకథా కథనం’అని ప్రత్యర్థుల వాదన.  పుస్తకాన్ని స్థూలంగా పరిశీలించినపుడు... ప్రేమను కేంద్రకం చేసి, కుటుంబ బంధాలు, స్నేహాలు, జీవితపు ఆటుపోట్లు, త్యాగం, బాధ్యత వంటి వైరుధ్యాల నడుమ సంఘర్షణ,  అనివార్యతలు తదితరాలను హృద్యంగా మలిచిన తీరు ప్రశంసనీయం. ఎంతకాదన్నా, కుటుంబం-రాజకీయం మేళవింపు ఓ అర్ధ శతాబ్ది చరిత్రకు నిలువెత్తు సాక్ష్యం!

భారతదేశ ప్రత్యక్ష రాజకీయాల్లో  మూడు దశాబ్దాలుగా కీలకపాత్ర పోషిస్తున్న సోనియాగాంధీ తన ఆత్మకథను ఓ పెద్ద పుస్తకంగా (636 పేజీలు) గత సోమవారం విడుదల చేయడంతో ఎన్నో విషయాలు ప్రజాక్షేత్రంలోకి వచ్చాయి.  ఇటలీకి చెందిన ఓ యువతి, దేశంలోని అత్యున్నత రాజకీయ (గాంధీ, నెహ్రూ) కుటుంబ యువకుడ్ని తాము చదువుకుంటున్న కేంబ్రిడ్జి యూనివర్సిటీలో ప్రేమించి దేశపు కోడలిగా రావటం వరకే ప్రజలకు తెలుసు.

అదే క్రమంలో దేశ ప్రధానిగా ఉన్న అత్త ఇందిరాగాంధీ, తర్వాత కాలంలో మాజీ ప్రధాని,  భర్త రాజీవ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌గాంధీ హత్యలకు గురికావడం, అయిష్టంగానే ఆమె ప్రత్యక్ష రాజకీయాల్లోకి రావడం,  దేశ ప్రధాని అయ్యే అవకాశాన్ని ఆమె వదులుకోవడం, ఆమె సంతానం రాహుల్ గాంధీ, ప్రియాంక గాంధీ నేడు విపక్షంలో క్రియాశీల నేతలుగా ఉండటం వంటివి బయటకు కనిపించే విషయాలు. 

కానీ, వాటి వెనుక ఎప్పుడు, ఏం జరిగింది?  ఎవరి పాత్ర,  ప్రమేయం ఎలాంటివి?  ఏయే పరిస్థితుల్ని సోనియా ఎలా ఎదుర్కొన్నారు.... ఇలాంటి విషయాలు స్వయంగా ఆమే వివరించడం ఆసక్తి రేపుతుందనడంలో ఆశ్చర్యం లేదు. రాజీవ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌పై వచ్చిన బోఫోర్స్ కుంభకోణం విమర్శలు, ఇటలీ లింక్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌తో సోనియా కుటుంబంపై వచ్చిన నిర్దిష్ట ఆరోపణలకు తనదైన స్పష్టత ఆమె ఇచ్చి ఉండాల్సిందనే వాదన రావడమూ సహజమే.

పౌరసత్వ సందేహాల్ని తీర్చే యత్నం

తానే స్వయంగా ఆత్మకథ రాయడం వెనుక మతలబు సోనియా వివరించారు. ‘నీ ఆలోచనలు రాయి’ అన్న పలువురు సన్నిహితులు, ‘ఇప్పటికే నీపై చాలా పుస్తకాలు వచ్చినా వేటిలోనూ మేమెరిగిన నీవు లేవు’ అనేవారని దాన్ని నేను చివరకు అంగీకరించానని పుస్తకం ముందు మాట (ప్రోలోగ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో) ఆమె  చెప్పుకొచ్చారు. ‘నాది రాయదగిన కథే, రాసే సమయం వచ్చింది’ అని తాను భావించానని, అందుకే రాశానని  స్పష్టం చేశారు. ‘ఇది రాజకీయ కథనం కాదు,  ప్రేమతో కూడిన కుటుంబ కథ’ అనీ స్పష్టం చేశారు.  చట్టబద్ధంగా పౌరసత్వం పొందిన వ్యక్తిగానేకాక, ఈ దేశాన్నే తన ఇల్లుగా మార్చుకొని, దేశ ప్రజలకు చెందిన వ్యక్తిగా మారిన క్రమాన్ని ఈ పుస్తకం ద్వారా వివరించేందుకు ఆమె యత్నించారు. 

