కాలిఫోర్నియాలో కాల్పులు..ఒకరి మృతి

అమెరికా మరోసారి నెత్తురోడింది. కాలిఫోర్నియా రాష్ట్రం శాన్ డియాగో నగరంలోని ఓ యూదు ప్రార్థనాలయంలోకి చొరబడ్డ దుండగులు.. తుపాకీతో విచక్షణారహితంగా కాల్పులు ప్రారంభించాడు. ఈ ఘటనలో ఓ మహిళ ప్రాణాలు కోల్పోగా… ముగ్గురు తీవ్రంగా గాయపడ్డారు. కాల్పుల తర్వాత నిందితుడు ఘటనాస్థలం నుంచి పరారయ్యాడు.

శాన్ డియాగో నగరంలోని పోవేలో ఉన్న యూదు ప్రార్థనాలయంలో శనివారం ఉదయం 11.30 గంటలకు ఈ ఘటన జరిగినట్లు పోలీసులు తెలిపారు. ఈ కాల్పులు జరిపిన జాన్ ఎర్నెస్ట్(19) యువకుడిని అదుపులోకి తీసుకున్నామని తులిపారు. ఇతను దాడి కోసం ఏఆర్ కేటగిరీకి చెందిన సెమీ ఆటోమేటిక్ రైఫిల్ వాడాడని చెప్పారు. జాతి విద్వేషం కారణంగానే దుండుగుడు కాల్పులు జరిపినట్టు భావిస్తున్నారు.

ఈ ఘటనపై స్పందించిన అమెరికా అధ్యక్షుడు ట్రంప్ …వైట్ హౌస్ లో మీడియా సమావేశంలో మాట్లాడారు. ఇది జాతి విద్వేష దాడిగా అభివర్ణించారు. ఈ దుర్ఘటనలో చనిపోయిన మృతుల కుటుంబాలకు ప్రగాఢ సానుభూతి తెలియజేశారు. నిందితుడిని పోలీసులు వెంటనే పట్టుకున్నారనీ, ఇందుకు ధన్యవాదాలు తెలుపుతూ ట్విట్లర్ లో ట్వీట్ చేశారు ట్రంప్.

Latest Updates