• దమ్ముంటే సర్కార్‌‌‌‌ను రద్దు చేసి రండి
• సీఎంకు కేంద్ర మంత్రి బండి సవాల్
• 13 కోట్ల ఓట్ల తొలగింపు పచ్చి అబద్ధం
• త్వరలో దేశవ్యాప్తంగా ఎన్ఆర్సీ తెస్తం
• సీఈసీపై అభిశంసన అంటే పెద్ద జోక్

హైదరాబాద్, వెలుగు: ఈవీఎంలపై విమర్శలు చేస్తున్న కాంగ్రెస్ నేతలకు, సీఎం రేవంత్ రెడ్డికి దమ్ముంటే రాష్ట్ర ప్రభుత్వాన్ని రద్దు చేసి ఎన్నికలకు రావాలని కేంద్ర హోంశాఖ సహాయ మంత్రి బండి సంజయ్ సవాల్ విసిరారు. బ్యాలెట్ పేపర్లతోనే ఎన్నికలకు వెళ్దామని, ఇందుకు ఎన్నికల సంఘాన్ని ఒప్పించే బాధ్యత తాను తీసుకుంటానని అన్నారు. రాష్ట్రంలో కరువు, పంటల ఎండిపోవడం, రైతుల సమస్యలను పట్టించుకోని ప్రభుత్వం.. ఆరు గ్యారంటీల వైఫల్యం నుంచి ప్రజల దృష్టి మళ్లించేందుకే ఢిల్లీ ధర్నాలు, ఈవీఎంలు, ‘సర్’ అంశాలను తెరపైకి తెస్తోందని ఆరోపించారు. రాష్ట్రవ్యాప్తంగా కరువు పరిస్థితులున్నా 365 మండలాలనే కరువు ప్రాంతాలుగా ప్రకటించడం దారుణమన్నారు. అనేక చోట్ల తాగు, సాగునీరు లేక పంటలు ఎండిపోతున్నాయని, విద్యుత్ కోతలతో ప్రజలు ఇబ్బందులు పడుతున్నారని చెప్పారు. సర్​పై ప్రతిపక్షాల ప్రచారాన్ని తిప్పికొడుతూ రాసిన ‘ప్రజాస్వామ్యాన్ని కాపాడుకుందాం.. అరాచకాన్ని తరిమికొడదాం’ పుస్తకాన్ని శుక్రవారం బీజేపీ రాష్ట్ర కార్యాలయంలో ఆయన ఆవిష్కరించారు.

ఓట్ల తొలగింపు ప్రచారం అబద్ధం

దేశవ్యాప్తంగా 13 కోట్ల ఓట్లు తొలగించారన్న కాంగ్రెస్ ప్రచారం అసత్యమని బండి సంజయ్ అన్నారు. అవి కేవలం ముసాయిదా జాబితాలేనని చెప్పారు. పొరపాటున అర్హుల ఓట్లు తొలగితే తగిన ఆధారాలు సమర్పించి తిరిగి నమోదు చేసుకునే అవకాశం ఉందన్నారు. 2004లో మరణించిన మాజీ ప్రధాని పీవీ నరసింహారావు ఓటు ఇప్పటికీ జాబితాలో ఉందని, దాన్ని తొలగించాలా వద్దా అని ప్రశ్నించారు. సీఈసీ జ్ఞానేశ్ కుమార్‌‌పై కాంగ్రెస్ విమర్శలు చేయడం, అభిశంసన తీర్మానం తీసుకొస్తామనడం పెద్ద జోక్ అని వ్యాఖ్యానించారు.

ఐక్యరాజ్యసమితికి వెళ్లి ఫిర్యాదు చేసినా ఎదుర్కొంటామని అన్నారు. ‘సర్’ ప్రక్రియను ఆపే ప్రసక్తే లేదని, కొనసాగించి తీరుతామని స్పష్టం చేశారు. త్వరలోనే దేశవ్యాప్తంగా ఎన్ఆర్సీ అమలు చేసి అక్రమ చొరబాటుదారులను తరిమేస్తామన్నారు. బంగ్లాదేశ్ తరహాలో భారత్‌‌లో అల్లర్లు సృష్టించి మోదీ ప్రభుత్వాన్ని కూల్చేందుకు కాంగ్రెస్ కుట్రలు చేస్తోందని ఆరోపించారు. ‘ఐసా’ నేత నేహా బోరా, పాకిస్తాన్ నిధులతో పనిచేస్తున్న సీజేపీ నాయకుడు అశుతోష్ రంకా, విదేశీ నిధులతో పార్టీ ఏర్పాటు చేశారని పేర్కొన్న అభిజీత్ దీప్కేలతో కలిసి కాంగ్రెస్ ధర్నాలు చేయడమేంటని ప్రశ్నించారు. కార్యక్రమంలో మల్క కొమరయ్య, అంజిరెడ్డి పాల్గొన్నారు.

• బాలిక ముఖం, తల, వీపు భాగాల్లో తీవ్ర గాయాలు
• అడ్డుకున్న మరో విద్యార్థినిపై కూడా అటాక్‌‌‌‌ 
• ఏపీలోని అనంతపురం జిల్లా రాప్తాడులో దారుణం
• వైద్యం కోసం బాలికను బెంగళూరుకు తరలింపు
• నిందితుడిని అదుపులోకి తీసుకున్న పోలీసులు, రంపం సీజ్

హైదరాబాద్, వెలుగు: ఏపీలోని అనంతపురం జిల్లాలో శనివారం మధ్యాహ్నం దారుణం జరిగింది. రాప్తాడు మండల కేంద్రంలోని గవర్నమెంట్ హైస్కూల్‌‌లో పదో తరగతి చదువుతున్న విద్యార్థినిపై ఓ ఉన్మాది( 21) మొద్దులు కోసే రంపం మిషన్‌‌తో దాడి చేశాడు. నేరుగా స్కూల్ ల్లోకి వచ్చిన నిందితుడు.. తరగతి గదిలోనే పిల్లలందరితోపాటు టీచర్ చూస్తుండగానే ఎలక్ట్రిక్ రంపంతో బాలికపై విచక్షణారహితంగా దాడికి తెగపడ్డాడు. ఈ దాడిలో బాలిక ముఖం, తల, వీపు భాగాల్లో తీవ్ర గాయాలయ్యాయి.

అటాక్‌‌ను అడ్డుకునేందుకు ప్రయత్నించిన మరో విద్యార్థినికి కూడా గాయాలయ్యాయి. ఈ ఘటనతో పాఠశాల విద్యార్థులు, ఉపాధ్యాయులు తీవ్ర భయాందోళనలకు గురయ్యారు. వెంటనే ప్రాణాపాయ స్థితిలో ఉన్న బాలికను చికిత్స నిమిత్తం స్థానిక ఆసుపత్రికి తరలించారు. సమాచారం అందుకున్న పోలీసులు వెంటనే ఘటనాస్థలికి చేరుకుని కేసు నమోదు చేసి దర్యాప్తు చేపట్టారు. ఘటనా స్థలాన్ని పరిశీలించిన ఫోరెన్సిక్ బృందం దాడికి ఉపయోగించిన రంపం మెషీన్‌‌ను స్వాధీనం చేసుకుంది. నిందితుడిని ధర్మవరం మండలానికి చెందిన హేమంత్ గా పోలీసులు గుర్తించారు. ‘‘పిల్లలకు మ్యాథ్స్‌‌ చెబుతుంటే ఓ దుండగుడు క్లాస్‌‌ లోకి వచ్చాడు. నేరుగా అమ్మాయి వద్దకు వెళ్లి రంపంతో చేశాడు. నేను షాక్‌‌లోకి వెళ్లిపోయా. ఏం జరుగుతోందో అర్థం కాలేదు’’ అని క్లాస్‌‌ టీచర్‌‌ పేర్కొన్నారు.

బాలిక బెంగ‌‌ళూరుకు త‌‌ర‌‌లింపు..నిందితుడు అరెస్ట్

ఉన్మాది చేతిలో తీవ్రంగా గాయపడ్డ టెన్త్ క్లాస్ విద్యార్థినిని మెరుగైన వైద్యం కోసం అధికారులు బెంగళూరులోని మణిపాల్ ఆస్పత్రికి తరలించారు. బాలికను వేగంగా బెంగళూరు తీసుకెళ్లేందుకు పోలీసులు గ్రీన్ ఛానల్ ఏర్పాటు చేశారు. మరోవైపు, ఘటనపై పోలీసుల దర్యాప్తు కొనసాగుతోంది. బాలికపై దాడి చేసిన ఉన్మాది హేమంత్ ను పోలీసులు ధర్మవరంలో అదుపులోకి తీసుకున్నారు. నిందితుడి స్వస్థలం ధర్మవరం మండలం నాగలూరుకాగా..అతడు బాలికకు మేనమామ అవుతాడని, కొన్నాళ్లుగా ప్రేమ పేరుతో విద్యార్థినిని వేధిస్తున్నట్లు సమాచారం. కాగా...స్కూల్లో నిర్లక్ష్యంగా వ్యవహరించినందుకు హెచ్‌‌ఎంను ఉన్నతాధికారులు సస్పెండ్ చేశారు. 

సీఎం చంద్రబాబు దిగ్భ్రాంతి..

రాప్తాడు ఘటనపై సీఎం చంద్రబాబు తీవ్ర ఆవేదన వ్యక్తం చేశారు. క్లాస్ రూములోనే రంపంతో అత్యంత అనుమానుషంగా దాడి జరగడం పట్ల దిగ్భ్రాంతి వ్యక్తం చేశారు. తీవ్ర గాయాల పాలైన విద్యార్థిని ఆరోగ్య పరిస్థితిని, అందుతున్న చికిత్సపై అధికారులతో మాట్లాడారు. నిందితుడిని పట్టుకుని కఠినంగా శిక్షించాలని పోలీసులను ఆదేశించారు. ఇలాంటి అమానవీయ ఘటనలకు సమాజంలో చోటు లేదని డిప్యూటీ సీఎం పవన్ కల్యాణ్ అన్నారు. బాధితురాలి కుటుంబానికి కూటమి ప్రభుత్వం అన్ని విధాలా అండగా ఉంటుందని భరోసా ఇచ్చారు. ఆడపిల్లల భద్రతకు విఘాతం కలిగిస్తే ఎంతటి వారైనా ఉపేక్షించేది లేదని  మంత్రి నారా లోకేశ్ స్పష్టం చేశారు. ఉన్మాదులను ఉక్కుపాదంతో అణచివేస్తామని హెచ్చరించారు. దాడిని ఏపీ హోంమంత్రి అనిత తీవ్రంగా ఖండించారు. నిందితుడికి కఠిన శిక్ష పడేలా చూస్తామన్నారు. మహిళలు, విద్యార్థినులు ఎవరైనా వేధింపులకు గురైతే భయపడకుండా వెంటనే తల్లిదండ్రులు, పోలీసులను సంప్రదించి సహాయం కోరాలన్నారు. 

• ప్రతిపక్షాల గొంతు నొక్కుతున్న బీజేపీ: ఎంపీ వంశీకృష్ణ
•     అందుకే ‘మాక్ పార్లమెంట్’తో ప్రజల గొంతు వినిపించాం
•     జ్ఞానేశ్ కుమార్ తొలగింపు వరకు ఉద్యమం ఆగదని వెల్లడి

న్యూఢిల్లీ, వెలుగు: పార్లమెంట్‌‌లో ప్రతిపక్షాల గొంతు నొక్కుతూ బీజేపీ ప్రజాస్వామ్యాన్ని ఖూనీ చేస్తోందని పెద్దపల్లి ఎంపీ గడ్డం వంశీకృష్ణ విమర్శించారు. ప్రజా సమస్యలను ప్రస్తావించినప్పుడల్లా మైక్ కట్ చేయడం నియంతృత్వ ధోరణికి నిదర్శనమన్నారు. అందుకే ‘మాక్ పార్లమెంట్’ నిర్వహించి దేశ ప్రజల గొంతును వినిపించామని చెప్పారు. శనివారం రాజాజీ మార్గ్‌‌లో ఏఐసీసీ అధ్యక్షుడు మల్లికార్జున ఖర్గే నివాసంలో నిర్వహించిన మాక్ పార్లమెంట్‌‌లో వంశీకృష్ణ పాల్గొన్నారు. అనంతరం మీడియాతో మాట్లాడుతూ.. “రాహుల్ గాంధీ మాట్లాడితే మైక్ కట్ చేస్తున్నారు. ప్రజా సమస్యలు ప్రస్తావిస్తే గొంతు నొక్కుతున్నారు. పార్లమెంట్ ప్రజాస్వామ్యాన్ని అణచివేసే వేదికగా మారుతోంది” అని అన్నారు. గత నెల రోజులుగా విద్యార్థులపై దాడులు చేస్తూ, వారిని ఉగ్రవాదులుగా చిత్రీకరించడం దారుణమని ఆగ్రహం వ్యక్తం చేశారు.విద్యార్థులపై దాడులు ఆపాలని డిమాండ్ చేశారు. ప్రజాస్వామ్య హక్కుల కోసం పోరాటం కొనసాగిస్తామని స్పష్టం చేశారు.

ఓటు హక్కు, ఎన్నికల సమగ్రత కోసం పోరాటం

‘సర్’ప్రక్రియలో పారదర్శకతపై వంశీకృష్ణ ఆందోళన వ్యక్తం చేశారు. ఓట్ల చోరీకి బాధ్యత వహిస్తూ ప్రధాన ఎన్నికల కమిషనర్ జ్ఞానేశ్ కుమార్‌‌ను పదవి నుంచి తొలగించాలని డిమాండ్ చేశారు. ప్రజాస్వామ్యానికి పునాది అయిన ఓటు హక్కును కాపాడటం, ఎన్నికల ప్రక్రియలో పారదర్శకతను నిలబెట్టడం ప్రతి ప్రజాప్రతినిధి బాధ్యతని పేర్కొన్నారు. ప్రజల ఓటు హక్కును హరించే చర్యలను సహించబోమన్నారు. ఎన్నికల సమగ్రతను కాపాడేందుకు ప్రతిపక్షాలు చేస్తున్న పోరాటానికి సంపూర్ణ మద్దతు ఇస్తామని చెప్పారు.
 

• ఎంసీఆర్ హెచ్ఆర్డీ జాతీయ సదస్సులో మంత్రి వివేక్ వెంకటస్వామి  
• స్కిల్స్ ఉంటేనే సుస్థిర ఆర్థిక వృద్ధి
•     రూ.4 వేల కోట్లతో 65 ఐటీఐలు ఏటీసీలుగా మార్పు
•     జర్మనీ, జపాన్​లలో మనోళ్లకు ఫుల్ డిమాండ్ 
•     యువత అంతర్జాతీయ అవకాశాలను అందిపుచ్చుకోవాలని పిలుపు

హైదరాబాద్, వెలుగు: పారిశ్రామిక ప్రగతి, యువతలో నైపుణ్యాల పెంపుతోనే సుస్థిర అభివృద్ధి సాధ్యమని, అప్పుడే 2047 నాటికి తెలంగాణను 3 ట్రిలియన్ డాలర్ల ఆర్థిక వ్యవస్థగా అవతరిస్తుందని శక్తి, గనుల శాఖ మంత్రి వివేక్ వెంకటస్వామి స్పష్టం చేశారు. డాక్టర్ మర్రి చెన్నారెడ్డి మానవ వనరుల అభివృద్ధి సంస్థ (ఎంసీఆర్ హెచ్ఆర్డీ) స్వర్ణోత్సవాల సందర్భంగా నిర్వహించిన రెండు రోజుల జాతీయ సదస్సులో ఆయన పాల్గొని ప్రసంగించారు.

ఆర్థిక వృద్ధి అంటే కేవలం జీడీపీ లెక్కలు పెరగడం మాత్రమే కాదని, అది అన్ని ప్రాంతాలు, వర్గాలకు చేరి ప్రజల ఆదాయాలు పెరగడంతో పాటు యువతకు ఉపాధి, ప్రభుత్వానికి సంక్షేమ నిధులు సమకూరినప్పుడే అసలైన వికాసం సాధ్యమని పేర్కొన్నారు. భారత్ అభివృద్ధి చెందిన దేశంగా మారాలంటే ఏటా 8 శాతం స్థిరమైన వృద్ధిరేటు అవసరమని, ఇందుకు ఏఐ, పరిశోధనలు, ఆవిష్కరణలను అందిపుచ్చుకోవాలని పిలుపునిచ్చారు. ఈ క్రమంలోనే పరిశ్రమల్లోని నైపుణ్యాల కొరతను తీర్చేందుకు రూ.4 వేల కోట్లతో 65 ఐటీఐలను అడ్వాన్స్‌‌‌‌డ్ టెక్నాలజీ సెంటర్లు (ఏటీసీ)గా  మార్చామని, వచ్చే ఏడాదిలో మరో 54 ఏటీసీలను అందుబాటులోకి తెస్తామని వెల్లడించారు. ఇండస్ట్రీ నిపుణులతో సంప్రదింపులు జరిపి సిలబస్ ఖరారు చేయడంతో పాటు ఫ్యాకల్టీకి ఆధునిక టెక్నాలజీపై శిక్షణ ఇప్పిస్తూ విద్యాసంస్థలు–పరిశ్రమల మధ్య ఉన్న అంతరాన్ని తొలగిస్తున్నామని వివరించారు.

మల్టీ స్కిల్స్​ నేర్చుకోండి

జర్మనీ, జపాన్ వంటి అగ్రదేశాల్లో వృద్ధాప్య జనాభా పెరుగుతుండటంతో నైపుణ్యం కలిగిన మానవ వనరులకు డిమాండ్​ పెరుగుతోందని మంత్రి వివేక్ వెంకటస్వామి అన్నారు. యువత ఆయా దేశాల సాంకేతిక ప్రమాణాలు, భాషలు, పని సంస్కృతి, క్రమశిక్షణపై పట్టు సాధించి అంతర్జాతీయ స్థాయి ఉపాధి అవకాశాలను ఒడిసిపట్టుకోవాలని సూచించారు. విదేశాల్లో ఉపాధి పొందడం ద్వారా అధిక ఆదాయంతో పాటు దేశ ఆర్థిక వ్యవస్థకు కూడా ప్రయోజనం చేకూరుతుందన్నారు.పోటీ ప్రపంచంలో ఒకే నైపుణ్యంతో నెట్టుకురావడం సాధ్యం కాదని, నేటి తరం నిరంతరం చదువుతూ  మల్టీ స్కిల్స్ పెంపొందించుకోవాలని స్పష్టం చేశారు. విద్యార్థుల్లో సరికొత్త విషయాలు నేర్చుకునే జిజ్ఞాసను, వృత్తిపరమైన సామర్థ్యాలను పెంచడంలో తల్లిదండ్రులు, ఉపాధ్యాయులు కీలకపాత్ర పోషించాలన్నారు.  ఐదు దశాబ్దాలుగా శిక్షణ రంగంలో సేవలందిస్తున్న డాక్టర్ ఎంసీఆర్ హెచ్ఆర్డీ సంస్థను మంత్రి ఈ సందర్భంగా అభినందించారు. 

సదర్ సమ్మేళనానికి మంత్రి వివేక్​కు ఆహ్వానం

హైదరాబాద్ సిటీ, వెలుగు: శ్రీకృష్ణ సదర్‌‌‌‌ సమ్మేళన ఉత్సవాలకు హాజరుకావాల్సిందిగా మంత్రి వివేక్‌‌‌‌ వెంకటస్వామిని ఉత్సవ కమిటీ చైర్మన్, మాజీ ఎంపీ అంజన్‌‌‌‌ కుమార్‌‌‌‌ యాదవ్‌‌‌‌ ఆహ్వానించారు. శనివారం మంత్రిని కలిసిన ఆయన సదర్‌‌‌‌ వేడుకల ఆహ్వాన పత్రికను అందజేశారు. యాదవ సామాజిక వర్గ సంస్కృతి, సంప్రదాయాలు, వారసత్వ వైభవాన్ని చాటిచెప్పేలా ఈ ఉత్సవాలను నవంబర్‌‌‌‌ 4న లోయర్‌‌‌‌ ట్యాంక్‌‌‌‌బండ్‌‌‌‌లోని ఎన్టీఆర్‌‌‌‌ స్టేడియంలో వైభవంగా నిర్వహించనున్నట్టు అంజన్ కుమార్ యాదవ్ తెలిపారు. ఈ వేడుకలకు హాజరై ఉత్సవాల్లో పాల్గొనాలని మంత్రి వివేక్ వెంకటస్వామిని సాదరంగా ఆహ్వానించారు.
 

• బంగాళాఖాతంలో బలపడిన వాయుగుండం
• గంటకు 50 కి.మీ. వేగంతో ఈదురుగాలులు
• నవంబర్, డిసెంబర్‌‌‌‌లో వేసవిలా ఎండలు 
• రెడ్ జోన్‌‌‌‌లో 10 జిల్లాలు.. చలి జాడ ఉండదు
• ‌‌‌‌‌‌‌‌ వివరాలు వెల్లడించిన వాతావరణ శాఖ

హైదరాబాద్, వెలుగు: బంగాళాఖాతంలో ఏర్పడిన అల్పపీడనం శనివారం సాయంత్రానికి వాయుగుండంగా బలపడింది. ఆదివారం నాటికి ఇది తీవ్ర వాయుగుండంగా మారే చాన్స్​ ఉందని, దాని ప్రభావంతో రాష్ట్రంలో ఐదు రోజుల పాటు మోస్తరు నుంచి భారీ వర్షాలు కురుస్తాయని వాతావరణ శాఖ వెల్లడించింది. రాష్ట్రానికి ఎల్లో అలర్ట్ జారీ చేసింది. అయితే ఈ వానల తర్వాత మాత్రం ఎండలు మండిపోతాయని హెచ్చరించింది. నవంబర్, డిసెంబర్ నెలల్లో ఎల్‌‌నినో ప్రభావం తీవ్రంగా ఉంటుందని, తెలంగాణ సహా దక్షిణాదిలో సగటు కంటే 77 శాతం తక్కువ వర్షాలు పడతాయని తన నవంబర్ ఔట్‌‌లుక్‌‌లో పేర్కొంది. ఉత్తర, మధ్య తెలంగాణలోని 10 జిల్లాలను రెడ్ జోన్‌‌లో పెట్టింది. చలికాలంలోనూ చలి తీవ్రత ఉండదని స్పష్టం చేసింది.

ఐదు రోజులు వానలు

ఆదివారం, సోమవారం రాష్ట్రమంతటా వర్షాలు పడే అవకాశం ఉందని ఐఎండీ తెలిపింది. మంగళవారం దక్షిణ తెలంగాణ జిల్లాల్లో, ఆ తర్వాత రాష్ట్రవ్యాప్తంగా ఉరుములు, మెరుపులతో కూడిన జల్లులు కురుస్తాయని పేర్కొంది. హైదరాబాద్ సిటీలోనూ వానలు పడతాయని వెల్లడించింది. కొన్ని చోట్ల గంటకు 30 నుంచి 40 కిలోమీటర్లు, మరికొన్ని చోట్ల 40 నుంచి 50 కిలోమీటర్ల వేగంతో ఈదురుగాలులు వీస్తాయని తెలిపింది.

నవంబర్, డిసెంబర్‌‌లో తీవ్ర ఎండ 

రాబోయే రోజుల్లో ఎండల తీవ్రత ఎక్కువగా ఉంటుందని ఐఎండీ నవంబర్ ఔట్‌‌లుక్‌‌లో వెల్లడించింది. హిమాలయ రాష్ట్రాలు తప్ప దేశమంతటా ఉష్ణోగ్రతలు సాధారణం కంటే ఎక్కువగా నమోదవుతాయని హెచ్చరించింది. మాన్సూన్ మిషన్ కపుల్డ్ ఫోర్‌‌కాస్ట్ సిస్టమ్, అంతర్జాతీయ వాతావరణ సంస్థల అంచనాల ప్రకారం నవంబర్, డిసెంబర్‌‌లో ఎల్‌‌నినో ప్రభావం ఉంటుందని పేర్కొంది. తెలంగాణలో ఆదిలాబాద్, కుమ్రంభీం ఆసిఫాబాద్, మంచిర్యాల, కరీంనగర్, సిద్దిపేట, పెద్దపల్లి, జగిత్యాల, నిర్మల్, నిజామాబాద్, హైదరాబాద్ జిల్లాల్లో ఎండలు తీవ్రంగా ఉంటాయని, ఈ 10 జిల్లాలను రెడ్ జోన్‌‌లో పెట్టింది.

రాత్రుళ్లూ వేడే

ఈసారి చలి తీవ్రత ఉండదని ఐఎండీ స్పష్టం చేసింది. ములుగు జిల్లా తప్ప రాష్ట్రమంతటా రాత్రి ఉష్ణోగ్రతలు సాధారణం కంటే ఎక్కువగా నమోదవుతాయని వెల్లడించింది. ఉమ్మడి మహబూబ్‌‌నగర్, ఉమ్మడి నల్గొండ జిల్లాల్లో రాత్రుళ్లు కూడా వేడిగానే ఉంటాయని, ఆ జిల్లాలను కూడా రెడ్ జోన్‌‌లో చేర్చింది.

• హైదరాబాద్​లోని 3 బస్తీల్లో 616 మందిపై పరిశోధన
• ఒత్తిడి స్కోర్ పెరిగే కొద్దీ తగ్గుతున్న శిశువుల బరువు
• నెలలు నిండని కాన్పులకు ఇది కారణం కాదు
• గర్భిణులకు మానసిక పరీక్షలూ అవసరమన్న నిపుణులు

హైదరాబాద్, వెలుగు: గర్భధారణ సమయంలో తల్లులు ఎదుర్కొనే మానసిక ఒత్తిడి, డిప్రెషన్.. పుట్టే బిడ్డ బరువుపై ప్రభావం చూపుతున్నాయని ఐసీఎంఆర్–నేషనల్ ఇన్‌‌స్టిట్యూట్ ఆఫ్ న్యూట్రిషన్ (ఎన్ఐలఎన్) అధ్యయనంలో తేలింది. మూడో త్రైమాసికంలో తల్లుల్లో ఒత్తిడి పెరిగే కొద్దీ శిశువుల బరువు తగ్గుతున్నట్లు గుర్తించారు. నెలలు నిండకుండానే కాన్పులు జరగడానికి ఈ ఒత్తిడి కారణం కాదని తేల్చారు. లండన్ స్కూల్ ఆఫ్ హైజీన్ అండ్ ట్రాపికల్ మెడిసిన్‌‌తో కలిసి ‘యాక్షన్ అగైనెస్ట్ స్టంటింగ్ హబ్’ ప్రాజెక్టులో భాగంగా హైదరాబాద్‌‌లోని అడ్డగుట్ట, సీతాఫల్‌‌మండి, వారాసిగూడ బస్తీల్లో 616 మంది గర్భిణులపై ఈ పరిశోధన చేశారు. దీని వివరాలు ఇటీవల ‘ఫ్రాంటియర్స్ ఇన్ పబ్లిక్ హెల్త్’ జర్నల్‌‌లో ప్రచురితమయ్యాయి.

దేశంలో తక్కువ బరువు జననాలు ఎక్కువ

ప్రపంచవ్యాప్తంగా 14.6 శాతం మంది పిల్లలు తక్కువ బరువుతో పుడుతుండగా, భారత్‌‌లో ఈ రేటు 17.29 శాతంగా ఉంది. నెలలు నిండకముందే పుట్టే పిల్లలు ప్రపంచవ్యాప్తంగా 9.9 శాతం ఉంటే, మన దేశంలో 13 శాతం ఉన్నారు. పోషకాహార లోపం, రక్తహీనత, చిన్న వయసులో గర్భం దాల్చడం వంటి కారణాలతో పాటు తల్లి మానసిక పరిస్థితి కూడా పిండం ఎదుగుదలపై ప్రభావం చూపుతుందా? అనే అంశాన్ని పరిశోధకులు పరిశీలించారు. తీవ్రమైన ఒత్తిడి వల్ల శరీరంలోని హైపోథలామిక్ పిట్యూటరీ అడ్రినల్ (హెచ్‌‌పీఏ) వ్యవస్థ ఉత్తేజితమై కార్టిసాల్ హార్మోన్ ఉత్పత్తి పెరుగుతుంది. దీనివల్ల మాయ ద్వారా పిండానికి అందే రక్తప్రసరణ, పోషకాల సరఫరాకు ఆటంకం కలగొచ్చనే సూత్రం ఆధారంగా ఈ అధ్యయనం చేశారు.

ఎలా చేశారంటే..

ఎన్ఐఎన్ సైంటిస్టులు జేమ్స్ థామస్, డాక్టర్ రవీంద్రనాథ్ పాలికా నేతృత్వంలోని బృందం 2021 జూన్ నుంచి 2022 డిసెంబర్ వరకు ఈ స్టడీ చేసింది. మూడో త్రైమాసికంలో ఉన్న 717 మంది గర్భిణులను ఎంపిక చేసి, గత కాన్పుల్లో తీవ్రమైన సమస్యలు, డయాబెటిస్ ఉన్నవారిని మినహాయించి 616 మంది వివరాలను విశ్లేషించారు. పీఎస్ఎస్–10 స్కేల్‌‌తో ఒత్తిడిని, ఈపీడీఎస్‌‌తో డిప్రెషన్ లక్షణాలను, ఎంఎస్పీఎస్ఎస్‌‌తో కుటుంబం నుంచి అందుతున్న సహకారాన్ని అంచనా వేశారు. తొలి త్రైమాసికంలో అల్ట్రాసౌండ్‌‌తో గర్భధారణ కాలాన్ని నిర్ధారించి, ప్రసవమైన 12 గంటల్లోపు డిజిటల్ త్రాసుతో శిశువుల బరువును నమోదు చేశారు.

