యానిమల్(Animal) సినిమాలో అర్జన్ వ్యాలీ సాంగ్ లో కనిపించిన నటుడు గుర్తున్నాడా. ఆపాటలో ఆవేశంగా నటించి ప్రేక్షకుల్లో చెరగని ముద్ర వేసుకున్నాడు. కనిపించేది కొచం సేపైనా ఆడియన్స్ దృష్టిని ఆకర్షించాడు ఈ నటుడు. అతని పేరు మన్జోత్ సింగ్(Manjoth singh). తాజాగా ఈ నటుడికి సంబందించిన వీడియో ఒకటి సోషల్ మీడియాలో వైరల్ గా మారింది. ఆ వీడియో చూసిన నెటిజన్స్ అతనిపై రియల్ హీరో అంటూ ప్రశంసలు కురిపిస్తున్నారు. రియల్ హీరో అనేంతలా అతను ఏం చేశాడు అనుకుంటున్నారా?
అసలు విషయం ఏంటంటే.. మన్జోత్ సింగ్ కాలేజ్ లో చదువుకుంటున్న సమయంలో ఆ కాలేజ్ బిల్డింగ్ పై నుండి దూకి ఆత్మహత్య చేసుకోవడానికి ప్రయత్నించింది ఒక అమ్మాయి. ఆ సమయంలో పక్కనే ఉన్న మన్జోత్ సింగ్ పరిగెత్తుకుంటూ వెళ్లి దూకబోతున్న అమ్మాయి చేయి పట్టుకున్నాడు. అలా కొంతమంది సహాయంతో ఆ అమ్మాయిని కాపాడాడు మన్జోత్ సింగ్. ప్రస్తుతం ఇందుకు సంబంధించిన వీడియో సోషల్ మీడియాలో వైరల్ గా మారింది.
ఈ వీడియో చూసిన నెటిజన్స్ మన్జోత్ సింగ్ రియల్ హీరో అంటూ కామెంట్స్ చేస్తూ ప్రశంసల వర్షం కురిపిస్తున్నారు. అలా యానిమల్ సినిమాలో సైడ్ క్యారెక్టర్ లో కనిపించిన ఈ నటుడు ఇప్పుడు రియల్ హీరోగా మారిపోయాడు. అయితే ఇక్కడ విశేషం ఏంటంటే.. వైరల్ అవుతున్న వీడియో ఇప్పటిదికాదు.. మన్జోత్ సింగ్ గ్రేటర్ నోయిడాలో శారదా యూనివర్సిటీలో ఇంజినీరింగ్ ఫైనల్ ఇయర్ చదువుతున్న సమయంలోది.
