మేడిపల్లి, వెలుగు: బోడుప్పల్ పరిధిలో ఓ బార్లో బుధవారం రాత్రి జరిగిన గొడవలో ఇరు వర్గాలు కుర్చీలు, టేబుళ్లతో దాడులు చేసుకున్నాయి. గురువారం మేడిపల్లి ఏఎస్ఐ నర్సింహారెడ్డి తెలిపిన వివరాల ప్రకారం ... బోడుప్పల్కు చెందిన కె. ప్రదీప్ ఫ్రెండ్స్తో కలిసి బుధవారం రాత్రి 10 గంటలకు అమృత బార్కు వెళ్లాడు. అదే టైమ్లో మల్లాపూర్కు చెందిన జహంగీర్, మనోజ్, శ్రీకాంత్ సహా 10 మంది యువకులు పక్క టేబుల్ దగ్గర మందు తాగుతున్నారు. ఈ క్రమంలో రెండు గ్రూప్ల మధ్య గొడవ జరిగింది. కుర్చీలు, టేబుళ్లతో దాడులు చేసుకుంటూ బార్ నుంచి బయటకు వెళ్లి మరింత గొడవ పడ్డారు. ప్రదీప్ మేడిపల్లి పీఎస్లో కంప్లయింట్ చేయగా.. పోలీసులు కేసు ఫైల్ చేశారు.