ఒక్క పాయింట్‌‌కు 5.84 గ్రాములు

స్టడీలో 17.4 శాతం మంది గర్భిణుల్లో తీవ్ర ఒత్తిడి, 21.4 శాతం మందిలో డిప్రెషన్ లక్షణాలు కనిపించాయి. ప్రపంచ సగటుతో పోలిస్తే ఈ రేట్లు తక్కువగా ఉండడానికి బలమైన కుటుంబ వ్యవస్థే కారణమని పరిశోధకులు భావిస్తున్నారు. 97.9 శాతం మంది మహిళలకు కుటుంబ సభ్యుల నుంచి మద్దతు లభించినట్లు గుర్తించారు. తల్లి వయసు, చదువు, ఆహారం, గత కాన్పుల సంఖ్య వంటి అంశాలను పరిగణనలోకి తీసుకుని 562 మంది వివరాలను విశ్లేషించారు. ఒత్తిడి స్కోర్‌‌లో ఒక్క పాయింట్ పెరిగితే శిశువు బరువు సగటున 5.84 గ్రాములు, డిప్రెషన్ స్కోర్‌‌లో ఒక్క పాయింట్ పెరిగితే 7.45 గ్రాములు తగ్గుతున్నట్లు తేలింది. అయితే ఈ ప్రభావం బరువు తగ్గుదలకే పరిమితమైంది. నెలలు నిండకముందే కాన్పు జరగడం, లేదా 2.5 కిలోల కంటే తక్కువ బరువుతో పిల్లలు పుట్టే ముప్పు 
పెరగడం కనిపించలేదు.

మానసిక ఆరోగ్యానికీ పరీక్షలు

స్టడీలో పాల్గొన్నవారిలో 79.6 శాతం మంది 18 నుంచి 29 ఏండ్ల లోపువారే. 47.8 శాతం కాన్పులు సిజేరియన్ ద్వారా జరిగాయి. కరోనా సమయంలో పరిశోధన జరగడం, మూడో త్రైమాసికంలో ఒక్కసారే మానసిక పరిస్థితిని అంచనా వేయడం, గర్భధారణకు ముందు తల్లి బీఎంఐ వివరాలు లేకపోవడం వంటివి ఈ స్టడీకి ఉన్న పరిమితులని పరిశోధకులు తెలిపారు. అయినా తల్లి మానసిక ఆరోగ్యం శిశువు ఎదుగుదలపై ప్రభావం చూపుతుందనడానికి ఈ ఫలితాలు సంకేతమని చెప్పారు. గర్భిణులకు మానసిక ఆరోగ్య పరీక్షలు చేసి, అవసరమైనవారికి కౌన్సెలింగ్ ఇవ్వడం ద్వారా తల్లీబిడ్డల ఆరోగ్యాన్ని మెరుగుపరచొచ్చని సూచించారు.
 

• సోనియాకు కాకా వెంకటస్వామి ప్రస్థానాన్ని వివరించిన ఎంపీ వంశీకృష్ణ

న్యూఢిల్లీ, వెలుగు: తెలంగాణ రాష్ట్ర సాధన కోసం కేంద్ర మాజీ మంత్రి, దివంగత కాకా వెంకటస్వామి చేసిన పోరాటాన్ని కాంగ్రెస్ అగ్రనేత సోనియా గాంధీకి ఎంపీ గడ్డం వంశీకృష్ణ వివరించారు. శనివారం ఆమెను మర్యాదపూర్వకంగా కలిసిన ఆయన.. కాకా రాజకీయ ప్రస్థానం, తెలంగాణ ప్రజల ఆకాంక్షల కోసం సాగించిన పోరాటాన్ని తెలియజేశారు. ఇందిరా గాంధీ, రాజీవ్ గాంధీలతో కలిసి పనిచేసిన కాకా.. కాంగ్రెస్ బలోపేతానికి తన జీవితాన్ని అంకితం చేశారని తెలిపారు.

కాకా నివాసమే పార్టీ కార్యాలయంగా మార్పు

ఢిల్లీలోని చారిత్రాత్మక 24 అక్బర్ రోడ్ భవనం ఒకప్పుడు కాకా అధికారిక నివాసమని వంశీకృష్ణ గుర్తుచేశారు. ఆ భవనాన్ని కాంగ్రెస్ పార్టీ కార్యకలాపాల కోసం అందుబాటులోకి తీసుకురావడంలో కాకా కీలక పాత్ర పోషించారని సోనియాకు చెప్పారు. పార్టీ పట్ల ఆయనకున్న నిబద్ధత, త్యాగం, అంకితభావానికి ఇదే నిదర్శనమన్నారు. కాంగ్రెస్‌‌ను రాజకీయ వేదికగా కాకుండా పేదల హక్కుల కోసం, పోరాడే వేదికగా కాకా భావించారని వంశీకృష్ణ పేర్కొన్నారు

ప్రజాస్వామ్యం కేవలం రాజ్యాంగంపై ఆధారపడి మాత్రమే బతకదు.  రాజ్యాంగబద్ధంగా ఉనికిలోకి వచ్చిన సంస్థలు నిష్పక్షపాతంగా పనిచేస్తేనే తప్ప,  లేకపోతే రాజ్యాంగం పనిచేయడం ఆగిపోతుంది. అందులో ప్రధానమైన సంస్థలు ఎగ్జిక్యూటివ్‌‌‌‌‌‌‌‌‌‌‌‌‌‌‌‌, లెజిస్లేటివ్‌‌‌‌‌‌‌‌‌‌‌‌‌‌‌‌, జ్యుడీషియరీ, ఎలక్షన్ కమిషన్‌‌‌‌‌‌‌‌‌‌‌‌‌‌‌‌, సివిల్‌‌‌‌‌‌‌‌‌‌‌‌‌‌‌‌ సర్వీస్‌‌‌‌‌‌‌‌‌‌‌‌‌‌‌‌ సంస్థలు. వీటిని విలువలతో నడపడానికి బలమైనవి  నీతిమంతమైన, నిష్పక్షపాతమైన స్కూళ్లు, కాలేజీలు, యూనివర్సిటీలు. 

1950లో  రాజ్యాంగం అమలులోకి వచ్చిన నాటినుంచి 2014 వరకు వ్యవస్థల పనితీరు కొంత నిష్పక్షపాతంగా ఉండేది. ఎమర్జెన్సీలో (1975–77 వరకు) మాత్రం కొంత లెఫ్ట్‌‌‌‌‌‌‌‌‌‌‌‌‌‌‌‌ లీనింగ్‌‌‌‌‌‌‌‌‌‌‌‌‌‌‌‌ కమిట్‌‌‌‌‌‌‌‌‌‌‌‌‌‌‌‌మెంట్‌‌‌‌‌‌‌‌‌‌‌‌‌‌‌‌ వైపు వ్యవస్థలను నెట్టాలని ఆనాడు  ఇందిరాగాంధీ, ఆమె సలహాదారులుగా ఉన్న అగ్రకుల లెఫ్ట్‌‌‌‌‌‌‌‌‌‌‌‌‌‌‌‌ మేధావులు ప్రయత్నం చేశారు. అప్పుడే కమిటెడ్‌‌‌‌‌‌‌‌‌‌‌‌‌‌‌‌ జ్యుడీషియరీ అనే నినాదం ముందుకువచ్చింది. ఇందిరాగాంధీకి వ్యతిరేకంగా వచ్చిన అలహాబాద్‌‌‌‌‌‌‌‌‌‌‌‌‌‌‌‌ హైకోర్టు జడ్జిమెంట్‌‌‌‌‌‌‌‌‌‌‌‌‌‌‌‌ ఆధారంగా జ్యుడీషియరీని తన సిద్ధాంతానికి మలుచుకోవాలని ఆనాడు ఆమె నినాదం కూడా ఇచ్చింది.

ఆనాడు దేశం ముందు ఇయ్యాల ఉన్న కులం చర్చలేదు. అగ్రకుల లెఫ్ట్‌‌‌‌‌‌‌‌‌‌‌‌‌‌‌‌ మేధావులు, లిబరల్స్‌‌‌‌‌‌‌‌‌‌‌‌‌‌‌‌ యూనివర్సిటీల్లో, కోర్టుల్లో, సివిల్ సర్వీస్‌‌‌‌‌‌‌‌‌‌‌‌‌‌‌‌లో, ఎలక్షన్‌‌‌‌‌‌‌‌‌‌‌‌‌‌‌‌ కమిషన్‌‌‌‌‌‌‌‌‌‌‌‌‌‌‌‌తో సహా ఆమె సిద్ధాంతానికి కొంత అనుకూలంగా మారారు. మండల్‌‌‌‌‌‌‌‌‌‌‌‌‌‌‌‌ కమిషన్‌‌‌‌‌‌‌‌‌‌‌‌‌‌‌‌ అనే పేరు కూడా ఆనాడు లేదు.  కేవలం ఎస్సీ, ఎస్టీ రిజర్వేషన్‌‌‌‌‌‌‌‌‌‌‌‌‌‌‌‌లు మాత్రం ఉన్నాయి. వాటిని ఈ మేధావులే ఎక్కడా అమలు చేసేవారు కూడా కాదు. బెంగాల్‌‌‌‌‌‌‌‌‌‌‌‌‌‌‌‌లాంటి చోట అసలు కులమే లేదని వ్యవస్థ నడిపారు. ఆ రోజుల్లో పెద్దగా చదువుకున్న ఎస్సీ, ఎస్టీలు కూడా లేరు. విద్యా వ్యవస్థ అప్పుడప్పుడే గ్రామస్థాయికి విస్తరిస్తున్నది. ఓబీసీలలో  చదువు కాంక్ష కంటే వ్యవసాయం, కులవృత్తి చుట్టే చైతన్యం ముడిపడి ఉంది. 

అయితే ఒక్క సివిల్‌‌‌‌‌‌‌‌‌‌‌‌‌‌‌‌ సర్వీస్‌‌‌‌‌‌‌‌‌‌‌‌‌‌‌‌ ద్వారా నడిచే సంస్థ ఆనాటి ఎన్నికల కమిషన్‌‌‌‌‌‌‌‌‌‌‌‌‌‌‌‌కు ఏకైక అధికారిగా ఉన్న టి.స్వామినాథన్‌‌‌‌‌‌‌‌‌‌‌‌‌‌‌‌ ధైర్యంగా,  స్వతంత్రంగా ఎన్నికలు కండక్ట్‌‌‌‌‌‌‌‌‌‌‌‌‌‌‌‌ చేసినందువల్ల జనతాపార్టీ  అధికారంలోకి వచ్చింది. ఆ మార్పు అతి ముఖ్యమైన మార్పుకు మూలమైన మండల్‌‌‌‌‌‌‌‌‌‌‌‌‌‌‌‌ కమిషన్‌‌‌‌‌‌‌‌‌‌‌‌‌‌‌‌  ఏర్పాటు జరిగింది.  బీపీ మండల్‌‌‌‌‌‌‌‌‌‌‌‌‌‌‌‌ను దానికి చైర్మన్‌‌‌‌‌‌‌‌‌‌‌‌‌‌‌‌గా నియమించడం ఒక కీలక ఘట్టం. అది కూడా ఆనాడు జనతా పార్టీలో ఉన్న ఓబీసీ నాయకులైన ములాయంసింగ్‌‌‌‌‌‌‌‌‌‌‌‌‌‌‌‌, లాలుప్రసాద్‌‌‌‌‌‌‌‌‌‌‌‌‌‌‌‌ల వంటివారి ఒత్తిడితో బీపీ మండల్‌‌‌‌‌‌‌‌‌‌‌‌‌‌‌‌ పేరు ప్రతిపాదన జరిగింది.  

లేకపోతే ఆ కమిషన్‌‌‌‌‌‌‌‌‌‌‌‌‌‌‌‌కు కూడా కాకా కలేల్కర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ లాంటి ఒక బ్రాహ్మణ మేధావిని చైర్మన్‌‌‌‌‌‌‌‌‌‌‌‌‌‌‌‌గా నియమించి ఉంటే ఏ మార్పు సాధ్యంకాని ఒక రిపోర్టు బయటికొచ్చేది.  ఆర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ఎస్‌‌‌‌‌‌‌‌‌‌‌‌‌‌‌‌ఎస్‌‌‌‌‌‌‌‌‌‌‌‌‌‌‌‌, బీజేపీ నుంచి ఎదిగి వచ్చిన నరేంద్ర మోదీ కూడా దేశ ప్రధానమంత్రి అయ్యేవాడు కాదు. ఆయన బీసీ పేరుతో  అధికారంలోకి వచ్చి మొత్తం వ్యవస్థను, ముఖ్యంగా సివిల్‌‌‌‌‌‌‌‌‌‌‌‌‌‌‌‌ సర్వీస్‌‌‌‌‌‌‌‌‌‌‌‌‌‌‌‌ను, జ్యుడీషియరీని ఆర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ఎస్‌‌‌‌‌‌‌‌‌‌‌‌‌‌‌‌ఎస్‌‌‌‌‌‌‌‌‌‌‌‌‌‌‌‌కు కమిటెడ్‌‌‌‌‌‌‌‌‌‌‌‌‌‌‌‌ నిర్మాణాలుగా మారుస్తున్నారు. అందుకు మోహన్ భగవత్‌‌‌‌‌‌‌‌‌‌‌‌‌‌‌‌, అమిత్‌‌‌‌‌‌‌‌‌‌‌‌‌‌‌‌ షా, ఆదానీ, అంబానీలు పూర్తిగా ఏకీభావంతో ఉన్నారు. 

ముస్లిం వ్యతిరేకత ఒక ఆయుధం

ఆర్ఎస్ఎస్, బీజేపీల ముస్లిం, క్రిస్టియన్‌‌‌‌‌‌‌‌‌‌‌‌‌‌‌‌ వ్యతిరేక హిందూత్వ జాతీయవాదం వారి సిద్ధాంతం కనుక దానికి కమిటెడ్‌‌‌‌‌‌‌‌‌‌‌‌‌‌‌‌గా పనిచేసేటట్టు గత 12 సంవత్సరాల్లో మలుచుకుంటూ వచ్చారు. వీరు నడిపే వ్యవస్థకు ఎమర్జెన్సీలో కాంగ్రెస్‌‌‌‌‌‌‌‌‌‌‌‌‌‌‌‌కు లేనటువంటి బలం ఏమిటంటే ఇప్పడు ఇది మూడు ఇంజిన్‌‌‌‌‌‌‌‌‌‌‌‌‌‌‌‌ల బండి. ఒకటి ఆర్ఎస్ఎస్, రెండు బీజేపీ,  మూడు ఆదానీ, అంబానీల కేంద్రీకృత బలమైన పెట్టుబడి. 

ఈ పెట్టుబడి  మొత్తం వ్యవస్థలను ఆర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ఎస్‌‌‌‌‌‌‌‌‌‌‌‌‌‌‌‌ఎస్‌‌‌‌‌‌‌‌‌‌‌‌‌‌‌‌, బీజేపీలకు అనుకూలంగా పనిచేసేటట్టు మార్చగలదు. ఈ బలమైన మూడు ఇంజిన్‌‌‌‌‌‌‌‌‌‌‌‌‌‌‌‌ల వ్యవస్థ జన్‌‌‌‌‌‌‌‌‌‌‌‌‌‌‌‌ జీల ఉద్యమాలకుగానీ, ఇండియా కూటమి ఉద్యమాలకుగానీ భయపడేటట్టు కనిపించడం లేదు. దీని సుదీర్ఘ ప్రయత్నం మొత్తం ఎస్సీ, ఎస్టీ, ఓబీసీల వర్గాలను పురాతన కాలానికి  నెట్టడానికి చాలా తీవ్రమైన ప్రయత్నం  జరుగుతోంది.  ఆర్ఎస్ఎస్, బీజేపీలకు పెద్ద దీర్ఘకాలిక  ప్రణాళిక ఉంది. 

ప్రొటెస్టులతో రాజ్యవ్యవస్థ మారదు

ఒక సిద్ధాంతపర రాజకీయ పార్టీ ఓట్ల ద్వారా అధికారంలోకి వచ్చి క్రమంగా రష్యాలోని పుతిన్‌‌‌‌‌‌‌‌‌‌‌‌‌‌‌‌ కమ్యూనిస్ట్‌‌‌‌‌‌‌‌‌‌‌‌‌‌‌‌ పార్టీలాగా నిరంతరంగా నామమాత్రపు ఎన్నికలు జరిపి నిరంతరం ఒక రాజకీయ పార్టీ అధికారంలో ఉండాలనుకోవడం వల్ల వ్యవస్థ పూర్తిగా తలకిందులుగా పనిచేస్తుంది. అధికారంలో ఉన్న పార్టీ గ్రౌండ్‌‌‌‌‌‌‌‌‌‌‌‌‌‌‌‌ లెవల్‌‌‌‌‌‌‌‌‌‌‌‌‌‌‌‌లో విస్తరణస్థాయిలో మతపరంగా ప్రజాసమీకరణ చేస్తున్నప్పుడు,  బలమైన పెట్టుబడిదారులు వారికి అండగా అన్నిరకాల వనరులు కలిపిస్తున్నప్పుడు ఎన్నికల రంగాన్ని న్యాయబద్ధంగా నడపడం అసాధ్యం.  గత కొంతకాలంగా ఇజ్రాయెల్‌‌‌‌‌‌‌‌‌‌‌‌‌‌‌‌లో కూడా నెతన్యాహూ చాలా ఎన్నికలు గెలుస్తూ వస్తున్నాడు.  

ఈసారి ఆయన గాజాపై  జరిపిన అమానుష దాడిరీత్యా ప్రజల్లో పెద్ద ఎత్తున ఆయనకు వ్యతిరేక తిరుగుబాటు రావడం వల్ల హంగ్‌‌‌‌‌‌‌‌‌‌‌‌‌‌‌‌ పార్లమెంట్‌‌‌‌‌‌‌‌‌‌‌‌‌‌‌‌ వచ్చింది.  అయినాసరే  ఏం చేసైనా ఆయనే అధికారాన్ని నిలబెట్టుకోవాలని చూస్తున్నాడు. ఇండియా పరిస్థితి ఇందుకు పూర్తిగా భిన్నమైనది. ఇక్కడ హిందూత్వ జాతీయవాద మూడు రంగాలు బీజేపీ, ఆర్ఎస్ఎస్, బడా పెట్టుబడిదారులు ఐక్యంగా పనిచేస్తున్నందువల్ల అధికారులు  వారితో ఉండకుండా స్వతంత్రంగా పనిచేసే  పరిస్థితి ఉండదు. అటువంటి అధికారులను, వారి కుటుంబాలను ఇబ్బందిపెట్టే  పరిస్థితి కూడా ఉంటుంది. 2014కు ముందు కాంగ్రెస్‌‌‌‌‌‌‌‌‌‌‌‌‌‌‌‌, ఇతర పార్టీలు అలయన్స్‌‌‌‌‌‌‌‌‌‌‌‌‌‌‌‌లో అధికారంలో ఉన్నా ఆర్ఎస్‌‌‌‌‌‌‌‌‌‌‌‌‌‌‌‌ఎస్‌‌‌‌‌‌‌‌‌‌‌‌‌‌‌‌, బీజేపీలాగా బలమైన పెట్టుబడిదారులు  ఏకమైనట్టు దానికి బలమైన పట్టు ఏనాడూ లేదు.

నెహ్రూకు కూడా పార్టీలో వ్యతిరేకత ఉండేది

నెహ్రూ మొదట ప్రధానిగా 17 ఏండ్లు పైగా ప్రధానమంత్రిగా ఉన్నా కాంగ్రెస్‌‌‌‌‌‌‌‌‌‌‌‌‌‌‌‌ పార్టీలో ఆయన వ్యతిరేక శక్తులు ఉండేవి. కానీ గత 12 సంవత్సరాలుగా మోదీకి, అమిత్‌‌‌‌‌‌‌‌‌‌‌‌‌‌‌‌ షాకి వ్యతిరేక శక్తులు బీజేపీలో కనపడటం లేదు.  ఎందుకు? ఆర్ఎస్‌‌‌‌‌‌‌‌‌‌‌‌‌‌‌‌ఎస్‌‌‌‌‌‌‌‌‌‌‌‌‌‌‌‌, అంబానీ, అదానీ వారికి పూర్తి మద్దతునిస్తూ వ్యవస్థ అన్ని స్థాయిల్లో బహుళ  ఆలోచనలు లేకుండా చేసే ప్రయత్నం జరుగుతోంది. ఈపాటికి ఆ ప్రక్రియ దాదాపు దగ్గరకొస్తున్నట్టు కనిపిస్తున్నది.  నెహ్రూ కాలంలో సర్దార్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ పటేల్‌‌‌‌‌‌‌‌‌‌‌‌‌‌‌‌,  వైబీ చవాన్‌‌‌‌‌‌‌‌‌‌‌‌‌‌‌‌, కామరాజ్‌‌‌‌‌‌‌‌‌‌‌‌‌‌‌‌ నాడర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ వంటి నెహ్రూతో అంగీకరించనివారితో వ్యవస్థలో భిన్నాభిప్రాయాలు ఉన్నవారు కేబినెట్‌‌‌‌‌‌‌‌‌‌‌‌‌‌‌‌లో చాలాకాలం ఉన్నారు. 

నెహ్రూ మొదటి కేబినెట్‌‌‌‌‌‌‌‌‌‌‌‌‌‌‌‌లో అంబేద్కర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌, శ్యామాప్రసాద్‌‌‌‌‌‌‌‌‌‌‌‌‌‌‌‌ ముఖర్జీతో కృష్ణమీనన్ వంటి చాలా భిన్నాభిప్రాయాలు ఉన్నవారు ఉన్నందువల్ల ప్రజాస్వామ్య వ్యవస్థ ప్రథమస్థాయిలో నిలదొక్కుకున్నది. దాన్ని 2014 నుంచి పూర్తిగా విరుద్ధ ధోరణిలో నడపడం జరుగుతోంది.ఆర్ఎస్ఎస్, బీజేపీలలో వారికి అండగా ఉన్న పెట్టుబడిదారులలో పూర్తి సిద్ధాంత ఐక్యత ఉన్నది. యూనివర్సిటీలు, కాలేజీలు, స్కూళ్లు అన్ని స్థాయిలలో ఆ సిద్ధాంతానికి అనుకూల శక్తుల క్షేత్రాలుగా మలచాలనే తీవ్ర ప్రయత్నం జరుగుతోంది. అది ఇప్పటికే వ్యవస్థల్లోకి లోతుగా నడుస్తున్నది. ఇంకొక పది సంవత్సరాలు ఈ వ్యవస్థ ఇలానే కొనసాగితే ప్రజాస్వామ్యం పూర్తిగా మారిపోతుంది. 

రాజ్యాంగం నామమాత్రం

క్రమక్రమంగా రాజ్యాంగం ఒక నామమాత్రపు డాక్యుమెంట్‌‌‌‌‌‌‌‌‌‌‌‌‌‌‌‌గా మారుతుంది. అది ఉనికిలోఉన్నట్టే ఉంటుంది. కానీ దాని అమలు పూర్తిగా దాని స్ఫూర్తికి వ్యతిరేకంగా ఉంటుంది. దాని ఆచరణ ప్రక్రియ క్రమంగా ఎస్సీ, ఎస్టీ, బీసీల అభివృద్ధికి వ్యతిరేకంగా నడుస్తుంది. ఎందుకంటే ప్రభుత్వ యంత్రాంగంలో ఉత్పత్తి కులాలకు వ్యతిరేక శక్తులే నిండుకుని ఉన్నాయి. అవి రోజురోజుకూ పెరుగుతున్నాయి.  2029 ఎన్నికల నాటికి వ్యవస్థ ఏమవుతుందో చూసుకుంటూ ఉండాల్సిందేనా?

కమిటెడ్‌‌‌‌‌‌‌‌‌‌‌‌‌‌‌‌ సీఈసీ

మోదీ ప్రభుత్వం సీఈసీని తన సిద్ధాంతాలకు కమిటెడ్‌‌‌‌‌‌‌‌‌‌‌‌‌‌‌‌ సంస్థగా మలుచుకుంటోంది. దాదాపు  ఆ ప్రయత్నంలో జయప్రదమైనట్టు కనపడుతుంది. భారతదేశంలో ప్రజాస్వామ్యం ఈ విధమైన కొత్త కమిటెడ్‌‌‌‌‌‌‌‌‌‌‌‌‌‌‌‌ రాజ్యసంస్థలతో రాజ్యాంగాన్ని మార్చకుండానే  ప్రపంచంలోనే కొత్త తరహా నియంతృత్వానికి దారితీసే ప్రమాదమున్నది. ఈసీ అధికారంలో ఉన్న పార్టీకి అనుబంధంగా  మారాక మిగతా సంస్థలు అరకొర న్యూట్రాలిటీని మెయిన్‌‌‌‌‌‌‌‌‌‌‌‌‌‌‌‌టెయిన్‌‌‌‌‌‌‌‌‌‌‌‌‌‌‌‌ చేసినా వ్యవస్థ, ప్రతిపక్ష పార్టీలు బతకలేవు. దేశంలో అటువంటి స్థితి దాదాపుగా దగ్గరకొస్తున్నట్టు కనిపిస్తున్నది. 

- ప్రొ. కంచ ఐలయ్య షఫర్డ్​

ఓపెన్​ పేజీకి వ్యాసాలు, లెటర్లు పంపాల్సిన మెయిల్​ ఐడీopenpage@v6velugu.com

రచయితలు ‘వెలుగు’ కు మాత్రమే పంపుతున్నామని 

హామీ తప్పనిసరి రాయాలి. స్వీయ రచన అయి ఉండాలి.

రచన 700 పదాలకు మించరాదు.

•     పరిమితిని దాటి పోయిన ఫీకల్ కోలిఫామ్ బ్యాక్టీరియా
•     రెండు నెలల్లోనే 1,600 శాతం పెరిగిన పొల్యూషన్ 
•     సూర్యాపేట, నిజామాబాద్, ములుగులో  సమస్య తీవ్రం
•     శుద్ధి చేయని మురుగంతా నేరుగా ఈ రెండు నదుల్లోకే
•     వానల్లేక ఫ్లష్ కాని వ్యర్థాలు.. పొంచి ఉన్న రోగాల ముప్పు
•     సీడబ్ల్యూసీ వాటర్ క్వాలిటీ రిపోర్టులో కీలక అంశాల వెల్లడి

హైదరాబాద్, వెలుగు: రాష్ట్రానికి జీవనాడులైన కృష్ణా, గోదావరి నదులు కాలుష్య కోరల్లో చిక్కుకున్నాయి. మనుషులు, జంతువుల మల వ్యర్థాల్లో ఉండే ‘ఫీకల్ కోలిఫామ్’ బ్యాక్టీరియా ఈ రెండు నదుల్లో పరిమితికి 320 రెట్లు ఎక్కువగా పేరుకుపోయింది. ప్రతి 100 మిల్లీలీటర్ల నీటిలో 500 ఎంపీఎన్ (మోస్ట్ ప్రాబబుల్ నంబర్) వరకే ఉండాల్సిన ఈ బ్యాక్టీరియా, ఏకంగా 1.60 లక్షల ఎంపీఎన్ నమోదైంది. జూన్‌‌‌‌లో 9,200గా ఉన్న ఈ సంఖ్య ఆగస్టు నాటికి 1,600 శాతం పెరిగింది. సూర్యాపేట, నిజామాబాద్, ములుగు జిల్లాల్లో పరిస్థితి తీవ్రంగా ఉంది. సెంట్రల్ వాటర్ కమిషన్ (సీడబ్ల్యూసీ) తాజాగా విడుదల చేసిన వాటర్ క్వాలిటీ రిపోర్టులో ఈ విషయం వెల్లడైంది. పట్టణాల మురుగును శుద్ధి చేయకుండా నదుల్లోకి వదలడం, ఈ ఏడాది వానల్లేక వరదలు రాకపోవడంతో వ్యర్థాలు కొట్టుకుపోకుండా పేరుకుపోవడమే దీనికి కారణమని నిపుణులు చెబుతున్నారు. హైదరాబాద్ సహా కోట్ల మంది తాగునీటికి ఈ నదులే ఆధారం కావడంతో రోగాల ముప్పు పొంచి ఉందని హెచ్చరిస్తున్నారు.

రెండు నెలల్లో 17 రెట్లు

జూన్‌‌లో 9,200 ఎంపీఎన్‌‌గా ఉన్న మల బ్యాక్టీరియా, ఆగస్టు నాటికి 1.60 లక్షలకు చేరింది. అంటే కేవలం రెండు నెలల్లోనే కాలుష్యం 1,600 శాతం పెరిగింది. కృష్ణా పరివాహకంలోని సూర్యాపేట, గోదావరి పరివాహకంలోని నిజామాబాద్, ములుగు జిల్లాల్లో పరిస్థితి తీవ్రంగా ఉంది. భద్రాద్రి కొత్తగూడెం, మంచిర్యాల జిల్లాల్లో 92 వేల ఎంపీఎన్ నమోదైంది. ఇది పరిమితి కంటే 180 రెట్లు ఎక్కువ. వలిగొండ దగ్గర మూసీలోనూ పరిమితికి మించి మల బ్యాక్టీరియా ఉన్నట్లు తేలింది.

