ముంబై: మహారాష్ట్ర రాజకీయాల్లో మరో కీలక పరిణామం చోటుచేసుకోబోతోందా? నేషనలిస్ట్ కాంగ్రెస్ పార్టీ (NCP), శరద్ పవార్ నేతృత్వంలోని ఎన్సీపీ (SP) వర్గాల విలీనంపై మళ్లీ చర్చ మొదలైంది. రెండు వర్గాల మధ్య విలీన ప్రక్రియ తుది దశకు చేరినట్లు కనిపిస్తోందని మహారాష్ట్ర మంత్రి, శివసేన నాయకుడు సంజయ్ షిర్సాత్  నవంబర్ 8న  సంచలన వ్యాఖ్యలు చేశారు. త్వరలోనే పలువురు నేతల పాత్రలు, బాధ్యతలు స్పష్టమవుతాయని అన్నారు.

దీపావళి సందర్భంగా మీడియాతో మాట్లాడిన ఆయన.. రాష్ట్ర రాజకీయాల్లో కొన్ని కీలక పరిణామాలు చోటుచేసుకుంటాయని గతంలోనే చెప్పానని, ప్రస్తుతం అవి జరుగుతున్నాయని అన్నారు. అయితే ఏ పార్టీ ఏ పార్టీలో విలీనమవుతుందో చూడాల్సి ఉందని వ్యాఖ్యానించారు.

వరుస భేటీలతో పెరిగిన రాజకీయ వేడి

ఇటీవల ఎన్సీపీ సీనియర్ నేత ప్రఫుల్ పటేల్, శరద్ పవార్‌ను ముంబైలోని ఆసుపత్రిలో కలవడం రాజకీయంగా ప్రాధాన్యత సంతరించుకుంది. అనంతరం నవంబర్ 7న దక్షిణ ముంబైలోని శరద్ పవార్ నివాసానికి దివంగత అజిత్ పవార్ కుమారుడు, ఎన్సీపీ నేత పార్థ్ పవార్ వెళ్లి ఆయన ఆరోగ్య పరిస్థితిని తెలుసుకున్నారు. ఈ వరుస భేటీలు రెండు వర్గాల విలీనంపై ఊహాగానాలకు మరింత బలం చేకూర్చాయి.

2023లో అజిత్ పవార్ తన వర్గం నేతలతో కలిసి బీజేపీ నేతృత్వంలోని ఎన్డీఏలో చేరడంతో ఎన్సీపీ రెండుగా చీలిపోయింది. అనంతరం అజిత్ పవార్ వర్గానికి అసలు పార్టీ పేరు, గుర్తు లభించగా, శరద్ పవార్ వర్గం ఎన్సీపీ (SP)గా కొనసాగుతోంది.

విలీనానికి అడ్డంకులు ఉన్నాయా?

ఎన్సీపీ రాష్ట్ర అధ్యక్షుడు సునీల్ తట్కరే గతంలో మాట్లాడుతూ.. అజిత్ పవార్ జీవించి ఉంటే ఈ ఏడాది ఫిబ్రవరిలోనే రెండు వర్గాల విలీనం జరిగి ఉండేదని వెల్లడించారు. మరోవైపు, ఎన్సీపీ సీనియర్ నేతలు అమిత్ షాతో భేటీ కావడం కూడా రాజకీయ చర్చలకు దారితీసింది.అయితే విలీనంపై భిన్నాభిప్రాయాలు కొనసాగుతున్నాయి. అక్టోబర్ 26న ఎన్సీపీ వర్గం విలీనం ఉండదని స్పష్టం చేయగా, శరద్ పవార్ కూడా సెప్టెంబర్‌లో తమ పార్టీ స్వతంత్రంగానే కొనసాగుతుందని ప్రకటించారు.ఈ నేపథ్యంలో షిర్సాత్ తాజా వ్యాఖ్యలు మహారాష్ట్ర రాజకీయాల్లో ఆసక్తిని పెంచాయి. రెండు ఎన్సీపీ వర్గాలు నిజంగానే కలుస్తాయా? లేక రాజకీయ సమీకరణాలు మరో మలుపు తిరుగుతాయా? అన్నది వేచి చూడాలి.

టెల్ అవీవ్: ఇరాన్‌తో తమ పోరాటం ఇంకా ముగియలేదని ఇజ్రాయెల్ రక్షణ మంత్రి ఇజ్రాయెల్ కాట్జ్ స్పష్టం చేశారు. అణ్వాయుధాల తయారీ ప్రయత్నాలను ఇరాన్ తిరిగి ప్రారంభించేందుకు ప్రయత్నిస్తోందని ఆరోపించారు. ఇరాన్‌కు మద్దతుగా యుద్ధంలోకి దిగితే హిజ్బుల్లా తీవ్ర పరిణామాలు ఎదుర్కోవాల్సి వస్తుందని హెచ్చరించారు.

ఆదివారం జరిగిన ఓ కార్యక్రమంలో కాట్జ్ మాట్లాడుతూ.. ఇరాన్ అణ్వాయుధాలను సంపాదించేందుకు ప్రయత్నాలను పునరుద్ధరిస్తోందని, ఇది ఇజ్రాయెల్ భద్రతకు తీవ్రమైన ముప్పు అని  తెలిపారు. అయితే, అణ్వాయుధాల తయారీ ఆరోపణలను ఇరాన్ ఖండిస్తోంది. ఇరాన్‌పై మరోసారి దాడులు చేసే అవకాశాలపై ఇజ్రాయెల్ ప్రధాని బెంజమిన్ నెతన్యాహు గత కొన్ని వారాలుగా హెచ్చరికలు చేస్తున్నారు. ఈ నేపథ్యంలో ఇరాన్‌పై కొత్త సైనిక చర్యలకు అమెరికా అధ్యక్షుడు డొనాల్డ్ ట్రంప్ మద్దతు ఉంటుందా లేదా అన్నది ఆసక్తికరంగా మారింది.

మరోవైపు, ఇరాన్‌కు సంఘీభావంగా హిజ్బుల్లా ఇజ్రాయెల్‌పై దాడులకు దిగితే తీవ్రంగా ప్రతిస్పందిస్తామని కాట్జ్ హెచ్చరించారు. గాజా, లెబనాన్, సిరియాలో ఏర్పాటు చేసిన భద్రతా మండలాల నుంచి వెనక్కి తగ్గే ప్రసక్తే లేదని స్పష్టం చేశారు.ఇజ్రాయెల్‌లో రాజకీయ పరిణామాలు కూడా యుద్ధంపై ప్రభావం చూపుతున్నాయి. నెతన్యాహు రాజకీయ ప్రయోజనాల కోసం యుద్ధ నిర్ణయాలు తీసుకోకూడదని ఆయన ప్రత్యర్థి గాడి ఐసెన్‌కోట్ హెచ్చరించినట్లు సమాచారం.

ఇదిలా ఉండగా, ఇరాన్‌తో ఉద్రిక్తతలు, హిజ్బుల్లా పాత్ర, అమెరికా వైఖరి నేపథ్యంలో పశ్చిమాసియాలో పరిస్థితులు మరోసారి చర్చనీయాంశంగా మారాయి. ఇజ్రాయెల్ తదుపరి సైనిక వ్యూహం ఎలా ఉండబోతోందన్న దానిపై అంతర్జాతీయంగా ఉత్కంఠ నెలకొంది.

నల్లగొండ: ఫేక్  డెత్ సర్టిఫికెట్ సృష్టించి ప్రభుత్వ ఉద్యోగం పొందిన వ్యవహారంలో పోలీసులు కీలక చర్యలు చేపట్టారు. ఈ మోసానికి పాల్పడిన ప్రభుత్వ ఉద్యోగితో పాటు సహకరించిన మృతుడి కుటుంబ సభ్యులు, బంధువులు, మున్సిపల్, వైద్య ఆరోగ్య శాఖలకు చెందిన అధికారులు, సిబ్బంది కలిపి మొత్తం 14 మందిని అరెస్ట్ చేశారు. నిందితుల నుంచి రూ.5 లక్షల నగదును స్వాధీనం చేసుకున్నారు.

పోలీసుల విచారణలో వెల్లడైన వివరాల ప్రకారం.. వెంకటేశ్వర్లు ప్రభుత్వ ఉద్యోగంలో ఉండగానే మరణించినట్లు తప్పుడు రికార్డులు సృష్టించి, ఆయన కుమారుడు చామకూరి రాజుకు కారుణ్య నియామకం కల్పించినట్లు గుర్తించారు. ఈ వ్యవహారంలో మృతుడి కుటుంబ సభ్యులు, బంధువులు, వైద్య ఆరోగ్య శాఖ ఉద్యోగులు కలిసి కుట్ర పన్నినట్లు పోలీసులు నిర్ధారించారు.PHC శాలిగౌరారం సీనియర్ అసిస్టెంట్ కంచర్ల జగన్నాధ రెడ్డి, బంధువులు చామకూరి రాజశేఖర్ (మీ సేవా AO), చామకూరి రవీందర్ (హెల్త్ అసిస్టెంట్, PHC కేతేపల్లి), రాచకొండ వెంకటేశ్వర్లు అలియాస్ వెంకట్ గౌడ్, మృతుడి భార్య వసంత, కుమారుడు రాజు కలిసి ఈ పథకానికి  ప్లాన్  చేసినట్లు విచారణలో వెల్లడైంది.

ఈ క్రమంలో నల్లగొండ DMHO కార్యాలయంలో CCగా పనిచేస్తున్న పోలె రంజిత్ కుమార్‌ను సంప్రదించి, మృతుడి భార్య వసంతతో రూ.13 లక్షలకు ఒప్పందం కుదుర్చుకున్నట్లు పోలీసులు గుర్తించారు.మున్సిపల్ వార్డు ఆఫీసర్ శివ జనార్ధన్, శానిటరీ ఇన్‌స్పెక్టర్ ప్రదీప్ రెడ్డి, మీ సేవా AO రాజశేఖర్, మీ సేవా కేంద్ర నిర్వాహకుడు చందు  కుమ్మక్కై నిబంధనలకు విరుద్ధంగా నకిలీ మరణ ధ్రువీకరణ పత్రాన్ని సృష్టించినట్లు విచారణలో తేలింది.

అలాగే శాలిగౌరారం PHC మెడికల్ ఆఫీసర్ డాక్టర్ ఆకుల కృష్ణ సూర్య శిల్ప తన సంతకంతో సంబంధిత దరఖాస్తు ఫైలును DMHO కార్యాలయానికి పంపినట్లు పోలీసులు గుర్తించారు.DMHO కార్యాలయానికి చెందిన సీనియర్ అసిస్టెంట్ గింకల రాకేష్, జూనియర్ అసిస్టెంట్ తుంగతుర్తి మోహన్ కృష్ణ, అడ్మినిస్ట్రేటివ్ ఆఫీసర్ మహబూబ్ అలీ, ఆఫీస్ సూపరింటెండెంట్ జితేందర్ రెడ్డి, CC పోలె రంజిత్ కుమార్, PHC శాలిగౌరారం సీనియర్ అసిస్టెంట్ జగన్నాధ రెడ్డి మృతుడి కుటుంబ సభ్యులతో కుమ్మక్కై DMHOకు తప్పుడు నివేదిక సమర్పించినట్లు దర్యాప్తులో వెల్లడైంది.ఈ నకిలీ పత్రాల ఆధారంగా చామకూరి రాజుకు దామరచర్ల ప్రాథమిక ఆరోగ్య కేంద్రంలో కారుణ్య నియామకం కింద ప్రభుత్వ ఉద్యోగం కల్పించినట్లు పోలీసులు గుర్తించారు.

నల్లగొండ మున్సిపల్ కమిషనర్ వంశీకృష్ణ ఇచ్చిన ఫిర్యాదు మేరకు నల్లగొండ వన్‌టౌన్ పోలీస్ స్టేషన్‌లో Cr.No.299/2026గా కేసు నమోదు చేశారు. నిందితులపై భారతీయ న్యాయ సంహిత (BNS)లోని 318(4), 336(3), 338, 340(2), 61(2), 212(a), 236, 237 సెక్షన్లతో పాటు ఐటీ చట్టం, ఆధార్ చట్టంలోని సంబంధిత సెక్షన్ల కింద కేసులు నమోదు చేసినట్లు పోలీసులు తెలిపారు.

అండర్-19 ఆసియా కప్ 2026లో చిరకాల ప్రత్యర్థులు భారత్, పాకిస్థాన్ మధ్య జరిగిన హైఓల్టేజ్ పోరులో టీమిండియాకు నిరాశ ఎదురైంది. ఉత్కంఠగా సాగిన గ్రూప్-ఏ మ్యాచ్‌లో పాకిస్థాన్ 3 వికెట్ల తేడాతో భారత్‌పై విజయం సాధించింది. భారత్  నిర్దేశించిన 209 పరుగుల లక్ష్యాన్ని పాక్ 48.1 ఓవర్లలో 7 వికెట్లు కోల్పోయి ఛేదించింది. పాకిస్థాన్ వికెట్ కీపర్ బ్యాటర్ హంజా జహూర్ అజేయ సెంచరీతో జట్టు విజయంలో కీలక పాత్ర పోషించాడు. 

61 పరుగులకే 5 వికెట్లు.. అయినా పాక్ అద్భుత పోరాటం

209 పరుగుల లక్ష్యంతో బరిలోకి దిగిన పాకిస్థాన్‌కు భారత బౌలర్లు ఆరంభంలోనే షాకిచ్చారు. ఒక దశలో పాక్ జట్టు 61 పరుగులకే 5 వికెట్లు కోల్పోయి ఓటమి అంచున నిలిచింది. అయితే ఈ దశలో హంజా జహూర్, హస్నైన్ అబ్బాస్ దార్ కీలక భాగస్వామ్యంతో జట్టును ఆదుకున్నారు.

అర్జున్ రాజ్‌పుత్ ఒంటరి పోరాటం

 టాస్ గెలిచి తొలుత బ్యాటింగ్ ఎంచుకున్న భారత్‌కు ఆరంభం ఏమాత్రం కలిసిరాలేదు. పాకిస్థాన్ బౌలర్లు కట్టుదిట్టంగా బౌలింగ్ చేయడంతో భారత టాప్ ఆర్డర్ కుప్పకూలింది. కెప్టెన్ లక్ష్య రాజేశ్ రైచందాని డకౌట్ కాగా, వికెట్లు వరుసగా పడిపోయాయి. ఒక దశలో భారత్ 42 పరుగులకే 4 వికెట్లు కోల్పోయి కష్టాల్లో పడింది.ఈ సమయంలో అర్జున్ రాజ్‌పుత్ అద్భుతంగా బ్యాటింగ్ చేశాడు. పాకిస్థాన్ బౌలర్లపై ఎదురుదాడికి దిగి పరుగుల వరద పారించాడు. 85 బంతుల్లో 107 పరుగులు చేశాడు. అతడి ఇన్నింగ్స్‌లో 11 ఫోర్లు, 5 సిక్సర్లు ఉన్నాయి. 

ఆర్యవీర్ సెహ్వాగ్ 22, కావ్య పటేల్ 23 పరుగులతో కొంత సహకారం అందించారు.అయితే అర్జున్ రాజ్‌పుత్ అవుటైన తర్వాత భారత ఇన్నింగ్స్ ఎక్కువసేపు నిలవలేదు. దీంతో టీమిండియా 46.3 ఓవర్లలో 208 పరుగులకు ఆలౌట్ అయింది. పాకిస్థాన్ బౌలర్లు సమష్టిగా రాణించారు. అలీ రజా 3 వికెట్లు పడగొట్టగా, రిజ్వానుల్లా 3 వికెట్లు, నిఖాబ్ షఫీక్ 3 వికెట్లు సాధించారు. ముఖ్యంగా కీలక సమయాల్లో వికెట్లు తీస్తూ భారత్ భారీ స్కోరు చేయకుండా అడ్డుకున్నారు. 

హంజా జహూర్ అజేయ సెంచరీ.. 

209 పరుగుల లక్ష్యంతో బరిలోకి దిగిన పాకిస్థాన్‌కు ఆరంభంలోనే ఎదురుదెబ్బలు తగిలాయి. భారత బౌలర్ మనల్ చౌహాన్ అద్భుతంగా బౌలింగ్ చేస్తూ కీలక వికెట్లు పడగొట్టాడు. ఒక దశలో పాకిస్థాన్ 61 పరుగులకే 5 వికెట్లు కోల్పోయింది.అయితే ఈ క్లిష్ట పరిస్థితుల్లో హంజా జహూర్ అద్భుత పోరాటం చేశాడు. 

మరోవైపు హస్నైన్ అబ్బాస్ దార్‌తో కలిసి కీలక భాగస్వామ్యం నెలకొల్పాడు. వికెట్లు పడుతున్నా ఒత్తిడికి లోనుకాకుండా హంజా తన బ్యాటింగ్‌తో పాక్ ఇన్నింగ్స్‌ను ముందుకు నడిపించాడు.చివరకు హంజా జహూర్ 108 బంతుల్లో 100 పరుగులు చేసి అజేయంగా నిలిచాడు. అతడి అద్భుత సెంచరీతో పాకిస్థాన్ 48.1 ఓవర్లలో 7 వికెట్లు కోల్పోయి 209 పరుగులు చేసింది. దీంతో మూడు వికెట్ల తేడాతో విజయం సాధించింది. ఈ మ్యాచ్‌లో హంజా జహూర్‌కు ప్లేయర్ ఆఫ్ ద మ్యాచ్ అవార్డు దక్కింది. 
 

హైదరాబాద్ పాతబస్తీలో దీపావళి పండుగ వేడుకలు ఘనంగా జరుగుతున్నాయి. చార్మినార్ సమీపంలోని శ్రీ భాగ్యలక్ష్మి అమ్మవారి ఆలయం భక్తులతో కిటకిటలాడుతోంది. దీపావళి సందర్భంగా అమ్మవారిని దర్శించుకునేందుకు భక్తులు పెద్ద సంఖ్యలో తరలివస్తున్నారు. అమ్మవారి దర్శనం కోసం భక్తులు బారులు తీరారు.

అమ్మవారికి ప్రత్యేక పూజలు.. మహా హారతి

దీపావళి పర్వదినాన్ని పురస్కరించుకుని ఆలయంలో అమ్మవారికి ప్రత్యేక పూజలు నిర్వహించారు. రాత్రి 7 గంటలకు మహాహారతి కార్యక్రమం నిర్వహించనున్నారు. ఈ సందర్భంగా ఆలయానికి భక్తుల రాక పెరిగింది. హైదరాబాద్‌తో పాటు సుదూర ప్రాంతాల నుంచి కూడా భక్తులు అమ్మవారి దర్శనం కోసం తరలివచ్చారు.

అమ్మవారి ఖజానా నాణేల పంపిణీ

దీపావళి సందర్భంగా ఆలయంలో నిర్వహించే ఖజానా నాణేల పంపిణీ కోసం భక్తులు ఆసక్తిగా ఎదురుచూస్తున్నారు. రాత్రి 7 గంటలకు మహాహారతి అనంతరం ఖజానా పంపిణీ కార్యక్రమం ప్రారంభం కానుంది. వెండి కానుకలతో ప్రత్యేకంగా తయారు చేసిన అమ్మవారి నాణేలను భక్తులకు ప్రసాదంగా అందిస్తున్నారు.ఈ నాణేలను అమ్మవారి ఆశీస్సులుగా భావించి భక్తులు స్వీకరిస్తున్నారు. ఖజానా నాణేల పంపిణీతో ఆలయ పరిసరాల్లో పండుగ వాతావరణం నెలకొంది.

భక్తుల కోసం ప్రత్యేక ఏర్పాట్లు

భక్తుల రద్దీని దృష్టిలో ఉంచుకుని ఆలయ నిర్వాహకులు నాలుగు ప్రత్యేక క్యూ లైన్లను ఏర్పాటు చేశారు. భక్తులకు ఎలాంటి ఇబ్బందులు కలగకుండా ఏర్పాట్లు చేశారు. మరోవైపు చార్మినార్ పరిసరాల్లో పోలీసులు భారీ బందోబస్తు నిర్వహిస్తున్నారు.

హైదరాబాద్‌ మైలార్ దేవ్ పల్లిలోని  కాటేదాన్ పారిశ్రామిక వాడలో భారీ అగ్నిప్రమాదం  జరిగింది .ఓ ప్లాస్టిక్ గోదాంలో ఒక్కసారిగా మంటలు చెలరేగాయి. క్రమంగా మంటలు పక్కనే ఉన్న ఫ్లైవుడ్ దుకాణాలకు వ్యాపించడంతో స్థానికులు ఆందోళనకు గురయ్యారు. 

ప్లాస్టిక్ గోదాంలో మంటలు చెలరేగడంతో భారీగా పొగ పరిసర ప్రాంతాలకు వ్యాపించింది. సమాచారం అందుకున్న అగ్నిమాపక సిబ్బంది వెంటనే ఘటనా స్థలానికి చేరుకున్నారు. మూడు ఫైరింజన్లతో మంటలను అదుపు చేసేందుకు ప్రయత్నిస్తున్నారు.

