అఖిల్ అక్కినేని(Akhil Akkineni) హీరోగా వచ్చిన ఏజెంట్(Agent) మూవీ ఎంత పెద్ద డిజాస్టర్ అయిందో ప్రత్యేకంగా చెప్పాల్సిన పనిలేదు. టాలీవుడ్ స్టైలీష్ దర్శకుడు సురేందర్ రెడ్డి(Surendar reddy) తెరకెక్కించిన ఈ మూవీ ఆ ఇయర్ లోనే బిగ్గెస్ట్ ప్లాప్ గా నిలిచింది. దాదాపు రూ.80 కోట్ల భారీ బడ్జెట్ తో వచ్చిన ఈ సినిమా మినిమమ్ కలెక్షన్స్ కూడా రాబట్టలేకపోయింది. దాంతో మరో ప్లాప్ మూవీని తన ఖాతాలో వేసుకున్నాడు అఖిల్. నిజానికి ఈ సినిమాపై అఖిల్ చాలా ఆశలు పెట్టుకున్నాడు. బాడీ బిల్డింగ్ కోసం చాలా కష్టపడ్డారు. ప్రమోషన్స్ కూడా బాగానే చేశారు. కానీ, ఫైనల్ గా రిజల్ట్ మాత్రం మారలేదు.
ఏప్రిల్ 28న ఈ సినిమా ప్రేక్షకుల ముందుకు వచ్చింది. అయితే ఏజెంట్ సినిమా రిలీజై 8 నెలలు గడుస్తున్నా ఇప్పటికే ఓటీటీకి రాలేదు ఈ మూవీ. మేకర్స్ కూడా ఏజెంట్ మూవీ ఓటీటీ రిలీజ్ పై ఎలాంటి అప్డేట్ ఇవ్వలేదు. అక్కినేని అభిమానులు కూడా చాలా కాలంగా ఈ సినిమా ఓటీటీ రిలీజ్ చూశారు కానీ, ఎలాంటి అప్డేట్ రాలేదు. ఇక ఈ సినిమా ఓటీటీకి రాదు అను డిసైడ్ అవుతున్న సమయంలో ఈ మూవీ ఓటీటీ రిలీజ్ పై ఒక న్యూస్ వైరల్ గా మారింది. ఈ సినిమాను గణతంత్ర దినోత్సవం సందర్బంగా జనవరి 26న స్ట్రీమింగ్ చేయనున్నట్లు తెలుస్తుంది. ప్రముఖ ఓటీటీ సంస్థ సోనీ లైవ్ లో ఈ మూవీ స్ట్రీమింగ్ కానుంది. త్వరలోనే ఈ విషయంపై అధికారిక ప్రకటన రానుంది. దీంతో అక్కినేని ఫ్యాన్స్ కాస్త హ్యాపీగా ఫీలవుతున్నారు. మరి థియేటర్స్ లో డిజాస్టర్ గా నిలిచిన ఏజెంట్ మూవీకి ఓటీటీలో ఎలాంటి రిజల్ట్ వస్తుందో చూడాలి.
