యాక్షన్ కింగ్ అర్జున్(Arjun) కుమార్తె, కోలీవుడ్ హీరోయిన్ ఐశ్వర్య అర్జున్(Aishwarya Arjun) పెళ్లిపీటలెక్కనుంది. తమిళ కమెడియన్ తంబి రామయ్య(Thambi Ramayya) కొడుకు ఉమాపతి(Umapathi)తో ఐశ్వర్య ప్రేమలో ఉందని ఎప్పటినుంచో వార్తలు గుప్పుమంటున్నాయి. తాజాగా వీరిద్దరి పెళ్లికి ఇరు కుటుంబాలు గ్రీన్ సిగ్నల్ ఇవ్వడంతో ఎంగేజ్మెంట్కు సిద్ధమయ్యారని తెలుస్తోంది. ఈ మేరకు కోలీవుడ్ మీడియాలో వార్తలు వస్తున్నాయి.
అర్జున్ ఇద్దరు కుమార్తెల్లో ఐశ్వర్య పెద్దమ్మాయి. తన కుమార్తెను నటిగా నిలబెట్టేందుకు ఈ సీనియర్ హీరో ఎంతోకాలంగా ప్రయత్నాలు చేస్తున్నాడు. తానే డైరెక్టర్గా మారి కుమార్తెను హీరోయిన్గా పెట్టి సినిమా తీసినా అది హిట్టవ్వలేదు. ఇప్పుడు హీరో ఉపేంద్ర అన్న కొడుకుతో మరో సినిమాకు ప్లాన్ చేశాడు. ఇక ఉమాపతి సైతం తమిళ్లో ఇప్పుడిప్పుడే తన మార్కెట్ను పెంచుకుంటున్నాడు.