సమాచారం అందుకున్న మైలార్‌దేవ్‌పల్లి పోలీసులు కూడా ఘటనా స్థలానికి చేరుకున్నారు. ఘటనపై కేసు నమోదు చేసి దర్యాప్తు చేపట్టారు. అసలు అగ్నిప్రమాదానికి కారణాలేంటి? షార్ట్ సర్క్యూట్ వల్ల మంటలు చెలరేగాయా? లేక మరేదైనా కారణమా? అనే కోణంలో పోలీసులు విచారణ జరుపుతున్నారు. ప్రమాదంలో జరిగిన ఆస్తి నష్టానికి సంబంధించిన పూర్తి వివరాలు తెలియాల్సి ఉంది.

సీఎం రేవంత్ రెడ్డి కొడంగల్ మండలంలోని పర్సాపూర్ గ్రామంలో పర్యటించారు. ఈ సందర్భంగా ప్రభుత్వం ప్రతిష్టాత్మకంగా అమలు చేస్తున్న ఇందిరమ్మ ఇళ్ల పథకంలో భాగంగా నిర్మించిన ఇంటిని సీఎం ప్రారంభించారు.

పర్సాపూర్ గ్రామానికి చెందిన ఇందిరమ్మ ఇంటి లబ్ధిదారులు గోరిపల్లి సుమిత్ర, శ్రీనివాస్ దంపతుల నూతన గృహాన్ని సీఎం రేవంత్ రెడ్డి ప్రారంభించారు. ఈ సందర్భంగా వారికి నూతన వస్త్రాలను బహూకరించి శుభాకాంక్షలు తెలిపారు. ఇంటి ప్రారంభోత్సవం తర్వాత సీఎం రేవంత్ రెడ్డి లబ్ధిదారుల కుటుంబంతో కలిసి వారి ఇంట్లోనే భోజనం చేశారు. ప్రభుత్వం అందిస్తున్న సన్నబియ్యంతో తయారుచేసిన భోజనం తిన్నారు.

సీఎంతో పాటు స్పీకర్ గడ్డం ప్రసాద్ కుమార్, మంత్రులు సీతక్క, జూపల్లి కృష్ణారావు, దామోదర రాజనర్సింహ, ఎంపీ వేం నరేందర్ రెడ్డి, పలువురు ఎమ్మెల్యేలు కూడా లబ్ధిదారుల ఇంట్లోనే భోజనం చేశారు. అనంతరం అక్కడున్న పిల్లతో కలిసి దీపావళి వేడుకల్లో పాల్గొన్నారు.  ఇందిరమ్మ ఇంటి ప్రారంభోత్సవం సందర్భంగా గ్రామంలో సందడి నెలకొంది. సీఎం రేవంత్ తమ ఇంటికి వచ్చి గృహప్రవేశ కార్యక్రమంలో పాల్గొనడంతో లబ్ధిదారుల కుటుంబం ఆనందం వ్యక్తం చేసింది.

నూతన సంవత్సరం సంవత్ 2083ను పురస్కరించుకుని నిర్వహించిన ప్రత్యేక ముహూరత్ ట్రేడింగ్‌లో దేశీయ స్టాక్ మార్కెట్లు స్వల్ప నష్టాలను నమోదు చేశాయి. దీపావళి ప్రత్యేక ట్రేడింగ్ సెషన్‌లో బీఎస్ఈ సెన్సెక్స్ తొలుత భారీ లాభాలతో ప్రారంభమైంది.

ఒక దశలో 400 పాయింట్లకు పైగా పెరిగి 81,406 స్థాయికి చేరుకుంది. అయితే ఆ తర్వాత లాభాలు ఆవిరయ్యాయి. చివరకు 28.62 పాయింట్లు నష్టపోయి 80,999.40 వద్ద స్థిరపడింది.మరోవైపు ఎన్ఎస్ఈ నిఫ్టీ కూడా ప్రారంభంలో 79.15 పాయింట్లు పెరిగి 25,109.40 స్థాయికి చేరుకుంది. కానీ చివరకు 43.95 పాయింట్లు నష్టపోయి 24,986.40 వద్ద ముగిసింది.దీంతో ముహూరత్ ట్రేడింగ్‌లో వరుసగా తొమ్మిదేళ్ల పాటు కొనసాగిన మార్కెట్ల విజయ పరంపరకు బ్రేక్ పడింది.

లాభపడిన షేర్లు ఇవే..

సెన్సెక్స్‌లోని 30 కంపెనీల షేర్లలో సన్ ఫార్మా అత్యధికంగా 2.96 శాతం లాభపడింది. ఆ తర్వాత టాటా స్టీల్, మారుతీ, పవర్ గ్రిడ్, అదానీ పోర్ట్స్, బీఈఎల్, అల్ట్రాటెక్ సిమెంట్, ఎటర్నల్, రిలయన్స్, హెచ్‌సీఎల్ టెక్, హిందుస్థాన్ యూనిలీవర్, టెక్ మహీంద్రా, ఎన్టీపీసీ, ఐటీసీ, టైటాన్, కోటక్ బ్యాంక్ షేర్లు లాభాల్లో ముగిశాయి.

నష్టపోయిన స్టాక్స్ ఇవే..

మహీంద్రా అండ్ మహీంద్రా (M&M) షేరు అత్యధికంగా 0.92 శాతం నష్టపోయింది. ఇండిగో, ట్రెంట్, ఇన్ఫోసిస్, భారతి ఎయిర్‌టెల్, యాక్సిస్ బ్యాంక్, బజాజ్ ఫిన్‌సర్వ్, హెచ్‌డీఎఫ్‌సీ బ్యాంక్, ఎల్‌అండ్‌టీ, ఏషియన్ పెయింట్స్, ఐసీఐసీఐ బ్యాంక్, ఎస్‌బీఐ, టీసీఎస్, బజాజ్ ఫైనాన్స్ షేర్లు కూడా నష్టాల్లో ముగిశాయి.

ముహూరత్ ట్రేడింగ్ ప్రత్యేకత ఏమిటి?

దీపావళి సందర్భంగా స్టాక్ ఎక్స్ఛేంజీలు నిర్వహించే ప్రత్యేక ట్రేడింగ్ సెషన్‌ను ముహూరత్ ట్రేడింగ్ అంటారు. హిందూ సంప్రదాయం ప్రకారం దీపావళి కొత్త ఆర్థిక సంవత్సరానికి ప్రారంభ సూచికగా భావిస్తారు. ఈ శుభ ముహూర్తంలో ట్రేడింగ్ చేయడం వల్ల సంపద, ఆర్థికాభివృద్ధి కలుగుతాయని చాలామంది ఇన్వెస్టర్లు విశ్వసిస్తారు.  సాధారణ రోజుల్లో ఉదయం 9:15 నుంచి మధ్యాహ్నం 3:30 గంటల వరకు మార్కెట్లు పనిచేస్తాయి. కానీ ముహూరత్ ట్రేడింగ్ మాత్రం పరిమిత సమయం పాటు మాత్రమే నిర్వహిస్తారు. తక్కువ సమయంలో ఎక్కువ ట్రేడింగ్ జరగడం వల్ల మార్కెట్లలో ఒడిదొడుకులు ఉండే అవకాశం ఉందని విశ్లేషకులు ముందుగానే హెచ్చరించారు.

యూపీలో మళ్లీ అధికారమే లక్ష్యం.. 80-20 ఫార్ములాతో యోగి ఆదిత్యనాథ్ సంచలన వ్యాఖ్యలు!

ఉత్తరప్రదేశ్ రాజకీయాల్లో అప్పుడే ఎన్నికల వేడి మొదలైంది. 2027 అసెంబ్లీ ఎన్నికలకు సమయం దగ్గరపడుతుండటంతో ప్రధాన పార్టీల మధ్య రాజకీయ సమీకరణాలు వేగంగా మారుతున్నాయి. ఈ నేపథ్యంలో  సీఎం యోగి ఆదిత్యనాథ్ కీలక వ్యాఖ్యలు చేశారు. రాబోయే ఎన్నికల్లో బీజేపీ నేతృత్వంలోని ఎన్డీఏ కూటమి 80 శాతం ఓట్లు, 80 శాతం అసెంబ్లీ స్థానాలు గెలుచుకుంటుందని ధీమా వ్యక్తం చేశారు.

ఓ ఇంటర్వ్యూలో యోగి ఆదిత్యనాథ్ తన 80-20 ఫార్ములాను మరోసారి ప్రస్తావించారు. బీజేపీ, దాని మిత్రపక్షాలకు 80 శాతం ఓట్లు వస్తాయని, మిగిలిన 20 శాతం ఓట్లు ప్రతిపక్షాలకు వెళ్తాయని అన్నారు.

అంతేకాదు, ఇదే సమీకరణ సీట్ల విషయంలోనూ కనిపిస్తుందని వ్యాఖ్యానించారు. బీజేపీ 350 సీట్ల మార్కును దాటుతుందా? అని ప్రశ్నించగా, ఎన్డీఏ కూటమి కనీసం 80 శాతం అసెంబ్లీ స్థానాలను గెలుచుకుంటుందని చెప్పారు. అయితే కచ్చితంగా ఎన్ని సీట్లు వస్తాయనే సంఖ్యను వెల్లడించలేదు.

403 స్థానాల్లో 322 సీట్లు సాధ్యమేనా?

ఉత్తరప్రదేశ్ అసెంబ్లీలో మొత్తం 403 స్థానాలు ఉన్నాయి. యోగి చెప్పిన 80 శాతం సీట్ల లెక్కను పరిశీలిస్తే ఎన్డీఏ కూటమి సుమారు 322 స్థానాలను గెలుచుకోవాల్సి ఉంటుంది. మిగిలిన 81 స్థానాలు ప్రతిపక్షాలకు దక్కే అవకాశం ఉంటుంది. అయితే ఇవి యోగి వ్యాఖ్యల ఆధారంగా వేసిన గణాంకాలే తప్ప, ఎన్నికల సర్వే ఫలితాలు కావు.

2017లో భారీ విజయం.. 2022లో తగ్గిన బలం

గత రెండు అసెంబ్లీ ఎన్నికల ఫలితాలను పరిశీలిస్తే బీజేపీ ప్రస్థానంలో ఆసక్తికరమైన మార్పులు కనిపిస్తాయి. 2017 అసెంబ్లీ ఎన్నికల్లో బీజేపీ నేతృత్వంలోని ఎన్డీఏ కూటమి ఏకంగా 325 స్థానాలను గెలుచుకుంది. ఇందులో బీజేపీ ఒక్కటే 312 స్థానాలను కైవసం చేసుకుంది.అయితే 2022 ఎన్నికల్లో కూటమి బలం తగ్గింది. ఎన్డీఏ 273 స్థానాలకే పరిమితమైంది. ఇందులో బీజేపీ 255 స్థానాలను గెలుచుకుంది.

2022 అసెంబ్లీ ఎన్నికలకు ముందు కూడా యోగి ఆదిత్యనాథ్ 80-20 ఫార్ములాను తెరపైకి తీసుకొచ్చారు. జాతీయవాదం, సుపరిపాలన, అభివృద్ధిని విశ్వసించే 80 శాతం మంది ఓటర్లు బీజేపీకి మద్దతుగా నిలుస్తారని అప్పట్లో వ్యాఖ్యానించారు.ఇప్పుడు మరోసారి అదే ఫార్ములాను ప్రస్తావిస్తూ రాబోయే ఎన్నికల్లోనూ ఎన్డీఏ విజయం సాధిస్తుందని ధీమా వ్యక్తం చేశారు.

మొత్తానికి 2027 ఉత్తరప్రదేశ్ అసెంబ్లీ ఎన్నికలకు ముందే యోగి ఆదిత్యనాథ్ చేసిన ఈ వ్యాఖ్యలు రాష్ట్ర రాజకీయాల్లో చర్చనీయాంశంగా మారాయి. అయితే ఆయన అంచనాలు ఎన్నికల్లో ఎంతవరకు నిజమవుతాయో తెలియాలంటే మరికొంత కాలం వేచి చూడాల్సిందే.

బాలీవుడ్ స్టార్ హీరో రణబీర్ కపూర్ నటించిన భారీ బడ్జెట్ చిత్రం రామాయణం: మొదటి భాగం బాక్సాఫీస్ వద్ద దూసుకుపోతోంది. రెండో రోజు వసూళ్లలో స్వల్ప తగ్గుదల కనిపించినప్పటికీ మూడో రోజు మాత్రం ఈ సినిమా భారీగా పుంజుకుంది. నవంబర్ 7న  దేశీయ బాక్సాఫీస్ వద్ద ఏకంగా రూ.69.80 కోట్ల నెట్ వసూళ్లు సాధించింది. దీంతో మూడు రోజుల్లోనే ఈ సినిమా ప్రపంచవ్యాప్తంగా రూ.375.50 కోట్ల గ్రాస్ కలెక్షన్లను రాబట్టినట్లు ట్రేడ్ వర్గాల సమాచారం.

మూడో రోజు భారీ వసూళ్లు

తొలిరోజు రూ.64.85 కోట్ల నెట్ వసూళ్లతో అదిరిపోయే ఆరంభాన్ని అందుకున్న రామాయణం, రెండో రోజు రూ.48.05 కోట్లకు పరిమితమైంది. అయితే శనివారం నాడు వసూళ్లు ఒక్కసారిగా పుంజుకున్నాయి. శనివారం ఈ చిత్రం ఇండియాలో రూ.83.45 కోట్ల గ్రాస్ వసూళ్లు సాధించింది. దీంతో మూడు రోజుల్లో దేశీయంగా రూ.218.25 కోట్ల గ్రాస్, రూ.182.70 కోట్ల నెట్ వసూళ్లను నమోదు చేసింది.

ఓవర్సీస్ మార్కెట్‌లోనూ సత్తా

దేశీయ మార్కెట్‌తో పాటు విదేశాల్లోనూ రామాయణం మంచి వసూళ్లను రాబడుతోంది. మూడో రోజు ఓవర్సీస్‌లో సుమారు రూ.60 కోట్ల గ్రాస్ కలెక్షన్లు సాధించింది. దీంతో మొత్తం విదేశీ వసూళ్లు రూ.157.25 కోట్లకు చేరుకున్నాయి.ఇండియా, ఓవర్సీస్ కలిపి మూడు రోజుల్లో ప్రపంచవ్యాప్తంగా రూ.375.50 కోట్ల గ్రాస్ వసూళ్లు సాధించింది. దీంతో తొలి వారాంతంలోనే రూ.350 కోట్ల మైలురాయిని దాటింది.

భాషల వారీగా మూడో రోజు వసూళ్లు

• హిందీ: రూ.53 కోట్లు
• కన్నడ: రూ.6.30 కోట్లు
• తెలుగు: రూ.6 కోట్లు
• తమిళం: రూ.2.50 కోట్లు
• మలయాళం: రూ.2 కోట్లు

ఐదు భాషల్లో కలిపి మూడో రోజు రూ.69.80 కోట్ల నెట్ వసూళ్లు సాధించింది. హిందీ వెర్షన్ మూడు రోజుల మొత్తం నెట్ కలెక్షన్లు రూ.136 కోట్లకు చేరుకున్నాయి.

థియేటర్లలో భారీ ఆక్యుపెన్సీ

శనివారం దేశవ్యాప్తంగా ఈ సినిమా 23,696 షోలలో ప్రదర్శితమైంది. మొత్తం ఆక్యుపెన్సీ 41.3 శాతంగా నమోదైంది. మూడో రోజు సుమారు 26.24 లక్షల మంది ప్రేక్షకులు సినిమాను వీక్షించినట్లు అంచనా. దీంతో మూడు రోజుల్లో మొత్తం ప్రేక్షకుల సంఖ్య దాదాపు 69.88 లక్షలకు చేరింది.

నితేష్ తివారీ దర్శకత్వంలో తెరకెక్కిన ఈ భారీ చిత్రాన్ని నమిత్ మల్హోత్రా నిర్మించారు. ప్రైమ్ ఫోకస్ స్టూడియోస్, డీఎన్ఈజీ, మాన్‌స్టర్ మైండ్ క్రియేషన్స్ సంయుక్తంగా ఈ చిత్రాన్ని నిర్మించాయి.ఈ సినిమాలో రణబీర్ కపూర్ శ్రీరాముడిగా, సాయి పల్లవి సీతగా, యష్ రావణుడిగా నటిస్తున్నారు. సన్నీ డియోల్ హనుమంతుడిగా, రవి దూబే లక్ష్మణుడిగా కనిపిస్తున్నారు. వీరితో పాటు శోభన, అరుణ్ గోవిల్, లారా దత్తా, కాజల్ అగర్వాల్, రకుల్ ప్రీత్ సింగ్, కునాల్ కపూర్, వివేక్ ఒబెరాయ్ తదితరులు కీలక పాత్రలు పోషించారు.

 సీఎం రేవంత్ రెడ్డికి పుట్టినరోజు సందర్భంగా దేశవ్యాప్తంగా పలువురు ప్రముఖులు శుభాకాంక్షలు తెలిపారు. ప్రధానమంత్రి నరేంద్ర మోదీ, లోక్‌సభ స్పీకర్ ఓం బిర్లా,  ఏపీ సీఎం సహా పలువురు రాజకీయ ప్రముఖులు ఆయనకు జన్మదిన శుభాకాంక్షలు తెలియజేశారు. కర్ణాటక సీఎం డీకే శివకుమార్ సైతం రేవంత్ రెడ్డికి శుభాకాంక్షలు తెలిపారు.

ఈ సందర్భంగా ప్రధాని నరేంద్ర మోదీ సోషల్ మీడియా వేదిక ఎక్స్‌లో ప్రత్యేక పోస్టు చేశారు. “తెలంగాణ సీఎం రేవంత్ రెడ్డికి పుట్టినరోజు శుభాకాంక్షలు. ఆయన ఆయురారోగ్యాలతో, నిండు నూరేళ్లు సంతోషంగా ఉండాలని దేవుడిని ప్రార్థిస్తున్నాను” అని తెలిపారు.  

అంతేకాకుండా, సీఎం రేవంత్ కు ప్రధాని మోదీ ప్రత్యేకంగా లేఖ కూడా రాశారు. ప్రస్తుతం దేశం అమృత్ కాలంలో ఉందని, వేగవంతమైన అభివృద్ధి, సమగ్రత దిశగా ముందుకు సాగుతోందని లేఖలో ప్రస్తావించారు.

ఈ కీలక సమయంలో తెలంగాణ రాష్ట్రంతో పాటు దేశాన్ని మరింత ఉన్నత శిఖరాలకు తీసుకెళ్లడంలో రేవంత్ రెడ్డి తనవంతు కృషిని కొనసాగిస్తారని ఆశిస్తున్నట్లు ప్రధాని మోదీ తన లేఖలో పేర్కొన్నారు. ప్రధాని ప్రత్యేక పోస్టుతో పాటు లేఖ ద్వారా కూడా శుభాకాంక్షలు తెలియజేయడం ఈ సందర్భంగా ప్రాధాన్యత సంతరించుకుంది.

మరో వైపు రేవంత్ రెడ్డి తన పుట్టినరోజును కుటుంబ సభ్యుల మధ్య ఆనందంగా జరుపుకున్నారు. కొడంగల్‌లోని తన నివాసంలో కుటుంబ సభ్యులతో కలిసి బర్త్ డే వేడుకల్లో పాల్గొన్నారు. ఈ సందర్భంగా కుటుంబ సభ్యులు సీఎం రేవంత్ రెడ్డికి పుట్టినరోజు శుభాకాంక్షలు తెలిపారు. కుటుంబ సభ్యుల సమక్షంలో కేక్ కట్ చేసి పుట్టినరోజు వేడుకను జరుపుకున్నారు. కుటుంబ సభ్యులతో కలిసి సంతోషంగా గడిపారు.

హైదరాబాద్: మహిళల ఉచిత బస్సు స్కీమ్‎పై సీఎం రేవంత్ రెడ్డి కీలక వ్యాఖ్యలు చేశారు. ఆదివారం (నవంబర్ 8) వికారాబాద్ జిల్లా కొడంగల్ నియోజకవర్గం హకీంపేటలో మెగా రైతు మేళా సమావేశ హాలులో మహిళా స్వయం సహాయక సంఘాల సభ్యులతో ముఖాముఖి కార్యక్రమంలో సీఎం రేవంత్ రెడ్డి పాల్గొన్నారు. ఈ సందర్భంగా ఆయన మాట్లాడుతూ.. మహిళలకు ఉచిత బస్సు పథకం పెడితే బీఆర్ఎస్ దుర్మార్గులు ఓర్వలేకపోయారని.. ఆటో డ్రైవర్లతో కలిసి ఆ పథకాన్ని రద్దు చేయించేందుకు కుట్ర చేశారని ఆరోపించారు. 

ఆటో వాళ్లతో కలిసి నాపై యుద్ధానికి వచ్చారని.. ఆడబిడ్డలతో పెట్టుకుంటే బుద్ధి చెప్తారని హెచ్చరించడంతో భయపడి వెనక్కి తగ్గారని అన్నారు. ఆటో డ్రైవర్లను ఇంకో విధంగా ఆదుకుంటాం తప్పితే.. ఉచిత బస్సు పథకాన్ని రద్దు చేసే ప్రసక్తే లేదని తేల్చిచెప్పారు. మహిళలకు ఫ్రీ బస్సు జర్నీ స్కీమ్ రద్దు చేయాలనే వారిని చీపుర్లతో కొట్టాలని ఘాటు వ్యాఖ్యలు చేశారు. మహిళా శక్తే మా ప్రభుత్వ శక్తి అని స్పష్టం చేశారు. 