సిటీ నీళ్లకూ ఈ నదులే దిక్కు

కృష్ణా, గోదావరి బేసిన్లలోని పట్టణాలు, పల్లెలకు ఈ నదుల నీళ్లనే శుద్ధి చేసి సరఫరా చేస్తారు. హైదరాబాద్ తాగునీటి అవసరాల్లో 90 శాతం ఈ రెండు నదులపైనే ఆధారపడి ఉంది. దీంతో నదుల్లో ఇంత భారీగా మల వ్యర్థాలు చేరడం ఆందోళన కలిగిస్తోంది. పట్టణాల్లోని డ్రైనేజీ నీటిని శుద్ధి చేయకుండానే వాగుల ద్వారా నదుల్లోకి వదులుతుండడమే పరిస్థితికి ప్రధాన కారణమని నిపుణులు చెబుతున్నారు. రామగుండం, మంచిర్యాల, నిజామాబాద్, నల్గొండ, ఖమ్మం వంటి ప్రధాన పట్టణాల్లో సరిపడా మురుగునీటి శుద్ధి కేంద్రాలు (ఎస్టీపీలు) లేవు. ఉన్నవీ పూర్తి సామర్థ్యంతో పనిచేయడం లేదు. రామగుండం వంటి చోట్ల నదీ తీరానికి దగ్గర్లోనే మున్సిపల్ డంపింగ్ యార్డులు ఉండడంతో, వానలకు ఆ చెత్తంతా నదిలోకి కొట్టుకొస్తోంది.

వానల్లేక వ్యర్థాలు కొట్టుకుపోలె..

మామూలుగా అయితే వానాకాలంలో వచ్చే భారీ వరదలకు ఈ వ్యర్థాలన్నీ కొట్టుకుపోతాయి. కానీ ఈ ఏడాది సరైన వానలు లేక, రెండు నదుల్లోనూ పెద్ద వరదలు రాలేదు. వచ్చిన కొద్దిపాటి వరదలు మల వ్యర్థాలను ఫ్లష్ చేయడానికి సరిపోలేదని, అందుకే అవి నదుల్లో పేరుకుపోయాయని నిపుణులు చెబుతున్నారు.

రోగాల ముప్పు

నీళ్లలో ఫీకల్ కోలిఫామ్ పెరిగితే కలరా, టైఫాయిడ్, తీవ్రమైన డయేరియా, గ్యాస్ట్రోఎంటరైటిస్, హెపటైటిస్ (కామెర్లు), పరాన్నజీవుల ఇన్ఫెక్షన్ల వంటి రోగాలు వచ్చే ప్రమాదం ఉందని డాక్టర్లు హెచ్చరిస్తున్నారు. రోగ నిరోధక శక్తి తక్కువగా ఉండే పిల్లలు, వృద్ధులకు ముప్పు మరింత ఎక్కువని చెబుతున్నారు.
 

• ‘ఓట్ బచావో –దేశ్ బచావో’కు 10 వేల మంది
• 80 బస్సులు, 600 కార్లలో తరలిన శ్రేణులు
• తెలంగాణ భవన్‌‌‌‌లో ప్రత్యేక కంట్రోల్ రూం
• నేడు ర్యాలీని ప్రారంభించనున్న సీఎం రేవంత్

న్యూఢిల్లీ, వెలుగు: హైకమాండ్ పిలుపు మేరకు ‘ఓట్ బచావో –దేశ్ బచావో’ ర్యాలీలో పాల్గొనేందుకు తెలంగాణ నుంచి కాంగ్రెస్ శ్రేణులు  పెద్ద సంఖ్యలో ఢిల్లీకి చేరుకున్నారు. రాష్ట్రం నుంచి 10 వేలకుపైగా పార్టీ శ్రేణులు తరలివచ్చారు. సుమారు 80 బస్సులు, 600 పైగా కార్లు, రైళ్లు, విమానాల్లో శనివారం రాత్రికే ఢిల్లీ చేరుకున్నారు. వీరి  కోసం పార్టీ రాష్ట్ర నాయకత్వం వసతి, భోజన ఏర్పాట్లు చేసింది. ఢిల్లీ బార్డర్‌‌‌‌లో పోలీసులు విధించిన ఆంక్షలతో పలు బస్సులను కాసేపు నిలిపి వేసినట్టు పలువురు నేతలు మీడియాకు తెలిపారు. ఢిల్లీలో చలికాలం రూల్స్ నేపథ్యంలో.. బీ6 వాహనాలను మాత్రమే అనుమతించినట్టు తెలిసింది. తెలంగాణ భవన్‌‌లో కంట్రోల్ రూం 

రాష్ట్రం నుంచి వచ్చే పార్టీ కార్యకర్తలు, నేతలకు ఎలాంటి ఇబ్బందులు కలగకుండా సీఎం ఆదేశాలతో రాష్ట్ర నాయకత్వం ఢిల్లీ తెలంగాణ భవన్‌‌లో కంట్రోల్ రూంను ఏర్పాటు చేసింది. ఈ భారీ ర్యాలీ కోసం వచ్చే పార్టీ కేడర్‌‌‌‌కు సహకరించడంతోపాటు నిరసనల్లో ఎవరినైనా పోలీసులు అరెస్ట్ చేసినా, ఆరోగ్య సమస్యలు తలెత్తినా, ఎమర్జెన్సీ పరిస్థితులు ఎదురైనా ఈ కంట్రోల్ రూం ఆశ్రయించాలని పార్టీ సూచించింది. ఈ కంట్రోల్ రూం బాధ్యతలను ఢిల్లీలో ప్రభుత్వ ప్రత్యేక ప్రతినిధి జితేందర్‌‌‌‌రెడ్డి, ఎంపీలు మల్లు రవి, చామల, బలరాం నాయక్‌‌కు సీఎం అప్పగించారు.  

రాంలీలా మైదానాన్ని పరిశీలించిన ఎంపీలు...

ఢిల్లీ చేరుకొని అందుబాటులో ఉన్న పార్టీ ముఖ్య నేతలతో సీఎం రేవంత్ రెడ్డి శనివారం ఉదయం బ్రేక్ ఫాస్ట్ మీటింగ్‌‌లో పాల్గొన్నారు. ఈ సందర్భంగా రాంలీలా మైదాన్‌‌లో సభ, ఏర్పాట్లను పరిశీలించాలని ఎంపీలు, ముఖ్య నేతలను ఆదేశించారు. సీఎం ఆదేశాలతో ఎంపీలు మల్లు  రవి, చామల, ఇతర నేతలు సభా స్థలాన్ని, ఏర్పాట్లను పరిశీలించారు. అనంతరం నేతలు మాట్లాడుతూ.. తెలంగాణ నుంచి దాదాపు 10 వేలకుపైగా పార్టీ శ్రేణులు ఈ ర్యాలీలో పాల్గొనబోతున్నట్టు చెప్పారు. 

కాంగ్రెస్ నేతలతో తెలంగాణ భవన్ కళకళ 

రాష్ట్ర వ్యాప్తంగా ఢిల్లీ చేరుకొన్న పార్టీ శ్రేణులతో తెలంగాణ భవన్ కళకళలాడింది. భవన్ చుట్టూరా.. జ్ఞానేశ్ కుమార్ రాజీనామా డిమాండ్, బీజేపీకి వ్యతిరేకంగా పెద్ద సంఖ్యలో ఫ్లెక్సీలు వెలిశాయి. మరోవైపు పార్టీ కార్యకర్తల కోసం భవన్‌‌లోనే లంచ్ ఏర్పాటు చేసేలా నేతలు ప్లాన్ చేశారు. 

ఫ్లాగ్ ఆఫ్ చేయనున్న సీఎం 

సీఈసీ జ్ఞానేశ్ కుమార్ రాజీనామా డిమాండ్ చేస్తూ... రాంలీలా మైదాన్‌‌లో జరగనున్న ‘ఓట్ బచావో –దేశ్ బచావో’ ఆందోళనకు రాష్ట్ర నేతలు తెలంగాణ భవన్ నుంచి ర్యాలీగా వెళ్లనున్నారు. ఉదయం 10 గంటలకు సీఎం రేవంత్ రెడ్డి, పీసీసీ, మంత్రులు, ఎంపీలు, ఎమ్మెల్యేలు, డీసీసీ, ముఖ్య నేతలు తెలంగాణ భవన్‌‌కు చేరుకుంటారని పార్టీ వర్గాలు తెలిపాయి. అనంతరం అక్కడి నుంచి రాంలీలా మైదాన్ కు ర్యాలీగా సాగుతారని వెల్లడించాయి. ఈ ర్యాలీని సీఎం రేవంత్ రెడ్డి జెండా ఊపి ప్రారంభిస్తారని చెప్పారు

• ఖర్గే నివాసంలో జరిగిన మాక్ పార్లమెంటులో తీర్మానం
• సభాపతిగా మాజీ స్పీకర్ మీరా కుమార్
• తీర్మానాన్ని ప్రవేశ పెట్టిన ఏఐసీసీ చీఫ్​ మల్లికార్జున ఖర్గే
• సీఈసీపై ఆరు అభియోగాలు మోపిన సమావేశం
• దేశ ద్రోహం కింద జ్ఞానేశ్ ను విచారించాలని డిమాండ్
• హాజరైన సోనియా, రాహుల్, ప్రియాంక, కేసీ, సీఎం రేవంత్​
• బీజేపీ గెలుపు కోసం 13.2 కోట్ల ఓట్లు గల్లంతు చేశారని ఆరోపణ
• ఫారం-6 మార్పు, ఈసీఐ సాఫ్ట్‌‌‌‌వేర్ దుర్వినియోగంపై ఆగ్రహం

న్యూ ఢిల్లీ:  కేంద్ర ఎన్నికల ప్రధాన కమిషనర్ (సీఈసీ) జ్ఞానేశ్ కుమార్‌‌‌‌పై ఇండియా కూటమి శనివారం ‘ప్రజా అభిశంసన’ తీర్మానం చేసింది. ఢిల్లీ రాజాజీ మార్గ్‌‌‌‌లోని కాంగ్రెస్ అధ్యక్షుడు మల్లికార్జున ఖర్గే నివాసంలో నమూనా పార్లమెంట్ నిర్వహించింది. జాతీయ గీతాలాపనతో మొదలైన ఈ కార్యక్రమానికి లోక్‌‌‌‌సభ మాజీ స్పీకర్ మీరా కుమార్ అధ్యక్షత వహించారు. జ్ఞానేశ్ కుమార్‌‌‌‌పై ఆరు అభియోగాలతో ఖర్గే తీర్మానం ప్రవేశపెట్టి, ఆయనను పదవి నుంచి తొలగించాలని, దేశద్రోహం కింద విచారించాలని డిమాండ్ చేశారు.  ఓటర్ల జాబితా ప్రత్యేక సమగ్ర సవరణ (ఎస్ఐఆర్), ‘ఓట్ చోరీ’ ఆరోపణలపై నిరసనగా దీన్ని నిర్వహించారు.  జ్ఞానేశ్‌‌‌‌ కుమార్‌‌‌‌‌‌‌‌కు వ్యతిరేకంగా అభిశంసన ముసాయిదా తీర్మానాన్ని ఖర్గే చదివి వినిపించారు. కేంద్ర ప్రభుత్వంపై తీవ్రస్థాయిలో విరుచుకుపడ్డారు. ‘‘ప్రజాస్వామ్యానికి పునాది ఓటు హక్కు. దాన్ని నేడు ప్రమాదంలోకి నెట్టారు. ప్రధాని మోదీ, అమిత్ షా ఆదేశాలతోనే సీఈసీ పని చేస్తున్నారు’’ అని ఆయన మండిపడ్డారు.

దేశంలో 60 శాతానికి పైగా ప్రజలకు ప్రాతినిధ్యం వహిస్తున్న కూటమిగా తాము ఈ తీర్మానం చేస్తున్నామంటూ జ్ఞానేశ్ కుమార్‌‌పై 6 అభియోగాలను మోపారు. మీరాకుమార్‌‌‌‌ మాట్లాడుతూ..‘‘ఓటర్ల జాబితా నుంచి పేర్లు గల్లంతైన వారిలో తీవ్ర ఆవేదన ఉంది. వారి తరఫున మాట్లాడేందుకే ఈ సభ” అని పేర్కొన్నారు. కాంగ్రెస్ పార్లమెంటరీ పార్టీ నేత సోనియా గాంధీ, లోక్‌‌సభ ప్రతిపక్ష నేత రాహుల్ గాంధీ, ఏఐసీసీ నాయకులు ప్రియాంక గాంధీ, జైరాం రమేశ్‌‌, కేసీ వేణుగోపాల్‌‌తోపాటు తెలంగాణ సీఎం రేవంత్ రెడ్డి, ఎస్పీ ఎంపీలు అవధేశ్‌‌ ప్రసాద్, ధర్మేంద్ర యాదవ్, టీఎంసీ ఎంపీలు సౌగతా రాయ్, డెరెక్ ఓబ్రియన్, దేశంలోని అన్ని రాష్ట్రాలకు చెందిన కాంగ్రెస్ నేతలు పాల్గొన్నారు.

ఇండియా కూటమి ర్యాలీకి అనుమతి 

ఢిల్లీ వేదికగా ప్రతిపక్ష ‘ఇండియా’ కూటమి తలపెట్టిన ‘చలో ఢిల్లీ’ మహా ర్యాలీకి ఢిల్లీ పోలీసులు గ్రీన్ సిగ్నల్ ఇచ్చారు. నవంబర్ 1న రాంలీలా మైదానంలో సభ నిర్వహించుకునేందుకు అనుమతి మంజూరు చేసినట్టు శనివారం అధికారికంగా ప్రకటించారు. అయితే, కన్నాట్ ప్లేస్-మింటో రోడ్ జంక్షన్ నుంచి మైదానం వరకు తలపెట్టిన పాదయాత్రకు మాత్రం ఎలాంటి అనుమతి ఇవ్వలేదని స్పష్టం చేశారు.

శుక్రవారం ఇన్‌‌స్టాగ్రామ్ వేదికగా నిర్వహించిన ‘ఆస్క్ మీ ఎనీథింగ్’ కార్యక్రమంలో లోక్‌‌సభ ప్రతిపక్ష నేత రాహుల్ గాంధీ మాట్లాడుతూ.. ఆదివారం మధ్యాహ్నం 12 గంటలకు మింటో రోడ్ -కన్నాట్ ప్లేస్ నుంచి భారీ పాదయాత్ర మొదలై రాంలీలా మైదానానికి చేరుకుంటుందని, ప్రజలంతా తరలిరావాలని పిలుపునిచ్చారు. ఈ మార్చ్‌‌పై న్యూఢిల్లీ లేదా సెంట్రల్ జిల్లా పోలీసులకు ఎలాంటి ముందస్తు సమాచారం ఇవ్వలేదని, దరఖాస్తు కూడా చేసుకోలేదని పోలీస్ వర్గాలు వెల్లడించాయి. నిబంధనలు ఉల్లంఘించి పాదయాత్ర చేపడితే నేతలను అడ్డుకుంటారా? లేదా? అన్నదానిపై పోలీసులు ఇంకా స్పష్టత ఇవ్వలేదు.

వ్యక్తిగత కక్ష లేదు: ఖర్గే

సీఈసీపై తమకు వ్యక్తిగత కక్ష ఏమీ లేదని ఖర్గే అన్నారు. ప్రధాని, కేంద్ర హోంమంత్రి నేరుగా ఇచ్చే ఆదేశాల ప్రకారమే జ్ఞానేశ్ కుమార్ ఎన్నికల సంఘాన్ని నడిపిస్తున్నారని ఆరోపించారు. 2014 నుంచి అధికారంలో కొనసాగేందుకు బీజేపీ అన్ని మార్గాలనూ వాడుకుందని, పార్టీలను చీల్చిందని, ప్రభుత్వాలను కూల్చిందని, ఎలక్టోరల్ బాండ్లు తెచ్చిందని, ఈడీ, సీబీఐ వంటి కేంద్ర సంస్థలను ఉపయోగించుకుందని విమర్శించారు. ‘ఓట్ చోరీ’పై రాహుల్ గాంధీ లేవనెత్తిన ప్రశ్నలకు ఎన్నికల సంఘం నుంచి ఎలాంటి జవాబు రాలేదన్నారు. ఇది డమ్మీ పార్లమెంట్ కాదని, సీఈసీపై ప్రజల అభిశంసన అని కాంగ్రెస్ నేత పవన్ ఖేడా అన్నారు.

మళ్లీ అభిశంసన తీర్మానం: మీరా కుమార్

పారదర్శకత, జవాబుదారీతనం లేకుండా కోట్ల మంది ఓటర్ల పేర్లను జాబితాల నుంచి తొలగిస్తున్నారనే ఆరోపణల నేపథ్యంలోనే ఈ సభ ఏర్పాటు చేశామని మీరా కుమార్ ప్రారంభోపన్యాసంలో చెప్పారు. ఓటర్ల తొలగింపుపై కూటమి లేవనెత్తిన ప్రశ్నలకు సంతృప్తికర సమాధానాలు రాలేదన్నారు. జ్ఞానేశ్ కుమార్‌‌ను పదవి నుంచి తొలగించేందుకు అభిశంసన తీర్మానం తేవడంపై ఇండియా కూటమి సమావేశం ఏర్పాటు చేయాలని నిర్ణయించినట్లు తెలిపారు. కార్యక్రమంలో కూటమి పార్టీల ప్రతినిధులు తమ వాదనలు వినిపించేలా, పౌర సమాజ ప్రతినిధులు, ఎస్ఐఆర్ బాధితులు సాక్ష్యాలు చెప్పేలా ఏర్పాట్లు చేశారు.  

ఓడిపోయి సొంత పార్లమెంటా: బీజేపీ 

ప్రతిపక్ష ఇండియా కూటమి మాక్ సెషన్‌‌పై బీజేపీ తీవ్రంగా స్పందించింది. రాహుల్ గాంధీ ప్రజల్లో గెలవలేక తనకిష్టమైన రీతిలో సొంత పార్లమెంట్ పెట్టుకుని కూర్చున్నారని పార్టీ అధికార ప్రతినిధి గురు ప్రకాశ్ పాశ్వాన్ ఎద్దేవా చేశారు. ‘‘ఇది మాక్ పార్లమెంట్ కాదు.. ప్రజాస్వామ్యాన్ని అపహాస్యం చేయడమే. ప్రజల్లో గందరగోళం సృష్టించడానికే ఈ డ్రామాలు ఆడుతున్నారు’’ అని ఆయన మండిపడ్డారు.

ఇందిరా గాంధీ దేశానికే ఆదర్శం
నివాళులర్పించిన మంత్రి వివేక్ వెంకటస్వామి

న్యూఢిల్లీ, వెలుగు: మాజీ ప్రధాని ఇందిరాగాంధీ దేశానికి అందించిన సేవలు, ఆమె ధైర్యసాహసాలు, దార్శనిక నాయకత్వం నేటి తరానికి ఆదర్శమని మంత్రి వివేక్ వెంకటస్వామి అన్నారు.  ఇందిరా గాంధీ వర్ధంతి సందర్భంగా ఆమెకు శనివారం ఘన నివాళులర్పించారు. ‘గరీబీ హఠావో’ నినాదంతో పేదల సంక్షేమానికి పెద్దపీట వేసిన ఇందిరాగాంధీ.. అసైన్డ్ భూములు, ఇండ్ల కేటాయింపు వంటి చర్యలతో పేదలు, అణగారిన వర్గాల అభ్యున్నతికి విశేష కృషి చేశారని గుర్తుచేశారు. సామాజిక న్యాయం, పేదల సాధికారతకు ఆమె తీసుకున్న నిర్ణయాలు దేశ చరిత్రలో చిరస్థాయిగా నిలిచిపోతాయన్నారు. అమెరికా వంటి శక్తిమంతమైన దేశాల ఒత్తిళ్లకు తలొగ్గకుండా, భారతదేశం స్వతంత్రంగా వ్యవహరించే సత్తా కలిగిన దేశమని ప్రపంచానికి చాటిచెప్పిన ధైర్యవంతమైన నాయకురాలని కొనియాడారు. 

సీఈసీపై ఆరు అభియోగాలు

రాజ్యాంగంలోని ఆర్టికల్ 326 కల్పించిన ఓటు హక్కు తీవ్ర ప్రమాదంలో పడిందని తీర్మానం ప్రవేశపెడుతూ ఖర్గే అన్నారు. జ్ఞానేశ్ కుమార్‌‌పై ఆయన మోపిన ఆరు అభియోగాలు ఇవి:

•     దేశవ్యాప్తంగా, రాష్ట్రాల్లో ఎన్నికలను 
• ప్రభావితం చేసేందుకు కుట్ర పన్నారు.
•     ఓటర్ల జాబితాల నుంచి 13.2 కోట్ల మంది ఓటర్ల పేర్లను తొలగించారు.
•     పార్లమెంట్‌‌కు తెలియకుండా, దాని పర్యవేక్షణ లేకుండా ఫారం–6ను మార్చేశారు.
•     ఈసీఐనెట్ ద్వారా ఓటర్ల జాబితాలను తన గుప్పిట్లోకి తీసుకున్నారు.
•     కీలక నిర్ణయాల నుంచి మిగతా ఇద్దరు ఎన్నికల కమిషనర్లను దూరం పెట్టారు.
•     ప్రధాని మోదీ, హోంమంత్రి అమిత్ షా ఆదేశాల మేరకు పనిచేస్తున్నారు.

ప్రత్యేక సెషన్‌‌లో చర్చిద్దాం: అమిత్ షా

ఓటర్ల జాబితా వివాదంపై పార్లమెంట్ ప్రత్యేక సెషన్‌‌లో చర్చకు రావాలని రాహుల్ గాంధీ, అఖిలేశ్ యాదవ్‌‌కు కేంద్ర హోంమంత్రి అమిత్ షా సవాల్ విసిరారు. సీఈసీని తొలగించాలని కోరుతూ ప్రతిపక్షాలు ఈ ఏడాది ఏప్రిల్‌‌లో లోక్‌‌సభ, రాజ్యసభల్లో నోటీసులు ఇవ్వగా, వాటిని లోక్‌‌సభ స్పీకర్ ఓం బిర్లా, రాజ్యసభ చైర్మన్ సీపీ రాధాకృష్ణన్ తిరస్కరించారు. రాజ్యాంగం ప్రకారం సుప్రీంకోర్టు జడ్జిని తొలగించే విధానంలోనే సీఈసీని తొలగించాల్సి ఉంటుంది. ఇందుకు పార్లమెంట్ ఉభయ సభలు ప్రత్యేక మెజార్టీతో తీర్మానం ఆమోదించాల్సి ఉంటుంది.
 

•     కుల్దీప్‌‌‌‌‌‌‌‌‌‌‌‌‌‌‌‌, వరుణ్‌‌‌‌‌‌‌‌‌‌‌‌‌‌‌‌కు చాన్స్‌‌‌‌‌‌‌‌‌‌‌‌‌‌‌‌!
•     మ. 12.30 నుంచిసోనీ స్పోర్ట్స్‌‌‌‌‌‌‌‌‌‌‌‌‌‌‌‌లో లైవ్‌‌‌‌‌‌‌‌‌‌‌‌‌‌‌‌

హామిల్టన్‌‌‌‌‌‌‌‌‌‌‌‌‌‌‌‌: నాలుగో టీ20ల్లో ఊహించని పరాజయం ఎదుర్కొన్న టీమిండియా.. న్యూజిలాండ్‌‌‌‌‌‌‌‌‌‌‌‌‌‌‌‌తో ఐదో మ్యాచ్‌‌‌‌‌‌‌‌‌‌‌‌‌‌‌‌కు రెడీ అయ్యింది. ఆదివారం జరిగే ఈ మ్యాచ్‌‌‌‌‌‌‌‌‌‌‌‌‌‌‌‌ కోసం తుది జట్టులో కొన్ని వ్యూహాత్మక మార్పులు చేసే అవకాశం ఉంది. ఇప్పటివరకు టీమ్‌‌‌‌‌‌‌‌‌‌‌‌‌‌‌‌ కూర్పుపై నమ్మకంతో ఉన్నప్పటికీ నాలుగో మ్యాచ్‌‌‌‌‌‌‌‌‌‌‌‌‌‌‌‌ ఓటమి మేనేజ్‌‌‌‌‌‌‌‌‌‌‌‌‌‌‌‌మెంట్‌‌‌‌‌‌‌‌‌‌‌‌‌‌‌‌ ఆలోచనలను మార్చేసింది. ఐదు మ్యాచ్‌‌‌‌‌‌‌‌‌‌‌‌‌‌‌‌ల  సిరీస్‌‌‌‌‌‌‌‌‌‌‌‌‌‌‌‌లో ఇండియా 3–1 ఆధిక్యంలో ఉన్నా.. చివరి మ్యాచ్‌‌‌‌‌‌‌‌‌‌‌‌‌‌‌‌లో ఓటమితో సిరీస్‌‌‌‌‌‌‌‌‌‌‌‌‌‌‌‌ను ముగించాలని ఇండియా అసలు కోరుకోవడం లేదు. ఈ నేపథ్యంలో వైభవ్‌‌‌‌‌‌‌‌‌‌‌‌‌‌‌‌ సూర్యవంశీని మళ్లీ జట్టులోకి తీసుకురావాలని యోచిస్తోంది. ఒకవేళ అతనికి చాన్స్‌‌‌‌‌‌‌‌‌‌‌‌‌‌‌‌ ఇస్తే శాంసన్‌‌‌‌‌‌‌‌‌‌‌‌‌‌‌‌ను పక్కనబెట్టే అవకాశం ఉంది. ప్రస్తుతానికి శాంసన్‌‌‌‌‌‌‌‌‌‌‌‌‌‌‌‌ ఈ సిరీస్‌‌‌‌‌‌‌‌‌‌‌‌‌‌‌‌లో ఆశించిన స్థాయిలో రాణించలేదు.

ఇప్పటివరకు ఆడిన ఇన్నింగ్స్‌‌‌‌‌‌‌‌‌‌‌‌‌‌‌‌ల్లో  67, 14, 18, 4 రన్స్‌‌‌‌‌‌‌‌‌‌‌‌‌‌‌‌ మాత్రమే చేశాడు. దాంతో కొద్దిగా విరామం ఇస్తే మళ్లీ గాడిలో పడతాడని భావిస్తున్నారు. కెప్టెన్‌‌‌‌‌‌‌‌‌‌‌‌‌‌‌‌ శ్రేయస్‌‌‌‌‌‌‌‌‌‌‌‌‌‌‌‌ అయ్యర్‌‌‌‌‌‌‌‌‌‌‌‌‌‌‌‌ కెప్టెన్సీ బాగున్నా.. వ్యక్తిగత పెర్ఫామెన్స్‌‌‌‌‌‌‌‌‌‌‌‌‌‌‌‌ ఏమాత్రం బాగా లేదు. టీ20 ఫార్మాట్‌‌‌‌‌‌‌‌‌‌‌‌‌‌‌‌లో తన తొలి సెంచరీ సాధించిన తర్వాత ఆడిన ఎనిమిది ఇన్నింగ్స్‌‌‌‌‌‌‌‌‌‌‌‌‌‌‌‌లలో 40, 1, 16, 22, 42, 7, 5, 22 పరుగులు మాత్రమే చేశాడు. దాంతో ఈ మ్యాచ్‌‌‌‌‌‌‌‌‌‌‌‌‌‌‌‌లో కచ్చితంగా ప్రభావం చూపించాల్సిన ఒత్తిడి  శ్రేయస్‌‌‌‌‌‌‌‌‌‌‌‌‌‌‌‌పై ఉంది. మ్యాచ్‌‌‌‌‌‌‌‌‌‌‌‌‌‌‌‌ చివర్లో నమన్‌‌‌‌‌‌‌‌‌‌‌‌‌‌‌‌ ధీర్‌‌‌‌‌‌‌‌‌‌‌‌‌‌‌‌, నితీష్‌‌‌‌‌‌‌‌‌‌‌‌‌‌‌‌ కుమార్‌‌‌‌‌‌‌‌‌‌‌‌‌‌‌‌ మెరుపు ఇన్నింగ్స్‌‌‌‌‌‌‌‌‌‌‌‌‌‌‌‌లు ఆడటంతో శ్రేయస్ వైఫల్యాలు బయటకు రాలేదు. టీమిండియా బౌలింగ్‌‌‌‌‌‌‌‌‌‌‌‌‌‌‌‌లోనూ లోపాలు కనిపిస్తున్నాయి.  భువనేశ్వర్‌‌‌‌‌‌‌‌‌‌‌‌‌‌‌‌ టీమ్‌‌‌‌‌‌‌‌‌‌‌‌‌‌‌‌లోకి వచ్చినా ఆశించిన స్థాయిలో రాణించలేదు. దాంతో ఇండియా ఎక్కువగా అర్ష్‌‌‌‌‌‌‌‌‌‌‌‌‌‌‌‌దీప్‌‌‌‌‌‌‌‌‌‌‌‌‌‌‌‌ సింగ్‌‌‌‌‌‌‌‌‌‌‌‌‌‌‌‌, అక్షర్‌‌‌‌‌‌‌‌‌‌‌‌‌‌‌‌ పటేల్‌‌‌‌‌‌‌‌‌‌‌‌‌‌‌‌పై ఆధారపడాల్సి వస్తోంది. నితీష్‌‌‌‌‌‌‌‌‌‌‌‌‌‌‌‌, నమన్‌‌‌‌‌‌‌‌‌‌‌‌‌‌‌‌ కూడా బౌలింగ్‌‌‌‌‌‌‌‌‌‌‌‌‌‌‌‌లో మరింత మెరుగుపడాలి. కుల్దీప్‌‌‌‌‌‌‌‌‌‌‌‌‌‌‌‌, వరుణ్‌‌‌‌‌‌‌‌‌‌‌‌‌‌‌‌ చక్రవర్తిలో ఒకర్ని తీసుకోవాలంటే నమన్‌‌‌‌‌‌‌‌‌‌‌‌‌‌‌‌ ధీర్‌‌‌‌‌‌‌‌‌‌‌‌‌‌‌‌ను పక్కనబెట్టాల్సి ఉంటుంది.

