సూపర్‌ 30 ఫౌండర్ , ప్రముఖ మ్యాథ‌మెటీషియ‌న్ ఆనంద్ కుమార్ మరోసారి ‘కౌన్‌ బనేగా కరోడ్‌‌పతి’ లో అడుగుపెట్టనున్నారు. బిగ్‌బీ అమితాబ్ బచ్చన్‌ వ్యాఖ్యాతగా వ్యవహరిస్తున్న కౌన్‌ బనేగా కరోడ్‌‌పతి షో త్వరలో ఎపిసోడ్‌ 51, 61,62లు జరగనున్నాయి. ఈ షోలో పాల్గొనాల్సిందిగా కేబీసీ ఆనంద్‌ను ఆహ్వానిస్తూ ప్రకటన విడుదల చేసింది. కాగా 2017లో మొదటిసారి కేబీసీలో పాల్గొన్న ఆనంద్ గేమ్ ఆడి రూ.25 లక్షల్ని గెలుచుకున్నారు. గేమ్ ఆడటమే కాదు..వ్యాఖ్యాతగా ఉన్న అమితాబ్ కు ‘అరక్షణ్‌’ సినిమాలోని పాత్రకు కొన్ని సలహాలిచ్చారు.
