తాలిబన్ల ఆత్మాహుతి దాడిలో ముగ్గురు పోలీసులు మృతి

అఫ్ఘానిస్థాన్‌లో తాలిబన్లు తూర్పు ఘంజీ ప్రావిన్సులోని జిల్లా పోలీసు ప్రధాన కార్యాలయం లక్ష్యంగా ఇవాళ(శనివారం) ఆత్మాహుతి దాడి జరిపింది. ఈ దాడిలో ముగ్గురు పోలీసు అధికారులు చనిపోగా… మరో 12 మంది పోలీసులు గాయపడ్డారు. అంతేకాదు దాడితో కార్యాలయం పాక్షికంగా దెబ్బతిందని పోలీసు ఉన్నతాధికారులు తెలిపారు. గతంలో తాలిబన్లు దొంగిలించిన ఓ సైనిక వాహనం ఉపయోగించుకొని ఈ దాడి జరిపినట్లు తెలిపారు. అయితే, ఈ దాడికి తామే కారణమని తాలిబన్‌ సంస్థ అధికార ప్రతినిధి జబీహుల్లా ముజాహిద్‌ ప్రకటించారు. ఘంజీ ప్రావిన్సులో తాలిబన్ల ప్రాబల్యం ఎక్కువగా ఉంటుంది. అంతేకాక సగానికిపైగా అఫ్గానిస్థాన్‌లో వీరి కదలికలు ఉన్నాయి. భద్రతా దళాలను లక్ష్యంగా చేసుకొని ఇక్కడ ఎక్కువగా దాడులు జరుగుతుంటాయి.

Latest Updates