తుది జట్లు (అంచనా)

ఇండియా: శ్రేయస్‌‌‌‌‌‌‌‌‌‌‌‌‌‌‌‌ అయ్యర్‌‌‌‌‌‌‌‌‌‌‌‌‌‌‌‌ (కెప్టెన్‌‌‌‌‌‌‌‌‌‌‌‌‌‌‌‌), అభిషేక్‌‌‌‌‌‌‌‌‌‌‌‌‌‌‌‌ శర్మ, శాంసన్‌‌‌‌‌‌‌‌‌‌‌‌‌‌‌‌ / వైభవ్‌‌‌‌‌‌‌‌‌‌‌‌‌‌‌‌ సూర్యవంశీ, ఇషాన్‌‌‌‌‌‌‌‌‌‌‌‌‌‌‌‌ కిషన్‌‌‌‌‌‌‌‌‌‌‌‌‌‌‌‌, తిలక్‌‌‌‌‌‌‌‌‌‌‌‌‌‌‌‌ వర్మ, నితీష్‌‌‌‌‌‌‌‌‌‌‌‌‌‌‌‌ కుమార్‌‌‌‌‌‌‌‌‌‌‌‌‌‌‌‌ / శివమ్‌‌‌‌‌‌‌‌‌‌‌‌‌‌‌‌ దూబే, నమన్‌‌‌‌‌‌‌‌‌‌‌‌‌‌‌‌ ధీర్‌‌‌‌‌‌‌‌‌‌‌‌‌‌‌‌, అక్షర్‌‌‌‌‌‌‌‌‌‌‌‌‌‌‌‌ పటేల్‌‌‌‌‌‌‌‌‌‌‌‌‌‌‌‌, భువనేశ్వర్‌‌‌‌‌‌‌‌‌‌‌‌‌‌‌‌ / అర్ష్‌‌‌‌‌‌‌‌‌‌‌‌‌‌‌‌దీప్‌‌‌‌‌‌‌‌‌‌‌‌‌‌‌‌, ప్రిన్స్‌‌‌‌‌‌‌‌‌‌‌‌‌‌‌‌ యాదవ్‌‌‌‌‌‌‌‌‌‌‌‌‌‌‌‌, మయాంక్‌‌‌‌‌‌‌‌‌‌‌‌‌‌‌‌ యాదవ్‌‌‌‌‌‌‌‌‌‌‌‌‌‌‌‌. 

న్యూజిలాండ్‌‌‌‌‌‌‌‌‌‌‌‌‌‌‌‌: శాంట్నర్‌‌‌‌‌‌‌‌‌‌‌‌‌‌‌‌ (కెప్టెన్‌‌‌‌‌‌‌‌‌‌‌‌‌‌‌‌), ఫిన్‌‌‌‌‌‌‌‌‌‌‌‌‌‌‌‌ అలెన్‌‌‌‌‌‌‌‌‌‌‌‌‌‌‌‌, టిమ్‌‌‌‌‌‌‌‌‌‌‌‌‌‌‌‌ సీఫెర్ట్‌‌‌‌‌‌‌‌‌‌‌‌‌‌‌‌, డారిల్‌‌‌‌‌‌‌‌‌‌‌‌‌‌‌‌ మిచెల్‌‌‌‌‌‌‌‌‌‌‌‌‌‌‌‌, గ్లెన్‌‌‌‌‌‌‌‌‌‌‌‌‌‌‌‌ ఫిలిప్స్‌‌‌‌‌‌‌‌‌‌‌‌‌‌‌‌, బెవాన్‌‌‌‌‌‌‌‌‌‌‌‌‌‌‌‌ జాకబ్స్‌‌‌‌‌‌‌‌‌‌‌‌‌‌‌‌, మైకేల్‌‌‌‌‌‌‌‌‌‌‌‌‌‌‌‌ బ్రాస్‌‌‌‌‌‌‌‌‌‌‌‌‌‌‌‌వెల్‌‌‌‌‌‌‌‌‌‌‌‌‌‌‌‌, నాథన్‌‌‌‌‌‌‌‌‌‌‌‌‌‌‌‌ స్మిత్‌‌‌‌‌‌‌‌‌‌‌‌‌‌‌‌, ఆడమ్‌‌‌‌‌‌‌‌‌‌‌‌‌‌‌‌ మిల్నే, జాకబ్‌‌‌‌‌‌‌‌‌‌‌‌‌‌‌‌ డఫీ, మ్యాట్‌‌‌‌‌‌‌‌‌‌‌‌‌‌‌‌ ఫిషర్‌‌‌‌‌‌‌‌‌‌‌‌‌‌‌‌. 

గెలుపే లక్ష్యంగా.. 

తొలి మూడు మ్యాచ్‌‌‌‌‌‌‌‌‌‌‌‌‌‌‌‌ల్లో ఘోరంగా ఓడిన న్యూజిలాండ్ నాలుగో టీ20లో తమ సత్తా ఏంటో చూపెట్టింది. ఇప్పుడు కూడా అదే బ్యాటింగ్‌‌‌‌‌‌‌‌‌‌‌‌‌‌‌‌ మ్యాజిక్‌‌‌‌‌‌‌‌‌‌‌‌‌‌‌‌ను రిపీట్‌‌‌‌‌‌‌‌‌‌‌‌‌‌‌‌ చేయాలని భావిస్తోంది. విజయంతో ఈ సిరీస్‌‌‌‌‌‌‌‌‌‌‌‌‌‌‌‌ను ముగించి ఆత్మవిశ్వాసంతో వన్డేలను మొదలుపెట్టాలని ప్రణాళికలు సిద్ధం చేస్తోంది. వచ్చే ఏడాది జరగనున్న ఐసీసీ వన్డే వరల్డ్ కప్‌‌‌‌‌‌‌‌‌‌‌‌‌‌‌‌కు ముందు టీమ్‌‌‌‌‌‌‌‌‌‌‌‌‌‌‌‌ను మరింత లోతుగా పరిశీలించుకునేందుకు రెండు జట్లకు వన్డే సిరీస్‌‌‌‌‌‌‌‌‌‌‌‌‌‌‌‌ చాలా కీలకం కానుంది. గ్లెన్‌‌‌‌‌‌‌‌‌‌‌‌‌‌‌‌ ఫిలిప్స్‌‌‌‌‌‌‌‌‌‌‌‌‌‌‌‌, బ్రాస్‌‌‌‌‌‌‌‌‌‌‌‌‌‌‌‌వెల్‌‌‌‌‌‌‌‌‌‌‌‌‌‌‌‌, డారిల్‌‌‌‌‌‌‌‌‌‌‌‌‌‌‌‌ మిచెల్‌‌‌‌‌‌‌‌‌‌‌‌‌‌‌‌ ఫామ్‌‌‌‌‌‌‌‌‌‌‌‌‌‌‌‌లో ఉండటం కలిసొచ్చే అంశం. నాలుగో మ్యాచ్‌‌‌‌‌‌‌‌‌‌‌‌‌‌‌‌లో ఆడిన జట్టునే యధావిధిగా బరిలోకి దించే అవకాశం ఉంది. 
 

• రిపోర్టు పంపి 15 రోజులైనా కదలిక లేదు
• ఇప్పటికీ రాని కేంద్ర పరిశీలన బృందాలు
• వరి కోతలు పూర్తయితే నష్టం లెక్కెట్ల?
• రూ.20 వేల కోట్ల సాయం కోరిన రాష్ట్రం
• అసెంబ్లీ తీర్మానానికీ స్పందన కరువు

హైదరాబాద్, వెలుగు: ఎల్‌‌‌‌నినో ప్రభావంతో రాష్ట్రంలో 365 మండలాల్లో వర్షాభావం వల్ల పంటలు ఎండిపోయి రైతులు అల్లాడుతుంటే, కేంద్ర ప్రభుత్వం నుంచి ఇప్పటికీ ఎలాంటి స్పందన రాలేదు. కరువు తీవ్రతపై రాష్ట్ర ప్రభుత్వం 10 నుంచి 15 రోజుల కిందటే సమగ్ర నివేదిక పంపింది. వారం కిందటే కరువు మండలాలను ప్రకటిస్తూ గెజిట్ నోటిఫికేషన్ కూడా విడుదల చేసింది. అయినా క్షేత్రస్థాయిలో నష్టాన్ని అంచనా వేసేందుకు కేంద్రం ఇప్పటివరకు బృందాలను పంపలేదు.  ప్రస్తుతం గ్రామాల్లో వరి కోతలు వేగంగా సాగుతున్నాయి. కేంద్ర బృందాలు వచ్చే సరికి కోతలు పూర్తయితే ఎండిపోయిన పంట నష్టాన్ని ఎలా అంచనా వేస్తారనే ప్రశ్నలు తలెత్తుతున్నాయి. గతంలో భారీ వరదలతో తీవ్ర నష్టం వాటిల్లినప్పుడూ కేంద్రం సాయం చేయలేదని, ఇప్పుడు కరువు విషయంలోనూ అదే వివక్ష చూపుతోందని అధికార యంత్రాంగం, రైతు సంఘాలు మండిపడుతున్నాయి.

నిబంధనలు ఏం చెబుతున్నయ్?

వర్షాభావంతో పంటలు ఎండిపోతే రాష్ట్ర ప్రభుత్వం ప్రత్యేక అధ్యయనం చేసి కరువు మండలాలను గుర్తిస్తుంది. వర్షపాతం లోటు, రిజర్వాయర్లలో నీటిమట్టాలు, శాటిలైట్ డేటా, సాగు విస్తీర్ణంలో తగ్గుదల వంటి గణాంకాల ఆధారంగా కరువును లెక్కిస్తారు. వీటిని కేబినెట్‌‌‌‌లో సమీక్షించి జీవో ద్వారా కరువు మండలాలను నోటిఫై చేస్తారు. 

రాష్ట్ర ప్రభుత్వం ఈ ప్రక్రియను ఇప్పటికే పూర్తి చేసింది. నిబంధనల ప్రకారం విపత్తు నష్టాలను కేంద్ర, రాష్ట్ర ప్రభుత్వాలు కలిసి భరించాల్సి ఉంటుంది. దీంతో కరువు మార్గదర్శకాల మేరకు కేంద్ర సాయం కోరుతూ రాష్ట్రం నివేదిక పంపింది. రాష్ట్రం నుంచి కరువు నివేదిక అందగానే కేంద్ర వ్యవసాయ, హోం, ఆర్థిక శాఖల ఉన్నతాధికారులతో కూడిన అంతర మంత్రిత్వ శాఖల కేంద్ర బృందం (ఐఎంసీటీ) కరువు ప్రాంతాల్లో పర్యటించాల్సి ఉంటుంది.

ఈ బృందాలు జిల్లాల్లో పర్యటించి, నెర్రెలు బారిన పొలాలను స్వయంగా పరిశీలించి, రైతులతో మాట్లాడి నష్టాన్ని అంచనా వేస్తాయి. ఆ నివేదిక ఆధారంగానే జాతీయ విపత్తు సహాయ నిధి నుంచి రాష్ట్రానికి ఇవ్వాల్సిన సాయాన్ని కేంద్రం ఖరారు చేస్తుంది. బృందాలు వెంటనే వచ్చి నివేదిక ఇస్తే నిధులు త్వరగా వస్తాయి. పంట కాలం ముగింపు దశకు వచ్చినా బృందాలను పంపకపోవడంపై, రాష్ట్రం నుంచి ఉన్న కేంద్ర మంత్రులు ఆ దిశగా చొరవ తీసుకోకపోవడంపై విమర్శలు వస్తున్నాయి.

ఎకరాకు రూ.10 వేలు ఇవ్వాలె

కరువుపై రాష్ట్ర శాసనసభలో అధికార, విపక్షాలు చర్చించి, కేంద్రం తక్షణమే ఆదుకోవాలని కోరుతూ ఏకగ్రీవంగా తీర్మానం చేశాయి. ఆ తీర్మానాన్ని ప్రభుత్వం కేంద్రానికి పంపింది. కరువు సాయం కింద రూ.20 వేల కోట్లు ఇవ్వాలని కోరింది.  

వరదలప్పుడూ ఇంతే

గతంలో రాష్ట్రంలో భారీ వర్షాలు, ఆకస్మిక వరదలతో వేల ఎకరాల్లో పంటలు మునిగి, రోడ్లు, వంతెనలు కొట్టుకుపోయినప్పుడూ కేంద్రం ఇదే తీరు ప్రదర్శించిందని అధికారులు గుర్తుచేస్తున్నారు. రాష్ట్రం లేఖల మీద లేఖలు రాసినా రూపాయి సాయం ప్రకటించలేదని, కేంద్ర అధికారులు వచ్చి చూసి వెళ్లడం తప్ప పైసా విదల్చలేదని విమర్శిస్తున్నారు. వరి కోతలు పూర్తయితే పొలాలు బీడుగా కనిపిస్తాయే తప్ప పంట నష్టాన్ని నిరూపించడం సాధ్యం కాదని, సాంకేతిక కారణాలు చూపి సాయంలో కోత పెట్టేందుకే కేంద్రం ఆలస్యం చేస్తోందని రైతులు మండిపడుతున్నారు.

తీర్మానంలోని అంశాలు ఇవే

•     365 మండలాల్లో ఎండిపోయిన పంటలకు ఎకరాకు రూ.10 వేల చొప్పున ఇన్‌‌పుట్ సబ్సిడీ కోసం ప్రత్యేక ప్యాకేజీ ఇవ్వాలి.
•     పల్లెల్లో వలసలను అరికట్టేందుకు ఉపాధి హామీ పనిదినాలను 100 నుంచి 150 రోజులకు పెంచాలి
•     వేసవి తాగునీటి ఎద్దడి, పశుగ్రాసం కొరత తీర్చేందుకు ప్రత్యేక గ్రాంట్లు మంజూరు చేయాలి
•     రైతుల పాత పంట రుణాలను రీషెడ్యూల్ చేయాలి, బ్యాంకులు బలవంతపు వసూళ్లు  చేయొద్దని ఆదేశించాలి
   

హైదరాబాద్: ఉప్పల్ రామంతాపూర్ పెద్ద చెరువు ఎఫ్‌టీఎల్ పరిధిలోని షెడ్డును హైడ్రా సిబ్బంది తొలగించారు. రామంతాపూర్ పెద్ద చెరువు పరిధిలో 400 గజాలకు పైగా ఖాళీ స్థలంలో అక్రమంగా తాత్కాలిక షెడ్డు ఏర్పాటు చేసి.. షెడ్డులో అనుమతులు లేకుండా బార్ సిట్టింగ్ రూం నిర్వహిస్తున్నట్లు హైడ్రా అధికారులు తేల్చారు.

పక్కనే ఉన్న భవనంలో బార్ నిర్వహణకు మాత్రమే అనుమతులు ఉన్నాయి. సిట్టింగ్ రూంలో మద్యం సేవిస్తూ స్థానికులకు ఇబ్బందులు కలిగిస్తున్నారని ఫిర్యాదులు అందడంతో హైడ్రా రంగంలోకి దిగింది.

బహిరంగంగా మద్యం సేవిస్తూ అసభ్యంగా ప్రవర్తిస్తున్నారని స్థానికులు హైడ్రాకు మొరపెట్టుకున్నారు. చెరువు కట్టపై మద్యం సేవించి ఖాళీ బాటిళ్లను చెరువులోకి విసురుతున్నారని ఫిర్యాదు చేశారు. పరిసరాలను అపరిశుభ్రం చేస్తున్నారంటూ హైడ్రాకు ఫిర్యాదు అందడంతో స్థానికుల ఫిర్యాదులతో రంగంలోకి దిగిన హైడ్రా షెడ్డును తొలగించింది. తొలగించిన షెడ్డుకు సంబంధించిన స్థలాన్ని చెరువు అభివృద్ధిలో హైడ్రా భాగస్వామ్యం చేసింది.

కరీంనగర్: కొత్తపల్లి మండలం బావుపేట దగ్గర ఆర్టీసీ బస్సు, గ్రానైట్ బండరాళ్ల కంటైనర్ ఎదురెదురుగా ఢీ కొన్నాయి. ఈ దుర్ఘటనలో బస్సు డ్రైవర్‌తో పాటు ఐదుగురు ప్రయాణికులకు తీవ్ర గాయాలయ్యాయి. ఆర్టీసీ బస్సు ముందు భాగం ప్రమాద ధాటికి ధ్వంసమైంది. 108 అంబులెన్స్‌లో క్షతగాత్రులను ఆసుపత్రికి తరలించారు. బావుపేట ప్రమాదంపై మంత్రి పొన్నం ప్రభాకర్ ఆరా తీశారు.

కంటైనర్ లారీ ఢీకొని గాయపడిన సిరిసిల్ల ఆర్టీసీ బస్సు డ్రైవర్, ప్రయాణికులకు కరీంనగర్ ఆసుపత్రిలో చికిత్స అందిస్తున్నారు. జిల్లా కలెక్టర్, ఆర్టీసీ ఎండీ, పోలీస్ కమిషనర్‌తో మంత్రి ఫోన్‌లో మాట్లాడి వివరాలు అడిగి తెలుసుకున్నారు. బాధితులకు మెరుగైన వైద్యం అందించాలని అధికారులకు మంత్రి ఆదేశించారు. క్షతగాత్రుల ఆరోగ్య పరిస్థితిని ఎప్పటికప్పుడు పర్యవేక్షించాలని సూచించారు.

హైదరాబాద్: టిప్పర్ ఢీకొని ద్విచక్ర వాహనదారుడు మృతి చెందిన విషాద ఘటన శామీర్‌పేట పోలీస్ స్టేషన్ పరిధిలోని పోతారం గ్రామంలో శనివారం (అక్టోబర్ 31) రాత్రి చోటుచేసుకుంది. తుర్కపల్లి నుంచి పోతారం గ్రామం వైపు ద్విచక్ర వాహనంపై వస్తున్న పొన్న కృష్ణ (54)‎ను  టిప్పర్ ఢీకొట్టింది. ఈ ప్రమాదంలో తీవ్రంగా గాయపడిన కృష్ణ మృతిచెందారు. ఈ ఘటనపై సమాచారం అందుకున్న పోలీసులు వెంటనే ప్రమాద స్థలానికి చేరుకుని వివరాలు సేకరించారు. 

ప్రమాదానికి కారణమైన  లారీని గుర్తించేందుకు పరిసర ప్రాంతాల్లోని సీసీ కెమెరాల ఫుటేజీలను పరిశీలిస్తూ దర్యాప్తు చేపట్టారు. మృతికి దారితీసిన పరిస్థితులపై పోలీసులు ఇద్దరు వ్యక్తులను అదుపులోకి తీసుకొని విచారించినట్లు సమాచారం. అందులో డ్రైవర్ ఒకరు యాక్సిడెంట్ చేసినట్లు ఒప్పుకున్నట్లు స్థానికులు తెలిపారు. మృతుడి కృష్ణ ట్రాక్టర్ డ్రైవర్ కాగా అతనికి ముగ్గురు పిల్లలు. 

హైదరాబాద్: నవంబర్ 3 నుంచి 4 వరకు హైదరాబాద్‌లో పలు ప్రాంతాల్లో తాగునీటి సరఫరాకు అంతరాయం కలుగుతుందని జలమండలి అధికారులు తెలిపారు. గండిపేట కాండ్యూట్‌లో భారీ లీకేజీల మరమ్మతులకు జలమండలి చర్యలు తీసుకుంటుంది. సబ్జా కాలనీ, టోలిచౌకి, మణికొండ దగ్గర లీకేజీలకు మరమ్మతులు చేయాలని జలమండలి నిర్ణయించింది. నవంబర్ 3 ఉదయం 6 గంటల నుంచి నవంబర్ 4 సాయంత్రం 6 గంటల వరకు ఈ మరమ్మతు పనులు జరుగుతాయి.

మొత్తం 36 గంటల పాటు ఈ మరమ్మతు పనులు కొనసాగనున్నాయి. గోషామహల్, కార్వాన్ సర్కిళ్ల పరిధిలో తాగునీటి సరఫరాకు అంతరాయం కలుగుతుందని.. రెడ్‌హిల్స్, నాంపల్లి, మల్లేపల్లి, సీతారాంబాగ్ ప్రాంతాలపై ప్రభావం ఉంటుందని జలమండలి అధికారులు తెలిపారు. ప్రభావిత ప్రాంతాల ప్రజలు నీటిని పొదుపుగా వినియోగించుకోవాలని జలమండలి విజ్ఞప్తి చేసింది.

• అసెంబ్లీ, సెక్రటేరియట్, ఆదర్శ్‌నగర్, గన్‌ ఫౌండ్రీ ప్రాంతాల్లోనూ అంతరాయం

• గోల్కొండ జోన్ పరిధిలోని చింతల్ బస్తీ, విజయనగర్ కాలనీలో సరఫరా నిలిపివేత

• ఓల్డ్ మల్లేపల్లి, ఆసిఫ్‌నగర్, అహ్మద్‌నగర్ ప్రాంతాల్లోనూ నీటి కష్టాలు

• కవాడిగూడ, గాంధీనగర్ వార్డుల పరిధిలోని దోమలగూడలో ప్రభావం

• బంజారాహిల్స్ వార్డు పరిధిలోనూ తాగునీటి సరఫరాకు అంతరాయం

జియో వాయిస్ ఓన్లీ ప్రీపెయిడ్ ప్లాన్స్లో ₹147 నుంచి ప్రారంభమై ₹1,748 వరకు ఆరు రీఛార్జ్ ఆప్షన్స్ను తీసుకొచ్చింది. జియో వాయిస్ ఓన్లీ ప్లాన్స్లో ముందుగా చెప్పుకోవాల్సింది చీప్ అండ్ బెస్ట్ ప్లాన్ 147 రూపాయల ప్లాన్ గురించి.

రూ.147 వాయిస్ ఓన్లీ ప్లాన్తో రీఛార్జ్ చేసుకుంటే.. అన్ లిమిటెడ్ వాయిస్ కాల్స్, 300 SMSలు, 22 రోజుల వ్యాలిడిటీతో పొందొచ్చు. ఇంట్లో, ఆఫీస్లో Wi-Fiపై ఆధారపడే జియో ప్రీపెయిడ్ కస్టమర్స్ ఈ ప్లాన్ ట్రై చేయొచ్చు. 177 రూపాయల ప్లాన్తో 28 రోజులు వ్యాలిడిటీతో అపరిమిత వాయిస్ కాల్స్, 300SMSలు పొందొచ్చు.

30 రోజుల వ్యాలిడిటీ ప్లాన్ కావాలంటే 196 రూపాయలతో, క్యాలెండర్ నెల వ్యాలిడిటీ ప్లాన్ పొందాలనుకుంటే 197 రూపాయలతో రీఛార్జ్ చేసుకోవాల్సి ఉంటుంది. 448 రూపాయల వాయిస్ ఓన్లీ ప్లాన్ 84 రోజులతో ఇప్పటికే అందుబాటులో ఉంది. రూ.1,748 వాయిస్ ఓన్లీ ప్లాన్ కూడా 336 రోజుల వ్యాలిడిటీతో అందుబాటులో ఉన్న సంగతి తెలిసిందే. ఈ వాయిస్ -ఓన్లీ ప్లాన్‌లలో దేనిలోనూ మొబైల్ ఇంటర్నెట్ యాక్సెస్ ఉండదు.

►ALSO READ | ఆలోచనలతోనే కంప్యూటర్లను కంట్రోల్ చేసే టెక్నాలజీ.. ఎలాన్ మస్క్ 'టెలిపతి' ప్రత్యేకతలు ఇవే

గాంధీనగర్: దేశంలో నక్సలిజాన్ని లేకుండా చేశాం.. అర్బన్ నక్సలిజాన్ని కూడా అంతం చేస్తామని ప్రధాని మోడీ కీలక వ్యాఖ్యలు చేశారు. సర్దార్ వల్లభాయ్ పటేల్ జయంతిని పురస్కరించుకుని గుజరాత్‎లోని ఏక్తానగర్‎లో నిర్వహించిన జాతీయ ఐక్యత దివాస్ వేడుకల్లో ప్రధాని మోడీ పాల్గొన్నారు. సర్ధార్ వల్లభాయ్ పటేల్  విగ్రహానికి నివాళులర్పించారు. అనంతరం ప్రధాని మోడీ మాట్లాడుతూ.. నక్సలైట్ల హింస నుంచి దేశానికి విముక్తి కల్పించామని చెప్పారు. 

గ్రామీణ, ఆదివాసీ ప్రాంతాలకు నక్సల్స్ పీడ నుంచి విముక్తి కలిగిందన్నారు. నక్సల్స్ పీడ తొలగడంతో అన్ని ప్రాంతాలకు రోడ్డు, టెలికాం సేవలు పెరుగుతున్నాయని చెప్పారు. భారత్‎లో పేదరికం భారీగా తగ్గిందని ప్రపంచబ్యాంక్ నివేదిక చెప్పిందని.. 2014 నుంచి భారత్‎లో క్రమంగా నిరుపేదల సంఖ్య తగ్గుతోందన్నారు. దేశంలో 100 కోట్ల మందికి సురక్ష ఆరోగ్య బీమా కల్పిస్తున్నామని చెప్పారు. 

ఐక్యమత్యమే మనల్ని దేశంగా ముందుకు నడిపిస్తోందని.. సర్దార్ పటేల్ చూపిన మార్గంలోనే దేశం ముందుకు సాగుతోందని పేర్కొన్నారు. అయితే, దిమాగీ నక్సల్స్ కుట్రలు, కుతంత్రాలు ఈ దేశానికి మరింత ప్రమాదకరమని కీలక వ్యాఖ్యలు చేశారు. దేశాన్ని అస్థిరపరచాలనుకునే దీమాగి నక్సల్స్ ఆందోళనలు, ధర్నాలు కుట్రలను బద్దలు కొట్టాలని పిలుపునిచ్చారు. 

ఏక్ భారత్.. శ్రేష్ఠ్ భారత్.. అనేదే మన నినాదం కావాలని పిలుపునిచ్చారు. ప్రజలంతా అప్రమత్తంగా ఉంటే భారత దేశ అభివృద్ధిని ఎవరూ అడ్డుకోలేరన్నారు. ప్రజలు ఐక్యంగా ఉంటే వారంతా ఏమి చేయలేరని అన్నారు. 2047 నాటికి వికసిత్ భారత్ లక్ష్యాన్ని అందుకోవాలని పిలుపునిచ్చారు. 

అర్నబ్ తుపాను సృష్టించిన విధ్వంసం నుంచి రాష్ట్రం కోలుకుంటున్న తరుణంలో ఆంధ్రప్రదేశ్‌కు మరో తుఫాను ముప్పు పొంచి ఉండటం ఆందోళన కలిగిస్తుంది. ఆగ్నేయ బంగాళాఖాతంలో మరో వాయుగుండం ఏర్పడిన నేపథ్యంలో ముఖ్యమంత్రి చంద్రబాబు నాయుడు వాతావరణ పరిస్థితులు, తుఫాను ప్రభావం, పునరుద్ధరణ పనులపై ఉన్నతాధికారులతో సమీక్ష నిర్వహించారు.

సచివాలయంలోని రియల్ టైమ్ గవర్నెన్స్ సొసైటీ (ఆర్టీజీఎస్) కేంద్రంలో జరిగిన ఈ సమావేశంలో వాతావరణ పరిస్థితులను అధికారులు ముఖ్యమంత్రికి వివరించారు. ప్రస్తుతం ఏర్పడిన వాయుగుండం రేపటికి (నవంబర్ 1, 2026) తుఫానుగా బలపడే అవకాశాలున్నాయని వెల్లడించారు. దీని ప్రభావంతో దక్షిణ కోస్తాంధ్రలో.. గుంటూరు నుంచి దక్షిణ దిశలోని దిగువ ప్రాంతాలు, రాయలసీమ జిల్లాల్లో వర్షాలు కురిసే అవకాశం ఉందని తెలిపారు.

