హైదరాబాద్, వెలుగు: కూకట్ పల్లి కోర్టులో బెయిలీఫ్(కోర్టు ఉద్యోగి)గా పని చేస్తున్న మదన్ మోహన్, ఫీల్డ్ అసిస్టెంట్ అరుణ్ కుమార్ లను ఏసీబీ అధికారులు పట్టుకున్నారు. నిజాంపేట్కు చెందిన కె. వెంకట శ్రీనివాస్ అనే వ్యక్తికి కోర్టు ఆర్డర్ ఇవ్వడం కోసం మదన్ మోహన్ లంచం డిమాండ్ చేశాడు. దీంతో శ్రీనివాస్రూ. 5,000 వేలు ఇస్తానని ఒప్పుకొన్నాడు. ఆ తర్వాత ఏసీబీ అధికారులకు ఫిర్యాదు చేశాడు. శనివారం మధ్యాహ్నం మదన్మోహన్కు డబ్బులు ఇచ్చేందుకు కోర్టు వద్దకు వచ్చాడు. డబ్బులను ఫీల్డ్ అసిస్టెంట్ అరుణ్ కుమార్కు ఇవ్వాలని మదన్ మోహన్ చెప్పడంతో, శ్రీనివాస్రూ.5,000 వేల క్యాష్ ను అరుణ్కుమార్కు ఇస్తుండగా ఏసీబీ అధికారులు పట్టుకున్నారు. ఇద్దరు నిందితులను అరెస్ట్ చేసి ఏసీబీ కోర్టులో హాజరుపరుస్తామని ఏసీబీ డీఎస్పీ సూర్యనారాయణ తెలిపారు.