1999లో జరిగిన ఒక భేటీలో, దేశ అత్యున్నత పదవికి తన యోగ్యతను ప్రశ్నిస్తూ సీనియర్ నాయకులు శరద్ పవార్, తారిఖ్ అన్వర్, పీఏ సంగ్మాలు పార్టీని వీడినపుడు తాను ఎంతో నొచ్చుకున్నానన్నారు. ఆ పదవికి యోగ్యత అంశం ప్రశ్నించినందుకు కాదని, తాను వారిని విశ్వాసంలోకి తీసుకున్నా వారు తనను విశ్వసించకపోవడం బాధించినట్టు సోనియా చెప్పారు.  ప్రపంచ యుద్ధంలో ఇటలీ సైనికుడిగా గ్రీస్,  రష్యాల్లో పోరాడిన తన తండ్రిపై  ప్రేమవల్ల ఇటలీ పౌరసత్వం వదులుకోవడం కష్టమైందనీ తన మనోగతం వెల్లడించారు.

సహేతుక వారసత్వం

రాజకీయ ప్రత్యర్థులు విమర్శించే ‘వారసత్వ రాజకీయాల’ పైనా సోనియా ఒక స్పష్టత ఇచ్చారు. రాజకీయాల్లోకి రావద్దని రాజీవ్ గాంధీని తాను వ్యతిరేకించినంత గట్టిగానే, తన పిల్లలు రాహుల్, ప్రియాంకలు తననూ ప్రత్యక్ష రాజకీయాల్లోకి రావద్దని వ్యతిరేకించారన్నారు.  తాను రావాల్సిన అనివార్యతను రాజీవ్ గాంధీ వివరించినప్పటి కన్నా, ఆయన త్యాగం అర్థమైనపుడు కొంత, తాను పార్టీ బాధ్యతలు చేపట్టాల్సి వచ్చినపుడు మరికొంత అర్థమైందని సోనియా వివరించారు. అందువల్లే, రాహుల్ ప్రత్యక్ష రాజకీయాల్లోకి వచ్చినపుడు తాను ప్రతిఘటించలేకపోయానన్నారు. 

అత్త, భర్త  ప్రాణత్యాగాల వల్ల ఏర్పడ్డ వ్యక్తిగత భయాలు, 1997లో పార్టీలో చేరి బాధ్యతలు చేపట్టాల్సిన అవసరం మధ్య తనలో తీవ్ర ఆంతరంగిక సంఘర్షణ జరిగినట్టు తెలిపారు. స్వీయ భయాలకన్నా.. అత్త, -భర్త త్యాగాల్ని వృథాపోనీయకుండా నిర్వహించాల్సిన సహేతుక వారసత్వం వైపే తాను కడకు మొగ్గానన్నారు. ఆ సంఘర్షణ తాలూకు తుది నిర్ణయమే 2004లో ‘ఆత్మప్రబోధం’ ప్రకారం ప్రధాని పదవి నిరాకరించడానికి కారణమైనట్టు తెలిపారామె.  

ప్రధానమంత్రి కావడానికి ప్రణబ్ ముఖర్జీ ఆసక్తి కనబరిచినా డా. మన్మోహన్ సింగ్ వైపే మొగ్గడానికి గల కారణాల్నీ ఆమె పుస్తకంలో వివరించారు. కానీ, కాంగ్రెస్ రెండుమార్లు అధికారంలోకి రావడంలో కీలక విజయాలు అందించిన వై.ఎస్.రాజశేఖరరెడ్డి, దుర్ఘటనలో మరణించేవరకు పార్టీకి ఎంతో సేవచేసిన రాజీవ్ సన్నిహితుడు రాజేశ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌పైల‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ట్ వంటి వారి ప్రస్తావన ఎక్కడా లేకపోవడం పాఠకుల దృష్టి నుంచి జారిపోదు.

కొన్ని పాక్షిక వ్యక్తీకరణలే!

కీలకమైన కొన్ని వివాద, సందేహాస్పద అంశాల్ని వదిలేశారనే విమర్శ ఉంది. సంత్ లోంగోవాల్ హత్య, ఖలిస్తాన్ వాదులు కెనడా నుంచి వస్తున్న ఎయిర్ ఇండియా విమానాన్ని పేల్చేయడం, జనరల్ వైద్య హత్యోదంతాలను తటస్థంగా, ఒక జర్నలిస్ట్ కథనంలాగా సోనియా వెల్లడించారు. ఎమర్జెన్సీ, బాబ్రీ మసీదు కూల్చివేత, అయోధ్య శిలాన్యాస్, గుజరాత్ అల్లర్లు, షాబానో కేసు, సీతారామ్ కేసరి తొలగింపు, 1984 సిక్కు వ్యతిరేక అల్లర్లు, బోఫోర్స్ కుంభ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌కోణం కేసు తదితరార అంశాల్ని ఆమె దాట వేశారనే విమర్శ ఉంది.  అన్నీ చెప్పడంలో కొన్ని పరిమితులున్నాయి. ఎందుకంటే, ఇతరుల వ్యక్తిగత గోప్యతను నేను గౌరవిస్తాను. అవేమైనా ఉంటే, వారు వారి కథల్లో చెప్పుకోవచ్చు అనే భావన సోనియా వ్యక్తం చేశారు. 