ఆడబిడ్డలు నిండు మనసుతో తనను ఆశీర్వదించారని.. మహిళలు అండగా నిలిచారు కాబట్టే చిన్న వయస్సులోనే సీఎం అయ్యానని తెలిపారు. నాకు ఇంకా కోరికలు కానీ ఆశించే పదవులు కానీ ఏవీ లేవని.. కోటి మంది మహిళలను కోటీశ్వరులను చేస్తే నా జన్మ ధన్యం అయినట్టేనని పేర్కొన్నారు.  ప్రతి ప్రభుత్వ పథకంలో మహిళలను భాగస్వామ్యం చేస్తామని చెప్పారు. 

ఆడబిడ్డలకు భరోసా ఉండాలనే ఇందిరమ్మ ఇళ్లు కూడా మహిళ పేరిటే ఇచ్చామని చెప్పారు. మహిళలపై ఆర్థికభారం తగ్గించాలని ఉచితంగా సన్నబియ్యం, ఫ్రీ కరెంట్ ఇస్తున్నామన్నారు. బీఆర్ఎస్ ప్రభుత్వ హయాంలో  కేసీఆర్ ఐదేళ్లు ఒక్క మహిళకు కూడా మంత్రి పదవి ఇవ్వలేదని విమర్శించారు. ఆస్తి కోసం కేటీఆర్ సొంత చెల్లిని ఇంటి నుంచి గెంటేశారన్నారు. 

చెల్లె ఏదైనా తప్పు  చేసినా క్షమించి అక్కున చేర్చుకునే వాడే అన్నా.. కానీ కేటీఆర్ మాత్రం జైలు నుంచి ఇంటికి వచ్చిన చెల్లెను బయటకు గెంటేశాడని విమర్శించారు. కేటీఆర్‎ను సొంత  చెల్లె కూడా నమ్మడం లేదన్నారు. కుటుంబ సమస్యను చక్కదిద్దుకోలేని వాళ్లు రాష్ట్రానికి ఏం చేస్తారని ప్రశ్నించారు.  బీఆర్ఎస్ పదేళ్ల పాలనలో రాష్ట్రాన్ని కుక్కలు చింపిన విస్తరిలాగా చేశారని ఆగ్రహం వ్యక్తం చేశారు. పదేళ్లు వాళ్లు ఏం చేశారో.. మూడేళ్లలో మేం ఏం చేశామో ప్రజలే ఆలోచించాలని విజ్ఞప్తి చేశారు.

India vs Pakistan U19: ఒమన్ వేదికగా ఏసీసీ పురుషుల U19 ఆసియా కప్ 2026లో భారత్ వర్సెస్ పాకిస్తాన్ జట్ల మధ్య జరుగుతున్న ఉత్కంఠ పోరులో టీమిండియా ఇన్నింగ్స్ ముగిసింది. పాకిస్తాన్ బౌలర్ల ధాటికి టాప్ ఆర్డర్ దారుణంగా విఫలమైనప్పటికీ.. ఆల్‌రౌండర్ అర్జున్ రాజ్‌పుత్ (107) శతకంతో చెలరేగడంతో టీమిండియా U19 జట్టు 208 పరుగులకే ఆలౌట్ అయి, పాకిస్తాన్ ముందు 209 పరుగుల టార్గెట్‌ను నిర్దేశించింది.
  
చెదిరిన భారత టాప్ ఆర్డర్:

టాస్ గెలిచి ముందుగా బ్యాటింగ్‌కు దిగిన భారత అండర్ 19 జట్టును పాక్ బౌలర్లు మొదటి నుంచే కోలుకోలేని దెబ్బతీశారు. కెప్టెన్ లక్ష్య రాజేష్ రాయ్‌చందానీ (0) ఖాతా తెరవకుండానే అవుటయ్యాడు. ఆ తర్వాత వీకే నిష్ (8), యశ్ బర్ధన్ చౌహాన్ (1), అన్వయ్ ద్రావిడ్ (10) తక్కువ పరుగులకే పెవిలియన్ చేరడంతో టీమిండియా కష్టాల్లో పడింది. ఆర్యవీర్ సెహ్వాగ్ (22) మాత్రం కాసేపు దూకుడుగా ఆడే ప్రయత్నం చేశాడు. 

అర్జున్ రాజ్‌పుత్ వీరోచిత సెంచరీ: 

ఒకవైపు వికెట్లు పడుతున్నా అర్జున్ రాజ్‌పుత్ ఏమాత్రం భయపడకుండా పాక్ బౌలర్లపై విరుచుకుపడ్డాడు. కౌంటర్ ఎటాక్ బౌండరీలతో 107 పరుగులు సాధించి జట్టుకు గౌరవప్రదమైన స్కోరును అందించాడు. లోయర్ ఆర్డర్‌లో కావ్య పటేల్ (23) ఉపయోగకరమైన పరుగులు చేయడంతో ఇండియన్ టీమ్ స్కోరు 200 మార్కును దాటింది. మిగతా బ్యాటర్లలో మనల్ చౌహాన్ (11), యశ్వీర్ గౌడ్ (4), మోహిత్ ఉల్వా (7) విఫలమయ్యారు. 

పాక్ బౌలర్ల హవా (Bowling Highlights):

పాకిస్తాన్ బౌలర్లు క్రమశిక్షణతో బౌలింగ్ చేసి భారత బ్యాటింగ్ లైనప్‌ను ఆలౌట్ చేశారు. అలీ రజా, రిజ్వానుల్లా, నికాబ్ షఫీక్ తలో 3 వికెట్లతో భారత్ ఇన్నింగ్స్‌ను దెబ్బతీశారు. 209 పరుగుల లక్ష్యాన్ని ఛేదించేందుకు పాకిస్తాన్ బ్యాటింగ్‌కు దిగనుండగా.. డిఫెండింగ్ ఛాంపియన్‌ను భారత బౌలర్లు ఎంతవరకు నియంత్రిస్తారో చూడాల్సి ఉంది. 

పఠాన్ చేరు నియోజకవర్గం ఇంద్రేశం మున్సిపాలిటీలోని చిన్నకంజర్ల గ్రామంలో మా ఇందిరమ్మ ఇంట్లో దీపావళి కార్యక్రమంలో పాల్గొన్నారు మంత్రి వివేక్ వెంకటస్వామి. ఆదివారం ( నవంబర్ 8 ) జరిగిన ఈ కార్యక్రమంలో మాట్లాడుతూ కీలక వ్యాఖ్యలు చేశారు మంత్రి వివేక్ వెంకటస్వామి. కాంగ్రెస్ పార్టీ గెలిచినప్పుడే పేదల సంక్షేమ పథకాలు ప్రారంభమ్యాయ్యని అన్నారు. ఇందిరమ్మ వల్లే దేశంలో ఎన్నో సంక్షేమ పథకాలు వచ్చాయని అన్నారు మంత్రి వివేక్ వెంకటస్వామి.

గత ప్రభుత్వంలో డబుల్ బెడ్ రూమ్ ఇండ్ల పేరు చెప్పి మోసం చేశారని అన్నారు. కేసీఆర్ 8లక్షల కోట్ల అప్పు చేసాడని.. గతంలో బిల్లులు పెండింగు పెట్టాడు కాని మంచి పనులు చేయలేదని అన్నారు. సిఎం రేవంత్ రెడ్డి పేదలందరికి ఇండ్లు ఇవ్వాలని కంకణం కట్టుకున్నారుని.. ప్రపంచంలోనే ఎక్కడా 2 లక్షల ఇండ్లు కట్ట లేదని.. కేవలం  కాంగ్రెస్ ప్రభుత్వం మాత్రమే కట్టిందని అన్నారు. మరో 2 లక్షల ఇండ్లు సాంక్షన్ చేస్తామని హామీ ఇచ్చారు మంత్రి వివేక్ వెంకటస్వామి.

ఇందిరమ్మ ఇండ్ల లబ్ధిదారులు ఎంతో సంతోషం వ్యక్తం చేస్తున్నారని..అర్హులకు పెన్షన్ లు, సన్న బియ్యం ఇస్తున్నామని అన్నారు. 200 యూనిట్ల కరెంట్ ఫ్రీగా ఇస్తున్నామని.. బీద ప్రజలకు అండగా ఉంటున్నాయని అన్నారు. సీఎం రేవంత్ రెడ్డి అన్ని నియోజకవర్గాలలో స్కూల్ పిల్లలకు బ్రేక్ ఫాస్ట్ పథకం తెచ్చారని.. మంచి ఆరోగ్య కరమైన పౌష్టికాహారం ప్రభుత్వం పాఠశాలల పిల్లలకు పంపిస్తున్నామని అన్నారు మంత్రి వివేక్. దేశంలో ఎక్కడా ఇట్లా బ్రేక్ ఫాస్ట్ స్కీమ్ లేదని అన్నారు.

బీద విద్యార్థులు చదువుకోవడానికి అన్ని సౌకర్యాలు కల్పిస్తున్నామని.. రాజీవ్ ఆరోగ్య స్కీమ్ ద్వారా పది లక్షల వరకు వైద్యం అందిస్తున్నామని అన్నారు. పటాన్ చెరు లాంటి ప్రాంతాల్లో మంచి ఉద్యోగాలు కావాలంటే.. ఏ టి సి సెంటర్ ల  ద్వారా శిక్షణ ఇస్తున్నామని అన్నారు మంత్రి వివేక్.

రాష్ట్రంలో కాంగ్రెస్ ప్రభుత్వం పేదలకు అండగా ఉందని.. సిఎం పుట్టిన రోజు సందర్భంగా ఇందిరమ్మ ఇండ్లలో దీపావళి జరుపుకోవడం సంతోషం గా ఉందని.. లబ్ది దారుల ఇంట్లో భోజనం చేయండి సంతోషం గా ఉందని అన్నారు మంత్రి వివేక్.
 

India vs Pakistan: ఒమన్ వేదికగా జరుగుతున్న ఏసీసీ పురుషుల U19 ఆసియా కప్ 2026 గ్రూప్-ఎ మ్యాచ్‌లో భారత్ వర్సెస్ పాకిస్తాన్‌లు తలపడుతున్నాయి. టాస్ గెలిచి ఫస్ట్ బ్యాటింగ్ తీసుకున్న యంగ్ ఇండియా జట్టును పాకిస్తాన్ బౌలర్లు తీవ్ర కష్టాల్లోకి నెట్టారు. అయితే, ఒకవైపు వికెట్లు వరుసగా పడుతున్నా అర్జున్ రాజ్‌పుత్ (Arjun Rajput) దేవుడిలా అడ్డుపడి శతకంతో ఇన్నింగ్స్‌ను ఆదుకున్నాడు.   

పాక్ బౌలర్ల దాడి.. 44 పరుగులకే 4 వికెట్లు గాల్లో!

* డకౌట్ కెప్టెన్: కెప్టెన్ లక్ష్య రాజేష్ రాయ్‌చందానీ మ్యాచ్ రెండో బంతికే (0) పెవిలియన్ చేరి తీవ్రంగా నిరాశపరిచాడు.

* తడబడిన మిడిలాడర్: వికె నిష్ (8), యశ్ బర్ధన్ చౌహాన్ (1), ఆర్యవీర్ సెహ్వాగ్ (22), వికెట్ కీపర్ అన్వయ్ ద్రావిడ్ (10) వరుసగా పెవిలియన్ బాట పట్టడంతో భారత్ కేవలం 44 పరుగులకే 4 వికెట్లు కోల్పోయి పీకల్లోతు కష్టాల్లో పడింది. 

* పాక్ బౌలర్లు అలీ రజా, నిఖాబ్ షఫీక్, రిజ్వానుల్లా ప్రత్యర్థి బ్యాటర్లకు కనీసం కోలుకునే ఛాన్స్ ఇవ్వకుండా కట్టుదిట్టమైన లైన్ అండ్ లెంగ్త్‌తో ఎటాక్ చేశారు.  

అర్జున్ రాజ్‌పుత్ కౌంటర్ ఎటాక్ సెంచరీ: 

ఒత్తిడి సమయంలో క్రీజులోకి వచ్చిన అర్జున్ రాజ్‌పుత్ పాకిస్తాన్ బౌలర్లపై రివర్స్ ఎటాక్ చేశాడు. పాక్ స్పిన్నర్లు, పేసర్లను లక్ష్యంగా చేసుకుంటూ మైదానం నలుమూలలా విరుచుకుపడ్డాడు. కేవలం 80 బంతుల్లోనే 11 ఫోర్లు, 5 సిక్సర్లతో శతకాన్ని (85 బంతుల్లో 11 ఫోర్లు, 5 సిక్సులతో 107 పరుగులు) పూర్తి చేసుకుని భారత్‌కు నాకౌట్ రెస్క్యూ అందించాడు. అతనికి మనాల్ చౌహాన్ తోడుగా నిలిచి ఇన్నింగ్స్‌ను ముందుకు నడిపించారు.

భారత్ స్కోరు వివరాలు: 

అర్జున్ రాజ్‌పుత్ అద్భుతమైన ఇన్నింగ్స్ పుణ్యమా అని టీమిండియా U19 ప్రస్తుతం 39 ఓవర్లలో 183/8 స్కోరుతో పోరాడుతోంది. ప్రారంభంలో కనీసం 100 పరుగులు చేయడం కూడా కష్టమే అనుకున్న తరుణంలో అర్జున్ సెంచరీతో టీమిండియా ఇప్పుడు పాకిస్తాన్‌కు గౌరవప్రదమైన లక్ష్యాన్ని నిర్దేశించే దిశగా పయనిస్తోంది.

రాయ్‎పూర్: దేశంలోని ప్రతి జిల్లా నక్సలిజం రహితంగా మారిందని.. లక్షలాది మంది ప్రజలు మావోయిస్టు భయం నుంచి విముక్తి పొందారని ప్రధాని మోడీ తెలిపారు. ఒకప్పుడు నక్సలైట్ల ప్రాబల్యంతో అశాంతిగా ఉన్న బస్తర్ ప్రాంతం.. ఇవాళ భద్రతా బలగాల త్యాగాలు, అంకితభావం కారణంగా శాంతి, ప్రగతి పథంలో దూసుకుపోతోందని పేర్కొన్నారు. 

దశాబ్దాలుగా సాగుతున్న నక్సలిజం, మావోయిస్టు హింసపై దేశం ఒక గొప్ప మైలురాయిని సాధించిన తర్వాత వచ్చిన మొదటి చారిత్రాత్మక దీపావళి ఇదని అన్నారు. ఒకప్పుడు మావోయిస్టుల కంచుకోటగా ఉన్న బస్తర్‎లో భద్రతా దళాలతో కలిసి ప్రధాని మోడీ ఈ ఏడాది దీపావళి వేడుకలు జరుపుకున్నారు. 2014లో ప్రధానిగా బాధ్యతలు చేపట్టిన మోడీ ప్రతియేటా దీపావళి వేడుకలను దేశ రక్షణలో నిమగ్నమైన సైనికులతో కలిసి జరుపుకునే వారు. కానీ ఈ ఏడాది మావోయిస్టు కంచుకోట బస్తర్‎లో జవాన్లతో కలిసి దీపావళి వేడుకల్లో పాల్గొన్నారు. 

ఈ సందర్భంగా జవాన్లను ఉద్దేశించి ప్రధాని మోడీ మాట్లాడుతూ.. దేశ సరిహద్దు, దేశం లోపల శాంతిభద్రతలను కాపాడుతూ పహారా కాస్తున్న జవాన్లందరినీ తన కుటుంబ సభ్యులుగా అభివర్ణించారు. కోట్లాది మంది భారతీయులు తమ ఇండ్లలో కుటుంబాలతో కలిసి సంతోషంగా పండుగ జరుపుకుంటుండగా.. తను మాత్రం తన కుటుంబమైన భద్రతా దళాల మధ్యకు వచ్చి దీపావళి జరుపుకోవడం ఎంతో ఆనందంగా ఉందని పేర్కొన్నారు. బస్తర్ జవాన్ల త్యాగాలను, దేశ రక్షణలో వారి అమూల్యమైన సహకారాన్ని గౌరవిస్తూ వారి మధ్యకు రావడం గర్వంగా ఉందన్నారు.

హిందూ సంప్రదాయంలో పురాణాల ప్రకారం కార్తీకమాసం దీపారాధనకు చాలా ప్రాధాన్యత ఉంది. నిత్యం  ఉదయం, సాయంత్రం ఇంట్లో దీపం వెలిగించడం వల్ల శుభం కలుగుతుందని  పండితులు చెబుతున్నారు.  దీపారాధనకు ఉపయోగించే వత్తి... నూనె .. దీపం  వెలుగు కు ప్రత్యేకమైన ప్రాముఖ్యత ఉంది. దీపారాధనలో ఉపయోగించే నూనెను బట్టి  ప్రయోజనాలు వేర్వేరుగా ఉంటాయని పండితులు చెబుతున్నారు.  ఏ నూనె వాడితే ఎలాంటి ఫలితం కలుగుతుందో ఈ స్టోరీలో తెలుసుకుందాం. . .!

ఆవు నెయ్యి దీపారాధన:  ఆవు నెయ్యితో దీపం వెలిగించడం వల్ల ఇంట్లో సానుకూల వాతావరణం ఏర్పడుతుందని పండితులు చెబుతున్నారు. లక్ష్మీదేవి అనుగ్రహం కోసం శుక్రవారం, పౌర్ణమి రోజుల్లో తులసిమొక్క దగ్గర, దేవుడి మందిరంలో  ఆవు నెయ్యి దీపం వెలించాలి.  ఇలా చేయడం వలన మనసుకు ప్రశాంతత, ఏకాగ్రత కలుగుతుంది.

నువ్వుల నూనె:  హిందువులు చాలా మంది నిత్యం నువ్వుల నూనెతో దీపారాధన చేస్తారు.  శనివారం  నువ్వులనూనె దీపారాధానకు చాలావిశిష్టత ఉంది.  శని గ్రహ ప్రతికూల ప్రభావాలు తగ్గడం...కర్మ దోషాల నుంచి ఉపశమనం కలుగుతుంది.  ఇంట్లో ప్రతికూలత తొలగిపోవాలని కోరుకునేవారు నువ్వుల నూనెతో దీపం వెలిగిస్తారు.  అయితే పడమర దిశలో దీపం వెలిగించడం చాల విశేషమని చెబుతారు.

 ఆవ నూనె :  నార్త్​ లో ఎక్కువుగా ఆవ నూనెతో దీపారాధన చేస్తారు. హనుమంతుడు, కాలభైరవుడి ఆరాధనలో ఆవనూనెను ఉపయోగిస్తారు. ఈ నూనెతో దీపం వెలిగించడం వల్ల భయాలు, అడ్డంకులు తొలగి ధైర్యం, ఆత్మవిశ్వాసం పెరుగుతాయి. . దుష్టశక్తుల నుంచి రక్షణ లభిస్తుంది.

 కొబ్బరి నూనె:  వినాయకుడి దగ్గర దీపారాధనకు కొబ్బరినూనెను ఉపయోగిస్తారు.  బుధవారం రోజున గణేషుడి దగ్గర కొబ్బరి నూనెతో దీపారాధన చేయడం వలన కుటుంబంలో ప్రశాంతత, సుఖ సంతోషాలు కలుగుతాయి. 

 పంచదీపం నూనె:  ఐదు రకాల నూనెలు, నెయ్యి కలిపి దీపారాధనచేయడం వలన ప్రతికూల శక్తులు తొలగుతాయి.  ఆవు నెయ్యి, కొబ్బరినూనె, నువ్వుల నూనె, ఆముదం, వేపనూనె లేదా విప్పనూనె మిశ్రమాన్ని ఉపయోగించి దీపారాధన  చేస్తారు.  పండుగలు, ప్రత్యేక పూజలు, శుభకార్యాల సమయంలో  పంచ నూనెతో దీపం వెలిగించడం వల్ల ఇంట్లో సామరస్యం, శుభం కలుగుతాయి.

దీపారాధనకు పాటించాల్సిన నియమాలు

• దీపం వెలిగించేటప్పుడు శుభ్రమైన ప్రమిదను ఉపయోగించాలి.
• దీపారాధన ప్రమిద లేదా దీపారాధన కుందీలో ఒత్తి వెలిగేందుకు సరిగా అమర్చాలి.
• దీపారాధనను ప్రశాంతమైన మనసుతో దైవాన్ని స్మరిస్తూ దీపారాధన చేయాలి.
• ఏ నూనెతో దీపం వెలిగించినా భక్తి, శ్రద్ధ, స్వచ్ఛమైన మనసు ముఖ్యం

Disclaimer: పైన అందించిన సమాచారం కేవలం అవగాహన కోసం మాత్రమే. ఈ కథనాన్ని ఇంటర్నెట్ లో అందుబాటులో ఉన్న సమాచారంతో పండితుల సలహాలను  వినియోగించి రూపొందించబడింది. ఈ సమాచారాన్ని V6 వెలుగు యాజమాన్యం లేదా ఉద్యోగులు ధృవీకరించరు. మీకున్న  సమస్యలకు  నిపుణులను సంప్రదించటం ఉత్తమం.

