నిలోఫర్‌‌‌‌లో మందుల్లేవ్.. చిన్నారులకు ట్రీట్​మెంట్ లేదు

సర్జికల్ మెటీరియల్‌‌‌‌కూ కరువు

టీఎస్ఎంఎస్ఐడీసీ నుంచి సప్లై అంతంతే    

100 ఆపరేషన్లు పెండింగ్‌‌‌‌లో

3 కోట్ల బిల్లులు పెండింగ్.. సర్కార్ ఇచ్చింది 3 లక్షలే

ఆఫీసర్లు పట్టించుకుంటలేరని డాక్టర్ల ఆందోళన

హైదరాబాద్, వెలుగు: నిలోఫర్ చిల్డ్రన్​హాస్పిటల్లో చిన్నారులకు టైమ్ కి ట్రీట్​మెంట్ అందడంలేదు. సర్జరీలు ఎమర్జెన్సీ అయినప్పటికీ సరైన ఇన్​ఫ్రాస్ట్రక్చర్, మెటీరియల్ లేకపోవడంతో డాక్టర్లు ట్రీట్​మెంట్ చేయలేకపోతున్నారు. అప్పుడే పుట్టిన చిన్నారుల నుంచి12 ఏళ్లలోపు పిల్లల వరకు రోజూ 20 సర్జరీలు జరుగుతున్నాయి. ఇవికాకుండా దవాఖానలో ఎప్పుడూ వందకుపైగా సర్జరీలు పెండింగ్​లోనే ఉంటున్నాయి. కొద్ది రోజులుగా మెటిరీయల్ లేకపోవడం వల్ల కొన్ని సర్జరీలు వాయిదా పడుతున్నాయి. రోజుల పాటు వెయిట్​చేసినా సర్జరీ జరగకపోతుండటంతో పేషెంట్లు ఇతర మార్గాన్ని చూసుకుంటున్నారు. తెలంగాణ స్టేట్ మెడికల్ సర్వీసెస్ అండ్ ఇన్ఫ్రాస్ట్రక్చర్ డెవలప్ మెంట్ కార్పొరేషన్ (టీఎస్ఎంఎస్ఐడీసీ) నుంచి టైమ్​కి రాకపోవడంతోనే ఈ కొరత ఏర్పడినట్లు డాక్టర్లు చెప్తున్నారు. ఇండెంట్ లో పంపించినన్ని మందులు కూడా రావడంలేదని అంటున్నారు. ఈ విషయాన్ని కొద్ది రోజులక్రితం డాక్టర్లు నేరుగా డీఎంఈకి చెప్పినా సమస్య పరిష్కారం కాలేదు. అవసరమైన వాటిని ఆరోగ్యశ్రీ నిధుల నుంచి కొనుగోలు చేయాలని సూపరింటెండెంట్​ను డీఎంఈ ఆదేశించారు. ఎంత చెప్పినా పట్టించుకోకపోవడంతో పేషెంట్లతో కలిసి డాక్టర్లు ఆందోళనకు సైతం దిగారు. స్వయంగా నిలోఫర్​సర్జికల్ హెచ్​వోడీ డాక్టర్ నరేంద్రకుమార్​పేషెంట్లతో కలిసి హాస్పిటల్లో నిరసన తెలిపారు. హాస్పిటల్లో సర్జికల్​మెటిరీయల్​లేకపోతే సర్జరీలు ఎలా చేయాలని మండిపడ్డారు.

మందులొస్తలే.. టైంకి టెస్టులూ చేస్తలే

మెడిసిన్స్, సర్జికల్​మెటిరీయల్స్​కోసం టీఎస్ఎంఎస్ఐడీసీకి ఇండెంట్ పంపుతున్నా, అక్కడి నుంచి అవసరమైనంత సప్లై కావడంలేదు. ప్రస్తుతం సరైనంత సర్జికల్ మెటిరియల్ రాకపోవడంతోనే నిలోఫర్లో ఈ సమస్య ఏర్పడినట్లు చెప్తున్నారు. మెడిసిన్స్ లో  కూడా ఎక్కువగా డిమాండ్​ఉన్నవి తక్కువగా సప్లై చేస్తున్నారు. దీనివల్ల పేషెంట్లపై తీవ్రస్థాయిలో ఎఫెక్ట్ పడుతోంది. మెడిసిన్స్​లేకపోవడంతో బయటనుంచి కొనుగోలు చేయక తప్పడంలేదు. నిలోఫర్​పేరుకే సర్కార్​దవాఖాన, అక్కడకు వెళ్లిన రోగులు ప్రైవేట్ హాస్పిటల్ గానే ఫీల్​అవుతున్నారు. మెడిసిన్స్​తో పాటు ఇంజెక్షన్లు, గ్లూక్లోజ్​పెట్టేందుకు క్యాన్ లు సైతం లేకపోవడంతో బయట నుంచి తెచ్చుకుంటున్నారు. బ్లడ్​ టెస్టులు, అల్ట్రాసౌండ్​స్కానింగ్ తదితర టెస్టులు కూడా హాస్పిటల్లో టైమ్​కి చేయడంలేదు. దీంతో పేషెంట్లు టెస్టులను కూడా బయట చేయించుకోవాల్సి వస్తోంది.

