తన భార్య కొడుతుంది విడాకులు ఇప్పించండి లేదంటే చనిపోతానంటూ ఓ వ్యక్తి ఆత్మహత్యయత్నం చేశాడు. ఈ ఘటన ఏప్రిల్ 18వ తేదీ కొంపల్లిలో చోటుచేసుకుంది. జయభేరి పార్క్ చేరువులోకి దిగి హల్ చల్ చేశాడు. స్థానికుల నుంచి సమాచారం అందుకున్న పోలీసులు అక్కడికి చేరుకుని అతని నచ్చజెప్పి తాడు సహయంతో అతన్ని బయటకు తీసుకువచ్చారు. హైదరాబాద్ - కు చెందిన నగేశ్ మాట్లాడుతూ తన భార్య కొడుతోందంటూ ఒంటిపై ఉన్న గాయాలను చూపించాడు. తన పిల్లల దగ్గరకు వెళ్తే రానివ్వడం లేదన్నాడు. తన పిల్లలకు తాను చనిపోయానని చెప్తుందని వాపోయాడు. తనకు విడాకులు ఇప్పించాలని.. లేదంటే సచ్చిపోతా అంటూ ఆందోళనకి దిగాడు.