ఈ సారి టెంపరేచర్లు తగ్గాయ్..ఎందుకో తెలుసా?

లాక్​డౌన్​లో ఉండి గమనించారో లేదో గానీ ఈ సారి టెంపరేచర్లు అంతగా లేవు. ఉక్కపోత అయితే ఉందిగానీ, పోయినేడాది ఉన్నంత వేడి మాత్రం లేదు. అది కరోనా ఎఫెక్టో.. లాక్​డౌన్​ ఎఫెక్టో కాదు! మండుతూ, మసులుతూ, తిరుగుతూ 15 కోట్ల కిలోమీటర్ల దూరంలో ఉండే అతిపెద్ద థర్మోన్యూక్లియర్​ రియాక్టర్​ పని తగ్గించింది! సింపుల్​గా చెప్పాలంటే మన బతుకుకు ఆధారమైన ‘సూర్యుడూ లాక్​డౌన్​’ అయిపోయిండు మరి!! ఇంకా కరెక్ట్​గా చెప్పాలంటే సూర్యుడు తన పనిని తగ్గించేశాడు. దాన్నే ‘సోలార్​ మినిమమ్’ అంటారు. దీంతో అక్కడి అయస్కాంత క్షేత్రాలు బలహీనంగా మారాయి. ఆ ఎఫెక్ట్​తో అల్లంత దూరంలోని కాస్మిక్​ కిరణాలు మన వాతావరణంలోకి వచ్చేస్తాయి. పిడుగులతో కూడిన తుఫాన్లకు కారణమవుతాయి. అంతేకాదు, స్పేస్​లో పనిచేస్తున్న ఆస్ట్రోనాట్లనూ ఇబ్బంది పెడతాయి. కొన్ని స్పేస్​ హార్డ్​వేర్​లపై ఎఫెక్ట్​ పడుతుంది. భూమిపైన టెంపరేచర్​ తగ్గిపోతుంది. కొన్ని కొన్ని సార్లు ఆ టెంపరేచర్లు మరీ ఎక్కువగా పడిపోయే అవకాశమూ ఉంటుంది. ప్రస్తుతం టెంపరేచర్లు తగ్గడానికి ఇదే కారణమని అంటున్నారు నిపుణులు. ఒక్కోసారి మినీ ఐస్​ఏజ్​కు దారితీసే అవకాశమూ ఉంటుందట. 17, 18వ శతాబ్దాల్లో యూరప్ లిటిల్​ ఐస్​ ఏజ్​కు ఇదే కారణమట. అయితే, దీని వల్ల ప్రమాదమేమీ లేదంటున్నారు ప్రపంచ వాతావరణ సంస్థ, రాయల్​ ఆస్ట్రోనామికల్​ సొసైటీ నిపుణులు. సూర్యుడిపై జరుగుతున్న యాక్టివిటీలను ఆ రెండు సంస్థల సైంటిస్టులు పరిశీలిస్తున్నారు. సోలార్​ మినిమమ్​లతో పెద్ద డేంజర్​ ఏం లేదని, ఇది 11 ఏళ్లకోసారి జరిగేదేనని,  సోలార్​ మ్యాగ్జిమమ్​ (ఎక్కువ వేడి, ఎక్కువ యాక్టివ్​) నుంచి సోలార్​ మినిమమ్​కు సూర్యుడు ఎప్పుడూ వస్తూనే ఉంటాడని అంటున్నారు.

టచ్ చేయకుండానే మోగే డోర్ బెల్స్ 

Latest Updates