నవంబర్ 2, 3, 4 తేదీల్లో రాష్ట్రంలోని పలు ప్రాంతాల్లో మోస్తారు నుంచి భారీ వర్షాలు కురిసే సూచనలు ఉన్నాయని అధికారులు ముఖ్యమంత్రికి తెలియజేశారు. ఈ క్రమంలో.. సంబంధిత శాఖల అధికారులు ముందస్తు జాగ్రత్తలు తీసుకోవాలని సీఎం చంద్రబాబు ఆదేశించారు. తుఫాను ప్రభావిత ప్రాంతాల్లో ఎలాంటి ప్రాణ, ఆస్తి నష్టం జరగకుండా అప్రమత్తంగా ఉండాలని సూచించారు.

హైదరాబాద్: కోదాడలో భారీగా గంజాయి పట్టుబడింది. కారులో తరలిస్తున్న 150 కిలోల గంజాయిని పోలీసులు స్వాధీనం చేసుకున్నారు. పట్టుబడిన గంజాయి విలువ సుమారు రూ.75 లక్షలు ఉంటుందని తెలిపారు. కోదాడ హైవేపై ఈగల్ ఫోర్స్, కోదాడ టౌన్ పోలీసుల జాయింట్ ఆపరేషన్ చేపట్టి గంజాయి ముఠా గుట్టురట్టు చేశారు. ఇద్దరు అంతర్రాష్ట్ర గంజాయి స్మగ్లర్లను అరెస్ట్ చేశారు. 

నిందితులను కర్ణాటకకు చెందిన సెల్వ సూర్య (26), రాజా గౌండర్ మురుగన్‏గా గుర్తించారు. గంజాయి రవాణాకు ఉపయోగించిన హోండా సిటీ కారును సీజ్ చేశారు.  ఒడిశా నుంచి కర్ణాటకకు గంజాయి తరలిస్తున్నట్లు పోలీసులు ప్రాథమికంగా గుర్తించారు. గంజాయి రవాణా చేసినందుకు నిందితులు రూ.20 వేలకు ఒప్పందం చేసుకున్నట్లు విచారణలో వెల్లడైంది. 

ఒడిశాలోని చిత్రకొండకు చెందిన రాజు నుంచి గంజాయి సేకరించినట్లు పోలీసులు అనుమానిస్తున్నారు. కర్ణాటకలోని చామరాజనగర్ ప్రాంతానికి చెందిన ఈశ్వర్ గౌండర్, శివప్ప గంజాయి రిసీవర్లుగా గుర్తించారు. వీరి పాత్రపై పోలీసులు ఆరా తీస్తున్నారు. ఒడిశా నుంచి కర్ణాటక వరకు విస్తరించిన గంజాయి నెట్ వర్క్‎పై పోలీసులు ఆరా తీస్తున్నారు. 

గంజాయి మూలాలు, నెట్‌వర్క్ వెనుక ఉన్నవారిపై దర్యాప్తు చేస్తున్నారు. నిందితులతో పాటు స్వాధీనం చేసుకున్న గంజాయి, కారును ఈగల్ ఫోర్స్ టీమ్ కోదాడ పోలీసులకు అప్పగించింది. కోదాడ పోలీసులు ఈ ఘటనపై ఎన్డీపీఎస్ యాక్ట్ కింద ఎఫ్ఐఆర్ నమోదు చేసి దర్యాప్తు చేపట్టారు. 

చింతకుంట: వికారాబాద్ జిల్లా దారూర్ మండలం చింతకుంట గ్రామంలో విషాదం నెలకొంది. ఇద్దరు పిల్లలను చంపి తల్లి ఆత్మహత్య చేసుకున్న ఘటన స్థానికంగా కలకలం సృష్టించింది. 

వాసవి (35) అనే మహిళ తన ఇద్దరు పిల్లలతో కలిసి ఇంట్లో ఉరివేసుకుని ఆత్మహత్య చేసుకున్నట్లు స్థానికులు చెప్తున్నారు. పిల్లలు.. సహర్స్ రెడ్డి 9, వేదర్శి రెడ్డి 8 సంవత్సరాలు. వాసవి భర్త భూపతిరెడ్డి తాండురులోని ఓ డిగ్రీ కళాశాలలో ప్రిన్సిపాల్గా విధులు నిర్వహిస్తున్నాడు.

తన భార్య వాసవి గత 6 సంవత్సరాలుగా మానసిక అనారోగ్యంతో బాధపడుతుందని,6 సంవత్సరాలుగా మానసిక వైద్యం చేయిస్తున్నానని భర్త భూపతి రెడ్డి కన్నీరుమున్నీరుగా విలపించాడు. వాసవి తన ఇద్దరు పిల్లలకు ఇంట్లో తాడుతో ఉరివేసి అనంతరం తాను కూడా ఉరివేసుకుని చనిపోయిందని కుటుంబ సభ్యులు చెప్తున్నారు.

సమాచారం అందుకున్న దారూర్ పోలీసులు ఘటనా స్థలానికి చేరుకుని, మృతదేహాలను పోస్టుమార్టం కోసం వికారాబాద్ ప్రభుత్వ ఆసుపత్రికి తరలించి, కేసు నమోదు చేసి దర్యాప్తు చేస్తున్నారు.

నల్గొండ: నల్లగొండ మున్సిపల్ కార్పొరేషన్ అభివృద్ధిలో మరో కీలక అడుగు పడింది. క్లాక్ టవర్ సెంటర్ సుందరీకరణకు 197.44 కోట్లు మంజూరు చేస్తూ రాష్ట్ర ప్రభుత్వం ఉత్తర్వులు జారీ చేసింది. ఈ నిధుల్లో ప్రపంచ బ్యాంకు 138.21 కోట్లు, రాష్ట్ర ప్రభుత్వం  59.23 కోట్లు కేటాయించడం గమనార్హం.

నల్లగొండ మున్సిపల్ కార్పొరేషన్ పాత ఆర్ అండ్ బి కార్యాలయ స్థలంలో అధునాతన రీతిలో కమర్షియల్ కాంప్లెక్స్, మల్టీప్లెక్స్ నిర్మించనుంది. కార్పొరేషన్ కార్యాలయంలో అభివృద్ధి పనుల లోగోను మేయర్ బుర్రి చైతన్య శ్రీనివాసరెడ్డి, డిప్యూటీ మేయర్ ఆవిష్కరించారు. నిధులు కేటాయించినందుకు సీఎం రేవంత్ రెడ్డికి, మంత్రి కోమటిరెడ్డి వెంకటరెడ్డికి మేయర్, కార్పొరేషన్ సభ్యులు కృతజ్ఞతలు తెలిపారు.

న్యూఢిల్లీ: కాక్రోచ్ జనతా పార్టీ ఫౌండర్ అభిజిత్ దీప్కేకు ప్రముఖ సింగర్ దిల్జిత్ దోసాంజ్ కౌంటర్ ఇచ్చారు. నీట్ పేపర్ లీక్ అంశంపై స్పందించేందుకు నిరాకరించిన దిల్జిత్ దోసాంజేను గతంలో దీప్కే విమర్శించిన విషయం తెలిసిందే. ఈ క్రమంలో అక్టోబర్ 30న ఢిల్లీలో ఔరా ఇండియా టూర్ పేరుతో దిల్జిత్ దోసాంజే మ్యూజిక్ కాన్సర్ట్ నిర్వహించారు. ఈ ఈవెంట్లో దీప్కే వ్యాఖ్యలకు దిల్జిత్ పరోక్షంగా ఘాటు కౌంటర్ ఇచ్చారు. 

‘‘నేను సైలెంట్‎గా ఉంటున్నాను కాబట్టి నన్ను అలాగే ఉండనివ్వండి. నేను అందరినీ ప్రేమిస్తాను. ఒక కారణం కోసం నిలబడటం పంజాబీలకు తెలిసినంతగా ఎవరికీ తెలియదు. కాబట్టి పంజాబీలకు పోరాటాలు ఎలా చేయాలో నేర్పించాల్సిన అవసరం లేదు. ఏ వేదికపై నిలబడితే నా తన సట్లజ్ సినిమాను ఎగతాళి చేశారో.. ఆ సినిమాను ప్రేక్షకుల ముందుకు తేవడానికి మేము ఎన్నో ఏళ్లు సుదీర్ఘ పోరాటం చేశాం’’ దీప్కేకు కౌంటర్ ఇచ్చాడు.

అసలేం జరిగిందంటే..? 

నీట్ పేపర్ లీకేజీకి వ్యతిరేకంగా 2026, జూలైలో ఢిల్లీలోని జంతర్ మంతర్‎లో కాక్రోచ్ జనతా పార్టీ ఆందోళనలు నిర్వహించిన విషయం తెలిసిందే. అయితే, ఈ నిరసనలపై స్పందించమని ఓ అభిమాని కోరగా.. ఇందుకు దిల్జిత్ దోసాంజ్ నిరాకరించాడు. నేను కేవలం ఒక కళాకారుడిని బ్రో, నన్ను ఇలాంటి రాజకీయాలకు దూరంగా ఉంచండి అన్నాడు. దిల్జిత్ వ్యాఖ్యలపై దీప్కే విమర్శలు గుప్పించాడు. ఒక పెద్ద సెలబ్రిటీ అయి ఉండి ప్రజా సమస్యలపై మాట్లాడకుండా తప్పించుకుంటున్నారని విమర్శించారు. ఇలా చేస్తే ప్రజలు మీ సినిమాలు నిషేధిస్తారని హెచ్చరించాడు. దీప్కే వ్యాఖ్యలకు అక్టోబర్ 30న ఢిల్లీలో నిర్వహించిన మ్యూజిక్ కాన్సర్ట్‎లో స్ట్రాంగ్ కౌంటర్ ఇచ్చాడు. పంజాబీలకు పోరాటాలు ఎలా చేయాలో నేర్పించాల్సిన అవసరం లేదన్నాడు. 

►ALSO READ | జ్ఞానేష్‎కు సీఈసీగా కొనసాగే అర్హతే లేదు.. వెంటనే పదవి నుంచి తొలగించండి: రాహుల్

ఇక్కడితో వదిలేద్దాం బ్రో: దీప్కే

ఢిల్లీ కాన్సర్ట్‎లో దిల్జిత్ దోసాంజ్ చేసిన వ్యాఖ్యలపై అభిజిత్ దీప్కే రియాక్ట్ అయ్యాడు. ఒక పెద్ద ప్రజాసమస్యపై దిల్జిత్ మాట్లాడలేదనే నిరాశతోనే తాను గతంలో అలా మాట్లాడానని క్లారిటీ ఇచ్చాడు. తన వ్యాఖ్యలు దిల్జిత్‌ను బాధించి ఉంటే క్షమించాలని కోరారు.
తాను ఇప్పటికీ దిల్జిత్ అభిమానినేనని.. గతంలో ఆయన చికాగో మ్యూజిక్ కాన్సర్ట్‎కు కూడా హాజరయ్యానని గుర్తు చేశాడు. తనను ఒక తమ్ముడిగా భావించి ఈ విషయాన్ని ఇక్కడితో వదిలేయాలని దీప్కే రిక్వెస్ట్ చేశాడు. 

వెండితెరపై విలక్షణ నటనతో ఎన్నో ఏళ్లుగా ప్రేక్షకులను అలరిస్తున్న నటుడు ప్రకాశ్‌రాజ్‌. విలన్‌గా భయపెట్టినా, తండ్రిగా భావోద్వేగాలు పండించినా, క్యారెక్టర్ ఆర్టిస్ట్‌గా కథకు బలాన్నిచ్చినా ఆయనకు ఆయనే సాటి. అలాంటి నటుడు ఇప్పుడు సినిమాల్లో కాస్త తక్కువగా కనిపిస్తుండటంపై ఆసక్తికర చర్చ నడుస్తోంది. దీనికి కారణం ఆయన నటనకు దూరం కావడమా? లేక రాజకీయ, సామాజిక అంశాలపై ఆయన చేస్తున్న వ్యాఖ్యలా? లేటెస్ట్ గా ఆయన భార్య, కొరియోగ్రాఫర్ పోనీ వర్మ  ఓ ఇంటర్వ్యూలో చేసిన వ్యాఖ్యలు హాట్ టాపిక్ గా మారింది.

 ప్రకాశ్‌రాజ్ రాజకీయాలపై బహిరంగంగా మాట్లాడటం మొదట్లో తనను ఆందోళనకు గురిచేసేదని పోనీ వర్మ వెల్లడించారు. ముఖ్యంగా జర్నలిస్ట్ గౌరీ లంకేశ్ హత్య ఘటన తర్వాత ఆయన ఆలోచనా విధానంలో కీలక మార్పు వచ్చిందని చెప్పారు. 'ఇలా భయపడుతూ ఎన్నాళ్లు బతకాలి?' అనే ప్రశ్నతోనే సామాజిక, రాజకీయ అంశాలపై మరింత బలంగా తన గళాన్ని వినిపించడం ప్రారంభించారని వివరించారు.

ప్రభుత్వ విధానాలను ప్రశ్నిస్తూ సోషల్ మీడియాలో 'జస్ట్ ఆస్కింగ్' పేరుతో ప్రకాశ్‌రాజ్ చేసే పోస్టులు తరచూ చర్చనీయాంశమవుతుంటాయి. అయితే ఈ బహిరంగ వైఖరి ఆయన కెరీర్‌పై ప్రభావం చూపిందని పోనీ వర్మ తెలిపారు. రాజకీయ వ్యాఖ్యల కారణంగా చేతికి రావాల్సిన సినిమా అవకాశాలు చేజారిపోయాయని, ప్రకటనల ప్రాజెక్టులు కూడా దూరమయ్యాయని వెల్లడించారు. అంతేకాదు, కొందరు దర్శక నిర్మాతలు అడ్వాన్స్‌లు ఇచ్చిన తర్వాత కూడా ఆయన్ని సినిమాల నుంచి తప్పించిన సందర్భాలున్నాయని పేర్కొన్నారు.

ఇన్ని ఎదురుదెబ్బలు తగిలినా ప్రకాశ్‌రాజ్ మాత్రం తన అభిప్రాయాలను మార్చుకునేందుకు సిద్ధంగా లేరని పోనీ వర్మ స్పష్టం చేశారు. తన మనస్సాక్షికి తప్పుగా అనిపించిన పనిని అంగీకరించకూడదనేది ఆయన నిర్ణయమని చెప్పారు. నటుడిగా సంపాదించిన గుర్తింపుతో పాటు వ్యక్తిగత అభిప్రాయాలను వ్యక్తం చేసే స్వేచ్ఛకు కూడా ప్రకాశ్‌రాజ్ ప్రాధాన్యత ఇస్తున్నారని పోనీ వర్మ స్పష్టం చేసింది.

నిజామాబాద్ DCSO శ్రీకాంత్ రెడ్డిని సస్పెండ్ చేశారు. రైస్ మిల్లుల తనిఖీల్లో నిర్లక్ష్యం వహించినందుకు ఆయనపై వేటు పడింది. CMR విషయంలోను శ్రీకాంత్ రెడ్డి నిర్లక్ష్యం వహించినట్లు విచారణలో తేలింది. ప్రతి నెలా తనిఖీలు చేయకుండా నిర్లక్ష్యంగా వ్యవహరించినట్లు వెల్లడైంది. నిర్లక్ష్యం వహించిన అధికారులపై చర్యలు ఉంటాయన్న సివిల్ సప్లై శాఖ కమిషనర్ స్టీఫెన్ రవీంద్ర హెచ్చరించారు.

బియ్యం మరాడించేందుకు సర్కార్ నుంచి వడ్లు తీసుకుని స్వాహా చేసిన రైస్ మిల్లర్లపై అధికారులు క్రిమినల్, ఆర్ఆర్ యాక్ట్ కింద కేసులు పెట్టడం తప్పితే రికవరీ చేయలేకపోతున్నారు. రాష్ట్రవ్యాప్తంగా మిల్లర్లపై కేసులు నమోదవుతున్నప్పటికీ.. బకాయిలు చెల్లించకపోయినా ఆస్తిని జప్తు చేయడం లేదనే విమర్శలు వ్యక్తమవుతున్నాయి.

కేసులు నమోదు చేశాక డిమాండ్ నోటీసులు పంపి, నెల రోజుల్లో బకాయిలు చెల్లించకుంటే వారి ఆస్తులు జప్తు చేయాల్సి ఉంటుంది. సంవత్సరాలు గడుస్తున్నా అధికారులు పట్టించుకోవడం లేదు. ఆఫీసర్ల అలసత్వాన్ని ఆసరాగా చేసుకుని వందల కోట్లు కొల్లగొట్టిన మిల్లర్లు.. కొద్ది రోజులు జైలుకు వెళ్లొచ్చి దర్జాగా తిరుగుతున్నారు.

దీంతో ఏటా డీఫాల్టర్ల సంఖ్య పెరుగుతుందే తప్ప తగ్గడం లేదని విమర్శలు వస్తున్నాయి. కొందరు అధికారుల నిర్లక్ష్యం ఇందుకు కారణమని, కొందరు అధికారులు కనీసం రైస్ మిల్లులను ప్రతి నెలా తనిఖీ చేయడం లేదని ఆరోపణలు ఉన్నాయి.

న్యూఢిల్లీ: దేశంలో ఓట్ చోరీకి మోడీ ప్రభుత్వమే కారణమని కాంగ్రెస్ అగ్రనేత, లోక్ సభ ప్రతిపక్ష రాహుల్ గాంధీ అన్నారు. సర్ ప్రక్రియలోని అక్రమాలను నిరసిస్తూ సీఈసీ జ్ఞానేష్ కుమార్‎ను పదవి నుంచి తొలగించాలని డిమాండ్ చేస్తూ శనివారం (అక్టోబర్ 31) ఇండీ కూటమి మాక్ పార్లమెంట్ చేపట్టింది. ఢిల్లీలోని ఏఐసీసీ చీఫ్ మల్లికార్జున ఖర్గే నివాసంలో ఈ కార్యక్రమం నిర్వహించారు. మాజీ లోక్ సభ స్పీకర్ మీరా అధ్యక్షత వహించారు. 

సర్ ప్రక్రియలో అక్రమాలకు పాల్పడ్డ సీఈసీ జ్ఞానేష్ కుమార్‏ను తక్షణమే పదవి నుంచి తొలగించాలని మల్లికార్జున ఖర్గే ప్రజా అభిశంసన తీర్మానం ప్రవేశపెట్టారు. ఈ సందర్భంగా రాహుల్ గాంధీ మాట్లాడుతూ.. 2024 పార్లమెంట్ ఎన్నికల్లో అక్రమాలు జరిగాయని ఆరోపించారు. 2024లో ప్రతిపక్షానికి, అధికార పక్షానికి కేవలం 3 శాతం ఓట్ల తేడా మాత్రమే ఉందన్నారు. గత పార్లమెంట్ ఎన్నికల్లో ఓటు వేసిన 15 శాతం మంది ఓట్లు తీసేశారని ఆరోపించారు. 2024లో బీజేపీ ఎంపీలు అక్రమంగా లోక్ సభలోకి ప్రవేశించారని సంచలన వ్యాఖ్యలు చేశారు.

ఓటర్ల జాబితా ప్రత్యేక సమగ్ర సవరణ (సర్) పేరుతో ఎన్నికల సంఘం, బీజేపీ కుమ్మక్కై అక్రమాలకు పాల్పడుతున్నారని ఆరోపించారు. సీఈసీ జ్ఞానేష్ కుమార్‎తో ప్రధాని మోడీ, కేంద్ర హోంశాఖ మంత్రి అమిత్ షా ఓట్ చోరీ చేస్తున్నారని సంచలన వ్యాఖ్యలు చేశారు.  జ్ఞానేష్‎ కుమార్‎ ప్రధాని మోడీ రక్షిస్తున్నాడని ఆరోపించారు. జ్ఞానేష్‎ కుమార్‎కు సీఈసీగా కొనసాగే అర్హతే లేదని.. వెంటనే అతడిని పదవి నుంచి తొలగించాలి డిమాండ్ చేశారు. 

►ALSO READ | ఫేమస్ జర్నలిస్ట్ను రెండో పెళ్లి చేసుకున్న జమ్ము కశ్మీర్ సీఎం !

పార్లమెంట్‎ ద్వారా జ్ఞానేష్ కుమార్‎ను తొలగించేందుకు అభిశంసన తీర్మానం పెడితే ప్రభుత్వం అడ్డుకుంటోందని.. మాకు మరో మార్గం లేకనే మాక్ పార్లమెంట్ ద్వారా ప్రజా అభిశంసన పెట్టామని స్పష్టం చేశారు. ప్రజా అభిశంసన కార్యక్రమాన్ని ఒక రాజకీయ ఆయుధం రాహుల్ అభివర్ణించారు. జ్ఞానేష్‎కు వ్యతిరేకంగా తమ దగ్గర సాక్ష్యాలు ఉన్నాయని.. అయినప్పటికీ అతడిని కాపాడాలని ప్రయత్నిస్తే బీజేపీ డ్రామాలు బయటపడతాయని హెచ్చరించారు. 

MS Dhoni CSK Batting Coach: ఐపీఎల్ (IPL 2027) 20వ సీజన్‌కు సంబంధించి చెన్నై సూపర్ కింగ్స్ (CSK) ఫ్రాంచైజీ ఇటీవల తమ కొత్త కోచింగ్ సిబ్బంది వివరాలను అధికారికంగా ప్రకటించింది. భారత దిగ్గజ పేసర్ జహీర్ ఖాన్ (Zaheer Khan)ను హెడ్ కోచ్‌గా నియమించిన సీఎస్‌కే.. మోహిత్ శర్మ, గారెత్ బాటీ, అల్బీ మోర్కెల్‌లకు అసిస్టెంట్ కోచ్‌లుగా బాధ్యతలు అప్పగించింది. అయితే ఈ కోచింగ్ స్టాఫ్‌లో బ్యాటింగ్ కోచ్‌ను సెలక్ట్ చేయలేదు, ఇకపై కొత్తగా ఏ కోచ్‌ను తీసుకోబోమని సీఎస్‌కే సీఈఓ స్పష్టం చేయడం తీవ్ర చర్చనీయాంశంగా మారింది. దీనిపై సీఎస్‌కే మాజీ ఆటగాడు సుబ్రమణ్యం బద్రీనాథ్ (S. Badrinath) స్పందిస్తూ సంచలన విశ్లేషణ చేశాడు.

బ్యాటింగ్ కోచ్, మెంటార్గా ధోనీ: బద్రీనాథ్

తన యూట్యూబ్ ఛానెల్‌లో ఎస్. బద్రీనాథ్ మాట్లాడుతూ.. చెన్నై సూపర్ కింగ్స్ టీమ్ తీసుకున్న ఈ నిర్ణయం వెనుక ఎంఎస్ ధోనీ (MS Dhoni) ఉన్నాడని జోస్యం చెప్పాడు. చెన్నై ముగ్గురు అసిస్టెంట్ కోచ్‌లను నియమించుకుంది. కానీ బ్యాటింగ్ కోచ్‌ను మాత్రం ఎంపిక చేయలేదు.. ఇకపై బ్యాటింగ్ కోచ్ ఉండరని సీఈఓ కూడా చెప్పారు.. నా అంచనా ప్రకారం ఎంఎస్ ధోనీనే సీఎస్‌కే జట్టుకు మెంటార్, బ్యాటింగ్ కోచ్‌గా వ్యవహరించబోతున్నాడు. మహీ భాయ్ ఆ బాధ్యతలు చూసుకుంటాడనే ఉద్దేశంతోనే ఫ్రాంచైజీ కావాలనే వేరే బ్యాటింగ్ కోచ్‌ను తీసుకోలేదని నేను భావిస్తున్నాను అని బద్రీనాథ్ వెల్లడించాడు. 

IPL 2027 నాటికి ధోనీ రిటైర్మెంట్: 

* ఐపీఎల్ 2025 వేలానికి ముందు ధోనీని 'అన్‌క్యాప్డ్ ప్లేయర్' కేటగిరీ కింద రూ. 4 కోట్లకు సీఎస్‌కే మూడేళ్ల కాలపరిమితితో రీటెయిన్ చేసుకున్న సంగతి తెలిసిందే. 

* గాయాలతో దూరం: ఐపీఎల్ 2025 తర్వాత ధోనీ ఎలాంటి ప్రొఫెషనల్ మ్యాచ్ ఆడలేదు. 2026 సీజన్ ఆరంభంలో గాయం కాగా, వార్మప్ మ్యాచ్‌లో మళ్లీ గాయపడటంతో సీజన్ మొత్తానికి దూరమయ్యాడు.

►ALSO READ | CSKలోకి హార్దిక్ వస్తున్నాడా? నెట్టింట చెన్నై క్రిప్టిక్ పోస్ట్.. ఫ్యాన్స్ డీకోడింగ్ వైరల్!

* సంజు ఎంట్రీ.. ధోనీ మెంటార్ రోల్: సీఎస్‌కే జట్టులో ప్రస్తుతం సంజు శాంసన్ ప్రధాన వికెట్ కీపర్ బ్యాటర్‌గా ఉన్నందున, ధోనీ తుది జట్టులో ఆడకపోయినా 2027 సీజన్ ముగిసే వరకు అన్-ఆఫీషియల్ మెంటార్‌గా, బ్యాటింగ్ కోచ్‌గా జట్టుతో ప్రయాణించే అవకాశం ఉందని సమాచారం. 2027 ఐపీఎల్ కాంట్రాక్ట్ ముగిసిన తర్వాతే ధోనీ ప్లేయర్‌గా వీడ్కోలుపై తుది నిర్ణయం తీసుకోనున్నాడు.

🚨 "MS DHONI WILL BECOME MENTOR AND BATTING COACH"🚨 Subramaniam Badrinath said 🗣️, "CSK have three assistant coaches. But there is no batting coach. I have a feeling MS Dhoni will become the mentor and batting coach. Because they have consciously not picked a batting coach. The CEO also said they will not have a batting coach. So maybe Dhoni will look into it, and the decision has been made based on that."

— Cricket Central (@CricketCentrl) October 30, 2026

సినిమా థియేటర్‌లో ఉండే అద్భుతమైన విజువల్, ఆడియో అనుభూతిని ఓపెన్ గ్రౌండ్‌లోనూ అందించవచ్చని నిరూపించింది 'ఓ నా సిద్ధయ్య' టీమ్. భారతదేశంలోనే తొలిసారిగా అవుట్‌డోర్ వేదికపై 70ఎంఎం భారీ స్క్రీన్, డాల్బీ అట్మాస్ సౌండ్ సిస్టమ్‌తో ఓ ప్రైవేట్ ఆల్బమ్ సాంగ్‌ను గ్రాండ్‌గా లాంచ్ చేసి అందరినీ ఆశ్చర్యపరిచింది. హైదరాబాద్‌లోని శంషాబాద్ ప్రభుత్వ కళాశాల, పాఠశాల మైదానంలో అక్టోబర్ 30న జరిగిన ఈ వేడుకకు ఏకంగా 5 వేల మందికి పైగా ప్రేక్షకులు హాజరయ్యారు.

ఈ వేడుకకు ప్రముఖ నటుడు సోనూసూద్ ముఖ్య అతిథిగా హాజరై 'ఓ నా సిద్ధయ్య' పాటను ఆవిష్కరించారు. ఓపెన్ గ్రౌండ్‌లో 70ఎంఎం స్క్రీన్, డాల్బీ అట్మాస్‌తో ఇలాంటి వినూత్న ప్రయోగం చేయడం అభినందనీయమని ఆయన ప్రశంసించారు. రాజేంద్రనగర్ ఎమ్మెల్యే టి. ప్రకాష్ గౌడ్ కూడా కార్యక్రమానికి హాజరై చిత్ర బృందానికి శుభాకాంక్షలు తెలిపారు. హీరో ఇంద్రరామ్, గాయకుడు నల్గొండ గద్దర్ నరసన్న, బోలే షావలి, నటుడు ఉత్తేజ్ తదితరులు ఈ వేడుకలో సందడి చేశారు.

ఇక 'ఓ నా సిద్ధయ్య' పాట విషయానికి వస్తే.. ఇది కేవలం ప్రేమగీతం మాత్రమే కాదు.. భార్యాభర్తల మధ్య ఉండే అనుబంధం, నమ్మకం, ఆప్యాయతలను ఆవిష్కరించే హృద్యమైన కథ. పల్లెటూరి నేపథ్యంలో సిద్ధయ్య, చిట్టెమ్మ పాత్రల ద్వారా దాంపత్య జీవితంలోని అందమైన భావోద్వేగాలను చూపించారు. సిద్ధయ్య పాత్రలో నటించడంతో పాటు సిద్ధు రెడ్డి కందకట్ల ఈ పాటను నిర్మించారు. కత్యాయని జగన కథానాయికగా నటించగా, కల్యాణ్ కీస్ సంగీతం అందించారు.

►ALSO READ | Balu Geetha OTT Release : ఓటీటీలోకి మరో బ్యూటిఫుల్ లవ్‌స్టోరీ.. 'బాలు గీత' ట్రైలర్ రిలీజ్.. స్ట్రీమింగ్ ఎప్పుడంటే?

 ఈ టీమ్ వినోదంతో పాటు సామాజిక బాధ్యతకూప్రాధాన్యత ఇస్తోంది. గతంలో 300 మంది ఆటో డ్రైవర్లకు బీమా సదుపాయాలు కల్పించడంతో పాటు సినీ కార్మికులకు హెల్మెట్లు పంపిణీ చేశారు. మొత్తానికి పాట విడుదలతో పాటు సేవా కార్యక్రమాల ద్వారా కూడా 'ఓ నా సిద్ధయ్య' టీమ్ ప్రత్యేక గుర్తింపు పొందుతోంది.

