హైదరాబాద్: బాచుపల్లి పోలీస్ స్టేషన్ పరిధిలోని వాసవి అర్బన్ అపార్ట్మెంట్ ముందు.. ఆ అపార్ట్ మెంట్ లో ఫ్లాట్లు కొన్న పబ్లిక్ ధర్నా చేశారు. గడువు పూర్తయినా అపార్టె మెంట్ హ్యాండోవర్ చేయలేదని కొనుగోలుదారులు ఆందోళనకు దిగారు. నిరసనకు దిగిన అపార్ట్ మెంట్ కొనుగోలుదారులు వెంటనే అపార్ట్ మెంట్ హ్యాండోవర్ చేయాలని డిమాండ్ చేశారు. సమస్యపై అధికారులు స్పందించాలని బాధితుల విజ్ఞప్తి చేశారు.
గ్రేటర్ హైదరాబాద్ సిటీ చుట్టూ కొందరు రియల్టర్లు, బిల్డర్లు, ఏజెంట్లు మోసాలకు పాల్పడుతున్నారు. ప్రీ లాంచ్‌‌‌‌ల పేరుతో కొనుగోలుదారులను మాయ చేస్తున్నారు. అగ్రిమెంట్ల ప్రకారం అపార్ట్‌‌‌‌మెంట్లు, విల్లాల నిర్మాణాలు పూర్తి చేయడం లేదు. గడువులోగా ఫ్లాట్లను, ప్లాట్లను అప్పగించడం లేదు. చెప్పిన సౌలతుల (ఎమినిటీస్)ను కల్పించడం లేదు. ముందు చెప్పేదొకటి.. ఆ తర్వాత చేసేదొకటి అన్నట్టుగా వ్యవహరిస్తున్నారు.
ఒక ప్రాజెక్టును చూపించి అడ్వాన్స్‌‌‌‌గా డబ్బులు తీసుకొని, అది కంప్లీట్ చేయకుండానే.. ఆ నిధులను మరో ప్రాజెక్టుకు మళ్లిస్తున్నారు. బ్యాంకుల్లో లోన్లు తీసుకొని అపార్ట్‌‌‌‌మెంట్లలో ఫ్లాట్లు, విల్లాలు కొనుగోలు చేసినోళ్లేమో.. అవి తమ చేతికి అందక, సొంతింటి కల నెరవేరక ఆవేదన చెందుతున్నారు. మరోవైపు ఈఎంఐల భారంతో తీవ్రమైన ఇబ్బందులు ఎదుర్కొంటున్నారు. త్వరగా ప్రాజెక్టులు పూర్తి చేయాలని నెలలు, సంవత్సరాల తరబడి రియల్టర్లు, బిల్డర్లు చుట్టూ తిరిగి అలసిపోతున్నారు.
