రైలులో ప్రయాణిస్తున్న ఓ పాన్ వ్యాపారి చేసిన పని ఇప్పుడు సోషల్ మీడియాలో చర్చనీయాంశంగా మారింది. ముంబై నుంచి ఛత్తీస్‌గఢ్‌కు వెళ్తున్న రైలులోని ఏసీ 3 టైర్‌ కోచ్‌లో ఓ వ్యాపారి బెర్త్‌పైనే పాన్లు కడుతున్నాడు. దీనికి సంబంధించిన వీడియో సోషల్ మీడియాలో వైరల్‌గా మారడంతో ప్రయాణికులు, నెటిజన్లు రకరకాలుగా కామెంట్స్ చేస్తన్నారు.
రైలు బెర్త్‌పైనే పాన్‌ల తయారీ
సోషల్ మీడియాలో వైరల్ అవుతున్న వీడియోలో ఓ పాన్ వ్యాపారి రైలు కోచ్‌లో కింది బెర్త్‌పై కూర్చుని పాన్లు తయారు చేస్తున్నట్లు కనిపిస్తోంది. బెర్త్‌పై ఓ టవల్ పరుచుకుని, తన దగ్గర ఉన్న సామగ్రితో పాన్లు కడుతున్నాడు.
ఈ వీడియో Xలో షేర్ కాగా... వీడియో తీసిన ప్రయాణికుడి ప్రకారం, ఆ వ్యాపారికి సుమారు 20 నుంచి 25 పాన్‌ల ఆర్డర్ వచ్చింది. దీంతో తోటి ప్రయాణికులకు విక్రయించేందుకు అక్కడే పాన్లు తయారు చేస్తున్నట్లు తెలుస్తోంది.
నెటిజన్ల కామెంట్స్
రైలు బెర్త్‌పై కూర్చుని పాన్లు తయారు చేయడంపై నెటిజన్లు అభ్యంతరాలు వ్యక్తం చేస్తున్నారు. ప్రయాణికులు కూర్చోవడానికి, విశ్రాంతి తీసుకోవడానికి, నిద్రపోవడానికి ఉపయోగించే బెర్త్‌పై పాన్లు తయారు చేయడం ఎంతవరకు కరెక్ట్ అని ప్రశ్నిస్తున్నారు.
పాన్ తయారు చేసే ప్రదేశం పరిశుభ్రంగా ఉండటం చాలా ముఖ్యమని కొందరు అభిప్రాయపడుతున్నారు. ముఖ్యంగా ఏసీ కోచ్‌లో ప్రయాణికులందరూ కూర్చోవడానికి ఉపయోగించే సమయంలో ఇలాంటి పనులు చేయడం వల్ల పరిశుభ్రత సమస్యలు తలెత్తే అవకాశం ఉందని ఆందోళన వ్యక్తం చేస్తున్నారు.
రైల్వే అధికారుల స్పందన
రైలు కోచ్‌లలో అనుమతి లేకుండా పాన్/ఆహార పదార్థాలను విక్రయిస్తున్నారా అనే ప్రశ్నలు కూడా ఈ ఘటనతో తెరపైకి వచ్చాయి. రిజర్వేషన్ ఉన్న ఏసీ కోచ్‌లలో ఇలాంటి పనులు ఎలా అరికట్టాలని చర్చ జరుగుతోంది. ఈ ఘటనపై అధికారులు ఎలాంటి చర్యలు తీసుకుంటారో తెలియాల్సి ఉంది.
మొత్తానికి, రైలు బెర్త్‌పైనే పాన్లు తయారు చేస్తున్న ఈ వీడియో ప్రయాణ సమయంలో పరిశుభ్రత పాటించాల్సిన అవసరంపై మరోసారి చర్చకు దారితీసింది.
🚨 INDIAN RAILWAYS : A man was reportedly seen preparing and selling paan inside a 3rd AC train coach while passengers placed orders. The incident has raised concerns about unauthorised vending and cleanliness inside railway coaches. https://t.co/PONZ7el3Yu
— indiainlast24hr (@indiain24hr) October 15, 2026