Chennai Super Kings: ఐపీఎల్ 2027 (IPL 2027) వేలానికి ముందు చెన్నై సూపర్ కింగ్స్ (CSK) అభిమానులు సోషల్ మీడియాలో పెద్ద డిటెక్టివ్‌లుగా మారిపోయారు. సీఎస్‌కే తమ అధికారిక సోషల్ మీడియా ఖాతాలో పోస్ట్ చేస్తున్న క్రిప్టిక్ (రహస్య) సందేశాలను డీకోడ్ చేస్తూ ఫ్యాన్స్ రచ్చ రచ్చ చేస్తున్నారు. సరికొత్త పోస్ట్‌లో సీఎస్‌కే మ్యాస్కాట్ 'లియో' (Leo) ను ఉద్దేశించి పెట్టిన క్యాప్షన్ ఆధారంగా.. ముంబై ఇండియన్స్ ప్రస్తుత కెప్టెన్ హార్దిక్ పాండ్యా (Hardik Pandya) చెన్నై సూపర్ కింగ్స్‌లోకి ట్రేడ్ అవుతున్నాడని ఫ్యాన్స్ తెగ ప్రచారం చేస్తున్నారు.

చెన్నై పెట్టిన క్రిప్టిక్ పోస్ట్ ఏంటి?: 

చెన్నై సూపర్ కింగ్స్ (CSK) తమ ఎక్స్ (Twitter), ఇన్‌స్టాగ్రామ్‌లలో ఒక ఫన్నీ క్రిప్టిక్ పోస్ట్‌ను షేర్ చేసింది. "Leo does something... Superfans: Leo Hint Koduthutaan.... 🥳🔥 Leo: 😮😶‍🌫️🏃‍♂️💀" ఫ్రాంచైజీ పెట్టిన ఈ పోస్ట్‌లో లియో ఏదైనా చేస్తే చాలు.. ఫ్యాన్స్ వెంటనే "లియో హింట్ ఇచ్చేశాడోచ్" అంటూ పండగ చేసుకుంటున్నారని, దాంతో లియో కూడా కంగారుపడి పారిపోతున్నట్లు (Shocked & Confused reaction) మీమ్ తరహాలో కామెంట్స్ జోడించింది.

బ్లూ టు ఎల్లో: హార్దిక్ జెర్సీ నెంబర్ 33 హల్చల్: 

* చెన్నై సూపర్ కింగ్స్ (CSK) పెట్టిన ఈ పోస్ట్ బయటకు రాగానే సీఎస్‌కే అభిమానులు షెర్లాక్ హోమ్స్ అవతారమెత్తి పాత ఆధారాలను బయటకు తీశారు. 

* నెంబర్ 33 మిస్టరీ: అక్టోబర్ 27వ తేదీన సీఎస్‌కే హెడ్ కోచ్ జహీర్ ఖాన్, మ్యాస్కాట్ లియో మధ్య జరిగిన డిస్కషన్ వీడియోలో ఒక కాగితంపై '33' అనే నెంబర్ రాసి ఉండటం ఫ్యాన్స్ గమనించారు. హార్దిక్ పాండ్యా జెర్సీ నంబర్ 33 కావడంతో అతను సీఎస్కేలోకి వస్తున్నాడని భావిస్తున్నారు.

►ALSO READ | యువరాజ్ బిగ్ మెసేజ్.. అభిషేక్, ఇషాన్, వైభవ్‌లకు వన్డేల్లో ఛాన్స్ దొరికేనా!

* ఎడిటెడ్ పిక్స్ వైరల్: హార్దిక్ పాండ్యా ముంబై ఇండియన్స్ (బ్లూ) జెర్సీ నుంచి సీఎస్కే (ఎల్లో) జెర్సీకి మారబోతున్నాడని, '33' నెంబర్ ఉన్న ఎల్లో జెర్సీ ఫొటోలను సోషల్ మీడియాలో ట్రెండ్ చేస్తున్నారు.

ఇప్పటి వరకు నో క్లారిటీ?:   

* CSK సీఈఓ క్లారిటీ: ఈ ప్రచారమంతా కేవలం అభిమానుల అంచనాలు మాత్రమేనని, హార్దిక్ పాండ్యా ట్రేడింగ్‌పై ఎలాంటి చర్చలు జరగలేదని సీఎస్‌కే సీఈఓ కాశీ విశ్వనాథన్ ఇప్పటికే స్పష్టం చేశారు.

* మిస్టరీ సస్పెన్స్: చెన్నై సూపర్ కింగ్స్ లేదా ముంబై ఇండియన్స్ ఫ్రాంచైజీలు దీనిపై ఎలాంటి అధికారిక ప్రకటన రిలీజ్ చేయలేదు. అభిమానుల ఉత్సాహాన్ని చూసి సీఎస్‌కే కూడా కావాలనే ఇలాంటి సరదా పోస్టులు పెడుతోందని మరికొందరు కామెంట్స్ చేస్తున్నారు. 

•⁠ ⁠Leo does something * Superfans: Leo Hint Koduthutaan.... 🥳🔥 Leo : 😮😶‍🌫️🏃‍♂️💀 #LeoPaavam

— Chennai Super Kings (@ChennaiIPL) October 31, 2026

•⁠ ⁠Leo does something * Superfans: Leo Hint Koduthutaan.... 🥳🔥 Leo : 😮😶‍🌫️🏃‍♂️💀 #LeoPaavam

— Chennai Super Kings (@ChennaiIPL) October 31, 2026

'ప్రపంచంలో ప్రతి మగాడి జీవితం ఇంచుమించు ఒకేలా ఉంటుంది... వాడి జీవితంలోకి ఒక అమ్మాయి వచ్చే వరకు' అంటూ అంటూ ఓ ఆసక్తికరమైన డైలాగ్‌తో ప్రేక్షకుల దృష్టిని ఆకర్షిస్తోంది 'బాలు గీత' సినిమా. ప్రేమ, పెళ్లి, భావోద్వేగాలు, కుటుంబ సంబంధాల నేపథ్యంలో తెరకెక్కిన ఈ రొమాంటిక్ కామెడీ డ్రామా ఇప్పుడు డిజిటల్ ప్రేక్షకులను అలరించేందుకు సిద్ధమైంది. లేటెస్ట్ గా ఈ చిత్రం ట్రైలర్ ను విడుదల చేయడంతో పాటు స్ట్రీమింగ్ తేదీని కూడా ప్రకటించారు. నవంబర్ 5 నుంచి ఈటీవీ విన్ వేదికగా ఈ సినిమా ప్రేక్షకులకు అందుబాటులోకి రానుంది.

బాలు, గీత అనే ఇద్దరు యువతీ యువకుల చుట్టూ ఈ కథ తిరుగుతుంది. జీవిత భాగస్వామి కోసం వెతుకుతున్న క్రమంలో వీరిద్దరికీ పరిచయం ఏర్పడుతుంది. మొదట సాధారణ పరిచయంగా మొదలైన వీరి ప్రయాణం క్రమంగా ప్రేమగా మారుతుంది. అయితే ప్రేమలో పడటం ఎంత సులభమో.. ఆ బంధాన్ని నిలబెట్టుకోవడం అంత సులభం కాదనే విషయాన్ని ఈ కథలో చూపించబోతున్నారు. వ్యక్తిగత భయాలు, గత అనుభవాలు, పెద్దలు కుదిర్చిన పెళ్లిళ్లపై ఉండే ఒత్తిళ్లు.. ఇలా ఎన్నో అంశాల మధ్య వీరి ప్రేమ ఎలాంటి మలుపులు తీసుకుందనేది ఆసక్తికరంగా ఉండనుంది.

►ALSO READ | Bigg Boss Telugu 10: బిగ్ బాస్ హౌస్‌లో బిగ్ ట్విస్ట్.. ఝాన్సీ ఎలిమినేషన్‌కు ముకేష్ సూపర్ పవర్ కారణమా?

ఈ చిత్రంలో బాలు పాత్రలో సందీప్ సరోజ్, గీతగా కేయూరి షా నటించారు. వీరితో పాటు కృష్ణుడు, యశోరా, రిత్విక్, లోకేశ్, ఎస్‌ఎస్ కాంచి, లహరి పరిచర్ల కీలక పాత్రల్లో కనిపించనున్నారు. ప్రతాప్ కొల్లారెడ్డి దర్శకత్వం వహించగా, అన్నపూర్ణ స్టూడియోస్ నిర్మాణంలో సుప్రియ యార్లగడ్డ ఈ చిత్రాన్ని నిర్మించారు. కల్యాణ్ నాయక్ సంగీతం అందించారు.

పెళ్లి చూపుల పరిచయం నుంచి ప్రేమ ప్రయాణం వరకు సాగే ఈ కథలో నవ్వులు, భావోద్వేగాలు, బంధాల సంఘర్షణ ఎలా ఉండబోతున్నాయో చూడాలి. మరి బాలు, గీతల ప్రేమకథ ఓటీటీ ప్రేక్షకుల మనసులు గెలుచుకుంటుందా? నవంబర్ 5న ఈటీవీ విన్‌లో స్ట్రీమింగ్ కానున్న ఈ సినిమా ఎలాంటి స్పందన అందుకుంటుందో వేచి చూడాలి.

56 ఏళ్ల వయసులో జమ్ము కశ్మీర్ సీఎం ఒమర్ అబ్దుల్లా రెండో పెళ్లి చేసుకున్నారు. కొత్త ప్రయాణం మొదలైందని ‘ఎక్స్’లో ట్వీట్ చేసిన ఆయన ఫొటోలు పోస్ట్ చేశారు. ప్రముఖ మహిళా జర్నలిస్ట్ నిధి రజ్దాన్ను ఆయన పెళ్లి చేసుకున్నారు. పెళ్లి తర్వాత దిగిన పోస్ట్ వెడ్డింగ్ ఫొటోలను ఒమర్ అబ్దుల్లా, నిధి రజ్దాన్ తమ అధికారిక ‘ఎక్స్’ ఖాతాల్లో పోస్ట్ చేశారు.  నిధి రజ్దాన్కు కూడా ఇది రెండో పెళ్లినే కావడం గమనార్హం.

A new journey began yesterday 💍@Nidhi https://t.co/BXbdLq2d1H

— Omar Abdullah (@OmarAbdullah) October 31, 2026

ఒమర్ అబ్దుల్లా తన మొదటి భార్య పాయల్ అబ్దుల్లాతో విడాకులు తీసుకున్నారు. 2026 జూలై 31న వారి పరస్పర అంగీకారంతో వివాహాన్ని రద్దు చేస్తున్నట్లు సుప్రీం కోర్టు ప్రకటించింది. విడాకులు తీసుకున్న మూడు నెలలకు ఒమర్ అబ్దుల్లా రెండో పెళ్లి చేసుకున్నారు. ఒమర్ అబ్దుల్లాకు, పాయల్కు జహీర్, జమీర్ అనే ఇద్దరు కొడుకులు ఉన్నారు. 2009లోనే ఈ జంట విడిపోయింది. 2011లో ఒమర్ అబ్దుల్లా, పాయల్ విడిపోయినట్లు బహిర్గతమైంది.

ఇక ఒమర్ అబ్దుల్లా పెళ్లి చేసుకున్న పాత్రికేయురాలు నిధి రజ్దాన్ విషయానికొస్తే.. NDTVతో ఆమెకు సుదీర్ఘమైన అనుబంధం ఉంది. ఈ న్యూస్ ఛానల్లో ఆమె ఎగ్జిక్యూటివ్ ఎడిటర్‌గా పనిచేశారు. 'లెఫ్ట్, రైట్ & సెంటర్' అనే ప్రోగ్రాం ఆమెకు మంచి పేరు తెచ్చిపెట్టింది.

భారత రాజకీయాలు, అంతర్జాతీయ వ్యవహారాలు, జమ్మూ కాశ్మీర్‌లోని పరిణామాలపై విస్తృతంగా వార్తలు, విశ్లేషణలు అందించారు. మీడియా రంగంలో ఆమె చేసిన కృషికి జర్నలిజం వృత్తిలో గౌరవంగా భావించే రామ్‌నాథ్ గోయెంకా అవార్డు ఆమెకు దక్కింది.

భారత జట్టు యాజమాన్యం అనుసరిస్తున్న సెలక్షన్ విధానంపై టీమిండియా లెజెండరీ ఆల్‌రౌండర్ యువరాజ్ సింగ్ (Yuvraj Singh) ఆగ్రహం వ్యక్తం చేశాడు. విధ్వంసకర ఫామ్‌లో ఉన్న అభిషేక్ శర్మ (Abhishek Sharma), ఇషాన్ కిషన్ (Ishan Kishan), అండర్-19 సంచలనం వైభవ్ సూర్యవంశీ (Vaibhav Sooryavanshi) లకు వన్డే (50 ఓవర్ల) జట్టులో క్రమం తప్పకుండా అవకాశాలు ఇవ్వకపోవడం వారి అపారమైన ప్రతిభను తొక్కేస్తున్నారని పేర్కొన్నాడు.  

యంగ్ టాలెంట్‌కు అన్యాయం చేస్తున్నారు: 

తన మెంటార్‌షిప్‌లో యువ ప్లేయర్ల గురించి యువరాజ్ మాట్లాడుతూ.. నిజం చెప్పాలంటే అభిషేక్ శర్మను వన్డే జట్టులో చూడాలని నేను ఎంతగానో ఆరాటపడుతున్నాను.. ఇషాన్ కిషన్, అభిషేక్ శర్మ, వైభవ్ సూర్యవంశీ వంటి కుర్రాళ్లను వన్డే ఫార్మాట్‌కు దూరంగా ఉంచితే.. అది ఖచ్చితంగా వారి ప్రతిభకు మనం చేస్తున్న అన్యాయమే అవుతుందన్నాడు. జట్టులో దిగ్గజ ప్లేయర్లు ఉన్నందున చోటు దక్కించుకోవడం ఈజీ కాదని ఒప్పుకున్న యూవీ.. ఈ కుర్రాళ్లు ఆడుతున్న అగ్రెసివ్ క్రికెట్‌కు వెంటనే వన్డే జట్టులోకి తీసుకోవాలని డిమాండ్ చేశాడు.

యూవీ పాజీ ఏ క్రికెట్ ఆడాడో నాకైతే తెలీదు భయ్యా: అభిషేక్

న్యూజిలాండ్‌తో జరిగిన మూడో టీ20లో అభిషేక్ శర్మ కేవలం 35 బంతుల్లో సెంచరీతో చెలరేగిన విషయం తెలిసిందే. ఆ సమయంలో యువీ సోషల్ మీడియా (X) వేదికగా తంబీని ఆటపట్టిస్తూ.. నువ్వు ఇప్పటికీ 12 బంతుల్లో 50 పరుగులు కొట్టలేవు కదరా @OfficialAbhi04! మైదానంలో ఇద్దరు లెఫ్ట్ హ్యాండర్లు తమ పెరట్లో ఆడుతున్నట్లు ఉందని ఫన్నీగా పోస్ట్ చేశాడు.

►ALSO READ | వన్డేల్లో జడేజా కెరీర్‌ ఎండ్.. అక్షర్ మెయిన్ ఆల్‌రౌండర్.. పుజారా కామెంట్స్ వైరల్!

దీనిపై ప్లాటినమ్ ఇన్నింగ్స్ ఆడి 'ప్లేయర్ ఆఫ్ ది మ్యాచ్' అందుకున్న అభిషేక్ శర్మ అంతే ఫన్నీగా స్పందిస్తూ.. ఆ రోజుల్లో యువీ పాజీ ఏ తరహా క్రికెట్ ఆడారో నాకు తెలియదు కానీ.. 12 బంతుల్లో 50 రన్స్ కొట్టడం అనేది అస్సలు అంత తేలికైన విషయం కాదు. ఏ బ్యాటర్ అయినా క్రీజులోకి వెళ్లి వెంటనే 12 బంతుల్లో ఫిఫ్టీ కొట్టేయలేడు, అది ఎప్పుడో ఒకసారి మాత్రమే సాధ్యమయ్యేది అని చెప్పుకొచ్చాడు. 

VIDEO | Mumbai: Former India all-rounder Yuvraj Singh believes that not regularly including players such as Abhishek Sharma, Ishan Kishan and Vaibhav Sooryavanshi in the ODI squad amounts to doing an injustice to their talent. "I would love to see him (Abhishek Sharma) in the ODIs, to be honest. I have said this before: if we are not picking players like Ishan Kishan, Abhishek and Vaibhav Sooryavanshi in 50-over cricket, then somewhere down the line, we are not doing justice to our talent," Yuvraj told PTI on the sidelines of the launch of Protocol 32. "I understand we have some great players and it is hard to make a spot for them. I think the way they are performing, they should be in the squad soon, hopefully. Whatever he has achieved is because of his hard work, and credit goes to him," he added. (Full video available on PTI Videos - https://t.co/bIyFWTfmBd)

— Press Trust of India (@PTI_News) October 30, 2026

నవంబర్ నెలలో ఏదైనా  బ్యాంకు పని చేయాలనీ అనుకున్నారా  ? అయితే ముందుగా ఈ నెలలో బ్యాంకు సెలవుల వివరాలు తెలుసుకోవడం మంచిది. ఎందుకంటే నవంబర్ 2026లో కొన్ని పండుగలు, ప్రత్యేక రోజులు ఉండటంతో దేశంలోని కొన్ని రాష్ట్రాల్లో బ్యాంకులు మూతపడనున్నాయి.

రిజర్వ్ బ్యాంక్ ఆఫ్ ఇండియా (RBI) విడుదల చేసే సెలవుల క్యాలెండర్ ప్రకారం నవంబర్ నెలలో వివిధ తేదీల్లో ప్రాంతీయ పండుగల కారణంగా బ్యాంకులకు సెలవులు ఉన్నాయి. అయితే ఒక రాష్ట్రంలో బ్యాంకులకు సెలవు ఉంటే దేశంలోని అన్ని రాష్ట్రాల్లోనూ బ్యాంకులు మూసివేస్తారని అనుకోవద్దు. ఆ  రాష్ట్రాల్లో జరుపుకునే పండుగలను బట్టి సెలవులు మారుతుంటాయి.

అందుకే బ్యాంకుకు వెళ్లే ముందు బ్యాంక్ హాలిడేస్  తెలుసుకోవడం ముఖ్యం. ముఖ్యంగా నగదు లావాదేవీలు, చెక్కుల డిపాజిట్లు, ఇతర బ్యాంకు పనులు చేసుకునేవారు ముందుగానే ప్లాన్ చేసుకోవాలి. మరి నవంబర్ 2026లో ఏయే తేదీల్లో బ్యాంకులకు సెలవులు ఉన్నాయి ? ఏ రాష్ట్రాల్లో బ్యాంకులు మూసివేస్తారు? పూర్తి వివరాలు తెలుసుకుందాం.....

 నవంబర్ నెలలో ఆదివారాలతో పాటు రెండో శనివారం, నాలుగో శనివారం కూడా బ్యాంకులకు సెలవు ఉంటుంది. 2026 నవంబర్‌లో అన్ని రాష్ట్రాల్లోని బ్యాంకులకు వర్తించే సాధారణ సెలవులు :
*ఆదివారాలు: నవంబర్ 1, 8, 15, 22, 29 తేదీల్లో బ్యాంకులు పనిచేయవు.
*రెండో శనివారం: నవంబర్ 14న బ్యాంకులకు సెలవు.
*నాలుగో శనివారం: నవంబర్ 28న బ్యాంకులు మూసివేస్తారు.
*అంటే ఈ తేదీల్లో దేశవ్యాప్తంగా బ్యాంకు శాఖలు మూసివేస్తారు.

నవంబర్ 2026లో రాష్ట్రాల వారీగా బ్యాంకు సెలవుల లిస్ట్ 
RBI సెలవుల క్యాలెండర్ ప్రకారం నవంబర్ నెలలో పలు రాష్ట్రాల్లో పండుగలు, ప్రత్యేక సందర్భాల కారణంగా బ్యాంకులకు ప్రాంతీయ సెలవులు ఉన్నాయి. వాటి వివరాలు చూస్తే....

నవంబర్ 1: పుదుచ్చేరి విమోచన దినోత్సవం, హర్యానా దినోత్సవం, కన్నడ రాజ్యోత్సవం, కుట్
ఈ రోజున పుదుచ్చేరి విమోచన దినోత్సవం, హర్యానా దినోత్సవం, కర్ణాటక రాజ్యోత్సవం, మణిపూర్‌లో కుట్ పండుగ సందర్భంగా ఆయా ప్రాంతాల్లో బ్యాంకులకు సెలవు ఉంటుంది. సెలవు ఉండే ప్రాంతాలు  పుదుచ్చేరి, మణిపూర్, హర్యానా, కర్ణాటక.

నవంబర్ 2: నోంగ్‌క్రెమ్ నృత్యం
మేఘాలయలో జరుపుకునే సంప్రదాయ నోంగ్‌క్రెమ్ నృత్య ఉత్సవం సందర్భంగా ఈ రోజున బ్యాంకులకు సెలవు ఉంటుంది.

సెలవు ఉండే రాష్ట్రం: మేఘాలయ.

నవంబర్ 9: దీపావళి, లక్ష్మీ పూజ, గోవర్ధన పూజ
దీపావళి, లక్ష్మీ పూజ, గోవర్ధన పూజ, విశ్వకర్మ దినోత్సవం సందర్భంగా కొన్ని రాష్ట్రాల్లో బ్యాంకులు మూసివేస్తారు.

సెలవు ఉండే రాష్ట్రాలు, ప్రాంతాలు: త్రిపుర, మధ్యప్రదేశ్, చండీగఢ్, సిక్కిం, మణిపూర్, రాజస్థాన్, ఉత్తరప్రదేశ్.

నవంబర్ 10: దీపావళి, బలి ప్రతిపద, గోవర్ధన్ పూజ
దీపావళి తర్వాత వచ్చే బలి ప్రతిపద, గోవర్ధన్ పూజ, లక్ష్మీ పూజ, విక్రమ్ సంవత్ నూతన సంవత్సర వేడుకల కారణంగా ఈ రోజున కొన్ని ప్రాంతాల్లో బ్యాంకులకు సెలవు ఉంటుంది.

సెలవు ఉండే రాష్ట్రాలు: గుజరాత్, ఉత్తరాఖండ్, మహారాష్ట్ర, కర్ణాటక, సిక్కిం.

నవంబర్ 11: భాయ్ దూజ్, నింగోల్ చకౌబా, చిత్రగుప్త జయంతి
ఈ రోజున భాయ్ దూజ్, నింగోల్ చకౌబా, చిత్రగుప్త జయంతి వంటి పండుగలు, ప్రత్యేక సందర్భాల కారణంగా కొన్ని రాష్ట్రాల్లో బ్యాంకులు మూసివేస్తారు.

సెలవు ఉండే రాష్ట్రాలు: సిక్కిం, మణిపూర్, ఉత్తరప్రదేశ్, పశ్చిమ బెంగాల్, హిమాచల్ ప్రదేశ్.

నవంబర్ 13: స్థానిక పండుగ సందర్భంగా సెలవు
మేఘాలయలో స్థానిక పండుగ సందర్భంగా ఈ రోజున బ్యాంకులకు సెలవు ప్రకటించారు.

సెలవు ఉండే రాష్ట్రం: మేఘాలయ.

నవంబర్ 16: ఛత్ పూజ
బీహార్, జార్ఖండ్ రాష్ట్రాల్లో ఛత్ పూజను ఎంతో భక్తిశ్రద్ధలతో జరుపుకుంటారు. ఈ పండుగ సందర్భంగా నవంబర్ 16న బ్యాంకులకు సెలవు ఉంటుంది.

సెలవు ఉండే రాష్ట్రాలు: బీహార్, జార్ఖండ్.

నవంబర్ 20: ఇగాస్-బగ్వాల్ పండుగ
ఉత్తరాఖండ్‌లో సంప్రదాయంగా జరుపుకునే ఇగాస్-బగ్వాల్ పండుగ సందర్భంగా ఈ రోజున బ్యాంకులు పనిచేయవు.

సెలవు ఉండే రాష్ట్రం: ఉత్తరాఖండ్.

నవంబర్ 23: సెంగ్ కుట్ స్నేమ్
మేఘాలయలో జరుపుకునే సెంగ్ కుట్ స్నేమ్ పండుగ సందర్భంగా నవంబర్ 23న బ్యాంకులకు సెలవు ఉంటుంది.

సెలవు ఉండే రాష్ట్రం: మేఘాలయ.

నవంబర్ 24: గురునానక్ జయంతి, కార్తీక పూర్ణిమ
నవంబర్ నెలలో ముఖ్యమైన పండుగల్లో గురునానక్ జయంతి, కార్తీక పూర్ణిమ కూడా ఉన్నాయి. ఈ పండుగల సందర్భంగా దేశంలోని పలు రాష్ట్రాల్లో బ్యాంకులు మూసివేస్తారు.

సెలవు ఉండే రాష్ట్రాలు, ప్రాంతాలు: మిజోరం, మహారాష్ట్ర, మధ్యప్రదేశ్, ఒడిశా, రాజస్థాన్, జమ్మూ కాశ్మీర్, నాగాలాండ్, పశ్చిమ బెంగాల్, ఉత్తరప్రదేశ్, చండీగఢ్, ఉత్తరాఖండ్, తెలంగాణ, అరుణాచల్ ప్రదేశ్, న్యూఢిల్లీ, ఛత్తీస్‌గఢ్, జార్ఖండ్, హిమాచల్ ప్రదేశ్.

నవంబర్ 27: కనకదాస జయంతి
కర్ణాటకలో ప్రముఖ కవి, భక్తుడైన కనకదాస జయంతిని పురస్కరించుకుని ఈ రోజున బ్యాంకులకు సెలవు ఉంటుంది.

సెలవు ఉండే రాష్ట్రం: కర్ణాటక.

బ్యాంకు సెలవుల సమయంలో కస్టమర్లు ఏం చేయాలి?
బ్యాంకులకు సెలవులు ఉన్నప్పటికీ కస్టమర్లు కొన్ని సేవలను ఆన్‌లైన్‌లో ఉపయోగించుకోవచ్చు. ముఖ్యంగా:

UPI సేవలు: గూగుల్ పే, ఫోన్‌పే, ఇతర UPI యాప్స్ ద్వారా డబ్బులు పంపుకోవచ్చు.
మొబైల్ బ్యాంకింగ్: బ్యాలెన్స్ చెక్ చేయడం, నగదు బదిలీ వంటి సేవలు ఉపయోగించుకోవచ్చు.
ఇంటర్నెట్ బ్యాంకింగ్: ఆన్‌లైన్‌లో అందుబాటులో ఉన్న బ్యాంకింగ్ సేవలను వినియోగించుకోవచ్చు.
ATM సేవలు: ఏటీఎంల ద్వారా నగదు విత్‌డ్రా చేసుకోవచ్చు.

బ్యాంకుకు వెళ్లే ముందు   గుర్తుంచుకోండి!
నవంబర్ నెలలో పండుగలు, ప్రాంతీయ వేడుకలు, సాధారణ వీకెండ్ సెలవులు కలిపి కొన్ని రోజులు బ్యాంకులు మూసివేయనున్నాయి. అయితే అన్ని రాష్ట్రాలకు ఒకే రకమైన సెలవులు ఉండవు. కాబట్టి బ్యాంకుకు వెళ్లే ముందు RBI అధికారిక సెలవుల లిస్ట్ లేదా మీ బ్యాంకు వెబ్‌సైట్‌లోని హాలిడే క్యాలెండర్‌ను ఒకసారి చెక్ చేసుకోండి. ముందుగానే మీ బ్యాంకు పనులను పూర్తి చేసుకుంటే చివరి నిమిషంలో ఇబ్బందులు పడాల్సిన అవసరం ఉండదు.
 

బిగ్ బాస్ తెలుగు సీజన్ 10లో ఎలిమినేషన్ల లెక్కలు రోజురోజుకూ మారిపోతున్నాయి. ప్రేక్షకుల ఓటింగ్ ఒకవైపు.. హౌస్‌లో కంటెస్టెంట్ల పవర్ గేమ్ మరోవైపు.. వెరసి ఎవరూ ఊహించని ట్విస్ట్‌లు చోటుచేసుకుంటున్నాయి. ముఖ్యంగా ఎనిమిదో వారం ఎలిమినేషన్ ప్రక్రియ ఇప్పుడు హాట్ టాపిక్‌గా మారింది. లేటెస్ట్ గా సుధీర్ ఎలిమినేషన్ అంటూ షాక్ ఇచ్చిన బిగ్ బాస్.. చివరి నిమిషంలో ముకేష్ సూపర్ పవర్‌తో అతడిని సేవ్ చేసినట్లు తెలుస్తోంది. అయితే ఈ ఒక్క నిర్ణయం మరో కంటెస్టెంట్ కొంప ముంచిందనే ప్రచారం జరుగుతోంది.