గతేడాది ఇచ్చింది 3 లక్షలే 

ప్రభుత్వం ప్రతి హాస్పిటల్​కు ప్రత్యేక ఫండ్స్ కేటాయించాలి. కానీ ప్రస్తుతం అన్ని హాస్పిటల్స్ కు ఆశించిన స్థాయిలో నిధులు అందడంలేదు. నిలోఫర్​కు గతంలో ఏటా కోటికిపైగా నిధులు వచ్చేవి. కానీ ఇప్పుడు లక్షల్లో మాత్రమే వస్తున్నాయి. గతేడాది మొత్తానికి కేవలం రూ. 3 లక్షలు మాత్రమే ప్రభుత్వం నుంచి వచ్చాయి. దీంతో అన్నింటికోసం ఆరోగ్యశ్రీ నిధులనే వాడుకోవాల్సి వస్తోంది. ప్రస్తుతం ప్రతినెలా రూ.15 లక్షలను ఆరోగ్యశ్రీ ఫండ్స్ నుంచి వాడుకుంటున్నారు.

ఇప్పటికే 3 కోట్ల బకాయిలు

టీఎస్ఎంఎస్ఐడీసీ నుంచి సరఫరా కాని మెడిసిన్స్, సర్జికల్​మెటిరీయల్​ని బయట నుంచి కొనుగోలు చేస్తుంది. ఇప్పటి వరకు కొనుగోలు చేసిన మెటీరియల్ బిల్లులు రూ.3 కోట్ల వరకు బకాయిలు ఉన్నట్లు తెలిసింది. వీటి  కోసం వెయిట్ చేస్తున్న కాంట్రాక్టర్లు ఇప్పుడు టైమ్​కి సరఫరా చేయకపోవడం కూడా సర్జరీలు ఆగడానికి కారణమవుతోందని సమాచారం.

ఆరోగ్యశ్రీ నిధులతోనే కొంటున్నం 

టీఎస్ఎంఎస్ఐడీసీ నుంచి కావలిసినంత మెటిరీయల్​రావడంలేదు. ఆరోగ్యశ్రీ నిధులతోనే ఎప్పటికప్పుడు కొంటున్నం. హాస్పిటల్లో మెడిసిన్స్, సర్జికల్ మెటిరీయల్ కొరత ఉందన్నది అబద్ధం. పేషెంట్లకు కావాల్సిన మెటీరియల్స్ అన్నీ ఉన్నాయి. స్టోర్ రూమ్ ఒక బిల్డింగ్​లో, సర్జరీలు మరోక బిల్డింగ్​లో జరుగుతుండటంతో ఈ సమస్య వస్తోంది. హాస్పిటల్లో రెండు నెలలకు కావాల్సినంత మెటిరీయల్​స్టాక్​ ఉంది.

– డాక్టర్​ మురళీ కృష్ణ, నిలోఫర్ ​హాస్పిటల్ సూపరింటెండెంట్​

For More News..

హైదరాబాద్​లో భూడ్రామా! మాజీ మంత్రి అఖిలప్రియ అరెస్ట్.. అసలు ఏం జరిగింది..  

లీకుల భగీరథ.. క్వాలిటీ లేక పగులుతున్న పైపులు

రాష్ట్రమంతా నేడు వ్యాక్సిన్‌‌‌‌‌‌‌‌ డ్రై రన్‌‌‌‌‌‌‌‌

రెండు షిఫ్టుల్లో ఇంటర్ కాలేజీలు! కొంతమందికి ఉదయం.. మరికొంతమందికి మధ్యాహ్నం..

Latest Updates