లామా 4 లాంగ్వేజ్ మోడల్తో డెవలప్ అయినదే ఈ మెటా ఏఐ యాప్. ఇప్పటికే స్మార్ట్ ఫోన్ యూజర్లు ఆయా యాప్లలో ఏఐ ఫీచర్లను వాడుతున్నారు. అయితే కేవలం ఏఐ సేవలు మాత్రమే పొందగలిగేలా కొత్త యాప్ తీసుకొచ్చింది మెటా కంపెనీ. ఆ యాప్ పేరు మెటా. దీంతో ఆర్టిఫిషియల్ ఇంటెలిజెన్స్ వాడి మాట్లాడడం చాలా ఈజీ. ఎలాంటి ప్రశ్నలకైనా సింపుల్గా ఆన్సర్ ఇచ్చేస్తుందట.
ఈ యాప్ ఆండ్రాయిడ్, ఐఫోన్ యూజర్లకు అందుబాటులో ఉంది. దీని వల్ల లాభాలేంటంటే.. మొదటిగా వాయిస్ చాట్ మోడ్లో వాడుకోవచ్చు. చేతులు ఉపయోగించకుండా నేచురల్గా మాట్లాడేయొచ్చు. అంతేకాదు.. ఇమేజ్ క్రియేషన్, ఎడిటింగ్ కూడా వాయిస్తోనే చేయొచ్చు. తర్వాత మల్టీ టాస్కింగ్.. ఏఐ వాయిస్ ఫీచర్ సాయంతో చాట్బాట్తో మాట్లాడుతూనే డివైజ్లో ఇతర యాప్లు కూడా వాడొచ్చు. అలాగే మైక్రోఫోన్ ఆన్లో ఉందని తెలిపేలా స్క్రీన్పై ఒక ఐకాన్ ఉంటుంది.
ఇందులో మరో ఫీచర్ డిస్కవర్ ఫీడ్. దీని ద్వారా ఏఐ ప్రాంప్ట్లు, ఇమేజ్లు, చాట్బాట్ రిప్లయ్లను షేర్ చేయొచ్చు. ఇతరులు వాటిని చూసి లైక్, కామెంట్ లేదా రీమిక్స్ చేయొచ్చు. అంతేకాదు.. ఈ యాప్ రే బాన్ స్మార్ట్ గ్లాసెస్తో కూడా లింక్ అవుతుంది. గ్లాసెస్లో స్టార్ట్ చేసిన సంభాషణలను యాప్ లేదా వెబ్సైట్లో కంటిన్యూ చేయొచ్చు. ఇంకా ఇమేజ్ ఎడిటింగ్, గ్యాలరీ యాక్సెస్ వంటివి కూడా ఉన్నాయి.