గచ్చిబౌలి పోలీస్ స్టేషన్ పరిధిలో తీవ్ర విషాదం చోటు చేసుకుంది. ఒకే కుటుంబానికి చెందిన ముగ్గురు అనుమానాస్పద స్థితిలో ఆత్మహత్యకు పాల్పడ్డారు. ఆదివారం ( నవంబర్ 8 ) జరిగిన ఈ ఘటనకు సంబంధించి వివరాలిలా ఉన్నాయి.. గచ్చిబౌలి లోని గౌలిదొడ్డిలో ఉన్న జయభేరి అపార్ట్మెంట్ సీ బ్లాక్ లో ఫ్లాట్ నంబర్ 702లో చోటు చేసుకుంది ఈ ఘటన. ఈ ఫ్లాట్ లో గత ఏడాదిగా నివాసం ఉంటున్నారు బాతుల మారెడ్డి, ఆయన భార్య భారతి, కొడుకు నిశాంత్ రెడ్డి. ఈ ముగ్గురు ఇవాళ ఉదయం ఆత్మహత్యకు పాల్పడినట్లు గుర్తించారు స్థానికులు.

నిశాంత్ రెడ్డి సాఫ్ట్ వేర్ ఉద్యోగి అని సమాచారం. ఈ ఘటనపై సమాచారం అందుకున్న పోలీసులు ఘటనాస్థలానికి చేరుకొని పరిస్థితిని పరిశీలించారు. మృతదేహాలను పోస్టుమార్టం నిమిత్తం ఆసుపత్రికి తరలించారు. నిశాంత్ రెడ్డి ఫ్యామిలీ గత ఏడాదిగా ఈ ఫ్లాట్ లో ఉంటున్నారని.. అనారోగ్య కారణాలు లేదా కుటుంబ కలహాలే వీరి ఆత్మహత్యకు కారణమై ఉండచ్చని అంటున్నారు స్థానికులు.

ఈ ఘటనపై కేసు నమోదు చేసి దర్యాప్తు చేస్తున్నారు పోలీసులు. స్థానికులు చెబుతున్నట్లుగా అనారోగ్య కారణాలు, కుటుంబకలహాలే ఫ్యామిలీ ఆత్మహత్యకు కారణమా లేక మరేదైనా కారణం ఉందా అన్న కోణంలో దర్యాప్తు చేస్తున్నారు పోలీసులు.
 

Idupu Kayitham, Baraat Beat Song: సోషల్ మీడియా రీల్స్, ఫోక్ సాంగ్స్ తో కుర్రకారు గుండెల్లో చెరగని ముద్ర వేసుకున్న ఫోక్ సెన్సేషన్ నాగదుర్గ ఇప్పుడు వెండితెరపై హీరోయిన్‌గా అదరగొట్టడానికి సిద్ధమైంది. టాలెంట్ ఉంటే ఏ స్టేజ్ నుంచి అయినాసరే స్టార్‌డమ్ సాధించవచ్చు అనేదానికి ఈ అమ్మాయే పర్ఫెక్ట్ ఉదాహరణ. ఇప్పుడు హీరో ప్రియదర్శి సరసన కథానాయికగా ఆమె నటిస్తున్న మోస్ట్ ఎవైటెడ్ మూవీ 'ఇడుపు కాయితం'.

తెలంగాణ పల్లెటూరి వాతావరణం, సంస్కృతి, మట్టి వాసన వెదజల్లే కథతో వస్తున్న ఈ సినిమాపై ఇప్పటికే అభిమానుల్లో భారీ అంచనాలు నెలకొన్నాయి. తాజాగా ఈరోజు (2026, నవంబర్ 8, ఆదివారం) దీపావళి కానుకగా చిత్ర యూనిట్ విడుదల చేసిన ఒక మాస్ సాంగ్ ఇప్పుడు సోషల్ మీడియాను షేక్ చేస్తోంది. 

నాగదుర్గ తీన్మార్ డ్యాన్స్: 

ఇప్పటి వరకు మనం సోషల్ మీడియాలో నాగదుర్గ జానపద పాటలకు వేసిన డ్యాన్స్‌లే వేరు.. కానీ వెండితెరపై ఆమె చూపించిన ఎనర్జీ నెక్స్ట్ లెవెల్‌లో ఉంది. సాంప్రదాయ పట్టు చీర కట్టుకుని, తలపై తలపాగా చుట్టి అచ్చమైన కొత్త పెళ్లికూతురి గెటప్‌లో ఆమె అదరగొట్టేసింది. తెలంగాణలో పెళ్లైన తర్వాత జరిగే బరాత్ వేడుకలో హీరో ప్రియదర్శి ముందు ఆమె వేసిన మాస్ స్టెప్స్, ఇచ్చిన ఎక్స్‌ప్రెషన్స్ థియేటర్లలో విజిల్స్ వేయించడం ఖాయం.

క్రేజీ కాంబినేషన్:

టాలీవుడ్ సెన్సేషనల్ మ్యూజిక్ డైరెక్టర్ సురేశ్ బొబ్బిలి అందించిన అదిరిపోయే ఫోక్ బీట్స్, డ్రమ్స్ మోత ప్రేక్షకులను కచ్చితంగా కాళ్లు కదిలేలా చేస్తున్నాయి. తెలంగాణలోని పల్లెటూర్లలో జరిగే పెండ్లిల్లో ఉండే సహజమైన వాతావరణం, ప్రియదర్శి తనదైన శైలిలో ఇచ్చే హావభావాలు ఈ పాటకు మరింత హైలైట్‌గా నిలిచాయి. ఈ బరాత్ బీట్ విడుదలైన కొద్దిసేపట్లోనే యూట్యూబ్‌లో లక్షలాది వ్యూస్‌తో దూసుకెళ్తూ, సోషల్ మీడియాలో ట్రెండింగ్‌లో టపాసులు పేలుస్తోంది. 

డిసెంబర్ 11న థియేటర్లలోకి: 

టాలీవుడ్ ప్రముఖ నిర్మాణ సంస్థలు సుకుమార్ రైటింగ్స్, బన్నీ వాస్ సంయుక్తంగా అత్యంత ప్రతిష్టాత్మకంగా ఈ చిత్రాన్ని నిర్మిస్తుండగా.. వంశీరెడ్డి దొండపాటి దర్శకత్వం వహిస్తున్నారు. ఇప్పటి వరకు విడుదలైన పోస్టర్లు, గ్లింప్స్, ఇప్పుడు వచ్చిన ఈ మాస్ సాంగ్ సినిమాపై భారీ అంచనాలను పెంచేసింది. అన్ని కార్యక్రమాలు పూర్తి చేసుకున్న ఈ చిత్రం డిసెంబర్ 11, 2026న గ్రాండ్‌గా థియేటర్లలో రిలీజ్ కానుంది. ప్రియదర్శి, నాగదుర్గ జోడీ వెండితెరపై ఎలాంటి మ్యాజిక్ చేయబోతుందో చూడాలంటే డిసెంబర్ 11 వరకు వెయిట్ చేయాల్సిందే బ్రో..  

India vs New Zealand 3rd ODI: హెమిల్టన్‌లోని సెడన్ పార్క్ (Seddon Park, Hamilton) వేదికగా భారత్ వర్సెస్ న్యూజిలాండ్ జట్ల మధ్య మూడో వన్డే నవంబర్ 10, 2026 (మంగళవారం)  జరగనుంది. భారత కాలమానం ప్రకారం ఉదయం 7:30 AM (IST)కి మ్యాచ్ ప్రారంభమవుతుంది. భారత్ 2–0 ఆధిక్యంలో ఉన్న నేపథ్యంలో, సిరీస్ విన్నర్‌ను నిర్ణయించే ఈ కీలక పోరు కోసం సెడన్ పార్క్ పిచ్ స్వభావం, మైదాన రికార్డులు, వాతావరణ పరిస్థితుల పూర్తి వివరాలు ఇవే.. 

పిచ్ రిపోర్ట్ (Pitch Report):

* బ్యాటర్లకు అనుకూలం: సెడన్ పార్క్ సాధారణంగా బ్యాటింగ్‌కు అనుకూలమైన పిచ్ గా ప్రసిద్ధి చెందింది. ఇక్కడ బౌన్స్ ఉండటం వల్ల బ్యాటర్లు బంతిని సులువుగా టైమింగ్ చేయవచ్చు.

* చిన్న బౌండరీలు: ఈ గ్రౌండ్‌లో సైడ్ బౌండరీలు చాలా చిన్నవిగా ఉంటాయి. దీనివల్ల సిక్సర్లు, ఫోర్లు ఎక్కువగా నమోదయ్యే ఛాన్స్ ఉంది. 

* సీమ్, స్వింగ్ అడ్వాంటేజ్: ఉదయం పూట ఆకాశం మేఘావృతమై ఉంటే తొలి ఓవర్లలో ఫాస్ట్ బౌలర్లకు (Seamers) మంచి స్వింగ్, మూవ్‌మెంట్ లభిస్తుంది. కానీ మ్యాచ్ ముందుకు కొనసాగేకొద్దీ పిచ్ ఫ్లాట్‌గా మారి బ్యాటింగ్‌కు పూర్తిగా సహకరిస్తుంది.

* చేజింగ్ అడ్వాంటేజ్: ఇక్కడ జరిగిన గత 10 వన్డే మ్యాచ్‌ల్లో ఛేజింగ్ (రెండోసారి బ్యాటింగ్) చేసిన జట్లే 60 శాతం మ్యాచ్‌ల్లో విజయం సాధించాయి. దీంతో టాస్ గెలిచిన కెప్టెన్ ముందుగా బౌలింగ్ తీసుకునే ఛాన్స్ ఉంటుంది. 

వాతావరణ నివేదిక (Weather Update):

* వర్షం ముప్పు: మంగళవారం (నవంబర్ 10) హెమిల్టన్‌లో ఉదయం, మధ్యాహ్నం వేళల్లో తేలికపాటి నుంచి మోస్తరు వర్షం పడే సూచనలు (Steady Rain Forecast) కనిపిస్తున్నాయి. 

* ఉష్ణోగ్రత: మ్యాచ్ జరిగే సమయంలో ఉష్ణోగ్రత 18°C నుంచి 22°C మధ్య నమోదు కావచ్చు.

* డీఎల్‌ఎస్ (DLS) పాత్ర: వెల్లింగ్టన్‌లో జరిగిన రెండో వన్డే తరహాలోనే, ఈ మ్యాచ్‌లోనూ వర్షం కారణంగా ఓవర్లు కుదించడం లేదా డీఎల్‌ఎస్ (DLS) పద్ధతి అవసరమయ్యే ఛాన్స్ ఉంది. 

సెడన్ పార్క్ వన్డే స్టాటిస్టిక్స్ (Stats & Records): 

ఘనత / రికార్డు                                                              గణాంకాలు

* సగటు తొలి ఇన్నింగ్స్ స్కోరు                                  240 – 250 పరుగులు

* టాస్ గెలిస్తే బెస్ట్ ఆప్షన్                                            ఫీల్డింగ్ (చేజింగ్)

* పేస్ vs స్పిన్ వికెట్లు                                                 ఫాస్ట్ బౌలర్లు 77%, స్పిన్నర్లు 18% వికెట్లు సాధించారు.

న్యూఢిల్లీ: 2029 లోక్‌సభ ఎన్నికల్లో బీజేపీ నేతృత్వంలోని ఎన్డీఏ కూటమి ఓటమి ఖాయమని కాక్రోచ్ జనతా పార్టీ ఫౌండర్ అభిజిత్ దీప్కే జోస్యం చెప్పారు. కేంద్రంలో ప్రభుత్వ మార్పుకు సిద్ధంగా ఉండాలని ప్రజలకు పిలుపునిచ్చారు. ఓటర్ల జాబితాల ప్రత్యేక విస్తృత సవరణ, ప్రధాన ఎన్నికల కమిషనర్ జ్ఞానేష్ కుమార్‌కు వ్యతిరేకంగా జరిగిన నిరసనల గురించి మాట్లాడుతూ.. ఎన్నికల ద్వారా మాత్రమే ప్రభుత్వ మార్పు సాధ్యమవుతుందని పేర్కొన్నారు. స్వతంత్ర, నిష్పక్షపాత ఎన్నికల వ్యవస్థ కావాలన్న డిమాండ్‌ను పునరుద్ఘాటించారు. 

సర్ పేరుతో అక్రమాలకు పాల్పడిన ప్రధాన ఎన్నికల కమిషనర్‌ జ్ఞానేష్  కుమార్‎ను కాపాడటానికి ఎన్డీఏ ప్రభుత్వం దేశ యువతపై యుద్ధం చేస్తోందని హాట్ కామెంట్స్ చేశారు.  కేంద్ర ప్రభుత్వానికి జ్ఞానేష్ కుమార్ ఎందుకంత ముఖ్యమని ప్రశ్నించారు. జాతీయ జెండా ఎగరేసినందుకు తనను, తన స్నేహితులను జైలుకు పంపించారని ఆగ్రహం వ్యక్తం చేశారు. త్రివర్ణ పతాకాన్ని పట్టుకుంటే జైల్లో పెట్టడం చివరగా బ్రిటీష్ పాలనలో.. మళ్లీ ఇప్పుడు బీజేపీ పాలనలో జరిగిందన్నారు. 

బ్రిటిషర్ల మాదిరిగానే ఎన్డీఏ ప్రభుత్వం ప్రజలు స్వేచ్ఛను హరిస్తోందని విమర్శించారు. ఎన్నిసార్లు జైల్లో పెట్టిన తాను జాతీయ జెండా ఎగరేస్తూనే ఉంటానని తేల్చిచెప్పారు. దేశంలో ప్రజలు ఏమి తింటున్నారు.. ఎవరిని వివాహం చేసుకుంటున్నారు.. ఎవరికి ఓటు వేస్తున్నారు అనే విషయాలను కేంద్రం క్రమంగా నియంత్రించడానికి ప్రయత్నిస్తోందని ఆరోపించారు. ఎన్నికల ఫలితాలను ప్రభావితం చేయడానికి ఎస్ఐఆర్ ప్రక్రియను వాడుకుంటున్నారని అన్నారు.

గత 10, 12 ఏళ్లుగా దేశం చాలా వరకు నిశ్శబ్దంగానే ఉండిపోయిందని.. బీజేపీ ప్రభుత్వ అవినీతి, అక్రమాలపై ఎవరూ పెద్దగా నోరు విప్పలేదన్నారు. కాక్రోచ్ జనతా పార్టీ జంతర్ మంతర్ నిరసన ప్రజల్లో మళ్లీ చైతన్యం తీసుకొచ్చి.. ప్రభుత్వ వైఫల్యాలపై గొంత్తెత్తేలా ఉద్యమ స్ఫూర్తిని రగిలించిందన్నారు. ప్రశ్నించడం ప్రారంభించినందుకే యువ నిరసనకారులపై బీజేపీ ప్రభుత్వం కఠిన చర్యలు తీసుకుంటోందని విమర్శించారు. 

బీజేపీ మత ప్రాతిపదికన ప్రజలను విభజిస్తోందని, రాజకీయ ప్రయోజనాల కోసమే అల్లర్లు సృష్టిస్తున్నారని ఆరోపించారు. గత ప్రభుత్వాలు ఫర్‎ఫెక్ట్‎గా ఉన్నాయని తాను అనడం లేదు. కానీ భారతదేశం అప్పుడు మరింత ప్రజాస్వామ్యబద్ధంగా ఉండేది. గత ప్రభుత్వాలలో ప్రధానమంత్రిని విమర్శించేందుకు అనుమతి ఉండేది. ప్రజాస్వామ్యం అలానే ఉండాలి. కానీ పరిస్థితి ఇప్పుడు పూర్తిగా మారిపోయింది. ప్రభుత్వ వైఫల్యాలను ఎత్తిచూపుతూ ప్రధాని విమర్శిస్తే జైల్లో పెడుతున్నారని అన్నారు.

హిందూ సంప్రదాయం ప్రకారం దీపావళి పండుగను ఈ ఏడాది ( 2026) నవంబర్​ 8 వ తేది అత్యంత వైభవంగా జరుపుకుంటారు. లక్ష్మీదేవి అనుగ్రహం కోసం ఈ రోజు ( నవంబర్​ 8) సాయంత్రం (ప్రదోషకాలంలో) కొన్ని ప్రత్యేక ఆచారాలను పాటించాలని పండితులు చెబుతున్నారు. ఇప్పుడు వాటి గురించి తెలుసుకుందాం. . .!

చాలామంది ఎంత కష్టపడినా చేతిలో చిల్లిగవ్వ ఉండదు.  చిన్న పని చేయాలన్నా అప్పులు చేయాల్సిర పరిస్థితే ఉంటుంది.  మరి ఆదాయం లేదా అంటే క్షణం తీరిక లేకుండా సంపాదిస్తుంటారు.  అంటే అలాంటి వారికి గ్రహ దోషాల వలన.. పూర్వ జన్మంలో  చేసిన పాపాలు వెంటాడటం ఇలా జరుగుతుందని జ్యోతిష్య పండితులు చెబుతున్నారు.  

మరి అలా ఇబ్బంది పడే వారు లక్ష్మీదేవి అనుగ్రహం కోసం దీపావళి పండుగరోజు ( 2026 నవంబర్​8) సాయంత్రం సమయంలో  నాణేలు, గవ్వలు, పసుపు, గోమతి చక్రం, దీపాలతో   కొన్ని ప్రత్యేక ఆచారాలను పాటిస్తే  దోషాలకు విముక్తి కలిగి..క్రమేణ ఆర్థిక బాధలు తొలగుతాయని పండితులు చెబుతున్నారు.

హిందూ పురాణాల ప్రకారం  దీపావళి రోజు ప్రదోషకాలం నుంచి  రాత్రి వరకు  లక్ష్మీదేవి భూలోకానికి వచ్చి భక్తులను సుఖసంతోషాలు, ఐశ్వర్యంతో ఆశీర్వదిస్తారనిపండితులు చెబుతున్నారు. అందుకే ఈ రోజున ఇళ్లను శుభ్రం చేసి, దీపాలతో అలంకరించి లక్ష్మీపూజ నిర్వహిస్తారు. పూజలు, దీపారాధనతో పాటు ఆర్థిక ఇబ్బందులు తొలగి, ఇంట్లో సుఖసంతోషాలు, శ్రేయస్సు కలగాలని కోరుకుంటూ కొన్ని ప్రత్యేక ఆచారాలను కూడా పాటిస్తారు. 

  నాణెంతో చేసే ఆచారం:  దీపావళి రోజు సాయంత్రం  సమయంలో  రావి, ఉసిరి లేదా మారేడు  చెట్టుకు ప్రదక్షిణలు చేసి  నమస్కరించాలి.  అనంతరం ఇంటికి వచ్చి లక్ష్మీపూజ చేసిన ప్రదేశంలో పూజలో ఉపయోగించిన ఒక రూపాయి లేదా వెండి నాణెన్ని  డబ్బును  దాచే ప్రదేశంలో ఉంచాలి. ఇలా చేస్తే ఆర్థిక ఇబ్బందులు తగ్గుతాయని పండితులు చెబుతున్నారు.

చీపురు కింద నాణెం: దీపావళి రోజు రాత్రి సమయంలో నిద్రపోయే ముందు చీపురు కింద ఒక రూపాయి లేదా వెండి నాణెం ఉంచాలి.  ఇలా చేయడం వలన ఇంట్లో ప్రతికూలత తొలగి లక్ష్మీదేవి అనుగ్రహం లభిస్తుంది.

 గవ్వలు, పసుపుతో పరిహారం: ఐదు  పోకచెక్కలు, నల్ల పసుపు, ఐదు గవ్వలను గంగాజలంతో శుద్ధి చేసి ఎర్రటి వస్త్రంలో కట్టాలి. అనంతరం లక్ష్మీపూజ సమయంలో వీటిని వెండి గిన్నెలో ఉంచి పూజించి..  మరుసటి రోజు డబ్బు దాచే ప్రదేశంలో భద్రపరచుకోవాలి. 

 గోమతి చక్రంతో ఆచారం: ఐదు పోకచెక్కలు, ఐదు  పసుపు ముద్దలు, ఐదు గవ్వలు, ఐదు గోమతి చక్రాలను ఎర్రటి వస్త్రంలో కట్టి లక్ష్మీపూజ స్థలంలో ఉంచుతారు. పూజ అనంతరం వాటిని  ఇంటి గుమ్మానికి.. వ్యాపార ప్రదేశంలో మెయిన్​ డోర్​కు కట్టాలి.  ఇలా  చేయడం వలన దిష్టి దోషాలు తొలగి.. ప్రతి కూల శక్తి తొలగి పోతుంది. ఇలా చేస్తే డబ్బు రాకుండా అడ్డుపడే ప్రతికూల శక్తులు తొలగిపోతాయి.

 రావి చెట్టు వద్ద దీపం: దీపావళి రోజు ప్రదోషకాలంలో  రావి చెట్టు మొదలు దగ్గర కుంకుమ, పెరుగు, మినపపప్పు సమర్పించి ఆవు నెయ్యి దీపం వెలిగిస్తే ఆర్థిక సమస్యలు తొలగుతాయని జ్యోతిష్యపండితులు చెబుతున్నారు. ఇలాంటి పనులు దీపావళి రోజు ప్రదోషకాలంలో చేయడం వలన ఎల్లప్పుడూ డబ్బులకు లోటు ఉండదని ఉంటుందని పండితులు చెబుతుంటారు.

