లవ్ ప్రపోజల్.. ప్రేమికుల జీవితంలో ఒక ముఖ్య ఘట్టం. తమకు నచ్చిన అబ్బాయికి లేదా అమ్మాయికి లవ్ ప్రపోజ్ చేసిన రోజు, సమయం ఆ ప్రేమికులకు ఎప్పటికీ గుర్తుండిపోతుంది. ఇప్పుడు సోషల్ మీడియా వచ్చాక ప్రేమను వ్యక్తపరచడం కూడా డిఫరెంట్ స్టైల్లో చెప్పుకుంటున్నారు చాలామంది ప్రేమికులు. ఓ యువతి తన ప్రియుడికి లవ్ ప్రపోజల్ చేస్తున్న ఘటనకు సంబంధించిన వీడియో ఇప్పుడు సోషల్ మీడియాలో తెగ నవ్వులు పూయిస్తోంది. ఓ మహిళ తన ప్రియుడికి లవ్ ప్రపోజ్ చేస్తుండగా వారితో పాటే వచ్చిన ఆమె సోదరి ఎడ్వర్డ్స్ ఫొటో షూట్ చేస్తుండగా కిందపడిపోయింది. ఇలా ఒకసారి కాదు, రెండుసార్లు కాదు..ఏకంగా మూడుసార్లు కిందపడిపోయింది. ఆ సమయంలో పైకి లేచేందుకు ఆమె చాలాసేపు ప్రయత్నించింది. కానీ, పైకి లేచే సమయంలో మళ్లీ మళ్లీ పడిపోయింది. అప్పుడు అక్కడే ఉన్న ప్రేమికులు ఈ లోకాన్ని మరిచి.. ప్రేమమైకంలో మునిగి తేలిపోయారు. కిందపడిపోయిన సోదరిని పైకి లేపేందుకు ఆమె ప్రయత్నించలేదు.
https://twitter.com/TansuYegen/status/1549493046361956353
తన సోదరి ఆమె ప్రియుడికి ఐ లవ్ యూ అని చెప్పే సమయంలో మాత్రం సరిగ్గా షూట్ చేయలేకపోయింది. దీంతో ఆ జంట కాస్త డిసప్పాయింట్ అయినట్లు వీడియో బట్టి అర్థమవుతోంది. చాలా మంది ఇప్పుడు ఈ వీడియోను చూసి తెగ నవ్వుకుంటున్నారు. ఈ ఘటన సౌతాఫ్రికాలో జరిగినట్టు తెలుస్తోంది. అయితే..ఆమె కావాలనే చేసిందా.. లేదంటే నిజంగానే పడిపోయిందా..? అనేది మాత్రం క్లారిటీ లేదు. మొత్తానికి ఈ వీడియో అందరినీ తెగ నవ్విస్తోంది.