ఈ వారం ఎలిమినేషన్ ప్రక్రియలో సుధీర్‌కు తక్కువ ఓట్లు వచ్చాయని చెబుతూ అతడిని బయటకు పంపించే ప్రయత్నం చేశారు బిగ్ బాస్. అయితే ముకేష్ తన దగ్గరున్న సూపర్ పవర్‌ను ఉపయోగించి సుధీర్‌ను సేవ్ చేశాడు. గతంలో వర్షిణి, వంశీలను కూడా తన పవర్‌తో కాపాడిన ముకేష్.. ఇప్పుడు మరోసారి సుధీర్‌కు అండగా నిలిచాడు. కానీ ఇక్కడే అసలు ట్విస్ట్ మొదలైంది. ఝాన్సీ దగ్గరున్న సేవింగ్ పవర్‌ను తన వ్యూహంతో ఉపయోగించేలా చేసి, ఆమె చేతిలోని అవకాశాన్ని ముకేష్ దూరం చేసినట్లు సమాచారం

నిజానికి ఆ పవర్ ఝాన్సీ దగ్గరే ఉండి ఉంటే.. తనను తాను ఎలిమినేషన్ నుంచి కాపాడుకునే అవకాశం ఉండేది. కానీ సుధీర్ కోసం ఆ పవర్‌ను వదులుకోవడంతో ఇప్పుడు ఆమెకే ముప్పు ఎదురైంది.. మరోవైపు వర్షిణి గోట్ గ్రూప్‌లో చోటు దక్కించుకుని ఎలిమినేషన్ నుంచి బయటపడినట్లు సమాచారం. దీంతో ఝాన్సీపై ఎలిమినేషన్ కత్తి వేలాడుతోంది.

ఇదిలా ఉంటే.. రోహిత్, రామకృష్ణలకు సమాన ఓట్లు రావడంతో మరో ట్విస్ట్ తెరపైకి వచ్చినట్లు ప్రచారం జరుగుతోంది. అల్టిమేట్ గోట్ త్రిగుణ్‌కు కీలక నిర్ణయాధికారం ఇస్తే.. తనకు పోటీగా భావించే రోహిత్‌ను బయటకు పంపే అవకాశం ఉందనే చర్చ నడుస్తోంది. లేటెస్ట్ సమాచారం ప్రకారం ఝాన్సీ ఎనిమిదో వారం ఎలిమినేట్ అయినట్లు వార్తలు వైరల్ అవుతున్నాయి. నిజంగా ఝాన్సీ బయటకు వెళ్తే.. ఆమె అభిమానులకు ఇది ఊహించని షాక్ అనే చెప్పాలి.
 

ఏపీలో స్థానిక పోరు ఆసక్తికర పరిణామాలకు వేదికైంది. టీడీపీ-జనసేన అగ్ర నాయకత్వాలు దోస్తీ చేస్తుంటే ఈ రెండు పార్టీలకు చెందిన లోకల్ కేడర్ మాత్రం గొడవలు, కుమ్ములాటలతో సై అంటే సై అంటున్నాయి. ఇలాంటి ఘటనే.. పార్వతీపురం మన్యం జిల్లాలో జరిగింది. మన్యం జిల్లా జీఎం వలస మండలం అరుణాడ గ్రామంలో కూటమి పార్టీలైన తెలుగుదేశం, జనసేన నాయకుల మధ్య విభేదాలు భగ్గుమన్నాయి.

స్థానిక సంస్థల ఎన్నికల్లో స్థానిక నాయకుల మధ్య సయోధ్య కుదరలేదు. ఇరు పార్టీలకు చెందిన నాయకులు వేర్వేరుగా నామినేషన్లు దాఖలు చేశారు. ఈ పరిణామాలతో స్థానికంగా జనసేన, టీడీపీ నాయకుల మధ్య పచ్చ గడ్డి వేస్తే భగ్గుమనే పరిస్థితులున్నాయి. ఈ క్రమంలోనే..శనివారం స్థానిక టీడీపీ ఎమ్మెల్యే, ప్రభుత్వ విప్ తోయక జగదీశ్వరి ఎన్నికల ప్రచారానికి అరుణాడ గ్రామానికి వెళ్లారు. స్థానిక జనసేన నాయకులు ఆమె ప్రచారాన్ని అడ్డుకున్నట్లు సమాచారం.

ప్రచారానికి వచ్చిన టీడీపీ నాయకులను వెనక్కి వెళ్లిపోవాలని జనసేన నాయకులు తేల్చి చెప్పడంతో అక్కడ ఉద్రిక్త పరిస్థితులు నెలకొన్నాయి. ఇరు వర్గాల నాయకుల మధ్య వాగ్వాదం చోటుచేసుకుంది. తోపులాట జరిగింది. జనసేన నాయకులు అయినప్పటికీ వెనక్కి తగ్గకపోవడంతో టీడీపీ నాయకులు ప్రచారాన్ని కొనసాగించకుండా అర్థాంతరంగానే వెనుదిరిగినట్లు తెలిసింది.

టీడీపీ, జనసేన, బీజేపీ.. ఈ మూడు పార్టీల్లో ఏ పార్టీ అభ్యర్థి బరిలో నిలిచినా సమష్టిగా అభ్యర్థి గెలుపు కోసం కృషి చేయాలని అధిష్టానాలు పిలుపునిస్తుంటే స్థానిక పరిస్థితులు మాత్రం అందుకు భిన్నంగా ఉన్నాయి.

అనంతపురం జిల్లా రాప్తాడు ప్రభుత్వ పాఠశాలలో ప్రేమ్మోనాది ఓ విద్యార్థిని గొంతు కోసిన ఘటనపై రాష్ట్ర హోంశాఖ మంత్రి వంగలపూడి అనిత స్పందించారు. రాప్తాడు ఘటన చాలా దురదృష్టకరమని అన్నారు. పదో తరగతి చదువుతున్న విద్యార్థిని పై దాడిని తీవ్రంగా ఖండిస్తున్నామన్నారు.
ఇటువంటి ఘటనలు పునరావతం కాకుండా కఠిన చర్యలు తీసుకుంటామని తెలిపారు.

 విద్యార్థినికి మెరుగైన వైద్యం అందించేలా సీఎం చంద్రబాబు ఆదేశాలు ఇచ్చారని తెలిపారు. ముఖ్యమంత్రి ఆదేశాల మేరకు రాప్తాడు ఘటనపై సమగ్ర దర్యాప్తునకు అనంతపురం జిల్లా ఎస్పీకి ఆదేశాలు జారీ చేశామని చెప్పారు. నిందితుడిని కఠినంగా శిక్షిస్తామన్నారు. విద్యార్థిని అతి త్వరగా కోలుకోవాలని ఆకాంక్షించారు. విద్యార్థిని కుటుంబానికి ప్రభుత్వం అండగా ఉంటుందని భరోసా ఇచ్చారు. 

ఏపీలో ఉన్మాదం

ఆంధ్రప్రదేశ్ రాష్ట్రం అనంతపురం జిల్లా రాప్తాడు కేంద్రం. ప్రభుత్వ పాఠశాల ఉంది. ఆ స్కూల్ లో 10వ తరగతి చదువుతున్నది గోపిక అనే చిన్నారి. రోజు  మాదిరిగా.. ఆ పదో తరగతి అమ్మాయి స్కూల్ కు వచ్చింది. క్లాస్ జరుగుతున్నది. ఇదే సమయంలో ఓ రాక్షసుడు స్కూల్ వచ్చాడు. వస్తూ వస్తూ తనతో ఎలక్ట్రిక్ రంపం తీసుకొచ్చాడు. నేరుగా పదో తరగతి క్లాస్ రూంలోకి వెళ్లాడు. 

తనతో పాటు తెచ్చిన ఎలక్ట్రిక్ రంపంతో చిన్నారి గోపికపై దాడి చేశాడు. చిన్నారి గోపిక చెయ్యిని కోసేశాడు. రంపంతో గోంతు కోశాడు. ఈ దాడిలో పదో తరగతి చిన్నారి గోపిక చెయ్యి తెగిపోయింది. గోంతుపై లోతుగా గాట్లు పడ్డాయి. పెద్దగా కేకలు వేస్తూ ఆ చిన్నారి తరగతి గదిలోనే కుప్పకూలింది. ఈ ఘటనను అడ్డుకోబోయిన మరో చిన్నారికి తీవ్ర గాయాలు అయ్యాయి. 

ఏం జరుగుతుందో తెలుసుకునేలోపు ఈ ఘోరం జరిగిపోయింది. క్లాస్ టీచర్ తో సహా మిగతా అందరూ తేరుకుని అడ్డుకోబోయే లోపు ఆ రాక్షసుడు అక్కడి స్కూల్ నుంచి పారిపోయాడు. రక్తపు మడుగులో కొట్టుకుంటున్న ఇద్దరు చిన్నారులను ఆస్పత్రికి తరలించారు. 

దాడి జరిగిన చిన్నారి గోపిక ఆరోగ్యం విషమంగా ఉందని.. గాయాలు చాలా తీవ్రంగా ఉన్నాయని చెబుతున్నారు డాక్టర్లు. దాడిని అడ్డుకోబోయిన మరో చిన్నారిని ఆరోగ్యం నిలకడగా ఉందని వెల్లడించారు డాక్టర్లు. 

ఈ ఘటనపై కలకలం రేపుతోంది. రాప్తాడు ప్రభుత్వ పాఠశాలలో పట్టపగలు.. మిట్ట మధ్యాహ్నం.. ఓ బయట వ్యక్తి వచ్చి.. ఎలక్ట్రిక్ రంపంతో చిన్నారిపై.. అత్యంత దుర్మార్గంగా.. ఘోరంగా దాడి చేయటం తల్లిదండ్రులను ఆందోళనకు గురి చేసింది. పెద్ద సంఖ్యలో రాప్తాడు జనం స్కూల్ దగ్గరకు వచ్చారు. నిందితుడిని పట్టుకుని కఠినంగా శిక్షించాలని డిమాండ్ చేస్తున్నారు. సున్నితమైన అంశం కావటంతో భారీగా మోహరించారు పోలీసులు. 
 

అంతర్జాతీయ మార్కెట్‌లో మారుతున్న పరిణామాలకు అనుగుణంగా కేంద్ర ప్రభుత్వం విండ్ ఫాల్ గెయిన్స్ ట్యాక్స్ రేట్లను మార్చింది. అక్టోబర్ 31 నుంచి ప్రారంభం కానున్న పక్షం రోజుల కాలానికి గాను డీజిల్, విమానాల్లో వాడే ఏటీఎఫ్ ఇంధన ఎగుమతులపై పన్నులను పెంచుతూ నిర్ణయం తీసుకుంది. అదే సమయంలో పెట్రోల్ ఎగుమతిపై విధిస్తున్న సుంకాన్ని పూర్తిగా ఎత్తివేస్తూ సున్నాకి తగ్గించింది. ఈ కొత్త పన్ను సవరణలు శనివారం నుంచే అమల్లోకి వచ్చినట్లు ఆర్థిక మంత్రిత్వ శాఖ స్పష్టం చేసింది.

ATF ఎగుమతులపై సుంకాన్ని లీటరుకు రూ.10.50 నుంచి రూ. 11కి స్వల్పంగా పెంచారు. అలాగే డీజిల్ ఎగుమతిపై ప్రత్యేక అదనపు ఎక్సైజ్ డ్యూటీ(SAED), రోడ్డు అండ్ ఇన్‌ఫ్రాస్ట్రక్చర్ సెస్సును లీటరుకు రూ.8.50 నుంచి రూ.11.50కి పెంచారు. మరోవైపు గత పక్షం రోజులుగా లీటరుకు రూ. 2.50గా ఉన్న పెట్రోల్ ఎగుమతి సుంకాన్ని మాత్రం పూర్తిగా తొలగించి సున్నాకి చేర్చారు. అయితే దేశీయ వినియోగం కోసం సరఫరా అయ్యే పెట్రోల్, డీజిల్ ధరలపై ఎలాంటి పన్ను మార్పులు చేయలేవని ప్రభుత్వం స్పష్టం చేసింది.

►ALSO READ | గెస్ట్స్ కోసం జొమాటో కొత్త ఫీచర్.. ఫుడ్ రేట్లు కనిపించకుండా మెహమాన్ మోడ్!

మిడిల్ ఈస్ట్ దేశాల్లో నెలకొన్న ఉద్రిక్త పరిస్థితుల కారణంగా అంతర్జాతీయంగా క్రూడాయిడ్ ధరలు హెచ్చుతగ్గులకు లోనవుతున్నాయి. దేశీయంగా ఇంధన కొరత తలెత్తకుండా చూడటానికి, ఎగుమతిదారులు విపరీతమైన లాభాలు ఆర్జించకుండా నియంత్రించడానికి ప్రభుత్వం ఈ విండ్ ఫాల్ ట్యాక్స్ విధానాన్ని అమలు చేస్తోంది. మార్చి 27 నుంచి ప్రతి పక్షం రోజులకు ఒకసారి ఈ సుంకాల రేట్లను పరిస్థితులకు తగినట్లుగా సవరిస్తూ వస్తున్నారు. దేశంలో ఇంధన లభ్యతను స్థిరంగా ఉంచేందుకే దీని ఉద్దేశ్యంగా అధికారులు చెబుతున్నారు. 

ఏపీ గజగజ వణుకుతుంది. నిన్నటికి నిన్న ఆర్నబ్ తుఫాన్ సృష్టించిన విధ్వంసం నుంచి ఇంకా తేరుకోలేదు. ఇప్పుడు మరో పిడుగులాంటి వార్త. బంగాళాఖాతంలో మరో తుఫాన్. అవును.. భారత వాతావరణ శాఖ కన్ఫామ్ చేసింది. రాబోయే 24 గంటల్లో తుఫాన్ ఏర్పడుతుంది అని.. మరి ఇది ఎక్కడ తీరం దాటుతుంది అంటే.. ఆంధ్రప్రదేశ్‎లోనే.. ఇప్పటి వరకు ఉన్న అంచనాలతో.. 2026, నవంబర్ 2వ తేదీ సాయంత్రం ఇది ఏపీలో తీరం దాటనుంది. మరోసారి విధ్వంసం సృష్టించనుంది. లేటెస్ట్ గా ఏర్పడిన తుఫాన్ పూర్తి వివరాలు ఇలా ఉన్నాయి.

బంగాళాఖాతంలో మరో తుఫాన్ ముప్పు పొంచి ఉందని భారత వాతావరణ శాఖ వెల్లడించింది. ఆగ్నేయ బంగాళాఖాతంలో అల్పపీడనం ఏర్పడిందని తెలిపింది. ఈ తీవ్ర అల్పపీడనం రానున్న 6 గంటల్లో వాయుగుండంగా బలపడి ఆ తర్వాతి 24 గంటల్లో తుఫానుగా మారే అవకాశం ఉందని శనివారం (అక్టోబర్ 31) ఐఎండీ తెలిపింది. 

తుఫాన్ పశ్చిమ-వాయువ్య దిశగా పయనించి నవంబర్ 2 సాయంత్రానికి ఆంధ్రప్రదేశ్ తీరానికి సమీపంలో పశ్చిమ-మధ్య బంగాళాఖాతానికి చేరుకుంటుందని తెలిపింది. ఏపీలోనే ఈ తుఫాన్ తీరం దాటే అవకాశం ఉన్నట్లు ఐఎండీ అంచనా వేసింది. తుఫాన్ ప్రభావంతో నవంబర్ 2, 3, 4 తేదీల్లో కోస్తా ఆంధ్ర, యానాం, రాయలసీమ, ఒడిశాలో తీరం వెంబడి గంటకు 30-40 కిలోమీటర్ల వేగంతో బలమైన ఈదురుగాలులతో కూడిన భారీ నుంచి అతి భారీ వర్షాలు కురిసే అవకాశం ఉందని అంచనా వేసింది. 

వాతావరణ మార్పులతో సముద్రం అలజడిగా ఉందని.. నవంబర్ 4 వరకు మత్స్యకారులు ఎవరూ సముద్రంలోకి వేటకు వెళ్లరాదని వాతావరణ శాఖ హెచ్చరించింది. ఇప్పటికే అర్నాబ్ తుఫాన్ తో ఏపీ అతలాకుతలం కాగా తాజాగా మరో తుఫాన్ హెచ్చరికతో అధికారులు అప్రమత్తం అవుతున్నారు. తీర ప్రాంత ప్రజలను అలర్ట్ చేస్తున్నారు. 

ఒక్క రోడ్డు ప్రమాదం కన్న తల్లి ఆశలను చిదిమేసింది. కూతురి పెళ్లి బాధ్యతను నెరవేర్చి, కన్న కూతురి పెళ్లిని కళ్లారా చూసి.. ఆ తర్వాత తనకు ఏమైనా పర్లేదనుకున్న తల్లి కోరిక అరకొరగా తీరిన ఘటన ఇది. బ్రెయిన్ డెడ్ అయిన స్థితిలో ఉన్న కన్న తల్లి కళ్ల ముందు కూతురు పెళ్లి చేసుకున్న హృదయ విదారక ఘటన పశ్చిమ బెంగాల్లో వెలుగుచూసింది.

ఈ ఘటనకు సంబంధించిన పూర్తి వివరాల్లోకి వెళితే.. కోల్‌కత్తాకు చెందిన 54 ఏళ్ల చుమ్కి రాయ్ అనే వృద్ధురాలు, తన కూతురి పెళ్లిని చూడాలని ఆశపడింది. ఆమె కోరుకున్నట్టుగానే కూతురి పెళ్లి కుదిరింది. రేపోమాపో పెళ్లనగా.. చుమ్కి రాయ్ ఆశలను దురదృష్టం వెక్కిరించింది. గత సోమవారం (అక్టోబర్ 26, 2026) ఆమెకు రోడ్డు ప్రమాదం జరిగింది. ఈ ప్రమాదంలో ఆమె తలకు తీవ్ర గాయాలు కావడంతో, ఆమెను రూబీ జనరల్ ఆసుపత్రిలో చేర్పించి చికిత్స అందించారు. మెరుగైన వైద్యం అందించినప్పటికీ ఆమె పరిస్థితి చేయి దాటిపోయింది. బుధవారం రాత్రి ఆమె బ్రెయిన్ డెడ్ అయినట్లు వైద్యులు ప్రకటించారు.

ఈ క్రమంలో.. ఆమె కుటుంబం ఆమె అవయవాలను దానం చేయాలని నిర్ణయించుకుంది. అదే క్రమంలో.. ఆమె కోరిక ప్రకారం కూతురి పెళ్లిని కూడా ఆమె కళ్ల ముందే చేయాలని ఆమె భర్త దేబబ్రత రాయ్ నిర్ణయించారు. కోల్‌కతాలోని సదరు ప్రైవేట్ ఆసుపత్రి కూడా సానుకూలంగా స్పందించడంతో.. అవయవాలను సేకరించే ముందు, ఆమె కూతురి పెళ్లికి హాస్పిటల్ వేదికైంది. చుమ్కి వెంటిలేటర్పై ఉండగానే ఆసుపత్రిలో ఆమె సమక్షంలోనే ఆమె కూతురి పెళ్లి జరిగింది. మొత్తానికి ఇలా.. ఆమె కోరిక కొంతైనా తీరింది.

►ALSO READ | కవాసకి టీమ్‌కు నాగాలాండ్ విద్యార్థుల గ్రాండ్ వెల్‌కమ్.. వీడియో చూస్తే ఫిదా అవ్వాల్సిందే!

చుమ్కి రాయ్ కాలేయం, రెండు మూత్రపిండాలు, కార్నియాలను దానం చేశారు. ఆమె కాలేయాన్ని అపోలో ఆసుపత్రిలో సిర్రోసిస్‌తో బాధపడుతున్న రోగికి కేటాయించగా, ఆమె మూత్రపిండాలను రూబీ ఆసుపత్రి, కమాండ్ ఆసుపత్రిలో చికిత్స పొందుతున్న ఇద్దరు రోగులకు మార్పిడి చేశారు. శంకర నేత్రాలయలోని కంటి బ్యాంకు రెండు కార్నియాలను సేకరించింది.

Ravindra Jadeja: భారత ఆల్‌రౌండర్ రవీంద్ర జడేజా (Ravindra Jadeja) భవిష్యత్తుపై మరోసారి తీవ్రమైన చర్చ మొదలైంది. న్యూజిలాండ్‌తో నవంబర్ 4వ తేదీ నుంచి ప్రారంభం కానున్న 5 మ్యాచ్‌ల వన్డే సిరీస్ కోసం భారత జట్టులో జడేజాకు చోటు దక్కకపోవడం, అతని స్థానంలో అక్షర్ పటేల్‌కే మేనేజ్‌మెంట్ ప్రాధాన్యం ఇవ్వడంపై టీమిండియా మాజీ క్రికెటర్ ఛేతేశ్వర్ పుజారా (Cheteshwar Pujara) కీలక వ్యాఖ్యలు చేశాడు. జడేజా వన్డే కెరీర్ దాదాపు ముగిసిపోయిందని, వచ్చే ఏడాది జరగనున్న 2027 వన్డే ప్రపంచకప్‌లో అక్షర్ నే ప్రధాన ఆల్‌రౌండర్‌గా బోర్డు భావిస్తోందని పుజారా విశ్లేషించాడు. 

టెస్టులకే పరిమితం కాలేదు: ఛేతేశ్వర్ పుజారా

జియోస్టార్ (JioStar) చర్చా కార్యక్రమంలో పుజారా మాట్లాడుతూ.. రవీంద్ర జడేజా ఎంపికపై తన అభిప్రాయాన్ని కుండబద్దలు కొట్టినట్లు తెలిపాడు. ఒకవేళ జడ్డూని వన్డేల్లో కొనసాగించాలనుకుంటే.. ఈ న్యూజిలాండ్ సిరీస్‌కే ఎంపిక చేసేవారు. అక్షర్ పటేల్ వన్డేల్లో ప్రధాన ఆల్‌రౌండర్‌గా స్థిరపడ్డాడు కాబట్టి, జడేజాకు మేనేజ్‌మెంట్ ఇప్పటికే విషయాన్ని స్పష్టం చేసి ఉంటుంది. వయసు రీత్యా ఆయనను ఇకపై కేవలం టెస్టు క్రికెట్‌కే పరిమితం కావాలని, వైట్ బాల్ క్రికెట్ (వన్డేలు, టీ20లు)లో ఛాన్స్ ఇచ్చే పరిస్థితి లేదని చెప్పి ఉంటారు.. ఇప్పటికే టీ20లకి రెస్ట్ తీసుకున్నాడు కాబట్టి, వన్డే కెరీర్‌కు కూడా ఇది ఎండ్ కార్డే అని పుజారా పేర్కొన్నాడు.

ఆపద్బాంధవుడిగా జడేజానే బ్యాకప్: అభిషేక్ నాయర్

అయితే టీమిండియా మాజీ బ్యాటింగ్ కోచ్ అభిషేక్ నాయర్ (Abhishek Nayar) మాత్రం పుజారా అభిప్రాయంతో పూర్తి స్థాయిలో ఏకీభవించలేదు. జడేజాను ఒక ఇన్సూరెన్స్ పాలసీలా మేనేజ్‌మెంట్ ఉంచుకుంటుందని అభిప్రాయపడ్డాడు. జడేజా రెగ్యులర్ స్క్వాడ్‌లో లేకపోవచ్చు.. కానీ వన్డే ప్రపంచకప్‌కు ముందు అక్షర్ పటేల్‌కు ఏమైనా గాయమైతే.. మేనేజ్‌మెంట్ మైండ్‌లోకి వచ్చే మొదటి పేరు జడేజానే.. అక్షర్ తర్వాత టీమిండియాకు అంతటి నమ్మకమైన స్పిన్ ఆల్‌రౌండర్ వేరే ఎవరూ లేరు.. కాబట్టి జడేజా ఒక పర్ఫెక్ట్ 'ఇన్సూరెన్స్ పాలసీ'లా అందుబాటులో ఉంటాడని నాయర్ తెలిపాడు. 

వన్డేల్లో 200లకు పైగా వికెట్లు, 2,700 పైచిలుకు పరుగులు చేసిన 37 ఏళ్ల రవీంద్ర జడేజాను భారత్ మేనేజ్‌మెంట్ పక్కనబెట్టి, అక్షర్ పటేల్‌ను పూర్తిస్థాయిలో ప్రోత్సహించడంపై క్రికెట్ అభిమానుల్లో ఇప్పుడు మిశ్రమ స్పందన వ్యక్తం అవుతోంది.

ఇంట్లో బంధువులు, స్నేహితులు వచ్చినప్పుడు నచ్చిన ఫుడ్ ఆర్డర్ చేయడం కొన్నిసార్లు కాస్త మొహమాటంగా అనిపిస్తుంది. ఎవరికైనా ఫోన్ ఇచ్చి మీకు నచ్చింది ఆర్డర్ చేసుకోండి అంటే.. రేటు ఎక్కువ ఉన్న ఐటమ్స్ సెలెక్ట్ చేయడానికి అతిథులు వెనుకాడతారు. ఈ చిన్న మొహమాటాన్ని తొలగించేందుకు ఫుడ్ డెలివరీ యాప్ జొమాటో ఓ అద్భుతమైన ఫీచర్‌ను తీసుకురాబోతోంది. అదే మెహమాన్ మోడ్.

ఆయుష్మాన్ అగర్వాల్ అనే యూజర్ లింక్డ్ఇన్ వేదికగా చేసిన ఒక చిన్న సూచన ఈ కొత్త ఫీచర్‌కు తెరతీసింది. జొమాటో కో-ఫౌండర్ దీపిందర్ గోయల్‌ను ట్యాగ్ చేస్తూ ఆయన ఈ ఐడియాను షేర్ చేశారు. అతిథులు ఫోన్‌లో మెను బ్రౌజ్ చేసేటప్పుడు మెనూలోని ధరలు కనిపించకుండా హైడ్ చేసే ఆప్షన్ ఉంటే బాగుంటుందని అందులో పేర్కొన్నారు. ఈ ఆలోచన నచ్చిన దీపిందర్ గోయల్ స్పందిస్తూ.. ఈ వారమే ఆ ఫీచర్‌ను రోల్‌అవుట్ చేయనున్నట్లు ప్రకటించారు.

►ALSO READ | తెలంగాణలో ఐటీ జోరు: పోచారంలో ఇన్ఫోసిస్ కొత్త సాఫ్ట్‌వేర్ బ్లాక్

ఈ 'మెహమాన్ మోడ్' ఎలా పనిచేస్తుందంటే.. హోస్ట్ తమ ఫోన్‌ను అతిథులకు ఇచ్చే ముందు ఈ మోడ్‌ను ఆన్ చేస్తారు. దీనివల్ల అతిథులు తమకు నచ్చిన వంటకాలను రేట్లు చూసి టెన్షన్ పడకుండా స్వేచ్ఛగా సెలెక్ట్ చేసుకోవచ్చు. ఆ తర్వాత హోస్ట్ ఫోన్‌ను వెనక్కి తీసుకుని బిల్లు చెల్లిస్తారు. ముఖ్యంగా పండుగ సీజన్లలో గ్రూప్ ఆర్డరింగ్ చేసేటప్పుడు ఈ ఫీచర్ చాలా సౌకర్యవంతంగా ఉంటుందని చాలా మంది భావిస్తున్నారు.

ఈ ఫీచర్ ఎలా యాక్టివేట్ చేయాలి, కేవలం ధరలు మాత్రమే మాయమవుతాయా లేక టోటల్ బిల్ డిటైల్స్ హైడ్ అవుతాయా అనే పూర్తి వివరాలు త్వరలోనే తెలియనున్నాయి. మొత్తానికి కస్టమర్ల చిన్నపాటి అసౌకర్యాన్ని కూడా గుర్తించి, జొమాటో తీసుకువస్తున్న ఈ సరికొత్త ఫీచర్ ప్రస్తుతం సోషల్ మీడియాలో ట్రెండింగ్‌గా మారింది.

న్యూఢిల్లీ: ప్రతిపక్ష ఇండియా కూటమి మాక్ పార్లమెంట్ కార్యక్రమం ప్రారంభమైంది. ఢిల్లీలోని ఏఐసీసీ చీఫ్ మల్లికార్జున ఖర్గే నివాసంలో జరుగుతోన్న ఈ సమావేశానికి మాజీ లోక్ సభ స్పీకర్ మీరా కుమార్ అధ్యక్షత వహిస్తున్నారు. కాంగ్రెస్ అగ్రనేతలు సోనియా గాంధీ, రాహుల్ గాంధీ, ప్రియాంక గాంధీతో పాటు ఇండియా కూటమి పార్టీల సభ్యులు హాజరయ్యారు. 

సర్ ప్రక్రియలోని అక్రమాలను నిరసిస్తూ సీఈసీ జ్ఞానేష్ కుమార్‎ను పదవి నుంచి తొలగించాలని డిమాండ్ చేస్తూ మల్లికార్జున ఖర్గే అభిశంసన తీర్మానం ప్రవేశపెట్టారు. ఈ సందర్భంగా ఖర్గే మాట్లాడుతూ.. సీఈసీపై అభిశంసన తీర్మానం ప్రజాస్వామ్యాన్ని కాపాడటానికేనని.. ఇందులో ఎటువంటి వ్యక్తిగత కక్ష లేదన్నారు. దేశంలోని ప్రజాస్వామ్యాన్ని మోడీ సర్కార్ నాశనం చేస్తోందని విమర్శించారు.