 మరికొన్ని ఆచారాలు

• లక్ష్మీపూజ అనంతరం ఇంట్లో శంఖం ఊదడం,
•  గంట మోగించడం ద్వారా ప్రతికూలత తొలగుతుంది
•  లక్ష్మీదేవి ముందు నెయ్యితో  దీపం వెలిగించడం వలన ఆరోగ్యం, ఐశ్వర్యం, దీర్ఘాయువుకు శుభప్రదం
• దీపావళి రోజు సాయంత్రం లక్ష్మీ పూజ తరువాత  “ఓం నమః భాగ్యలక్ష్మీ చ విద్మహే...అష్టలక్ష్మీ చ ధీమ... యహి, తన్నో లక్ష్మీ ప్రచోదయాత్” అనే మంత్రాన్ని 108 సార్లు జపించడం వలన లక్ష్మీదేవి అనుగ్రహం లభిస్తుందని పండితులు చెబుతున్నారు.

Disclaimer: పైన అందించిన సమాచారం కేవలం అవగాహన కోసం మాత్రమే. ఈ కథనాన్ని జ్యోతిష్య నిపుణుల సలహాలతో పాటు ఇంటర్నెట్ లో అందుబాటులో ఉన్న సమాచారం వినియోగించి రూపొందించబడింది. ఈ సమాచారాన్ని V6 వెలుగు యాజమాన్యం లేదా ఉద్యోగులు ధృవీకరించరు. మీకున్న  జ్యోతిష్య సమస్యలకు నిపుణులను సంప్రదించటం ఉత్తమం.
 

భూమి మీద నూకలుంటే...ఎంత పెద్ద ప్రమాదం జరిగినా బతుకుతాం అనడానికి నిదర్శనం ఈ ఘటన. చనిపోదామని నదిలో దూకిన మహిళను మొసలి కాటేసి ప్రాణం కాపాడింది. కర్ణాటకలో జరిగిన ఈ ఘటనకు సంబంధించి వివరాలిలా ఉన్నాయి... కర్ణాటకలోని కుమారధార నదిలో ఆత్మహత్య చేసుకోవాలని దూకింది ఓ మహిళ. ఆమె నదిలో దూకిన సమయంలో మొసలి దాడి చేయడంతో కేకలు వేయగా స్థానికులు ఆమెను రక్షించారు.

వ్యక్తిగత సమస్యలతో మనోవేదనకు గురైన ఆ మహిళ ఆత్మహత్య చేసుకునే ఉద్దేశంతో నదిలోకి దూకిందని...ఆమె నీటిలో ఉండగా మొసలి కరిచిందని, దీంతో సహాయం కోసం కేకలు వేసిందని తెలిపారు పోలీసులు. సమీపంలోని లాడ్జి ఉద్యోగులు ఆమె కేకలు విని పోలీసులకు సమాచారం అందించారని... ఒక బృందం హుటాహుటిన సంఘటనా స్థలానికి చేరుకుని, స్థానికుల సహాయంతో ఆమెను నదిలోంచి బయటకు తీసి సురక్షితంగా ఒడ్డుకు చేర్చారని తెలిపారు.

ఆ తర్వాత ఆమెను స్థానిక ఆసుపత్రికి తీసుకెళ్ళి ప్రథమ చికిత్స అందించామని తెలిపారు. అనంతర ఆమె కుటుంబసభ్యులను కలిసి కౌన్సిలింగ్ ఇచ్చి ఆమెను అప్పగించినట్లు తెలిపారు పోలీసులు. ఈ ఘటనపై ఎలాంటి కేసు నమోదు చేయలేదని... ఆమె కుటుంబసభ్యులు అభ్యర్థన మేరకు మహిళ వివరాలు వెల్లడించలేదని తెలిపారు పోలీసులు.
 

Ricky Ponting: అంతర్జాతీయ క్రికెట్ చరిత్రలో టీమిండియా సరికొత్త చరిత్ర సృష్టించింది. ఒకే క్యాలెండర్ ఇయర్ లో అన్ని ఫార్మాట్లలో కలిపి న్యూజిలాండ్‌పై ఏకంగా 10 కన్నా ఎక్కువ మ్యాచ్‌లు గెలిచి ప్రపంచంలోని మొట్టమొదటి జట్టుగా ఇండియన్ టీమ్ అవతరించింది. ఇటీవల వెల్లింగ్టన్‌లో జరిగిన రెండో వన్డేలో DLS పద్ధతిలో 4 రన్స్ తేడాతో సాధించిన థ్రిల్లింగ్ విజయం.. ఈ ఏడాది కివీస్‌పై టీమిండియా 11వ విజయాన్ని అందుకుంది. ఈ గెలుపుతో 2005లో ఆస్ట్రేలియా దిగ్గజం రిక్కీ పాంటింగ్ సారథ్యంలో ఆసీస్ సాధించిన 10 విజయాల ఆల్ టైమ్ రికార్డును భారత జట్టు బ్రేక్ చేసింది. ఇప్పటికే 5 టీ20ల సిరీస్‌ను 3–2తో కైవసం చేసుకున్న భారత్, వన్డే సిరీస్‌లోనూ 2–0తో ఆధిక్యంలో దూసుకెళ్తోంది.

కివీస్ గెలవాలంటే ఆ ఒక్కటే మార్గం: పాంటింగ్

స్వింగ్ పిచ్‌లపై కివీస్ బౌలర్లకంటే భారత బౌలర్లే అద్భుతంగా రాణించడంపై ఆస్ట్రేలియా క్రికెట్ దిగ్గజం రికీ పాంటింగ్ సైతం ఆశ్చర్యం వ్యక్తం చేశారు. న్యూజిలాండ్ గడ్డపై భారత్ ఇంతగానం చెలరేగుతుందని నేను అనుకోలేదన్నాడు. కివీస్ ఈ సిరీస్‌లో మళ్లీ పుంజుకోవాలంటే ఒకే ఒక్క మార్గం ఉంది, అదే టాస్ గెలవడం' అని తేల్చి చెప్పాడు. 

పాంటింగ్ మాటల్లో చెప్పాలంటే:

టీ20ల్లో న్యూజిలాండ్ జట్టు ఓటములకు టాస్ ఓడిపోవడమే ప్రధాన కారణం అని రిక్కీ పాంటింగ్ పేర్కొన్నాడు. ఇప్పుడు వన్డేల్లోనూ అదే జరుగుతోంది.. కివీస్ గెలవాలంటే ముందుగా టాస్ విన్ కావాలి, టాస్ గెలిచి భారత్‌ను మొదట బ్యాటింగ్‌కు పంపిస్తే, బ్లాక్ క్యాప్స్ టీమ్ కి గెలిచేందుకు ఏమైనా ఛాన్స్ ఉంటుంది. లేదంటే భారత్ నిర్దేశించే లక్ష్య ఛేదనలో కివీస్ మరోసారి తలవంచక తప్పదని పాంటింగ్ వెల్లడించాడు. 

హెమిల్టన్ (Hamilton) వేదికగా మంగళవారం (నవంబర్ 10) జరగబోయే మూడో వన్డే మ్యాచ్‌లలోనైనా న్యూజిలాండ్ జట్టు టాస్ అదృష్టాన్ని నమ్ముకుని ఆ ప్లాన్ అమలు చేస్తుందా?.. లేక టీమిండియా తన విజయపరంపరను ఇలాగే కొనసాగిస్తూ సిరీస్‌ను క్లీన్‌స్వీప్ చేస్తుందా అనేది చూడాల్సి ఉంది. 

పోలాండ్‌లోని క్రాకోవ్ నగరంలో జరిగిన కాల్పుల ఘటన ఆ దేశాన్ని తీవ్ర విషాదంలో ముంచింది. బహిరంగ ప్రదేశంలో నిందితుడు ఆరుగురిని కాల్చి చంపేశాడు. నిందితుడి ఇంట్లో మరో ముగ్గురు విగతజీవులుగా కనిపించడంతో పోలాండ్లో ఈ ఘటన సంచలనంగా మారింది. క్రాకోవ్‌కు సుమారు 150 కిలోమీటర్ల దూరంలోని ఒస్ట్రోవియెక్ ష్వియెంటోక్రిస్కీ (Ostrowiec Świętokrzyski) పట్టణంలో నిందితుడి ఇల్లు ఉంది.

SHOTS fired in Polish city of Krakow — citizens COWERING behind buildings Authorities already ON SITE https://t.co/WONgjTOiGR

— RT (@RT_com) November 7, 2026

అక్కడ పోలీసులు తనిఖీలు చేయగా.. ఇద్దరు మహిళలు, ఒక పురుషుడి మృతదేహాలు బయటపడ్డాయి. ఈ విషయాన్ని పోలాండ్ ప్రధాని డొనాల్డ్ టస్క్ వెల్లడించారు. మృతులు నిందితుడి కుటుంబానికి చెందిన బంధువులై ఉండవచ్చని అధికారులు అనుమానిస్తున్నారు. ఈ రెండు ఘటనల్లో కలిపి తొమ్మిది మంది ప్రాణాలు కోల్పోయారు.

పోలాండ్‌లోని రెండో అతిపెద్ద నగరమైన క్రాకోవ్‌లో శనివారం (నవంబర్ 7) మధ్యాహ్నం ఈ దారుణం వెలుగుచూసింది. నగరంలోని చారిత్రక మెయిన్ మార్కెట్ స్క్వేర్ పర్యాటకులు, స్థానికులతో ఎప్పుడూ సందడిగా ఉంటుంది. శనివారం మధ్యాహ్నం సుమారు 3 గంటల సమయంలో ఓ వ్యక్తి కారులో అక్కడికి చేరుకుని, తన దగ్గర ఉన్న తుపాకీతో ప్రజలపై కాల్పులు జరిపాడు. 

ఉన్నట్టుండి తుపాకీ శబ్దాలు వినిపించడంతో అక్కడున్న ప్రజలు ప్రాణాలు కాపాడుకునేందుకు పరుగులు తీశారు. కొందరు సమీపంలోని దుకాణాలు, రెస్టారెంట్లలోకి వెళ్లి తలదాచుకున్నారు. మరికొందరు భయంతో రోడ్లపై పరుగులు పెట్టారు. ఈ దాడిలో నలుగురు మహిళలు, ఇద్దరు పురుషులు కలిపి మొత్తం ఆరుగురు మరణించారు. మృతుల్లో ఒకరు బ్రిటన్‌కు చెందిన పౌరుడిగా గుర్తించారు.

టోక్యో: జపాన్‎ను మరోసారి భూకంపం వణికించింది. ఆదివారం (నవంబర్ 8) తెల్లవారుజామున ఒంటి గంట ప్రాంతంలో షిజువోకా ప్రిఫెక్చర్ పశ్చిమ భాగంలో భారీ భూకంపం సంభవించింది. జపాన్ వాతావరణ సంస్థ ప్రకారం.. రిక్టర్ స్కేలుపై భూకంప తీవ్రత  5.7గా నమోదైంది. భూకంప కేంద్రం సుమారు 40 కిలోమీటర్ల లోతులో ఉన్నట్లు అధికారులు వెల్లడించారు. ఐచి, నగానో, గిఫు ప్రిఫెక్చర్‌లలో కూడా ప్రకంపనలు సంభవించాయి. ప్రకంపనల ధాటికి పలు ప్రాంతాలు గజగజ వణికిపోయాయి. 

భూకంపనల ధాటికి ప్రభావిత ప్రాంతాల్లోని ఇండ్లు, దుకాణాల కిటికీల అద్దాలు పగిలిపోయాయి. అర్ధరాత్రి గాఢ నిద్రలో ఉన్న ప్రజలు ఒక్కసారిగా భూమి కంపించడంతో తీవ్ర భయాందోళనకు గురై ఇళ్ల నుంచి బయటకు పరుగులు తీశారు. భూకంప ప్రభావంతో కనీసం 22 మంది గాయపడ్డట్లు అధికారులు తెలిపారు. భూకంప ప్రభావిత ప్రాంతాల్లో అధికారులు సహయక చర్యలు చేపట్టారు. ఎలాంటి సునామీ హెచ్చరికలు జారీ చేయలేదు. 

రైల్వే మౌలిక సదుపాయాలకు నష్టం వాటిల్లే అవకాశం ఉందనే ఆందోళనల నేపథ్యంలో ముందుజాగ్రత్త చర్యల్లో భాగంగా భూకంప ప్రభావిత ప్రాంతంలో బుల్లెట్ రైలు సర్వీసులు తక్కువ వేగంతో నడుపిస్తున్నారు. భూకంప ప్రభావిత ప్రాంతాల్లోని ప్రజలు అప్రమత్తంగా ఉండాలని అధికారులు హెచ్చరించారు. భూప్రకంపనలతో పలు భవనాలు చిగురుటాకులా వణికిపోయిన దృశ్యాలు సోషల్ మీడియాలో వైరల్‎గా మారాయి.

పరమేశ్వరుడికి ఇష్టమైన కార్తీకమాసానికి చాలా ప్రత్యేకత ఉంది. ఈ నెలలో  ఇటు శివుడిని.. అటు విష్ణుమూర్తిని పూజిప్తారు.  ఈ ఏడాది( 2026)  నవంబర్​ 10 వ తేదీ న ప్రారంభమైన కార్తీకమాసం డిసెంబర్​ 8 వ తేదీన ముగుస్తుంది.  మరి ఈ నెల రోజుల పాటు పుణ్య తిథులు.. పండుగల వివరాల గురించి తెలుసుకుందాం. .  .!

కార్తీకమాసంలో శివారాధన చేయడం చాలా మంచిదని పురాణాల ద్వారా తెలుస్తుంది. దీపావళి తరువాత ప్రారంభమయ్యే కార్తీకంలో ఉపవాస దీక్షలు, వ్రతాలు చేయడంతో పాటు శైవక్షేత్రాలు సందర్శిస్తారు. అత్యంత భక్తితో పూజలు చేస్తారు. మద్యం, మాంసాహారాలకు దూరంగా ఉంటారు

కార్తీకమాసం పుణ్యతిథులు.. పండుగల వివరాలు

• నవంబరు 10: కార్తీకమాసం ప్రారంభం, ఆశాశదీపం 
• నవంబర్ 11: భగిని హస్తి భోజనం, భాయ్ దూజ్
• నవంబర్ 13: నాగుల చవితి, తిరుమలలో పెద్ద శేష వాహన సేవ
• నవంబర్​ 14: బాలల దినోత్సవం
• నవంబర్ 15:  స్కంద షష్ఠి, తిరుమలలో పుష్పయాగానికి అంకురార్పణ
• నవంబర్ 16: కార్తీక సోమవారం, కోటి సోమవారం  వృశ్చిక సంక్రాంతి
• నవంబర్​ 19: యాజ్ఞవల్క జయంతి, చాతుర్మాస వ్రతం ముగింపు,తిరుమలలో శ్రీ ఉగ్ర శ్రీనివాసుని ఊరేగింపు
•  నవంబర్ 20:  దేవుత్థాన ఏకాదశి, కార్తీక ఏకాదశి
•  నవంబర్ 21:  తులసి వివాహం, క్షీరాబ్ధి ద్వాదశి
•  నవంబర్ 22: ప్రదోష వ్రతం
• నవంబరు 23: కార్తీకమాసం  రెండో కార్తీక సోమవారం
•  నవంబర్ 24: కార్తీక పౌర్ణమి, దేవ దీపావళి, గురునానక్ జయంతి, జ్వాలా జయంతి, కేదారీశ్వర వ్రతం
• నవంబర్ 27:  సంకష్టహర చతుర్థి 
• నవంబరు 30 : కార్తీకమాసం  మూడో కార్తీక సోమవారం
• డిసెంబర్​ 4: సర్వ ఏకాదశి
• డిసెంబర్ 6:  పక్ష ప్రదోషం
• డిసెంబర్ 7: కార్తీక మానం నాలుగో సోమవారం,మాస శివరాత్రి
• డిసెంబర్ 8:కార్తీకమాసం ముగింపు

New Zealand ODI Series: న్యూజిలాండ్‌తో జరుగుతున్న 5 వన్డేల సిరీస్‌లో 2–0 ఆధిక్యం సాధించిన భారత జట్టు మరొక చారిత్రాత్మక విజయానికి సమీపంలో నిలిచింది. నవంబర్ 10 (మంగళవారం) హెమిల్టన్‌లోని సెడన్ పార్క్ వేదికగా జరగనున్న మూడో వన్డేలో విజయం సాధిస్తే, టీమిండియా మరో రెండు మ్యాచ్‌లు మిగిలి ఉండగానే కివీస్  సిరీస్‌ను కైవసం చేసుకుంటుంది.

7 ఏళ్ల రికార్డుకు బ్రేక్: 

సొంతగడ్డపై న్యూజిలాండ్‌కు ద్వైపాక్షిక వన్డే సిరీస్‌లలో అత్యుత్తమ ట్రాక్ రికార్డు ఉంది. కివీస్ జట్టు చివరిసారిగా 2019 జనవరి-ఫిబ్రవరిలో భారత్ చేతిలోనే ( 1–4తో) సొంతగడ్డపై వన్డే సిరీస్ ఓడిపోయింది. ఆ తర్వాత గత 7 ఏళ్లుగా న్యూజిలాండ్‌ను వారి సొంత మైదానాల్లో ఏ జట్టు కూడా వన్డే సిరీస్‌లో ఇప్పటి వరకు ఓడించలేకపోయింది. ఇప్పుడు ఆ అజేయ రికార్డును మళ్లీ టీమిండియానే తుడిచిపెట్టేందుకు రంగం సిద్ధం చేసుకుంది. 

ప్రస్తుత సమీకరణాలు: 

1st ODI (ఆక్లాండ్): విరాట్ కోహ్లీ (74), భారత బౌలర్ల ధాటికి టీమిండియా 5 వికెట్ల తేడాతో ఘన విజయం సాధించింది.

2nd ODI (వెల్లింగ్టన్): గుర్నూర్ బ్రార్ (4/30) డ్రీమ్ స్పెల్‌తో కివీస్‌ను 134 రన్స్‌కే పరిమితం చేయగా.. డ్రామాటిక్‌గా కొనసాగిన లక్ష్య ఛేదనలో వర్షం రావడం, DLS పద్ధతిలో భారత్ 4 పరుగుల తేడాతో గెలవడంతో 2–0 లీడ్‌లోకి దూసుకెళ్లింది. ఇక మంగళవారం సెడన్ పార్క్‌లో జరిగే 3వ వన్డేలో కివీస్ ఓడిపోతే, సొంతగడ్డపై వారి 7 ఏళ్ల రికార్డు తుడిచిపెట్టుకుపోవడమే కాకుండా సిరీస్ భారత్ వశమవుతుంది. 

వీరాపురం వీరయ్య  పెద్ద జమీందారు. ఆయనకు వంద  ఎకరాల్లో  చేపల  చెరువులు  వున్నాయి. వాటిలో  ప్రతి ఏటా  రకరకాల  చేపపిల్లలు  పెంచి  మంచి లాభాలు  ఆర్జిస్తున్నాడు. చేపల చెరువు సంరక్షణకు  ముగ్గురు వ్యక్తులను రక్షణకు నియమించాడు.   సుబ్బయ్య, రంగయ్య, పుల్లయ్యలు చేపలచెరువుల  వద్ద కాపలాకాసేవారు.  

వీరయ్య  రెండు రోజులకు  ఓ సారి  వచ్చి  చేపలు  ఎలా  ఉన్నాయో చూచి  వెళ్ళేవాడు.   పది రోజులకు ఓ సారి చేపలు పట్టి పెద్ద  మొత్తంలో విక్రయించేవాడు. వీరయ్యకు  లక్షల  రూపాయల ఆదాయం  వచ్చేది.  ఇది  చూసిన  సుబ్బయ్యకు  డబ్బుపై  కన్నుపడింది. తన కుమారుల  చదువుకు  చేసిన అప్పులు కళ్ళముందు కనిపించాయి.  ఆ వడ్డీ  ఎలా  చెల్లించాలో  దిక్కుతోచలేదు.       
                                 
ఓ రోజు  రాత్రంతా బాగా ఆలోచించి   చేపలు తస్కరించాలనుకున్నాడు.  రంగయ్య, పుల్లయ్యలు  ఆద మరిచి నిద్ర పోతున్న సమయంలో సుబ్బయ్య  వల  తీసుకొచ్చి చేపల్ని  పట్టి ఓ  పెద్ద డ్రమ్ముల్లో దాచాడు. వాళ్లిద్దరూ లేవకముందే  వాటిని  సమీపంలోని  ఏటి  గట్టుకు  చేర్చి  ఓ  హోటల్ యజమానికి  అమ్మేశాడు. యాభై  వేలు  రూపాయలు  డబ్బు  వచ్చాయి. 

