పలు చిత్రాల్లో హీరోయిన్‌‌గా గ్లామర్ రోల్స్‌‌తో ఆకట్టుకున్న అదా శర్మ.. ప్రస్తుతం లీడ్ రోల్స్‌‌లో వరుస సినిమాలు చేస్తోంది. రీసెంట్‌‌గా ‘ది కేరళ స్టోరీ’ చిత్రంతో పాన్ ఇండియా వైడ్‌‌గా గుర్తింపును తెచ్చుకుంది. తాజాగా ఈ మూవీ టీమ్‌‌తో మరో ప్రాజెక్టు చేస్తోంది అదా శర్మ. ఆమె ప్రధాన పాత్ర పోషిస్తున్న ఈ చిత్రానికి ‘బస్తర్’ అనే టైటిల్‌‌ను ప్రకటించారు.
ది నక్సల్ స్టోరీ అనేది ట్యాగ్‌‌లైన్. సుదీప్తో సేన్ దర్శకత్వంలో విపుల్ అమృత్‌‌లాల్ షా నిర్మిస్తున్న ఈ మూవీ రెగ్యులర్ షూటింగ్ ప్రారంభమైంది. ఇందులో అదాశర్మ మావోయిస్టు లీడర్‌‌‌‌గా కనిపించబోతుంది. ఈ సందర్భంగా ఆమె సోషల్ మీడియాలో పోస్ట్ చేస్తూ ‘ఈ చిత్రం కోసం వందమంది ముందు ఆడిషన్ ఇచ్చాను.
‘ది కేరళ స్టోరీ’ చిత్రంలానే దీన్ని కూడా ప్రేక్షకులు ఆదరిస్తారని కోరుకుంటున్నా’ అని ట్వీట్ చేసింది. వచ్చే ఏడాది ఏప్రిల్ 5న ఈ సినిమా రిలీజ్‌ చేయనున్నట్టు అనౌన్స్ చేశారు. ‘కేరళ స్టోరీ’ టీమ్ అంతా కలిసి చేస్తోన్న సినిమా కావడంతో అంచనాలు ఏర్పడ్డాయి.