 మోడీ సర్కార్ ఓట్ చోరీ, సంసద్ చోరీ, పార్టీ చోరీకి పాల్పడుతోందని ఆరోపించారు. సర్ పేరుతో ఎన్నికల సంఘం బీజేపీ వ్యతిరేక ఓట్లను తొలగిస్తోందని ఆరోపించారు. ప్రధాని మోడీ, కేంద్ర హోంశాఖ మంత్రి అమిత్ షా తెర వెనక నుంచి ఓట్ చోరీని నడిపిస్తున్నారని అన్నారు. ప్రజలకు రాజ్యాంగం కల్పించిన హక్కును  కాలరాస్తూ ఓట్ చోరీకి పాల్పడుతోన్న వారిని వదిలిపెట్టొద్దని కోరారు. 

ఓట్ చోరీపై ప్రజలు, యువత, స్టూడెంట్స్, మహిళలు, కార్మికులు అందరూ ఐక్యంగా పోరాటం చేయాలని పిలుపునిచ్చారు. పార్లమెంట్ లో ఎంపీలు అభిశంసన పెట్టిన జ్ఞానేష్ కుమార్‎ను మోడీ కాపాడుతున్నాడని అన్నారు. దేశంలో ప్రజల ఓటు హక్కు ప్రమాదంలో పడిందని ఆందోళన వ్యక్తం చేశారు. ఓట్ చోరీపై ప్రతిపక్ష నేత రాహుల్ గాంధీ ప్రశ్నిస్తే.. ఈసీ, కేంద్ర ప్రభుత్వం దగ్గర సమాధానమే లేదన్నారు.

సర్ అక్రమాలపై రాష్ట్రప్రతిని కలిసి ఫిర్యాదు చేయడంతో పాటు సుప్రీం కోర్టులో పిటిషన్ దాఖలు చేశామని చెప్పారు. బ్యాలెట్ పద్దతిలో ఎన్నికల నిర్వహణకు బీజేపీకి భయమెందుకని ప్రశ్నించారు. బ్యాలెట్ పద్దతిలో ఎన్నికలు నిర్వహించాలని డిమాండ్ చేశారు. దేశంలో సర్ ప్రక్రియను తక్షణమే నిలిపివేయాలని డిమాండ్ చేశారు. 

సీజన్ తో పాటు స్కిన్ కేర్ రొటీన్ కూడా మారుతుంది. శీతాకాలంలో చర్మం పొడిబారకుండా చూసుకోవాలి. అందుకోసం ఇంటివద్ద తయారు చేసుకున్న బాడీ స్క్రబ్ వాడటం బెటర్. ఇదయితే మురికితో పాటు మృతకణాల్ని కూడా తొలగిస్తుంది. చర్మాన్ని హైడ్రేట్ చేస్తుంది.

కావాల్సినవి:
బియ్యప్పిండి-50 గ్రా., మసూర్ దాల్ (ఎర్రకందిపప్పు) - 30 గ్రా. ఓట్స్ - 20 గ్రా. ముల్తానీ మట్టి- 20 గ్రా. రెండు గ్రాముల చొప్పున వేపాకుల పొడి, పసుపు, కొన్ని చుక్కల లావెండర్ లేదా ఎసెన్షియల్ ఆయిల్, కొంచెం పెరుగు.

తయారీ:
ఒక గిన్నెలో పైన చెప్పిన వాటన్నింటినీ వేసి కలపాలి. ఈ స్క్రబ్ తో ముఖం మీద మెల్లిగా మసాజ్ చేయాలి. ఆరాక నీళ్లతో కడిగేయాలి. దాంతో ముఖం మీది మురికి, డెడ్ సెల్స్ పోయి చర్మం తాజాగా ఉంటుంది. 
 

టెక్ రంగంలో దూసుకుపోతున్న ఇన్ఫోసిస్ హైదరాబాద్‌లో తన కార్యకలాపాలను మరింత విస్తరించింది. ఇందులో భాగంగా శుక్రవారం అక్టోబర్ 30న పోచారంలోని తమ డెవలప్‌మెంట్ సెంటర్‌లో కొత్తగా నిర్మించిన 11 లక్షల చదరపు అడుగుల వైశాల్యంలో అత్యాధునిక సాఫ్ట్‌వేర్ డెవలప్‌మెంట్ బ్లాక్‌ను ఘనంగా ప్రారంభించింది. ఈ ప్రారంభోత్సవ వేడుకకు తెలంగాణ ఉప ముఖ్యమంత్రి మల్లు భట్టి విక్రమార్క, ఐటీ అండ్ పరిశ్రమల శాఖ మంత్రి డి. శ్రీధర్ బాబుతో పాటు ఇన్ఫోసిస్ ఉన్నతాధికారులు ముఖ్య అతిధులుగా హాజరయ్యారు.

సుమారు 450 ఎకరాల విశాలమైన ప్రాంగణంలో విస్తరించి ఉన్న ఈ క్యాంపస్‌లో ఇప్పటికే 7 సాఫ్ట్‌వేర్ డెవలప్‌మెంట్ బ్లాక్‌లు ఉండగా.. సుమారు 46 లక్షల చదరపు అడుగుల బిల్ట్-అప్ ఏరియా అందుబాటులో ఉంది. తాజా విస్తరణలో భాగంగా ఏర్పాటు చేసిన ఈ కొత్త బ్లాక్ ద్వారా అదనంగా మరో 10వేల సీట్లు అందుబాటులోకి రానున్నాయి. 

ఈ పోచారం డెవలప్‌మెంట్ సెంటర్ ద్వారా బ్యాంకింగ్, ఫైనాన్షియల్ సర్వీసెస్ అండ్ ఇన్సూరెన్స్, రిటైల్, లైఫ్ సైన్సెస్, మ్యానుఫ్యాక్చరింగ్ వంటి వివిధ రంగాల్లోని గ్లోబల్ క్లయింట్‌లకు సేవలు అందిస్తున్నారు. ముఖ్యంగా AI, క్లౌడ్, సైబర్‌సెక్యూరిటీ, ఇంజనీరింగ్, నెక్స్ట్-జెన్ డిజిటల్ సర్వీసెస్‌లో ఇన్ఫోసిస్ సామర్థ్యాలను ఈ సరికొత్త విస్తరణ మరింత బలోపేతం చేయనుంది.

►ALSO READ | ఏపీలో రేపే మున్సిపల్ ఎన్నికల పోలింగ్.. 36 వేల మందితో భారీ పోలీసు బందోబస్తు!

ఈ సందర్భంగా ఇన్ఫోసిస్ చీఫ్ ఫైనాన్షియల్ ఆఫీసర్ జయేష్ సంఘ్‌రాజ్కా మాట్లాడుతూ.. క్లయింట్‌లకు అత్యాధునిక సేవలను అందించడానికి.. ఉద్యోగులకు కొత్త టెక్నాలజీల్లో పట్టు పెంచేందుకు ఈ కొత్త బిల్డింగ్ ఎంతగానో దోహదపడుతుందని తెలిపారు. ఎంటర్‌ప్రైజెస్ వేగంగా ఏఐ వైపు అడుగులు వేస్తున్న వేళ.. ప్రపంచ స్థాయి ప్రతిభను, అధ్యాధునిక మౌలిక సదుపాయాలను ఒకచోట చేర్చే వ్యూహాత్మక కేంద్రంగా ఈ క్యాంపస్ మారుతుందని అన్నారు. హైదరాబాద్ టెక్ రంగంలో ఇన్ఫోసిస్ తీసుకున్న ఈ నిర్ణయం స్థానిక యువతకు కొత్త జాబ్స్ క్రియేట్ చేస్తుందని తెలుస్తోంది. 

జపాన్‌కు చెందిన ప్రముఖ బైక్ తయారీ సంస్థ కవాసకి ఇప్పుడు సోషల్ మీడియాలో హాట్ టాపిక్‌గా మారింది. నాగాలాండ్‌లోని ఓ కాలేజీలో నిర్వహించిన క్యాంపస్ రిక్రూట్‌మెంట్ డ్రైవ్‌కు విద్యార్థులు ఇచ్చిన ఘన స్వాగతం అందరినీ ఆకట్టుకుంటోంది. కవాసకి కంపెనీ రిక్రూట్‌మెంట్ టీమ్ కాలేజీకి రావడంతో విద్యార్థులు ఎంతో ఉత్సాహంగా స్వాగతం పలికారు. ఇందుకు సంబంధించిన వీడియోలు సోషల్ మీడియాలో వైరల్‌గా మారాయి. ఈ కార్యక్రమం 'నాగాలాండ్-జపాన్ కనెక్ట్' కార్యక్రమంలో భాగంగా నిర్వహించినట్లు తెలుస్తోంది.  

కవాసకి టీమ్‌కు విద్యార్థుల అదిరిపోయే స్వాగతం
నాగాలాండ్‌లోని ఓ కాలేజీకి కవాసకి కంపెనీ రిక్రూట్‌మెంట్ టీమ్ వచ్చిన సమయంలో విద్యార్థులు ఎంతో ఉత్సాహంగా వారికి స్వాగతం పలికారు. కంపెనీ ప్రతినిధులు కాలేజీలోకి అడుగుపెట్టగానే విద్యార్థులు చప్పట్లు కొడుతూ, కేరింతలు పెడుతూ  ఆనందాన్ని వ్యక్తం చేశారు.

అంతేకాదు, జపాన్ సంప్రదాయమైన 'ఒజిగి' పద్ధతిలో వంగి నమస్కరిస్తూ కంపెనీ ప్రతినిధులను ఆహ్వానించారు. విద్యార్థులు వరుసగా నిలబడి ప్లేస్‌మెంట్ ఆడిటోరియం వరకు వారికి స్వాగతం పలికారు. ఈ రిక్రూట్‌మెంట్ డ్రైవ్‌లో మొత్తం ఆరుగురు విద్యార్థులు కవాసకి కంపెనీకి ఎంపికైనట్లు సమాచారం.  

సోషల్ మీడియాలో వైరల్‌గా మారిన వీడియో
విద్యార్థులు కవాసకి టీమ్‌కు స్వాగతం పలికిన వీడియో ప్రస్తుతం నెట్టింట బాగా వైరల్ అవుతోంది. అంతర్జాతీయ స్థాయి కంపెనీ మా కాలేజీకి రావడంపై విద్యార్థులు చూపించిన ఉత్సాహం నెటిజన్లను ఆకట్టుకుంటోంది. ఈ వీడియో నాగాలాండ్ యువతలో ఉద్యోగ అవకాశాల పట్ల ఉన్న ఆసక్తిని తెలియజేస్తోందని పలువురు అభిప్రాయపడుతున్నారు. ముఖ్యంగా విదేశీ కంపెనీల్లో ఉద్యోగాలు సంపాదించాలనే యువత ఆకాంక్షకు ఈ కార్యక్రమం ఒక ఉదాహరణగా నిలిచింది.

నెటిజన్ల కామెంట్స్ ఇవే!
ఈ వీడియోపై సోషల్ మీడియాలో పలువురు వారి అభిప్రాయాలను షేర్ చేసారు. ఓ నెటిజన్  "సిక్కిం నుంచి అభినందనలు. నిజంగా ఇది చాలా మంచి ప్రయత్నం" అంటూ కామెంట్ చేశారు. మరో నెటిజన్.. "కేవలం నాగాలాండ్‌లోనే ఎందుకు? మిగతా భారతదేశంలో ప్రతిభ ఉన్నవారు లేరా ? ఇది ప్రాంతీయ వివక్ష కాదా ?" అంటూ ప్రశ్నించారు. దీంతో ఈ వీడియోపై సోషల్ మీడియాలో రకరకాల అభిప్రాయాలు వ్యక్తమవుతున్నాయి.

కవాసకి కంపెనీ గురించి..
కవాసకి హెవీ ఇండస్ట్రీస్ జపాన్‌కు చెందిన ప్రముఖ మల్టీనేషనల్  సంస్థ. ఈ కంపెనీ కేవలం బైక్స్  తయారీకే పరిమితం కాకుండా విమాన రంగం, ఇంధన వ్యవస్థలు, పారిశ్రామిక పరికరాల తయారీలో కూడా పనిచేస్తోంది. ముఖ్యంగా కవాసకి బైక్స్ కి ప్రపంచవ్యాప్తంగా మంచి గుర్తింపు ఉంది.  మొత్తానికి నాగాలాండ్ విద్యార్థులు కవాసకి కంపెనీ టీమ్‌కు ఇచ్చిన స్వాగతం ఇప్పుడు అందరి దృష్టిని ఆకర్షిస్తోంది. అందులో ఆరుగురు విద్యార్థులకు ఉద్యోగ అవకాశాలు రావడం ఈ కార్యక్రమంలో మరో విశేషంగా నిలిచింది.

View this post on Instagram

A post shared by Connect India Japan🇮🇳🇯🇵 (@connectindiajapan)

మెగా అభిమానులు ఎప్పుడెప్పుడా అని ఎదురుచూస్తున్న క్రేజీ కాంబినేషన్ మళ్లీ సెట్స్‌పైకి వెళ్లేందుకు సిద్ధమైంది. మెగా పవర్‌స్టార్ రామ్ చరణ్, క్రియేటివ్ డైరెక్టర్ సుకుమార్ కలిసి మరోసారి మ్యాజిక్ చేసేందుకు రెడీ అవుతున్నారు. 'రంగస్థలం' వంటి బ్లాక్‌బస్టర్ తర్వాత వీరిద్దరి కలయికలో రాబోతున్న RC17పై ఇప్పటికే భారీ అంచనాలు నెలకొన్నాయి. ఈ నేపథ్యంలో నవంబర్ 1న హైదరాబాద్‌లో ఈ సినిమాను పూజా కార్యక్రమాలతో లాంఛనంగా ప్రారంభించనున్నారు. మైత్రీ మూవీ మేకర్స్ నిర్మాత రవిశంకర్ ఈ విషయాన్ని వెల్లడించడంతో అభిమానుల్లో ఉత్సాహం మొదలైంది.

మరోవైపు సినిమా ప్రారంభానికి ముందే సుకుమార్ భార్య తబితా సుకుమార్ చేసిన సోషల్ మీడియా పోస్ట్ ఇప్పుడు అందరి దృష్టిని ఆకర్షిస్తోంది. ఈ ప్రాజెక్ట్ కోసం సుకుమార్ ఎంతో కష్టపడ్డారని, కథ రచనలో ఎన్నో గంటలు శ్రమించారని ఆమె పేర్కొన్నారు. రామ్ చరణ్, సుకుమార్ లాంటి అభిమానులు ఇష్టపడే కాంబినేషన్ మరోసారి కలవడం ఎంతో ఆనందంగా ఉందన్నారు. ఈ ప్రయాణం కోసం ఆసక్తిగా ఎదురుచూస్తున్నానని తెలిపారు. గత సినిమాల షూటింగ్స్, ప్రమోషన్లకు సంబంధించిన వీడియోలతో రూపొందించిన ప్రత్యేక కొలాజ్‌ను కూడా ఆమె షేర్ చేశారు.

ఈ చిత్రాన్ని మైత్రీ మూవీ మేకర్స్ నిర్మిస్తుండగా, టీ-సిరీస్ సమర్పిస్తోంది. అయితే సంగీత దర్శకుడి విషయంలో మాత్రం ఆసక్తికరమైన చర్చ నడుస్తోంది. ఇప్పటివరకు సుకుమార్ సినిమాలకు ఆస్థాన సంగీత దర్శకుడిగా ఉన్న దేవిశ్రీ ప్రసాద్ స్థానంలో ఈసారి అనిరుధ్ రవిచందర్ పేరు వినిపిస్తోంది. అయితే దీనిపై అధికారిక ప్రకటన రావాల్సి ఉంది.

మరోవైపు ఈ సినిమా కోసం రామ్ చరణ్ భారీ మేకోవర్‌కు సిద్ధమవుతున్నట్లు గతంలో వార్తలు వచ్చాయి. సుమారు 15 కిలోల బరువు తగ్గడంతో పాటు లాంగ్ హెయిర్‌తో కొత్త లుక్‌లో కనిపించనున్నారని ప్రచారం జరిగింది. స్క్రిప్ట్, క్లైమాక్స్‌పై కూడా సుకుమార్ ప్రత్యేకంగా దృష్టి పెట్టారు. మరి 'రంగస్థలం' మ్యాజిక్‌ను మించేలా ఈసారి సుకుమార్ ఎలాంటి కథతో రాబోతున్నారు? RC17 పూజా కార్యక్రమంలో హీరోయిన్, సంగీత దర్శకుడి వివరాలు వెల్లడవుతాయా? అన్నది ఇప్పుడు ఆసక్తికరంగా మారింది.

 

 

 

 

View this post on Instagram

 

 

 

 

 

 

 

 

 

 

 

A post shared by Thabitha Bandreddi (@thabitha_sukumar)

లక్నో: ఉత్తరప్రదేశ్ తొలి బుల్లెట్ ట్రైన్ ప్రాజెక్టుకు కేంద్ర ప్రభుత్వం గ్రీన్ సిగ్నల్ ఇచ్చింది. ఢిల్లీ నుంచి వారణాసి మధ్య నార్తర్న్ బుల్లెట్ ట్రైన్ కారిడార్ ఏర్పాటుకు ఆమోదం తెలిపింది. కేంద్ర రైల్వే శాఖ మంత్రి అశ్వినీ వైష్ణవ్ శనివారం (అక్టోబర్ 31) ఈ విషయాన్ని వెల్లడించారు. ప్రధాని మోడీ నార్తర్న్ బుల్లెట్ రైలు కారిడార్‌కు ఆమోదం తెలిపారని చెప్పారు. తద్వారా బుల్లెట్ రైలు నెట్‌వర్క్‌ను విస్తరించే దిశగా ఇండియా ఒక కీలక ముందడుగు వేసిందన్నారు. ఈ బుల్లెట్ ట్రైన్ ప్రాజెక్ట్ అందుబాటులోకి వస్తే ప్రయాణ సమయాలు గణనీయంగా తగ్గుతాయని చెప్పారు. ఢిల్లీ, వారణాసి మధ్య ప్రయాణ సమయం కేవలం 3.5 గంటలకు తగ్గే అవకాశం ఉందని తెలిపారు. ప్రస్తుతం ఢిల్లీ టూ వారణాసికి ట్రైన్‎లో 10 నుంచి 12 గంటల సమయం పడుతోంది. 

జస్ట్ 3.5 గంటల్లోనే ఢిల్లీ టూ వారణాసి

‘‘బుల్లెట్ రైలుతో ప్రయాణ సమయాలు గణనీయంగా తగ్గుతాయి. ఢిల్లీ నుండి కాన్పూర్‌కు 1 గంట 45 నిమిషాలు, ఢిల్లీ నుండి ఆగ్రాకు 59 నిమిషాలు, ఢిల్లీ నుండి లక్నోకు 2 గంటల 12 నిమిషాలు, వారణాసి నుండి లక్నోకు 1 గంట 21 నిమిషాలు, వారణాసి నుండి పాట్నాకు గంట, వారణాసి నుండి ఢిల్లీకి 3 గంటల 33 నిమిషాలు, వారణాసి నుండి ప్రయాగ్‌రాజ్‌కు 33 నిమిషాలు, వారణాసి నుండి ఆగ్రాకు 2 గంటల 34 నిమిషాలు’’ పడుతుందని ఆయన తెలిపారు. 

విమాన చార్జీల కంటే తక్కువ 

హై-స్పీడ్ రైలు సర్వీసులు కేవలం ధనిక ప్రయాణికుల కోసమేననే అభిప్రాయాన్ని కొందరు సృష్టించేందుకు ప్రయత్నించవచ్చని అన్నారు. కానీ బుల్లెట్ ట్రైన్ టికెట్ ధరలు విమాన ఛార్జీల కంటే తక్కువగా ఉంటాయని తెలిపారు.  మధ్య తరగతి ప్రజలకు కూడా అందుబాటులో ఉండేలా టికెట్ ధరలు ఉంటాయని.. తద్వారా ప్రయాణికులకు హై-స్పీడ్ రైలు ప్రయాణం మరింత అందుబాటులోకి వస్తుందని పేర్కొన్నారు. ప్రభుత్వ మౌలిక సదుపాయాల అభివృద్ధి ప్రణాళికలు రైతులు, మధ్యతరగతి ప్రజలు, ఆర్థికంగా బలహీన వర్గాలకు కూడా ప్రయోజనం చేకూర్చే లక్ష్యంతో ఉన్నాయని స్పష్టం చేశారు.

►ALSO READ | దీపావళి ఆఫర్ల పేరుతో భారీ మోసాలు.. ఫేక్ షాపింగ్ యాప్‌లతో జాగ్రత్త!

టెక్నాలజీ ప్రపంచంలో మరో అద్భుతానికి రంగం సిద్ధమైంది. ఎలక్ట్రిక్ కార్లు, రాకెట్లతో చరిత్ర సృష్టించిన ఎలాన్ మస్క్ ఇప్పుడు మానవ మెదడును నేరుగా టెక్నాలజీతో అనుసంధానించే దిశగా అడుగులు వేశారు. టెన్షన్ పెట్టే కీబోర్డులు, మాటలతో పనిలేకుండా కేవలం ఆలోచనల ద్వారానే కంప్యూటర్లు, డిజిటల్ పరికరాలతో సంభాషించేలా న్యూరాలింక్(Neuralink) తొలి కన్స్యూమర్ ప్రొడక్ట్‌ను ఎలాన్ మస్క్ అధికారికంగా ప్రకటించారు. "టెలిపతి" పేరుతో తీసుకొస్తున్న ఈ సరికొత్త బ్రెయిన్-కంప్యూటర్ ఇంటర్‌ఫేస్ టెక్నాలజీ ఇప్పుడు ప్రపంచవ్యాప్తంగా టెక్ వర్గాల్లో సంచలనం సృష్టిస్తోంది.

ఈ అత్యాధునిక పరికరం ద్వారా మానవ ఆలోచనల వేగమే కంప్యూటర్‌తో కమ్యూనికేట్ చేయడానికి ప్రధాన సాధనంగా మారుతుంది. దీనిపై మస్క్ ఎక్స్ వేదికగా స్పందిస్తూ.. కేవలం ఆలోచించడం ద్వారానే కంప్యూటర్లు, మనుషులతో హై-స్పీడ్ కమ్యూనికేషన్ సాధ్యమవుతుందని తెలిపారు. భవిష్యత్తులో ఈ అవుట్‌పుట్ బ్యాండ్‌విడ్త్ అత్యంత వేగవంతమైన మనుషుల మాటలు, టైపింగ్ వేగాన్ని కూడా మించిపోతుందని ధీమా వ్యక్తం చేశారు. 2024 ప్రారంభం నుంచి క్లినికల్ ట్రయల్స్‌లో ఉన్న ఈ టెక్నాలజీకి ఇప్పుడు 'టెలిపతి' అనే అధికారిక రూపం లభించింది.

Our second product is called Blindsight and it will, as the name suggests, enable even those who are completely blind or have never seen to see. It is ready from an engineering standpoint. Just waiting on regulatory approval.

— Elon Musk (@elonmusk) October 30, 2026

ఈ టెలిపతి పరికరం వెనుక న్యూరాలింక్‌కు చెందిన 'N1' బ్రెయిన్ ఇంప్లాంట్ కీలక పాత్ర పోషిస్తుంది. ఇందులో 64 ఫ్లెక్సిబుల్ త్రెడ్లపై విస్తరించి ఉన్న 1,024 ఎలక్ట్రోడ్లు ఉంటాయి. ఇవి మెదడు నుంచి వచ్చే సిగ్నల్స్‌ను అత్యంత సూక్ష్మంగా గ్రహిస్తాయి. 'R1' సర్జికల్ రోబోట్ సహాయంతో ఈ త్రెడ్లను కదలికలను నియంత్రించే మోటార్ కార్టెక్స్‌లో అమర్చుతారు. ఇప్పటికే క్లినికల్ ట్రయల్స్‌లో భాగంగా పక్షవాతంతో బాధపడుతున్న రోగులు కేవలం ఆలోచనల ద్వారానే కంప్యూటర్ కర్సర్‌ను కదిలించడం, మౌస్ ముట్టుకోకుండా చెస్ ఆడటం, డిజైన్ సాఫ్ట్‌వేర్‌లను ఆపరేట్ చేయడం వంటి అద్భుతాలు చేసి చూపించారు. భవిష్యత్తులో కాళ్లు, చేతులు చచ్చుబడిపోయిన వారు సైతం మళ్లీ నడిచేలా చేయడానికి ఈ టెక్నాలజీ సహకరిస్తుందని మస్క్ ఆశాభావం వ్యక్తం చేశారు.

►ALSO READ | రోబో కుక్కను వాకింగ్‌కి తీసుకెళ్తే గంటకు రూ.2వేలు జీతం.. స్టార్టప్‌ క్రేజీ జాబ్ ఆఫర్!

కేవలం కమ్యూనికేషనే కాకుండా.. ఎండ్‌-యూజర్ల భాగస్వామ్యంతో వాయిస్ యాక్టివిటీ డిటెక్షన్ లాంటి సరికొత్త ఫీచర్లను కూడా న్యూరాలింక్ పరీక్షిస్తోంది. మెదడు సంకేతాలను విజువలైజ్ చేసే టూల్స్‌తో పాటు, కేవలం "హే న్యూరాలింక్" అని మనసులో అనుకుంటే చాలు పనులు చేసేలా 'గ్రోక్' ఏజెంట్ అనుసంధానాన్ని కూడా పరిశీలిస్తున్నారు ఎలాన్ మస్క్. 

భారత క్రీడా ప్రపంచంలో ఊహించని సంచలనం నమోదైంది. ప్రపంచ రగ్బీలో అత్యంత శక్తివంతమైన న్యూజిలాండ్‌ను భారత జట్టు ఏకంగా చిత్తు చేసింది. బీహార్‌లోని రాజ్‌గిర్ స్పోర్ట్స్ కాంప్లెక్స్‌లో జరిగిన అండర్-20 మహిళల రగ్బీ సెవెన్స్ మ్యాచ్‌లో భారత U-20 మహిళల జట్టు 17–0 తేడాతో న్యూజిలాండ్ (మావోరీ) U20 ఇన్విటేషనల్ టీమ్‌ను ఘోరంగా ఓడించింది. భారత్ వర్సెస్ న్యూజిలాండ్ మధ్య 100 సంవత్సరాల క్రీడా సంబంధాల వేడుకల్లో భాగంగా నిర్వహించిన ఈ ప్రత్యేక సిరీస్‌లో భారత అమ్మాయిలు సాధించిన ఈ చారిత్రాత్మక విజయం ఇప్పుడు దేశవ్యాప్తంగా ట్రెండ్ అవుతోంది.

ఫిజికల్ గేమ్‌ను మైండ్ గేమ్‌తో కొట్టిన భారత అమ్మాయిలు:

* న్యూజిలాండ్‌లో రగ్బీ క్రీడకు అత్యున్నత వసతులు, ప్రపంచ స్థాయి సిస్టమ్ ఉంటే.. భారత్‌లో కనీస వనరులు మాత్రమే ఉన్నాయి. అయినప్పటికీ టీమిండియా చూపిన వ్యూహాత్మక ఆటతీరు అందరినీ ఆశ్చర్యపరిచింది. 

* హాఫ్-టైమ్‌కే 12-0 లీడ్: మ్యాచ్ ప్రారంభమైన నిమిషం నుంచే ధాటిగా ఆడిన భారత్, మొదటి సగంలోనే 12–0తో  ఆధిక్యంలోకి దూసుకెళ్లింది.

* స్పీడ్, అగ్రెసివ్ అటాకింగ్: న్యూజిలాండ్ ఆటగాళ్ల శారీరక దృఢత్వానికి (Physicality) తలొగ్గకుండా, వేగం, త్వరిత నిర్ణయాలు, కౌంటర్ ఎటాకింగ్ మైండ్ సెట్‌తో భారత్ ప్రత్యర్థిని కోలుకోకుండా చేసి 17–0తో మ్యాచ్‌ను ముగించింది.

ఎవరైనా నన్ను గిచ్చండి సమాధానం చెప్తా: ఆనంద్ మహీంద్రా

* భారత మహిళల జట్టు సాధించిన ఈ చారిత్రాత్మక విజయంపై ప్రముఖ పారిశ్రామికవేత్త, మహీంద్రా గ్రూప్ ఛైర్మన్ ఆనంద్ మహీంద్రా (Anand Mahindra) సోషల్ మీడియా (X) వేదికగా అత్యంత ఆసక్తికరమైన కామెంట్ చేశారు. 

* వాట్ట్ట్? (Whaaaaaaat?) ఎవరైనా వచ్చి ఇది ఏప్రిల్ ఫూల్స్ ప్రాంక్ అని చెప్తారేమో అని భయపడుతున్నా.. కానీ ఇది ఏప్రిల్ నెల కాదు కదా! వావ్.. నమ్మలేకపోతున్నా! అంటూ ట్వీట్ చేయగా, అది నెట్టింట తెగ వైరల్ అవుతోంది.

* ఆసియా రగ్బీలో భారత మహిళల విభాగాలు అత్యంత వేగంగా అభివృద్ధి చెందుతున్న శక్తిగా ఎదుగుతున్నాయని అనడానికి ఈ విజయమే నిదర్శనం.  
 

🏉STOP THE PRESS Indian U20 Women's Sevens Team scored 2 beautiful tries against the mighty New Zealand 📹 Rugby India https://t.co/xgYvJ2AF61

— SPORTS ARENA🇮🇳 (@SportsArena1234) October 27, 2026

Whaaaaaaat? I’m worried someone will pinch me and say this was an April Fool’s prank. Except it isn’t April.. Wow.

— anand mahindra (@anandmahindra) October 30, 2026