అది  చూసి  మురిసిపోయిన సుబ్బయ్య తనకేమీ  తెలియదన్నట్లు  పాలు  తాగిన  పిల్లిలా అమాయకుడిలా కూర్చున్నాడు.  మరుసటి  రోజు వీరయ్య  వచ్చి  చెరువులో చేపలు  తగ్గివుండటం చూసి “ చేపలు ఏమయ్యాయి? చెప్పండి? నేను ఓ హోటల్  యజమానికి  టన్ను  చేపలు  ఇస్తానని  మాట ఇచ్చాను. ఇప్పుడు తగ్గాయి..ఏమి చేయాలి ? చెప్పండి..లేదా  తీవ్ర  చర్య తీసుకుంటాను..” అని  హెచ్చరించాడు.    
                                                                                        
“సామీ..సామీ..    పిల్లులు  వచ్చి  చేపలు తినేస్తున్నాయి..”అని  సమాధానం ఇచ్చాడు. సుబ్బయ్య.   వీరయ్యకు  అనుమానం  వేసింది.  రంగయ్య, పుల్లయ్యను  పిలిచి  “ నిఘా  వేయండి..” అని ఆజ్ఞాపించాడు. ఆ  రాత్రి  వీరయ్య  సైతం మారువేషం వేసుకొచ్చి చెరువు గట్టుపై నక్కాడు. యధావిధిగా రంగయ్య, పుల్లయ్య  గుర్రుపెట్టి  నిద్ర పోయారు. సుబ్బయ్య  వలపట్టి చేపల్ని  డ్రమ్ములో  వేసాడు. మరుసటిరోజు  హోటల్లో అమ్మేస్తుండగా పట్టుకున్నాడు.

“ఇదేమిటి ?” అని  నిలదీశాడు  వీరయ్య.             
                                       
సుబ్బయ్య చేసిన దొంగ పనికి  పనిలోనుంచి తీసివేశాడు. అప్పుల్లో  కూరుకుపోయిన సుబ్బయ్య  ఇప్పుడు తనకు ఏ పని  దొరక్క అష్టకష్టాలు పడ్డాడు. పనిలో అప్రమత్తంగా  లేని  రంగయ్య, పుల్లయ్యకు  సైతం  జీతంలో కోత పెట్టాడు. అప్పటి  నుంచి అబద్ధం చెబితే వచ్చే అనర్థం ఏమిటో తెలిసివచ్చింది  సుబ్బయ్యకు. అతడిని చూసి జాగ్రత్త పడి పనిలో  అప్రమత్తంగా  వుంటూ ఆసామి  వీరయ్య  వద్ద మంచి  పేరు తెచ్చుకున్నారు పుల్లయ్య, రంగయ్యలు.               
   

–బోగా  పురుషోత్తం, తుంబూరు, తిరుపతి  జిల్లా–

గమనిక:  మీరూ లైఫ్​కి పిల్లల కథలు పంపాలి అనుకుంటున్నారా? అయితే.. కథను హామీపత్రంతో పాటు featureseditor@v6velugu.com కి మెయిల్​ చేయండి.

నవంబర్ 14 బాలల దినోత్సవం సందర్భంగా పార్వతీపురం ప్రాంతానికి చెందిన నారంశెట్టి బాలసాహిత్య పీఠం బాలల కథల పోటీ - 2026 నిర్వహిస్తోంది. ప్రథమ బహుమతి రూ.3,000, ద్వితీయ బహుమతి రూ.2,000, తృతీయ బహుమతి రూ. 1000- మరియు మరో పది కథలకు ప్రోత్సాహక బహుమతిగా రూ. 500 చొప్పున ఉంటాయి.

 కథావస్తువు ఆధునిక తరం పిల్లలను ఆకట్టుకునే విధంగా ఉండాలి. ఇతివృత్తం ఏదైనా ఫరవాలేదు. ఒక రచయిత ఎన్ని కథలైనా పంపవచ్చు. కథ 500 పదాలకు మించకూడదు. కథలన్నీ సంకలనంగా ప్రచురిస్తారు. యూనికోడ్‌‌‌‌లో టైప్ చేసిన కథను umamaheshnaram@gmail.com కు మెయిల్ చేయాలి .  ఇతర మాధ్యమాల్లో ఇప్పటికే ప్రచురితమైన లేదా పరిశీలనలో ఉన్న కథలను పంపకూడదు. కథతో హామీ పత్రం జతచేయాలి. కథలు పంపడానికి చివరి తేదీ నవంబరు 20, 2026. వివరాలకు 9490799203  నంబరుకు వాట్సప్ లో సంప్రదించవచ్చు. 

నారంశెట్టి ఉమామహేశ్వరరావు, అధ్యక్షుడు , నారంశెట్టి బాల సాహిత్య పీఠం, పార్వతీపురం.

హైదరాబాద్, వెలుగు: బీసీ గురుకుల సొసైటీ ద్వారా పీజేటీఏయూ అనుబంధ కాలేజ్ ల్లోని బీఎస్పీ అగ్రికల్చర్ లో అడ్మిషన్ల భర్తీకి నోటిఫికేషన్ విడుదల అయింది. ఆదివారం నుంచి ఈనెల 13 వరకు ఆన్ లైన్ లో అప్లై చేసుకోవాలని బీసీ గురుకుల సెక్రటరీ సైదులు తెలిపారు.

ఇంటర్మీడియెట్ (బైపీసీ గ్రూప్‌‌‌‌‌‌‌‌) లేదా దానికి సమానమైన పరీక్షలో ఉత్తీర్ణతతో ఈఏపీసెట్–2026 పరీక్షలో అర్హత  సాధించిన వారికే అవకాశం ఉందన్నారు.

అప్లై చేసుకునే విద్యార్థులు తెలంగాణ బీసీ అయి బీసీ గురుకుల లేదా హాస్టల్స్ లో చదివి ఉండాలన్నారు. ఈ స్పాన్సర్డ్ సీట్లులో ప్రవేశం కోసం https://ug.mjptbcwreis.net ద్వారా దరఖాస్తు చేసుకోవాలన్నారు.   వివరాల కోసం 040–23328266 నంబరు ద్వారా సంప్రదించాలన్నారు.

• రేపు సాయంత్రం 5 గంటల వరకే తుది గడువు

హైదరాబాద్, వెలుగు: రాష్ట్రంలోని ప్రైవేట్ మెడికల్, డెంటల్ కాలేజీలలో 2026–-27 విద్యా సంవత్సరానికి మేనేజ్‌‌‌‌‌‌‌‌మెంట్ కోటాలోని ఖాళీగా ఉన్న ‘సి’ కేటగిరీ (ఎన్‌‌‌‌‌‌‌‌ఆర్‌‌‌‌‌‌‌‌ఐ) ఎంబీబీఎస్, బీడీఎస్ సీట్ల భర్తీకి కాళోజీ హెల్త్ వర్సిటీ స్పెషల్ స్ట్రే రౌండ్ రిజిస్ట్రేషన్ ప్రక్రియను పున:ప్రారంభించింది.

ప్రభుత్వ ఆదేశాల మేరకు వన్ టైమ్ మెజర్‌‌‌‌‌‌‌‌ గా నవంబర్ 9వ తేదీ సాయంత్రం 5 గంటల వరకు అవకాశం కల్పించింది. గతంలో కేటగిరీ-బి కింద మాత్రమే దరఖాస్తు చేసుకున్నవారు మళ్లీ ఫీజు చెల్లించాల్సిన అవసరం లేకుండా తమ ఎన్‌‌‌‌‌‌‌‌ఆర్‌‌‌‌‌‌‌‌ఐ సర్టిఫికేట్లు, అప్లికేషన్ కాపీని knrugadmission@gmail.com మెయిల్ ఐడీకి పంపాలని వర్సిటీ స్పష్టం చేసింది.

హైకోర్టు ఉత్తర్వులు పొందిన అభ్యర్థులు కూడా సంబంధిత సర్టిఫికేట్లను నిర్దేశిత గడువులోగా ఇదే మెయిల్‌‌‌‌‌‌‌‌ కు పంపాల్సి ఉంటుంది. ఇక నీట్ యూజీ అర్హత సాధించి ఇప్పటివరకు మేనేజ్‌‌‌‌‌‌‌‌మెంట్ కోటాకు దరఖాస్తు చేసుకోని కొత్త అభ్యర్థులు రూ.12 వేలు రిజిస్ట్రేషన్ ఫీజు చెల్లించి https://tspvtmedadm.tsche.in వెబ్‌‌‌‌‌‌‌‌సైట్ ద్వారా కేవలం ఎన్‌‌‌‌‌‌‌‌ఆర్‌‌‌‌‌‌‌‌ఐ సీట్లకు మాత్రమే దరఖాస్తు చేసుకోవచ్చని, నవంబర్ 9 సాయంత్రం 5 గంటల తర్వాత వచ్చే ఈ-మెయిల్స్ లేదా దరఖాస్తులను ఎట్టి పరిస్థితుల్లోనూ పరిగణనలోకి తీసుకోబోమని వర్సిటీ స్పష్టం చేసింది.

జెరూసలేం: ఇజ్రాయెల్ రాజకీయాల్లో కీలక పరిణామం చోటు చేసుకుంది. మాజీ ఆర్మీ చీఫ్, యషార్ పార్టీ ఛైర్మన్ గాడి ఐసెన్‌కోట్‌ను ఇజ్రాయెల్ అధ్యక్షుడు ఐజాక్ హెర్జాగ్ ప్రభుత్వ ఏర్పాటుకు ఆహ్వానించారు. ఆరు వారాల్లోగా బలం నిరూపించుకోవాలని సూచించారు. సుదీర్ఘకాలం ప్రధానమంత్రిగా ఉన్న బెంజమిన్ నెతన్యాహుకు ఇది పెద్ద ఎదురుదెబ్బ అంటున్నారు రాజకీయ విశ్లేషకులు.

ఇజ్రాయెల్ పార్లమెంట్ (నెస్సెట్)లోని 120 స్థానాలకు ఇటీవల ఎన్నికలు జరిగిన విషయం తెలిసిందే. ఈ ఎన్నికల్లో నెతన్యాహు నేతృత్వంలోని కూటమి 53 సీట్లు కైవసం చేసుకుంది. ఐసెన్‌కోట్ నేతృత్వంలోని ప్రతిపక్ష కూటమికి 48 సీట్లు దక్కాయి. అరబ్ పార్టీలు 19 స్థానాలు గెలుచుకున్నాయి. 

120 స్థానాలున్న ఇజ్రాయెల్ పార్లమెంట్‎లో ప్రభుత్వ ఏర్పాటుకు 61 స్థానాలు అవసరం. నెతన్యాహు కూటమికి కానీ, అటు ప్రతిపక్ష ఐసెన్ కోట్ కూటమికి కానీ మెజారిటీ దక్కలేదు. మ్యాజిక్ ఫిగర్ ఏ కూటమికి రాకపోవడంతో హంగ్ ఏర్పడింది. దీంతో అరబ్ పార్టీల కూటమి మద్దతు కీలకంగా మారింది. ప్రభుత్వ ఏర్పాటుకు అవసరమైన మద్దతు కూడగట్టేందుకు ఇరు పక్షాలు ప్రయత్నాలు చేశాయి.

ప్రభుత్వ ఏర్పాటుకు అరబ్ పార్టీల మద్దతు తప్పనిసరిగా మారగా.. వాటి సపోర్ట్ తీసుకునే ప్రశ్నే లేదంటూ నెతన్యాహు తేల్చిచెప్పారు. ఈ నేపథ్యంలోనే అరబ్ పార్టీల కూటమి గాడి ఐసన్ కోట్ వైపు నిలిచింది. నెతన్యాహు అనుసరిస్తున్న కఠిన విధానాలు, ప్రస్తుత ప్రభుత్వ వైఫల్యాలను ఎత్తిచూపుతూ, ఆయనను అధికారంలో నుంచి గద్దె దించడమే లక్ష్యంగా ఐసెన్ కోట్‎కు సంపూర్ణ మద్దతు ప్రకటించింది.

హంగ్ ఏర్పడటంతో ప్రభుత్వ ఏర్పాటుపై అధ్యక్షుడు పార్టీలతో చర్చలు జరిపారు. అధ్యక్షుడు జరిపిన సంప్రదింపుల్లో 19 స్థానాలు గెలుచుకున్న అరబ్ పార్టీ కూటమి ప్రతిపక్ష నేత ఐసెన్‌కోట్‎కు సంపూర్ణ మద్దతు ప్రకటించింది. నెతన్యాహుకు కేవలం 46 మంది మాత్రమే మద్దతు ఇచ్చారు. అరబ్ పార్టీల మద్దతుతో ఐసెన్‎కోట్ కూటమి బలం 67కు చేరుకుని ప్రభుత్వ ఏర్పాటుకు కావాల్సిన పూర్తి స్థాయి మెజార్టీ సాధించింది. 

ఈ నేపథ్యంలో ఐసెన్‌కోట్‎ను ప్రభుత్వ ఏర్పాటుకు అధ్యక్షుడు ఆహ్వానించారు. తదుపరి ప్రభుత్వాన్ని ఏర్పాటు చేయడానికి, మిత్రపక్షాలతో చర్చలు జరపడానికి, సంకీర్ణ ఒప్పందాలను ఖరారు చేయడానికి, పార్లమెంటరీ ఆమోదం పొందడానికి ఐసెన్‌కోట్‌కు ఆరు వారాల వరకు సమయం ఉంటుంది. 

ఒకవేళ నిర్ణీత గడువులోగా ఐసెన్‌కోట్ ప్రభుత్వం ఏర్పాటు చేయడంలో విఫలమైతే, అధ్యక్షుడు ఈ అవకాశాన్ని నెతన్యాహుకు లేదా మూడవ అభ్యర్థికి ఇచ్చే అవకాశం ఉంటుంది. అప్పటికీ ఏకాభిప్రాయం కుదరకపోతే దేశం మళ్లీ ముందస్తు ఎన్నికలకు వెళ్లాల్సి వస్తుంది. ప్రస్తుతానికైతే సుదీర్ఘకాలంగా దేశ రాజకీయాలను శాసించిన నెతన్యాహు అధికారం కోల్పోయే ముంగిట నిలిచారు.

• గురుకులాల టెండర్లను గుజరాత్​ కంపెనీకి కట్టబెట్టారని ఫైర్​

హైదరాబాద్, వెలుగు: గురుకులాల్లో చదువుకునే పేద విద్యార్థుల బెడ్‌‌‌‌షీట్లలోనూ రూ.100 కోట్ల భారీ కుంభకోణానికి ప్రభుత్వం తెరలేపిందని బీఆర్‌‌‌‌ఎస్‌‌‌‌ ఎమ్మెల్సీ దాసోజు శ్రావణ్‌‌‌‌ ఆరోపించారు. గురుకులాల టెండర్లను సెంట్రలైజ్ చేసి, పాత బట్టలను రీసైకిల్ చేసే గుజరాత్‌‌‌‌కు చెందిన ‘మఫత్‌‌‌‌లాల్‌‌‌‌’ కంపెనీకి కట్టబెట్టారని విమర్శించారు. కుక్క పేగుల్లాంటి ఆ నాసిరకం దుప్పట్లను రేవంత్‌‌‌‌రెడ్డి తన మనవడికి కప్పుతారా..? అని నిలదీశారు. శనివారం తెలంగాణ భవన్‌‌‌‌లో ఆయన మీడియాతో మాట్లాడారు.

రాష్ట్రంలో విద్యా వ్యవస్థను కూడా దోపిడీకి అడ్డాగా మార్చారని ఆగ్రహం వ్యక్తం చేశారు. గురుకులాల్లో చదివే ఎస్సీ, ఎస్టీ, బీసీ బిడ్డలంటే ప్రభుత్వానికి ఎందుకంత చులకన? అని ప్రశ్నించారు. పేద విద్యార్థులకు కనీసం కాటన్ బెడ్‌‌‌‌షీట్లు ఇచ్చే దిక్కులేదు గానీ.. పాలకులకు మాత్రం ఇంద్ర భవనాలు కావాలా..? అని నిలదీశారు. గురుకులాలకు అవసరమైన దుప్పట్లలో టెస్కో ద్వారా స్థానిక చేనేత కార్మికులకు 3.5 లక్షల ఆర్డర్ ఇచ్చి, మరో 3.5 లక్షల ఆర్డర్‌‌‌‌ను గుజరాత్ కంపెనీకి అప్పగించారన్నారు.

• ఉత్తర్వులు జారీ చేసిన రాష్ట్ర ప్రభుత్వం

హైదరాబాద్‌‌‌‌‌‌‌‌, వెలుగు: ప్రభుత్వ ఉద్యోగంలో ఉంటూ రెండేళ్లకు పైగా విధులకు గైర్హాజరైన ఓ ఇంజినీర్‌‌‌‌‌‌‌‌పై రాష్ట్ర ప్రభుత్వం చర్యలు తీసుకుంది. ఎలాంటి ముందస్తు సమాచారం, సెలవు దరఖాస్తు లేకుండా విధులకు రాకపోవడాన్ని తీవ్రంగా పరిగణించింది. ఆమె గైర్హాజరైన కాలాన్ని ‘డైస్‌‌‌‌‌‌‌‌ నాన్‌‌‌‌‌‌‌‌’గా ప్రకటిస్తూ ఉత్తర్వులు జారీ చేసింది.

మహబూబ్‌‌‌‌‌‌‌‌నగర్‌‌‌‌‌‌‌‌లోని టీయూఎఫ్‌‌‌‌‌‌‌‌ఐడీసీ యూనిట్‌‌‌‌‌‌‌‌-3 సూపరింటెండింగ్‌‌‌‌‌‌‌‌ ఇంజినీర్‌‌‌‌‌‌‌‌ కార్యాలయంలో అసిస్టెంట్‌‌‌‌‌‌‌‌ ఇంజినీర్‌‌‌‌‌‌‌‌గా పనిచేస్తున్న పి. అరవింద 2016 ఆగస్టు 1 నుంచి 2019 ఏప్రిల్‌‌‌‌‌‌‌‌ 21 వరకు మొత్తం 2 సంవత్సరాల 8 నెలల 21 రోజులు విధులకు అనధికారికంగా గైర్హాజరయ్యారు.

ఈ విషయంపై పబ్లిక్‌‌‌‌‌‌‌‌ హెల్త్‌‌‌‌‌‌‌‌ ఇంజినీర్‌‌‌‌‌‌‌‌-ఇన్‌‌‌‌‌‌‌‌-చీఫ్‌‌‌‌‌‌‌‌ ప్రభుత్వానికి నివేదిక సమర్పించారు. దీని ఆధారంగా మున్సిపల్‌‌‌‌‌‌‌‌ అడ్మినిస్ట్రేషన్‌‌‌‌‌‌‌‌ అండ్‌‌‌‌‌‌‌‌ అర్బన్‌‌‌‌‌‌‌‌ డెవలప్‌‌‌‌‌‌‌‌మెంట్‌‌‌‌‌‌‌‌ శాఖ కార్యదర్శి సర్ఫరాజ్‌‌‌‌‌‌‌‌ అహ్మద్‌‌‌‌‌‌‌‌ తెలంగాణ లీవ్‌‌‌‌‌‌‌‌ రూల్స్‌‌‌‌‌‌‌‌-1933లోని రూల్‌‌‌‌‌‌‌‌ 5-ఏ, ఫండమెంటల్‌‌‌‌‌‌‌‌ రూల్‌‌‌‌‌‌‌‌ 18 (నోట్‌‌‌‌‌‌‌‌-1) ప్రకారం చర్యలు చేపట్టారు.

గైర్హాజరైన కాలాన్ని ‘డైస్‌‌‌‌‌‌‌‌ నాన్‌‌‌‌‌‌‌‌’గా ప్రకటించారు. దీంతో ఆ కాలాన్ని సర్వీసుగా పరిగణించరు. ఆ వ్యవధికి జీతభత్యాలు కూడా చెల్లించరు. ఈ నిర్ణయానికి ఆర్థిక శాఖ ఆమోదం తెలిపింది. తదుపరి శాఖాపరమైన చర్యలు తీసుకోవాలని ప్రభుత్వం ఆదేశించింది.

• ఊపిరాడకుండా చంపి సహజ మరణాలుగా నమ్మించే కుట్ర
• కరీంనగర్​జిల్లా వచ్చనూర్ లో ముఠా దారుణం 
• స్థానిక యువకులే నిందితులు.. నలుగురి అరెస్ట్, ఒకరు పరారీ

కరీంనగర్, వెలుగు: జిల్లాలోని తిమ్మాపూర్ మండలం వచ్చనూర్ గ్రామంలో దారుణం వెలుగు చూసింది. ముగ్గురు స్థానిక యువకులు ముఠాగా ఏర్పడి ఒంటరిగా నివసిస్తున్న ఇద్దరు వృద్దురాళ్లను హత్య చేశారు. వారి ఒంటిపై ఉన్న బంగారు, వెండి నగలను లక్ష్యంగా చేసుకుని ఒకరి తర్వాత మరొకరిని చంపేశారు. కేసుల వివరాలను కరీంనగర్ సీపీ గౌష్ ఆలం శనివారం మీడియాకు వెల్లడించారు. 

బయటికి రాని మొదటి హత్య.. 

ఈ ఏడాది ఆగస్ట్ 16న వచ్చనూరులో ఒంటరిగా ఉంటున్న వృద్ధురాలు ఉప్పులేటి భూదమ్మ(103) ఇంట్లోకి అదే గ్రామానికి చెందిన మద్దూరి సాయి, ఇదే మండలం పోరండ్లకు చెందిన కిన్నెర రాజు, కొత్తపల్లికి చెందిన ఎల్కతుర్తి రాజు కలిసి వెళ్లారు. ఆమెకు ఊపిరాడకుండా చేసి హత్య చేశాక ఆమె ఒంటిపై ఉన్న వెండి కడియాలు, బంగారు ముక్కుపుడకలను ఎత్తుకెళ్లారు. 

