రాష్ట్ర వ్యాప్తంగా 8వ రోజు ఆర్టీసీ కార్మికుల సమ్మె కొనసాగుతోంది. నిరసనలు, ధర్నాలు, ర్యాలీలతో సమ్మెను ఉధృతం చేస్తున్నారు కార్మికులు. సమ్మెలో భాగంగా డిపోల ముందు కుటుంబ సభ్యులతో కలిసి నిరసన తెలుపుతున్నారు. కార్మికుల సమ్మెకు మద్దతు తెలిపిన బీజేపీ….ఆర్టీసీ కళాభవన్ నుంచి బస్ భవన్ వరకు ర్యాలీగా వెళ్లారు. ఈ కార్యక్రమంలో బీజేపీ రాష్ట్ర అధ్యక్షుడు లక్ష్మణ్ తో పాటు పలువురు పార్టీ నేతలు, ఆర్టీసీ జేఏసీ నేతలు పాల్గొన్నారు.
ర్యాలీకి అనుమతి లేదనటంతో బస్ భవన్ ముందు బైఠాయించి నిరసన తెలిపారు బీజేపీ నేతలు. భవన్ దగ్గర ట్రాఫిక్ జామ్ అవుతుండటంతో… నేతలను అదుపులోకి తీసుకున్నారు పోలీసులు. దీంతో పోలీసుల తీరుపై మండిపడుతున్నారు నేతలు. సర్కార్ కు వ్యతిరేకంగా నినాదాలు చేస్తున్నారు.
