ఉద్యోగాన్ని కాపాడుకోవాలంటే కొన్ని జాగ్రత్తలు..!

కరోనా అన్నిరంగాలపై తన ప్రభావాన్ని చూపుతోంది. ప్రపంచగతినే పూర్తిగా మార్చేస్తోంది. ఇప్పటికే ఎంతో మంది ఉద్యోగాలను కోల్పోయారు. జీతాల్లోనూ కోతలు మొదలైపోయాయి. జాబ్​ చేస్తున్న వాళ్లకు కూడా ఉన్న ఉద్యోగం ఎప్పుడు ఊడుతుందో, ఎంతకాలం పాటు ఉంటుందో గ్యారెంటీ లేదు. ఈ క్రైసిస్​లో నిలదొక్కుకుని, ఉద్యోగాన్ని కాపాడుకోవాలంటే కొన్ని జాగ్రత్తలు తీసుకోవాలి. 

ఇప్పటికే లాక్​డౌన్​ మొదలై చాలాకాలం అయిపోయింది. పెద్దపెద్ద ఇండస్ట్రీలు, కార్పోరేట్ ఆఫీసులు ఈ దెబ్బకు నష్టాలను చూస్తున్నాయి. ఎంతో మందిని ఉద్యోగాల నుంచి తొలగిస్తున్నాయి. రానున్న రోజుల్లో ఈ నష్టం మరింత పెరుగుతుందని, మరింత మంది ఉద్యోగాలు పోతాయని ఆర్థిక నిపుణులు చెప్తున్నారు. ఇలాంటి సమయంలో మనకున్న స్కిల్స్​ను మరింత మెరుగుపర్చుకోవాల్సిన అవసరం ఉంది.

లీడర్​షిప్ క్వాలిటీస్​​

ఒక షిప్​ ప్రమాదంలో ఉంటే… ఆ ఆపద నుంచి మంచి కెప్టెన్​ మాత్రమే కాపాడగలడు. ఇలాంటప్పుడు కంపెనీని కాపాడుకోవడానికి అలాంటి బాస్​లే అవసరం. ఇప్పటికే పెద్దపెద్ద ఐటీ కంపెనీలన్నీ ఈ ఏడాది మొత్తం… తమ ఎంప్లాయిస్​ని వర్క్​ ఫ్రమ్​ హోమ్​ చేయమని అంటున్నాయి. వర్క్​ ఫ్రమ్​ హోం చేస్తున్న టీంని నడిపించడానికి ఆ టీం లీడర్​ కచ్చితంగా కొన్ని అదనపు స్కిల్స్​ పెంచుకోవాలి. ఒకప్పటి కంటే ఇప్పుడు ఎక్కువ తెలివితేటలతో వ్యవహరించాల్సి ఉంటుంది. రెగ్యులర్​గా ఆఫీస్​ నడిచే రోజులకంటే, టీం లీడర్లకు ఇప్పుడు ఎక్కువ స్కిల్స్​ అవసరం.

ఎమోషనల్​ ఇంటెలిజెన్స్​

ఈ ప్రత్యేకమైన సందర్భంలో… ప్రతి ఉద్యోగికీ ఎమోషనల్ ఇంటెలిజెన్స్ అవసరం. ఎమోషన్స్​ను ఎక్సెప్రెస్​ చేయడంలోనూ, దాచుకోవడంలోనూ మెచ్యూరిటీని చూపాలి. సాఫ్ట్​వేర్​ రంగంలో పైస్థాయిలో ఉన్న వాళ్లందరిలో ఈ క్వాలిటీ కనపడుతుంది. జాబ్​ పోతుందేమో అనే భయం,  ఒత్తిడి మన పని మీద ప్రభావం చూపుతాయి. చివరికి మనం తెచ్చిపెట్టుకున్న ఒత్తిడి, భయమే జాబ్ కోల్పోవడానికి కారణం అవుతాయి. ఎలాంటి పరిస్థితుల్లో అయినా వీలైనంత కూల్​గా పనిచేసుకుంటూ పోవాలి.

టెక్నికల్ స్కిల్స్​…

లాక్​డౌన్ మొదలయ్యాక… దాదాపు అన్ని ఉద్యోగాలూ వర్క్​ ఫ్రమ్​ హోం అయిపోయాయి. టెక్నికల్​గా ఇంప్రూవ్​ అవ్వాల్సిన అవసరం బాగా పెరిగిపోయింది. ఆన్​లైన్​ మీటింగ్​లు పెరిగిపోయాయి. ఆఫీస్​కు సంబంధించిన చర్చలన్నీ అక్కడే జరుగుతున్నాయి. ఒక్కసారిగా వచ్చేసిన ఈ కొత్త పద్ధతులతో చాలా మంది ఇబ్బంది పడ్డారు. కొందరు టెక్నికల్​గా తమని మెరుగుపరుచుకున్నారు. చాలా కంపెనీల్లో ఇప్పుడు టెక్నికల్​ స్కిల్స్​నే ఉద్యోగిలోని ప్రధానాంశంగా చూస్తున్నారు. ఎంప్లాయిస్​ని తగ్గించుకునే ముందు ఈ విషయాన్ని దృష్టిలో పెట్టుకుంటున్నారు.

మార్పులకు సిద్ధంగా…

సహజంగానే మార్పులకు సిద్ధంగా ఉండాలి. ఇలాంటి ప్రత్యేకమైన పరిస్థితుల్లో మరింత సిద్ధంగా ఉండాలి. పూర్తిగా లాక్​డౌన్​ తొలగిపోయాక కూడా ఎప్పుడు ఎలాంటి పరిస్థితులు ఉంటాయో చెప్పలేం. వర్కింగ్​ అవర్స్​ ప్రతిరోజూ మారుతూ ఉండొచ్చు. ఏరోజు ఇంటి నుండి పనిచేయాలో, ఎప్పుడు ఆఫీస్​కు వెళ్లాలో చివరి క్షణం వరకూ తెలియకపోవచ్చు. ఏ సమయంలోనైనా, ఎలాంటి సిచ్యుయేషన్స్​లో అయినా వర్క్​ చేయడానికి సిద్ధంగా ఉండాలి. ఈ పరిస్థితుల్లో జాబ్​ కాపాడుకోవాలంటే ఇలా అన్నింటికీ రెడీ అయి ఉండాలి.

For More News..

నచ్చిన కోర్సులో సీటు రాక.. ఇష్టంలేని కోర్సు చదవలేక..

భూములు పాయే..  ప్రాజెక్టు పాయే.. కొలువులు రాకపాయే..

రూ. 170 కోసం దోస్తుల గొడవ.. ఒకరి మృతి

Latest Updates