వృద్ధాప్యం కారణంగా సహజంగానే మరణించిందని భావించి మృతురాలి కుటుంబ సభ్యులు అంత్యక్రియలు పూర్తి చేశారు. ఈ ముగ్గురు కలిసి దోచుకెళ్లిన నగలను వచ్చనూరుకు చెందిన మానుకోల పవన్ సాయంతో గన్నేరువరం మండలం గుండ్లపల్లికి చెందిన మణికంఠ అనే వ్యక్తికి అమ్మి నగదును పంచుకున్నారు. 

మొదటి హత్య తరహాలోనే రెండోది.. 

భూదమ్మ హత్యపై ఎవరికీ అనుమానం రాకపోవడంతో నిందితులు మరో దోపిడీకి ప్లాన్ చేశారు. అదే గ్రామానికి చెందిన ఒంటరి వృద్ధురాలు ఉప్పులేటి లక్ష్మి అలియాస్ లచ్చవ్వ(80) ఇంట్లోకి గత అక్టోబర్ 31న చొరబడి ఆమెకు ఊపిరాడకుండా చేసి హతమార్చారు. ఆమె ఒంటి ఉన్న వెండి కడియాలు, బంగారు నల్లపూసల గొలుసు, చెవికమ్మలను ఎత్తుకెళ్లారు. నగలలో కొన్నింటిని కరీంనగర్‌‌‌‌‌‌‌‌లో,  మరికొన్ని హైదరాబాద్‌‌‌‌‌‌‌‌లోని ఉప్పల్ ప్రాంతంలో అమ్మి సొమ్ము చేసుకున్నారు. 

లచ్చవ్వ మృతిపై అనుమానం వ్యక్తం చేస్తూ కుటుంబ సభ్యులు పోలీసులకు ఫిర్యాదు చేశారు. దీంతో కేసు నమోదు చేసిన పోలీసులు శనివారం మధ్యాహ్నం అలుగునూర్ చౌరస్తా వద్ద వాహనాలు తనిఖీ చేస్తుండగా మద్దూరి సాయి, కిన్నెర రాజు స్కూటీపై వెళ్తూ పోలీసులకు చిక్కారు. వారిని విచారించగా వచ్చనూర్‌‌‌‌‌‌‌‌లో జరిగిన రెండు హత్యలు తామే చేసినట్లు అంగీకరించారు. 

అనంతరం మూడో నిందితుడు ఎల్కతుర్తి రాజును హౌసింగ్ బోర్డు కాలనీ సమీపంలోని క్యాన్సర్ ఆస్పత్రి వద్ద పోలీసులు అదుపులోకి తీసుకున్నారు. నగలు కొనుగోలు చేసిన కనపర్తి మణికంఠ పరారీలో ఉన్నాడు. వారి దగ్గర టీవీఎస్ జూపిటర్ స్కూటీ, బజాజ్ పల్సర్ మోటార్ సైకిల్, కాళ్ల వెండి కడియాలు,  చేతి వెండి కడియాలు,  5 మొబైల్ ఫోన్లు, ఒక ఇనుప గొట్టం, స్టీల్ పట్టుకారును స్వాధీనం చేసుకున్నారు. కేసును ఛేదించిన రూరల్ ఏసీపీ విజయ్ కుమార్, తిమ్మాపూర్ సీఐ, ఎల్ఎండీ కాలనీ, గన్నేరువరం, చిగురుమామిడి ఎస్సైలు, పోలీస్ సిబ్బందిని పోలీస్ కమిషనర్ అభినందించారు. 

హైదరాబాద్, వెలుగు: కోర్టు ధిక్కరణ కేసులో అప్పటి మియాపూర్ ఎస్‌‌హెచ్‌‌ఓ ఎం.ప్రేమ్‌‌కుమార్‌‌కు సింగిల్ జడ్జి విధించిన జైలు శిక్ష అమలును హైకోర్టు ధర్మాసనం తాత్కాలికంగా నిలుపుదల చేసింది. రంగారెడ్డి జిల్లా హఫీజ్‌‌పేట పరిధిలోని గోకుల్ ప్లాట్స్‌‌లో వివాదాస్పద భూమికి సంబంధించి 2019లో హైకోర్టు ఇచ్చిన ఆదేశాలను అమలు చేయలేదంటూ ఎ.శేఖర్‌‌బాబు మరికొందరు కోర్టు ధిక్కరణ పిటిషన్ దాఖలు చేశారు.

ఈ పిటిషన్‌‌పై విచారణ జరిపిన సింగిల్ జడ్జి.. న్యాయస్థానం ఆదేశాలను ఉద్దేశపూర్వకంగానే ఉల్లంఘించారంటూ ప్రేమ్‌‌కుమార్‌‌కు నాలుగు వారాల జైలు శిక్ష, రూ.2 వేల జరిమానా విధించారు. ఈ తీర్పును సవాలు చేస్తూ ప్రేమ్‌‌కుమార్ ధర్మాసనంలో అప్పీలు దాఖలు చేశారు.

జస్టిస్ మౌసమీ భట్టాచార్య, జస్టిస్ యారా రేణుకతో కూడిన ధర్మాసనం ఈ అప్పీలును విచారించింది. 2019 నాటి ఉత్తర్వుల విషయం ఆ తర్వాత బాధ్యతలు చేపట్టిన ప్రేమ్‌‌కుమార్‌‌కు తెలియదని, ఆ విషయం తెలిసిన వెంటనే సదరు భూమికి రక్షణ కల్పించామని అప్పీలుదారు తరపు న్యాయవాది వాదనలు వినిపించారు.

ఇరువర్గాల వాదనలు విన్న న్యాయమూర్తులు సింగిల్ జడ్జి విధించిన జైలు శిక్ష అమలుపై స్టే విధిస్తూ మధ్యంతర ఉత్తర్వులు జారీ చేశారు. ఈ కేసులో ప్రతివాదులకు నోటీసులు జారీ చేస్తూ, తదుపరి విచారణను డిసెంబరు 3వ తేదీకి వాయిదా వేశారు.

• డిసెంబర్ 31 నుంచి వీఆర్ఎస్ పొందడానికి అనుమతి

హైదరాబాద్, వెలుగు: రాష్ట్ర అర్బన్ ఇన్‌‌‌‌ఫ్రాస్ట్రక్చర్ డెవలప్‌‌‌‌మెంట్ కార్పొరేషన్ (టీయూఎఫ్‌‌‌‌ఐడీసీ) ఎగ్జిక్యూటివ్ ఇంజినీర్‌‌‌‌గా పనిచేస్తున్న పి.రవిశంకర్ స్వచ్ఛంద పదవీ విరమణ (వీఆర్ఎస్) ప్రతిపాదనకు ప్రభుత్వం ఆమోదం తెలిపింది.

వ్యక్తిగత కారణాల వల్ల విధులను విరమించుకుంటానని ఆయన పెట్టుకున్న దరఖాస్తును ప్రభుత్వం పరిశీలించి అనుమతులు మంజూరు చేసింది. నిబంధనల ప్రకారం 2026 డిసెంబర్ 31 నుంచి ఆయన వీఆర్ఎస్ తీసుకోవడానికి ప్రభుత్వం అవకాశం కల్పించింది.

అయితే.. ఒకవేళ ఆయనపై భవిష్యత్లో ఏవైనా శాఖాపరమైన లేదా క్రిమినల్ కేసులు నమోదైనా, ప్రభుత్వ బకాయిలు ఏవైనా వసూలు చేయాల్సి ఉన్నా.. ఈ పదవీ విరమణ ఉత్తర్వులు వాటికి వర్తించవని స్పష్టం చేశారు. ఈ మేరకు మున్సిపల్ పరిపాలన, పట్టణాభివృద్ధి శాఖ కార్యదర్శి సర్ఫరాజ్ అహ్మద్ అధికారిక జీవో జారీ చేశారు. ఈ నోటిఫికేషన్‌‌‌‌ను రాబోయే తెలంగాణ అధికారిక గెజిట్‌‌‌‌లో ప్రచురించాల్సిందిగా ప్రింటింగ్ కమిషనర్, పబ్లిక్ హెల్త్ ఇంజినీర్-ఇన్-చీఫ్‌‌‌‌ను ప్రభుత్వం ఆదేశించింది.

• కోల్కతాలో నిర్వహించిన కార్యక్రమంలో పాల్గొన్న సింగరేణి ఆఫీసర్లు

హైదరాబాద్, వెలుగు: రాజీవ్ గాంధీ సివిల్స్ అభయహస్తం, జస్టిస్ ఆన్ వీల్స్, ప్రభుత్వ పాఠశాలల్లో అల్పాహార పంపిణీ, తేనెటీగల పెంపకం వంటి సింగరేణి వినూత్న సీఎస్ఆర్​కార్యక్రమాలకు జాతీయ స్థాయిలో ప్రశంసలు దక్కాయి.

కేంద్ర కార్పొరేట్ వ్యవహారాల మంత్రిత్వ శాఖ పరిధిలోని ఇండియన్ ఇన్‌‌‌‌‌‌‌‌‌‌‌‌‌‌‌‌స్టిట్యూట్ ఆఫ్ కార్పొరేట్ అఫైర్స్, కోల్ ఇండియా లిమిటెడ్ సంయుక్త ఆధ్వర్యంలో ఈ నెల 4, 5 తేదీలలో బొగ్గు రంగ సంస్థల కోసం ప్రత్యేక కార్పొరేట్ సామాజిక బాధ్యత(సీఎస్​ఆర్​) విధానంపై 2 రోజుల సామర్థ్యాభివృద్ధి శిక్షణ పేరిట ఈ కార్యక్రమాన్ని నిర్వహించారు.

ఈ కార్యక్రమంలో సింగరేణి తరఫున డీజీఎం నిమ్మ భాస్కర్, సీనియర్ పర్సనల్ ఆఫీసర్ ఎస్.ఎం.డి. గౌస్ పాషా పాల్గొన్నారు. రాష్ట్రంలో స్థానిక ప్రజల అవసరాలను గుర్తించి, వారి జీవన ప్రమాణాలను మెరుగుపరిచే లక్ష్యంతో సింగరేణి అమలు చేస్తున్న వినూత్న, ప్రజోపయోగ కార్యక్రమాల పట్ల కోల్ ఇండియా లిమిటెడ్, దాని అనుబంధ సంస్థల ప్రతినిధులు సంతోషం వ్యక్తం చేశారు.

• ప్రభుత్వం ఆదుకోవాలంటున్న బాధిత రైతులు

ఖమ్మం, వెలుగు: వరుస తుఫాన్లు ఉమ్మడి ఖమ్మం జిల్లాలోని రైతాంగంపై తీవ్ర ప్రభావం చూపాయి. అకాల వర్షాలు, ఈదురుగాలుల కారణంగా వేలాది ఎకరాల్లో పంటలు దెబ్బతిని రైతులకు తీరని నష్టం వాటిల్లింది. అధికారుల ప్రాథమిక అంచనా ప్రకారం ఖమ్మం జిల్లాలో సుమారు 23 వేల ఎకరాల్లో, భద్రాద్రి కొత్తగూడెం జిల్లాలో 11 వేల ఎకరాల్లో పంట నష్టం జరిగింది. ప్రభుత్వం తమను ఆదుకోవాలని డిమాండ్ చేస్తున్నారు. 

చేతికొచ్చే సమయంలో... 

ఆరుగాలం కష్టపడి సాగు చేసిన పంట చేతికొచ్చే సమయంలో వచ్చిన తుఫాన్లు అన్నదాతల ఆశలపై నీళ్లు చల్లాయి. పెట్టుబడుల కోసం అప్పులు చేసి, పంట దిగుబడిపై ఆశలు పెట్టుకున్న రైతులకు గట్టి ఎదురుదెబ్బ తగిలింది. వరి, పత్తి, మిర్చి తదితర పంటలు పూర్తిగా పాడవ్వడంతో రైతులు ఆర్థికంగా కోలుకోలేని పరిస్థితి ఏర్పడింది. భద్రాద్రి కొత్తగూడెం జిల్లాలో అశ్వారావుపేట, ఖమ్మం జిల్లాలో సత్తుపల్లి నియోజకవర్గంలో పంట నష్టం ఎక్కువగా జరిగింది. 

ఖమ్మం జిల్లాలో 12 వేల మంది రైతులు 23 వేల ఎకరాల పంట నష్టపోయారు. పూర్తి స్థాయిలో నివేదిక మరో మూడు, నాలుగు రోజుల్లో వస్తుందని అధికారులు చెబుతున్నారు. రైతులు మాత్రం పంట నష్టంపై అధికారులు వెంటనే క్షేత్రస్థాయిలో పర్యటించి ప్రతి ఎకరాను పరిశీలించి, పరిహారం అందించేలా చర్యలు తీసుకోవాలని కోరుతున్నారు. 

పంటకు భారీ నష్టం జరిగింది..

తుఫాన్ కారణంగా వెంకమ్మ చెరువు కట్ట తెగి పంటకు భారీ నష్టం జరిగింది. చేనులో పెద్ద వర్రెలు ఏర్పడ్డాయి. తోటలో ఇసుక మేటలు వేసింది. ఐదు ఎకరాల్లో కోకో,  10 ఎకరాలలో పామాయిల్,  5 ఎకరాల్లో కొబ్బరి తోట కోలుకోలేని దెబ్బ తిన్నాయి.  నాలాంటి పరిస్థితే చాలా మంది రైతులకు ఉంది. అందరినీ ప్రభుత్వం ఆదుకోవాలి. 
-తాడేపల్లి రవి, అశ్వారావుపేట

చేతికొచ్చిన పంట వరద పాలు

ఆరు ఎకరాల్లో వరి పంట రూ.2 లక్షల ఖర్చు చేసి సాగు చేశా. మరో వారం రోజుల్లో కోతకు సిద్ధం అవుతుండగా తుఫాన్ వరదతో పంట అంతా నేలపాలై తీవ్రంగా నష్టపోయా. ప్రభుత్వం నష్ట పరిహారం ఇచ్చి మమ్మల్ని ఆదుకోవాలి.
- తోకల గోపయ్య, రైతు, జగన్నాధపురం

• ఇరువర్గాల అంగీకారంతోనే సమస్యకు పరిష్కారం

• హైకోర్టు యాక్టింగ్ చీఫ్ జస్టిస్ పి.శ్యాంకోశీ

హైదరాబాద్, వెలుగు: వినియోగదారుల వివాదాలను మధ్యవర్తిత్వం ద్వారా పరిష్కరించే విధానాన్ని అందరూ ప్రోత్సహించాలని హైకోర్టు తాత్కాలిక ప్రధాన న్యాయమూర్తి జస్టిస్ పి. శ్యాంకోశీ అన్నారు. వినియోగదారుల పరిరక్షణ చట్టంలో దీనికి గుర్తింపు ఉన్నప్పటికీ, ప్రజల్లో తగిన అవగాహన కొరవడటంతో పాటు న్యాయవాదులు, కక్షిదారులు దీన్ని కేవలం అదనపు ప్రక్రియగా మాత్రమే భావిస్తున్నారని చెప్పారు. ఆ అపోహ తొలగిపోవాలని తెలిపారు.

శనివారం ఆయన హైదరాబాద్‌‌‌‌లోని ఏరువాక భవన్‌‌‌‌లో రాష్ట్ర వినియోగదారుల కమిషన్, బార్ అసోసియేషన్ సంయుక్తంగా నిర్వహించిన సదస్సులో ముఖ్యఅతిథిగా పాల్గొని, మాట్లాడారు. పెద్ద సంస్థలు, సాధారణ వ్యక్తుల మధ్య ఉండే ఆర్థిక, సామాజిక అంతరాలను గమనిస్తూ, బలహీన వర్గాల ప్రయోజనాలు దెబ్బతినకుండా మధ్యవర్తిత్వం సాగాలని జస్టిస్ పి. శ్యాంకోశీ స్పష్టం చేశారు. ఈ బాధ్యతను సమర్థంగా నిర్వర్తించేందుకు మధ్యవర్తులకు చట్ట పరిజ్ఞానంతో పాటు సహనం, నిష్పక్షపాత వైఖరి, మానవీయ దృక్పథం అవసరమని పేర్కొన్నారు.

అలాగే బీమా, రియల్ ఎస్టేట్, బ్యాంకింగ్, టెలికమ్యూనికేషన్స్ వంటి రంగాలపై అవగాహన పెంపొందించుకోవాలని సూచించారు. మారుమూల ప్రాంతాల ప్రజలకూ ఈ సేవలను సులభంగా అందించేందుకు ఆన్‌‌‌‌లైన్ మధ్యవర్తిత్వాన్ని విస్తృతంగా ప్రోత్సహించాలని జస్టిస్ పి. శ్యాంకోశీ పిలుపునిచ్చారు. జస్టిస్ మౌసమీ భట్టాచార్య మాట్లాడుతూ..వినియోగదారుల వివాదాలు తక్కువ టైంలో పరిష్కరమవ్వాలంటే మధ్యవర్తిత్వ విధానాన్ని వినియోగించాలని చెప్పారు.

నోటీసులు, వాయిదాల ప్రమేయం లేకుండా 120 రోజుల్లోనే (అవసరమైతే మరో 60 రోజులు పొడిగించి) ఈ విధానంలో కేసులు పరిష్కారమవుతాయని వివరించారు. రాష్ట్ర వినియోగదారుల కమిషన్ అధ్యక్షురాలు జస్టిస్ జి. రాధారాణి మాట్లాడుతూ.. నాణ్యత లేని వస్తువులు, సేవల్లో లోపాలు, బీమా క్లెయిమ్స్, బ్యాంకింగ్ లావాదేవీలు, గృహ నిర్మాణ ప్రాజెక్టుల వివాదాలకు మధ్యవర్తిత్వం సమర్థవంతమైన పరిష్కార మార్గమని పేర్కొన్నారు.

• విద్యార్థులు, తల్లిదండ్రులకు NMC అడ్వైజరీ
• యూపీఫేక్ కాలేజీ వ్యవహారంపై సుప్రీంకోర్టు ఆదేశాలతో మార్గదర్శకాలు
• కాలేజీ గుర్తింపు, విద్యా సంవత్సరపు సీట్ల కోటా చూశాకే ఫీజులు కట్టాలి
• ఏజెంట్లను నమ్మి వ్యక్తిగత ఖాతాల్లో నగదు వేయొద్దని కమిషన్ స్పష్టీకరణ

హైదరాబాద్, వెలుగు: వైద్య విద్య కోర్సుల్లో ప్రవేశాలు పొందే విద్యార్థులు, తల్లిదండ్రులు నకిలీ మెడికల్ కాలేజీల బారిన పడకుండా జాగ్రత్తలు పాటించాలని నేషనల్ మెడికల్ కమిషన్ (ఎన్‌‌‌‌ఎంసీ) అడ్వైజరీని జారీ చేసింది.

ప్రవేశం పొందే ముందు లేదా ఫీజులు చెల్లించే ముందు సదరు కాలేజీలకు ఎన్‌‌‌‌ఎంసీ చట్టబద్ధమైన గుర్తింపు, ప్రస్తుత విద్యా సంవత్సరానికి తగిన అనుమతులు ఉన్నాయో లేదో అధికారిక వెబ్‌‌‌‌ సైట్ ద్వారా సరిచూసుకోవాలని అండర్ గ్రాడ్యుయేట్ మెడికల్ ఎడ్యుకేషన్ బోర్డ్ (యూజీఎంఈబీ)స్పష్టం చేసింది.

గతంలో కాలేజీ నడిచినంత మాత్రాన లేదా లిస్టులో పేరున్నంత మాత్రాన ఆ ఏడాది అడ్మిషన్లకు అనుమతి ఉన్నట్లు కాదని, మెడికల్ అసెస్‌‌‌‌మెంట్ అండ్ రేటింగ్ బోర్డు (ఎంఏఆర్‌‌‌‌బీ) రికార్డుల ప్రకారం కేటాయించిన సీట్ల సంఖ్యను కూడా చెక్ చేసుకోవాలని సూచించింది.

ఎంబీబీఎస్ ప్రవేశాలు కేవలం మెడికల్ కౌన్సెలింగ్ కమిటీ (ఎంసీసీ) లేదా రాష్ట్రాల అధికారిక కౌన్సెలింగ్ ద్వారానే జరుగుతాయని, ఏజెంట్లకు గానీ, వ్యక్తిగత బ్యాంకు ఖాతాలకు గానీ డబ్బులు చెల్లించవద్దని హెచ్చరించింది. నకిలీ కాలేజీలు లేదా ఫోర్జరీ లెటర్లపై కమిషన్‌‌‌‌తో పాటు స్థానిక పోలీసులకు ఫిర్యాదు చేయాలని సూచించింది.

సుప్రీంకోర్టు ఆగ్రహం..
ప్రైవేట్ విద్యాసంస్థల తీరుపై విచారణ జరుపుతున్న ‘ఆయేషా జైన్ వర్సెస్ అమిటీ యూనివర్సిటీ’ కేసు సందర్భంగా యూపీ ఫామ్‌‌‌‌హౌస్ లో నడిపిస్తున్న ఫేక్ మెడికల్ కాలేజీ ఉదంతం సుప్రీంకోర్టు దృష్టికి వచ్చింది. జస్టిస్ ఎహసానుద్దీన్ అమానుల్లా, జస్టిస్ ఎన్.వి. అంజారియాలతో కూడిన ధర్మాసనం ఈ ఘటనపై ఆగ్రహం వ్యక్తం చేసింది.

