హోం ట్యూషన్స్: నాలుగో తరగతి చిన్నారులపై టీచర్ లైంగిక చర్యలు

విద్యాబుద్ధులు నేర్పించే ఉపాధ్యాయుడే బుద్ధి గడ్డి తిని దారి తప్పాడు.  ముక్కు పచ్చలారని చిన్నారులపై లైంగిక వేధింపులకు పాల్పడ్డాడు.

వనపర్తి జిల్లాలో దారుణం జరిగింది. హోం ట్యూషన్ పేరుతో కీచక టీచర్ నాలుగో తరగతి విద్యార్ధినులపై లైంగిక చర్యలకు పాల్పడ్డాడు. ఎప్పటి లాగే ట్యూషన్ కు వెళ్లిన చిన్నారికి రక్తస్త్రావం కావడంతో భయాందోళనకు గురైన విద్యార్ధిని తల్లి ఆస్పత్రికి తరలించి వైద్య పరీక్షలు చేయించింది. వైద్య పరీక్షల్లో చిన్నారిపై లైంగిక దాడి జరిగినట్లు డాక్టర్లు గుర్తించారు.  

నాగర్ కర్నూల్  పెద్దూరు గ్రామానికి చెందిన శరత్ కుమార్ వనపర్తి జిల్లాకు చెందిన ఓ గ్రామంలో మూడు సంవత్సరాలుగా  ప్రైవేటు పాఠశాలలో టీచర్ గా పని చేస్తున్నాడు. స్కూల్ టీచర్ గానే కాకుండా ఇంట్లో ట్యూషన్ చెబుతుండేవాడు. స్థానికంగా ఉన్న నాలుగో తరగతి విద్యార్ధులకు గురుకుల పాఠశాలల్లో ఎంట్రన్స్ కోసం ప్రత్యేకంగా క్లాసులు నిర్వహించేవాడు. అయితే కీచక టీచర్ ట్యూషన్ చెబుతూ..డౌట్స్ ఉంటే పిల్లల్ని ఇంటికి రమ్మనమనేవాడు. ఇంటికొచ్చిన చిన్నారుల్ని లైంగికంగా వేధించేవాడు. ఎప్పటిలాగా హోం ట్యూషన్ కోసం ఇంటికి వచ్చిన నాలుగో తరగతి విద్యార్ధినులపై లైంగిక చర్యలకు పాల్పడ్డాడు. అందులో ఓ విద్యార్ధినికి రక్తస్త్రావం కావడంతో చిన్నారి తల్లి వైద్య పరీక్షలు చేయడంతో ఈ దారుణం వెలుగులోకి వచ్చింది.  దారుణం పై సమాచారం అందుకున్న పోలీసులు నిందితుడిని అదుపులోకి తీసుకున్నారు. పోక్సో చట్టం కింద కేసు నమోదు చేసుకొని దర్యాప్తు ప్రారంభించారు.

Latest Updates