ఇటలీ యువతిగా తన దేశాన్ని వీడి వచ్చి, భారత్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ను దత్తత తీసుకున్న నుంచీ తాను భారతీయతను ఎంతగా జీర్ణం చేసుకున్నది చెప్పే ప్రయత్నం పుస్తకం పొడుగునా సాగింది.  కూతురు ప్రియాంకలో చురుకైన, ఇందిరా వారసత్వ రాజకీయ లక్షణాలున్నాయని బయట ఎంత ప్రచారమున్నా తనయుడు  రాహుల్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌కే  రాజకీయ ప్రాధాన్యతనిస్తూ ఆమె ‘సగటు భారతీయత’ను ఆచరణలో చాటుకున్నారు. సుదీర్ఘ కాలం తర్వాత  కాంగ్రెస్  ప్రభుత్వం ఒక రాష్ట్రాన్ని విభజించి ‘తెలంగాణ’ ఇచ్చిన విషయాన్ని పుస్తకంలో ప్రస్తావించలేదని బీఆర్​ఎస్ నాయకుడొకరు తప్పుబట్టారు. 

కానీ, ఆమె ఇవ్వలేదు అని అనలేని పరిస్థితి వారిది. ఎందుకంటే, ఆ పార్టీ అధినేత కేసీఆర్ 2005 బడ్జెట్ సమావేశాలప్పుడు కేంద్ర మంత్రిగా ఉండి, ‘తెలంగాణ ఇస్తానని సోనియా స్వయంగా నాకు చెప్పారు, మాట ఇచ్చి సోనియా తప్పిన సందర్భం చూడలేదు, కనుక రాష్ట్రం ఏర్పాటు ఖాయం’ అని నాతోనే అన్నారు. రాష్ట్రం ఏర్పడ్డ తర్వాత రాష్ట్ర ఏర్పాటు క్రెడిట్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ను సోనియాకు ఇస్తూ కేసీఆర్ అసెంబ్లీ వేదికపైనే మాట్లాడారు.

రాజకీయంగా విఫలమయ్యా

మనమెంత నష్టపోయామన్నదానితో నిమిత్తం లేకుండా రాజకీయాల్లో ‘నిజాయితీ’గా నిలబడటం అతి పెద్ద సవాల్ అని చెప్పిన సోనియా, ‘అంతిమంగా ప్రజల జీవితాల్లో ఎంత మార్పు తెచ్చాం,  ఏమేర వారి జీవన ప్రమాణాలు మెరుగుపరిచాం’ అన్నదే కొలమానమని రాజీవ్ చెప్పిన మాటలు తనకు సదా స్ఫూర్తి అన్నారు. బాధ్యతగా క్రియాశీల రాజకీయాల్లోకి వచ్చి, కాంగ్రెస్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌కు నేతృత్వం వహించి, గరిష్టంగా కృషి చేసి కూడా దేశ లౌకిక, సమైక్య, బహుళత్వానికి వ్యతిరేకంగా చెలరేగే శక్తుల్ని అణచివేయడంలో తాను విఫలమైనట్టు ‘ముగింపు’ (ఎపిలోగ్) మాటల్లో వెల్లడించారు. 

కానీ, అంతిమంగా ఈ మహాత్మాగాంధీ పుట్టిన దేశంలో ప్రేమ, దయ గెలిచి, నిలుస్తాయనే విశ్వాసం వ్యక్తం చేశారు. వ్యక్తి, కుటుంబం, దేశం తానెంతగా ప్రేమించానో, బదులుగా తననూ అంతే ప్రేమించాయని, ‘ప్రేమ’తననెప్పుడూ విఫలం చేయలేదని ఆమె తన ప్రేమ కావ్యం ముగించారు.

- దిలీప్ రెడ్డి
పొలిటికల్ ఎనలిస్ట్,
పీపుల్స్ పల్స్ రీసెర్చ్ సంస్థ డైరెక్టర్

• ఓపెన్​ పేజీకి వ్యాసాలు, లెటర్లు పంపాల్సిన మెయిల్​ ఐడీ openpage@v6velugu.com
• రచయితలు ‘వెలుగు’ కు మాత్రమే పంపుతున్నామని హామీ తప్పనిసరి రాయాలి. స్వీయ రచన అయి ఉండాలి.
• రచన 700 పదాలకు మించరాదు.