- సెల్ఫ్ ఎంపర్మెంట్ తెలియజేసేలా డిజైన్లు: ప్రముఖ ఆర్టిస్టు, ఫ్యాషన్ డిజైనర్ వెంకట్ గడ్డం
- తాజ్కృష్ణాలో జరిగిన ఫ్యాషన్ యాత్ర ప్రివ్యూ షోలో కొత్త కలెక్షన్లు రిలీజ్
హైదరాబాద్‌, వెలుగు: ఇన్నర్ బ్యూటీ, సెల్ఫ్ ఎంపర్మెంట్ను తెలియజేసేలా ‘దుర్గా రైజెస్’ బ్రాండ్ కొత్త కలెక్షన్లు ఉంటాయని ప్రముఖ ఆర్టిస్టు, ఫ్యాషన్ డిజైనర్ వెంకట్ గడ్డం తెలిపారు. బంజారాహిల్స్లోని తాజ్కృష్ణాలో ‘ఫ్యాషన్ యాత్ర’ పేరుతో శనివారం ఎగ్జిబిషన్ జరగనుండగా.. ఇందుకు సంబంధించిన ప్రివ్యూ షోను శుక్రవారం సాయంత్రం నిర్వహించారు. ఈ సందర్భంగా తాను రూపొందించిన ‘దుర్గా రైజెస్’ బ్రాండ్ నుంచి నయా కలెక్షన్లను వెంకట్ గడ్డం రిలీజ్ చేశారు. అనంతరం ఆయన మాట్లాడుతూ.. శనివారం జరగనున్న ఎగ్జిబిషన్లో ‘వెన్ కట్ గాడ్ డామ్’ స్టాల్లో ఈ కొత్త కలెక్షన్లు అందుబాటులో ఉంటాయన్నారు.
హ్యాండ్ పెయింటింగ్తో రూపొందించిన మెన్ అండ్ విమెన్, కిడ్స్వేర్కు సంబంధించిన లాంగ్ జాకెట్స్, ఫ్రాక్స్, వెస్ట్రన్ గౌన్స్, ట్యూనిక్స్, శారీస్, షర్ట్స్ ను ఎగ్జిబిషన్లో ప్రదర్శిస్తున్నట్లు చెప్పారు. అన్ని ఏజ్ గ్రూప్ ల వారికి ఫ్యాషనబుల్ గా ఉండేలా యూనిక్ గా ‘దుర్గా రైజెస్’ కొత్త కలెక్షన్లు ఉంటాయని ఆయన వివరించారు. సస్టెనయిబుల్ కాటన్, మాల్ కాటన్, సిల్క్, ఫ్యాబ్రిక్ మీద, వాల్పై వేసే ఆర్ట్ను.. డ్రెస్సులపై, తన ఓన్ డిజైనింగ్ వేర్పై వేయడం స్పెషాలిటీ అని ఆయన చెప్పారు. ఇవ్వాల జరగనున్న ఎగ్జిబిషన్లో ఈ ఆర్ట్ను చూడొచ్చని వెంకట్ గడ్డం తెలిపారు. బంజారాహిల్స్రోడ్ నం.10లోని స్టోర్ లో కూడా కొత్త కలెక్షన్లు అందుబాటులో ఉన్నాయన్నారు. తాజ్ కృష్ణాలో ఇయ్యాల ఉదయం 11 గంటల నుంచి రాత్రి 8 గంటల వరకు ఫ్యాషన్ యాత్ర పేరుతో ఎగ్జిబిషన్ జరగనుండగా.. వివిధ రాష్ట్రాలకు చెందిన డిజైనర్ల డ్రెస్ లు, జువెలరీ, హోం డెకార్స్ ను ప్రదర్శించనున్నారు.
