దోచుకుంటున్న ప్రైవేట్ కోవిడ్ సెంటర్లు.. బిల్లులు అడిగితే చిత్తు కాగితాలపై రాసిస్తున్రు

సీరియస్ అయితే గెంటేస్తున్నారు! 

ఉన్నన్ని రోజులు దండుకుంటున్నారు
సీరియస్ అయితే హైదరాబాద్ కు రెఫర్ చేస్తున్నరు
చిత్తు కాగితాలపై బిల్లులు రాసిస్తున్నరు
ఇప్పటికే జడ్పీ వైస్ చైర్మన్, ఓ సర్పంచ్ మృతి

ఆదిలాబాద్, వెలుగుప్రైవేట్​ కోవిడ్​ కేర్​ సెంటర్​లో వైద్యం బాగుంటుందని వెళ్తున్న రోగులకు చేదు అనుభవమే ఎదురవుతోంది. రూ.లక్షల్లో బిల్లులు గుంజి, ప్రాణాలమీదికి వచ్చాకా చేతులెత్తేస్తున్నారు. మరోవైపు చిత్తుకాగితాలపై బిల్లులు రాసిచ్చి నిర్లక్ష్యంగా వ్యవహరిస్తున్నారు. ఆదిలాబాద్ జడ్పీ వైస్​ చైర్మన్​ ఆరె రాజన్న, తలమడుగు మండలానికి చెందిన సర్పంచ్ పెందూర్ లక్ష్మణ్​ కరోనా బారిన పడి ఆదిలాబాద్​ శివారులోని ఓ కోవిడ్​ కేర్​ సెంటర్ లో చేరారు. రెండుమూడు రోజులు ట్రీట్​మెంట్​చేసి పరిస్థితి విషమించడంతో హైదరాబాద్​కు పంపించగా చికిత్స పొందుతూ చనిపోయారు. ఆసుపత్రిలో వైద్యులు లేకపోవడంతోనే అక్కడికి వెళ్లిన వారి కండీషన్​ సీరియస్​ అవుతున్నట్లు తెలుస్తోంది. ప్రైవేటు కావడంతో కరోనాతో భయపడేవారందరూ ఇక్కడికే వస్తున్నారు. వారినుంచి ప్రతిరోజు రూ. 30 వేలు మినిమమ్​ బిల్​ తీసుకుని కేవలం కశాయాలు, పారాసిటమల్​, సిట్రిజిన్​ట్యాబ్లెట్లు ఇస్తున్నారు. తెల్లకాగితాలపై బిల్లులు రాసి ఇస్తున్నారు. సిబ్బంది అక్కడ పనిచేసే స్వీపర్లు, ఇతర ఉద్యోగుల గూగుల్​ పేలో డబ్బులు తీసుకుంటున్నారని, కండీషన్​ సీరియస్​ అయితే అంబులెన్స్​లో హైదరాబాద్​కు తరలిస్తున్నారని చెబుతున్నారు.  దానికీ రూ. 35 వేల వరకు వసూలు చేసినట్లు పేషెంట్ల బంధువులు పేర్కొంటున్నారు.

డబ్బు సంపాదనే లక్ష్యంగా..

ఆదిలాబాద్​ జిల్లా కేంద్రంలో ఇదివరకే నాలుగు కోవిడ్ కేర్​ సెంటర్లు ఉన్నాయి. వీటిలో సగానికిపైగా బెడ్లు ఖాళీగానే ఉంటున్నాయి. అయినప్పటికీ ఆఫీసర్లు మరో ప్రైవేట్​సెంటర్​కు పర్మిషన్​ఇవ్వడం అనుమానాలకు తావిస్తోంది. ఇక్కడ క్వారంటైన్​ పీరియడ్​మొత్తం ఉంటే  రూ. 5 నుంచి రూ. 8  లక్షల బిల్లు వేస్తున్నట్లు కొందరు బాధితులు ఆరోపించారు. ఆదిలాబాద్ శివారులోని రాంపూర్​ వద్ద గల ఓపాకలో నడిపిస్తున్న ఈ సెంటర్​కు కనీసం వెళ్లడానికి కనీసం సరైనా మార్గం కూడా లేదని ఆవేదన వ్యక్తం చేశారు.

రిమ్స్​లోనే ఖాళీగా ఉంటున్నాయి..

ఆదిలాబాద్ లోని మైనారిటీ బాయ్స్​హాస్టల్​, పోస్ట్​ మెట్రిక్​ మైనారిటీ హాస్టల్, యూత్​ ట్రైనింగ్​ సెంటర్లలో  కోవిడ్​కేర్​ సెంటర్లు నడుస్తున్నాయి. వీటిలోనే చాలావరకు బెడ్లు ఖాళీగా ఉంటున్నాయి. 340  బెడ్లు ఉన్న రిమ్స్​ కోవిడ్​ కేర్ సెంటర్​లో ఎప్పుడూ బెడ్లు ఖాళీగానే ఉంటున్నాయి. ఉట్నూర్​లో మరో కోవిడ్​ కేర్​ఉంది. వీటిని కాదని ఆఫీసర్లు రాంపూర్​ రోడ్డు వద్ద కొత్తగా మరో ప్రైవేటు సెంటర్​కు అనుమతి ఇవ్వడంపై విమర్శలు వెల్లువెత్తుతున్నాయి.

ఎక్కువ ఫీజులు తీసుకోవడం తప్పు

ఫీజులు ఎక్కువగా వసూలు చేస్తు న్నారనే విషయం మాదాకా వచ్చింది. దీనికోసం ప్రత్యేకంగా ఓ కమిటీని వేశాం. ఆ కమిటీద్వారా ఎంక్వైరీ చేయించి చర్యలు తీసుకుంటాం. ఏ చికిత్సకు ఎంత తీసుకుం రనే విషయం స్పష్టంగా డిస్ ప్లే చేయించి, పక్కా బిల్లులు ఇచ్చేలా చూస్తాం. –డాక్టర్​ నరేందర్​ రాథోడ్, డీఎంఅండ్​హెచ్​వో.

Latest Updates