విద్యార్థుల భవిష్యత్తుతో చెలగాటమాడుతున్న నకిలీ సంస్థల పట్ల ప్రజలను అప్రమత్తం చేయాలని యూనివర్సిటీ గ్రాంట్స్ కమిషన్ (యూజీసీ)తో పాటు ఎన్‌‌‌‌ఎంసీ సహా అన్ని ఉన్నత విద్యా సంస్థలను ఆదేశించింది. కాలేజీల వాస్తవికత, గుర్తింపును స్వయంగా సరిచూసుకోకుండా విద్యార్థులు, తల్లిదండ్రులు ఎలాంటి అడ్మిషన్లు తీసుకోవద్దని దేశవ్యాప్తంగా పబ్లిక్ అడ్వైజరీలు ఇవ్వాలని స్పష్టం చేసింది. సుప్రీంకోర్టు ఇచ్చిన ఈ ఆదేశాల మేరకే నేషనల్ మెడికల్ కమిషన్ ఈ హెచ్చరికలను జారీ చేసింది.

యూపీలో ఏం జరిగిందంటే..
ఉత్తరప్రదేశ్‌‌‌‌ లోని ఏటా జిల్లా మహమూద్‌‌‌‌పూర్ నగరియా గ్రామంలో వెలుగుచూసిన నకిలీ మెడికల్ కాలేజీ వ్యవహారం ఇటీవలే కలకలం రేపింది. పంట పొలాల మధ్య శిథిలావస్థలో ఉన్న రెండు మూడు గదుల ఓ పాత ఫామ్‌‌‌‌ హౌస్‌‌‌‌ నుంచే కేటుగాళ్లు బీఎస్ మెడికల్ కాలేజ్ పేరిట నకిలీ విద్యాసంస్థను నడిపించారు. ఎలాంటి ల్యాబ్‌‌‌‌లు, హాస్పిటల్ సౌకర్యాలు, చట్టబద్ధమైన అనుమతులు లేకపోయినా.. ఎంబీబీఎస్, డీ-ఫార్మసీ, బీ-ఫార్మసీ, బీఎస్సీ నర్సింగ్ వంటి కోర్సుల్లో కోర్సుల్లో ప్రవేశాలు కల్పిస్తున్నామంటూ ప్రచారం చేశారు.

పోలీసుల విచారణలో నిరక్షరాస్యుడైన ఓ స్థానిక చాయ్‌‌‌‌వాలా భగవాన్ దాస్ సింగ్ బఘేల్‌‌‌‌ను ఈ సంస్థకు చైర్మన్‌‌‌‌గా చూపించినట్లు తేలింది. ఈ దందాపై వెలువడిన కథనాలు, బాధితుల ఫిర్యాదుల ఆధారంగా ఉత్తరప్రదేశ్ పోలీసులు సతేంద్ర కుమార్‌‌‌‌ తో  పాటు మరో ముగ్గురిపై కేసు నమోదు చేసి దర్యాప్తు చేస్తున్నారు. ఈ కేసుకే సుప్రీంకోర్టు ప్రస్తావిస్తూ  విద్యార్థులు, తల్లిదండ్రులను అప్రమత్తం చేయాలని విద్యా నియంత్రణ సంస్థలను ఆదేశించింది.

Rohit Sharma: ఐపీఎల్ 2027 రిటెన్షన్ డెడ్‌లైన్ (నవంబర్ 17) దగ్గరపడుతున్న వేళ ట్రేడింగ్ మార్కెట్‌లో ఊహించని బిగ్ ట్విస్ట్ చోటు చేసుకుంది. ఐదుసార్లు ఐపీఎల్ ఛాంపియన్ ముంబై ఇండియన్స్ (MI) యాజమాన్యం తమ జట్టు పగ్గాలను మళ్లీ లెజెండరీ కెప్టెన్ రోహిత్ శర్మకే అప్పగించనున్నట్లు జాతీయ మీడియా కథనాలు వెల్లడించాయి. నవంబర్ 16 నుంచి 18 మధ్య ఈ విషయాన్ని ముంబై ఇండియన్స్ అధికారికంగా ప్రకటించే అవకాశం ఉంది. 

హార్దిక్ పాండ్యా ట్రేడ్: 

* గత మూడు సీజన్లుగా (2024–2026) ముంబై ఇండియన్స్‌కు కెప్టెన్‌గా వ్యవహరించిన హార్దిక్ పాండ్యా రాబోయే IPL 2027 కోసం పంజాబ్ కింగ్స్ (PBKS) జట్టులోకి మారనున్నాడు.

* భారీ ట్రేడ్ ప్లాన్: పంజాబ్ కింగ్స్ స్టార్ పేసర్ ఆర్ష్‌దీప్ సింగ్ ముంబై ఇండియన్స్‌లోకి రానుండగా, హార్దిక్ పాండ్యా పంజాబ్‌లోకి వెళ్తున్నట్లు సమాచారం. ఇరు ఫ్రాంచైజీలు ఇప్పటికే బీసీసీఐ (BCCI) కి అవసరమైన పత్రాలను సమర్పించాయని తెలుస్తుంది. 

* పాండ్యా కెప్టెన్ కాడు: పంజాబ్ కింగ్స్ జట్టుకు హార్దిక్ వెళ్లినప్పటికీ అతను కెప్టెన్‌గా ఉండడు. శ్రేయస్ అయ్యర్ పంజాబ్ సారథిగా కొనసాగుతాడు.

హిట్‌మ్యాన్ ఈజ్ బ్యాక్: 

2013 నుంచి 2023 వరకు ముంబై ఇండియన్స్ కెప్టెన్‌గా వ్యవహరించి ఏకంగా ఐదుసార్లు ఐపీఎల్ ట్రోఫీలు (2013, 2015, 2017, 2019, 2020) అందించిన ఘనత రోహిత్ సొంతం. 2024లో పాండ్యాకు కెప్టెన్సీ ఇచ్చినప్పటి నుంచి ముంబై ఇండియన్స్ ఒక్కసారి కూడా ఫైనల్‌కు చేరుకోలేకపోవడంతో ఫ్యాన్స్ తీవ్ర నిరాశకు గురయ్యారు. ఇప్పుడు కీరన్ పొలార్డ్ (Kieron Pollard) హెడ్ కోచ్‌గా వచ్చిన తర్వాత, జట్టు రీ-స్ట్రక్చరింగ్‌లో భాగంగా రోహిత్ శర్మను మళ్లీ కెప్టెన్‌గా ప్రకటించనుండటం మైండ్ బ్లాకింగ్ న్యూస్‌గా మారింది.

మిగతా ఫ్రాంచైజీల అప్‌డేట్స్:

* రాజస్థాన్ రాయల్స్ (RR): రాజస్థాన్ రాయల్స్ కెప్టెన్‌గా రియాన్ పరాగ్ తొలగింపు గురించిన పుకార్లకు చెక్ పడింది. అతను కెప్టెన్‌గానే కొనసాగనున్నాడు.

* పంజాబ్ కింగ్స్ (PBKS): శ్రేయస్ అయ్యర్ నేతృత్వంలోని పంజాబ్‌కు హార్దిక్ పాండ్యా రూపంలో అత్యుత్తమ ఆల్‌రౌండర్ లభించనున్నాడు.
 

ధన్‌‌‌‌తేరస్, దీపావళి, భాయ్‌‌‌‌దూజ్​కు అవసరమైన వస్తువులను నిమిషాల్లో ఇంటికి చేరుస్తామని అమెజాన్ నౌ ప్రకటించింది. 120కి పైగా నగరాల్లో ఈ సేవలు అందుబాటులో ఉన్నాయి. మట్టి, ఎల్​ఈడీ దీపాలు,  పూజా సామగ్రి, అలంకరణ వస్తువులు, స్వీట్లు, గిఫ్ట్ హ్యాంపర్లు, తంబోలా సెట్ల వంటివి ఆర్డర్ చేయవచ్చు.

రూ.9 నుంచి ఫాస్ట్ ఫెస్టివ్ డీల్స్ అందుబాటులో ఉండగా, ఎంపిక చేసిన వస్తువులపై 70 శాతం వరకు తగ్గింపు ప్రకటించింది. అమెజాన్ గ్రేట్ ఇండియన్ ఫెస్టివల్ నవంబర్ 10 వరకు కొనసాగనుంది.

వోల్టాస్‌‌‌‌ కొత్త ఛైర్మన్‌‌‌‌ సునీల్ డిసౌజా టాటా గ్రూప్ సంస్థ వోల్టాస్‌‌‌‌లో నాయకత్వ మార్పులు చోటుచేసుకున్నాయి. నోయల్ టాటా పదవీ విరమణ నేపథ్యంలో ఆయనకు ఛైర్మన్ ఎమెరిటస్ హోదా కల్పించాలని కంపెనీ బోర్డు నిర్ణయించింది. నవంబర్ 12 నుంచి ఈ నియామకం అమల్లోకి రానుంది. అదే రోజు నుంచి టాటా కన్జ్యూమర్ ప్రొడక్ట్స్ ఎండీ, సీఈఓ సునీల్ డిసౌజా వోల్టాస్ నూతన ఛైర్మన్‌‌‌‌గా బాధ్యతలు చేపట్టనున్నారు.

నోయల్ టాటాకు 2003 నుంచి వోల్టాస్‌‌‌‌తో అనుబంధం ఉంది.  కంపెనీ ఎండీ ముకుందన్ మీనన్ పదవీకాలం ఈ ఏడాది మే 24తో ముగియనుంది. ఆయన స్థానంలో రూమ్ ఏసీ విభాగాధిపతి జయంత్ బాలన్‌‌‌‌ను ఐదేళ్లపాటు  మేనేజింగ్ డైరెక్టర్‌‌‌‌గా నియమించేందుకు బోర్డు ఆమోదం తెలిపింది. ఈ నియామకానికి వాటాదారుల ఆమోదం అవసరం.

• రేపటి నుంచే కొత్త ధరలు

న్యూఢిల్లీ: క్యాన్సర్ రోగులకు కేంద్ర ప్రభుత్వం భారీ ఊరటనిచ్చింది. 137 రకాల క్యాన్సర్ మందులపై ట్రేడ్ మార్జిన్లను తగ్గించింది. దీంతో  సోమవారం నుంచి వీటి ధరలు గణనీయంగా తగ్గనున్నాయి. ఫలితంగా వినియోగదారులకు ఏటా సుమారు రూ.3,502 కోట్ల మేర ఆదా కానుంది. 

నేషనల్ ఫార్మాస్యూటికల్ ప్రైసింగ్ అథారిటీ (ఎన్‌‌‌‌పీపీఏ) ఆదేశాల మేరకు ఇప్పటికే 76 ఫార్మా కంపెనీలు 121 రకాల మందులకు సంబంధించిన 1,225 ఫార్ములేషన్ల కొత్త ధరలను ప్రకటించాయి.

వీటిలో 1,031 ఫార్ములేషన్ల ధరలు తగ్గాయి. 600 బ్రాండ్లపై 50 శాతానికి పైగా కోత పడగా, అత్యధికంగా 96.45 శాతం తగ్గింపు నమోదైంది. రిటైలర్లు, ఆసుపత్రులు కొత్త ధరల పట్టికలను ప్రదర్శించాల్సి ఉంటుంది. వినియోగదారులు ఎన్‌‌‌‌పీపీఏ వెబ్‌‌‌‌సైట్, ఫార్మా సహీ దామ్ యాప్ ద్వారా ధరలను తెలుసుకోవచ్చు.

దక్షిణ భారతదేశంలో రిటైల్ కార్యకలాపాలను విస్తరిస్తున్న యూఎస్ పోలో అసోసియేషన్ హైదరాబాద్‌‌‌‌లోని హిమాయత్‌‌‌‌నగర్‌‌‌‌లో కొత్త ఐడెంటిటీ స్టోర్‌‌‌‌ను ఆరంభించింది. దీనిని నటుడు అఖిల్ అక్కినేని ప్రారంభించారు.

పురుషులు, పిల్లల దుస్తులతో పాటు ఫుట్​వేర్​ విభాగంలోనూ విస్తృత శ్రేణి ఉత్పత్తులు అందుబాటులో ఉన్నాయి. దక్షిణాదిలో షర్టులకు ఉన్న ఆదరణను దృష్టిలో పెట్టుకుని ప్రత్యేకంగా షర్ట్ బార్‌‌‌‌ను ఏర్పాటు చేశారు.

సాత్విక్ వర్మ, అనీ హీరో, హీరోయిన్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌గా నటిస్తున్న  చిత్రం ‘తొలి ప్రేమ కథ’.  సాయి లక్ష్మణ్ అల్లు దర్శకత్వంలో  లతా కె నిర్మిస్తున్నారు.  తాజాగా టీజర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ లాంచ్ ఈవెంట్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ను నిర్వహించారు. అతిథులుగా హాజరైన డైరెక్టర్ శైలేష్ కొలను,  హీరో ఆకాష్ పూరి.. టీజర్ చాలా బాగుందని,  ఈ సినిమా చాలా పెద్ద విజయం సాధించాలని కోరారు.   హీరో సాత్విక్ వర్మ మాట్లాడుతూ ‘ఇదొక  మంచి మ్యూజికల్ లవ్ స్టోరీ.  ధ్రువన్ అందించిన సంగీతం సినిమాకు ప్లస్ అవుతుంది.  అందరూ  మా సినిమాని సపోర్ట్ చేసి ఘనవిజయం చేయాలని కోరుకుంటున్నా’ అని అన్నాడు.  

డైరెక్టర్ సాయి లక్ష్మణ్  మాట్లాడుతూ ‘ఈ కథ అనుకున్నప్పుడే సాత్విక్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ను ఊహించుకున్నా.  ఇందులోని  విజువల్స్, మ్యూజిక్  అందరికీ నచ్చుతాయి.   చాలా అద్భుతమైన లొకేషన్స్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో  షూట్ చేశాం.  అవుట్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌పుట్ చాలా బాగా వచ్చింది. ప్రేక్షకులంతా  సినిమాని చూసి  సక్సెస్ చేస్తారని కోరుకుంటున్నా’ అని అన్నాడు.  మ్యూజిక్ డైరెక్టర్  ఆర్.ఆర్. ధ్రువన్ మాట్లాడుతూ ‘ఈ సినిమా నాకు చాలా స్పెషల్. ఇందులోని సంగీతం కొత్త ఎక్స్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌పీరియన్స్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ను అందిస్తుంది’ అని  చెప్పాడు. టీమ్ అంతా పాల్గొన్నారు.

వరుస హాలీవుడ్‌‌‌‌‌‌‌‌‌‌‌‌‌‌‌‌ ప్రాజెక్ట్స్‌‌‌‌‌‌‌‌‌‌‌‌‌‌‌‌తో బిజీగా ఉన్న ప్రియాంక చోప్రా అడపాదడపా నిర్మాతగానూ మెప్పిస్తున్నారు. ఆమె నిర్మాతగా తాజాగా ఓ కొత్త చిత్రాన్ని అనౌన్స్ చేశారు. ‘వెంటిలేటర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ 2’ పేరుతో ఈ మరాఠీ చిత్రం రూపొందుతోంది.  2015లో మధు చోప్రాతో  ఆమె నిర్మించిన ‘వెంటిలేటర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌’కు ఇది సీక్వెల్‌‌‌‌‌‌‌‌‌‌‌‌‌‌‌‌. రాజేష్‌‌‌‌‌‌‌‌‌‌‌‌‌‌‌‌ మపూస్కర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ డైరెక్షన్‌‌‌‌‌‌‌‌‌‌‌‌‌‌‌‌లో రూ.3 కోట్లతో రూపొందిన ఈ చిత్రం రూ.25 కోట్ల వరకు రాబట్టి అప్పట్లో అత్యధిక కలెక్షన్స్ రాబట్టిన మరాఠీ చిత్రంగా నిలిచింది.  అంతేకాదు మూడు జాతీయ అవార్డులను కూడా గెలుచుకుంది.

తన బ్యానర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో వచ్చిన గొప్ప చిత్రాల్లో ‘వెంటిలేటర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌’ ఒకటని,   దశాబ్ధం తర్వాత దానికి సీక్వెల్‌‌‌‌‌‌‌‌‌‌‌‌‌‌‌‌ను చేయనుండటం సంతోషంగా ఉందని ప్రియాంక ప్రకటించారు. ఇక ఫస్ట్ పార్ట్‌‌‌‌‌‌‌‌‌‌‌‌‌‌‌‌లో గెస్ట్ రోల్‌‌‌‌‌‌‌‌‌‌‌‌‌‌‌‌లో మెరిసిన ప్రియాంక ఇందులోనూ నటించే అవకాశాలు కనిపిస్తున్నాయి.   గణేష్ ఉత్సవాలు సమీపిస్తున్న సమయంలో తమ ఇంటి పెద్ద గజానన్ కామెర్కర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ అలియాస్‌‌‌‌‌‌‌‌‌‌‌‌‌‌‌‌ గజ్జు కాకా హాస్పిటల్‌‌‌‌‌‌‌‌లో చేరడంతో ఉత్సవాల వరకు ఆయన్ను బతికించుకోవాలని కామేర్కర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ కుటుంబ సభ్యులు వెంటిలేటర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌పై ఉంచుతారు. ఈ నేపథ్యంలో జరిగిన  కుటుంబ గొడవలు, ఎమోషన్స్‌‌‌‌‌‌‌‌‌‌‌‌‌‌‌‌తో సాగే కామెడీ డ్రామా. సీక్వెల్‌‌‌‌‌‌‌‌‌‌‌‌‌‌‌‌ కూడా కామేర్కర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ ఫ్యామిలీ చుట్టూనే ఉండబోతోందని సమాచారం. ఇక మహేష్ బాబు హీరోగా రాజమౌళి తెరకెక్కిస్తున్న ‘వారణాసి’ చిత్రంలో ప్రియాంక చోప్రా కీలకపాత్ర పోషిస్తున్న విషయం తెలిసిందే. 

‘రామాయణం’ సినిమాతో నటుడిగా మరో మెట్టు పైకెక్కిన బాలీవుడ్ హీరో రణబీర్ కపూర్.. దర్శకుడిగా మెగా ఫోన్‌‌‌‌‌‌‌‌ పట్టేందుకు రెడీ అవుతున్నాడు. తాను నటుడిగా కొనసాగేది మరో పదేళ్లు మాత్రమేనని, ఆ తర్వాత తన ఫోకస్‌‌‌‌‌‌‌‌ పూర్తిగా డైరెక్షన్‌‌‌‌‌‌‌‌పై ఉండబోతోందని క్లారిటీ ఇచ్చాడు. తాజాగా ఇచ్చిన ఓ ఇంటర్వ్యూలో తన మనసులోని మాటను బయటపెట్టాడు రణబీర్. ఇప్పటికే ఓ స్క్రిప్ట్ రాయడం మొదలు పెట్టానని, గత కొన్ని నెలలుగా దీనిపై వర్క్ చేస్తున్నానని చెప్పాడు. ‘బ్రహ్మాస్త్ర’ సీక్వెల్‌‌‌‌‌‌‌‌, యానిమల్ 2, రామాయణం పార్ట్ 2 పూర్తయ్యాక, రాబోయే మూడేళ్లలో డైరెక్టర్‌‌‌‌‌‌‌‌‌‌‌‌‌‌‌‌గా మొదటి అడుగు వేయాలని భావిస్తున్నట్టు స్పష్టం చేశాడు.  

అయితే తాను డైరెక్ట్ చేయబోయే ఫస్ట్ మూవీలో హీరోగా మాత్రం నటించనని చెప్పాడు.  లైఫ్ ఫ్ ఈజ్ బ్యూటిఫుల్, ఇట్స్ ఎ వండర్ ఫుల్ లైఫ్, రాజ్‌‌‌‌‌‌‌‌కుమార్ హిరానీ సినిమాల తరహాలో ఫీల్-గుడ్ ఫ్యామిలీ డ్రామాలు తీయడం ఇష్టమని అన్నాడు.  ప్రస్తుతం సంజయ్ లీలా భన్సాలీ డైరెక్షన్‌‌‌‌‌‌‌‌లో ‘లవ్‌‌‌‌‌‌‌‌ అండ్‌‌‌‌‌‌‌‌ వార్‌‌‌‌‌‌‌‌‌‌‌‌‌‌‌‌’ అనే సినిమాలో నటిస్తున్నాడు రణబీర్ కపూర్. దీని తర్వాత మూడు సీక్వెల్స్‌‌‌‌‌‌‌‌ షూటింగ్ పూర్తి చేయాల్సి ఉంది.  ఏదేమైనా బ్యాక్ టు బ్యాక్ క్రేజీ ప్రాజెక్టులతో దూసుకెళ్తున్న రణబీర్..  ఇలా యాక్టింగ్‌‌‌‌‌‌‌‌కు బ్రేక్‌‌‌‌‌‌‌‌ ఇచ్చి డైరెక్షన్‌‌‌‌‌‌‌‌ వైపు వెళ్తాననడం బాలీవుడ్‌‌‌‌‌‌‌‌ వర్గాల్లో చర్చనీయాంశంగా మారింది.