దీపావళి రోజు బాణాసంచా మోతలతో ఎంజాయ్ చేయాలనుకుంటారు ఎక్కువమంది. అయితే దానివల్ల వాయు కాలుష్యం, శబ్ద కాలుష్యం పెరిగి పర్యావరణానికి, మూగజీవులకు హాని జరుగుతుంది. అందువల్ల ఈసారి టపాసులకు 'నో' చెప్పి గ్రీన్ దీపావళికి వెల్ కమ్ చెప్పండి.
దీపావళి అంటేనే వెలుగుల పండుగని.. అందుకే ఇంటిని... వాకిలిని దీపపు కాంతులతో అలంకరిస్తుంటాం. ఈ క్రమంలో కొందరు రంగురంగుల ఫ్లోరోసెంట్ బల్బ్ లను పెడుతుంటారు. కానీ వాటివల్ల పెద్దమొత్తంలో కరెంట్ ఖర్చవుతుంది. అలాకాకుండా ఉండాలంటే విద్యుత్ దీపాల చమక్కులకు చెక్ చెప్పి మట్టి ప్రమిదల్లో నూనె పోసి వెలిగించండి. నేచురల్ వెలుగులతో మీ ఇంటిని నింపేయండి. కావాలనుకుంటే.. ఆ దీపాలకు మీ చేతితో రంగులద్ది అందంగా అలంకరించండి. ఇవికాకుండా గోధుమపిండితో, నారింజ తొక్కలతో, కొబ్బరి చిప్పలను ప్రమిదలుగా మలిచి కూడా దీపాలు వెలిగించొచ్చు.
పచ్చని బహుమతి: ఆత్మీయులకు, మిత్రులకు శుభాకాంక్షలతో పాటు తీపిని అందిస్తాం. ఇంటి ముందు దీపాల్ని వెలిగిస్తాం. ఈ దీపావళి నుంచి ఆ సంప్రదాయాలతో పాటు ఓ మొక్కను బహుమతిగా ఇద్దాం. స్వచ్ఛమైన గాలిని అందించే మొక్కలను, గాలిని శుభ్రపరిచే మొక్కలను ఈసారి గిఫ్ట్గా ఇవ్వండి. ఇవికాకుండా జ్యూట్ బ్యాగ్స్, ఖాదీ బట్టలు, సోలార్ పవర్ తో పనిచేసే గ్యాడ్జెట్ ను దీపావళి బహుమతులుగా ఇవ్వొచ్చు. పాత న్యూస్ పేపర్లనే రేపర్స్ గిఫ్ట్ ప్యాక్లు చేయండి. పర్యావరణానికి నష్టం కలగకుండా ఈ ఫెస్టివల్స్ ను సెలబ్రేట్ చేయండి.
ఎకో ఫ్రెండ్లీ క్రాకర్స్ : వాతావరణానికి ఎలాంటి హాని చేయని, ధ్వని కాలుష్యం లేని గ్లో స్టిక్స్, స్నేక్ మిక్స్, ఫేక్ నోట్, ఫ్లవర్ పవర్ వంటి ఎకో ఫ్రెండ్లీ క్రాకర్స్ మార్కెట్లో ఉన్నాయి. వీటిని రీసైకిల్ పేపర్స్ తో తయారుచేస్తున్నారు. ఈ క్రాకర్స్ తో గ్రీన్ దీపావళికి స్వాగతం చెప్పొచ్చు. రంగు రంగుల బెలూన్లకి గ్లిట్టర్ పూసి మెరిపించేయండి
రంగోరీ: పూర్వం ఇంటిముందు బియ్యం పప్పులతో రంగవల్లులు వేసేవాళ్లు. అలాగైనా పక్షులకు కొంత దాణా దొరుకుతుందని వాళ్లు భావించేవాళ్లు. మళీ ఆ కాలం రావాలని కోరుకుందాం. ఈసారి కెమికల్ కలిపిన రంగవల్లుల బదులు బియ్యం, పప్పులతో నింపి... పువ్వులతో ఫినిషింగ్ టచ్ ఇవ్వండి. పువ్వులు ఎండిపోతే ఆ పూలను కూడా తర్వాత రోజు కంపోస్ట్ ఎరువుగా తయారుచేసుకొని మీ గార్డెన్ కోసం ఉపయోగించండి... డెకరేషన్లోన్ లో ప్లాస్టిక్ ను దరిచేరనీయకుండా కలర్ ఫుల్ దుపట్టా. చీరలతో ఇంటిని అలంకరించండి
