ఆసిఫాబాద్, వెలుగు : ఆసిఫాబాద్ జిల్లా కలెక్టరేట్ వద్ద గురువారం అంగన్వాడీ ల ఆందోళన చేపట్టారు. వర్షాన్ని సైతం లెక్కచేయకుండా తమ న్యాయమైన డిమాండ్లను పరిష్కరించాలని కోరుతూ కలెక్టరేట్ వద్దకు ర్యాలీగా చేరుకోగా పోలీసులు వారిని అడ్డుకోవడంతో వారి మధ్య వాగ్వాదం, తోపులాట జరిగింది. ఈ ఘటనలో పలువురు అంగన్వాడీలు గాయపడ్డట్లు సమాచారం.
దీంతో పలువురు కలెక్టరేట్ గేటుపై నుండి దూకి, కలెక్టరేట్ ముట్టడికి ప్రయతించడంతో భారీగా చేరుకున్న పోలీసులు వారిని అడ్డుకున్నారు.ఈ తోపులాటలో ఓ అంగన్వాడీ కార్యకర్తకు పిట్స్ వచ్చి మూర్చపోయింది. దీంతో ఆమెను ఆసుపత్రికి తరలించారు.
సమస్యలు పరిష్కారించాలని కలెక్టరేట్లో ఐసీడీఎస్ పీడీ సావిత్రికి వినతిపత్రం అందజేశారు. తమ డిమాండ్లను పరిష్కరించాలని 16 రోజులుగా సమ్మె చేస్తున్నా గవర్నమెంట్ పట్టించుకోవడం లేదని, సమస్యలు పరిష్కరించే వరకు ఆందోళన కొనసాగిస్తామని వారు స్పష్టం చేశారు.
