ఓట్స్తో తయారు చేసిన ప్యాక్, స్క్రబ్ ముఖానికి వేసుకుంటే మొటిమలు, మచ్చలు పోతాయి. ట్యాన్, డార్క్ సర్కిల్స్ మాయం అవుతాయి. ఇవే కాదు ఇంకా బోలెడు లాభాలున్నాయి. అవేంటంటే..
ఒకకప్పు ఓట్స్ని పొడి చేసి బకెట్ వేడినీళ్లలో కలపాలి. వాటిల్లో ఒక టీ స్పూన్ రోజ్ వాటర్ కూడా వేయాలి. ఇరవై నిమిషాల తర్వాత ఆ నీళ్లతో స్నానం చేయాలి. ఇలా వారానికి రెండుసార్లు చేస్తే ఓట్స్లోని మాయిశ్చరైజింగ్, క్లెన్సింగ్, యాంటీ ఆక్సిడెంట్, యాంటీ ఇన్ఫ్లమేటరీ ప్రాపర్టీలు దుమ్ము, ధూళి వల్ల డ్యామేజ్ అయిన స్కిన్ని రిపేర్ చేస్తాయి .
ఒక టేబుల్ స్పూన్ పెరుగులో, ఒక టేబుల్ స్పూన్ ఓట్స్ పొడి, కొద్దిగా తేనె కలిపి ముఖానికి మసాజ్ చేయాలి. ఇలా వారానికి రెండు సార్లు చేస్తే చర్మంపై బ్లాక్హెడ్స్ పూర్తిగా పోతాయి. చర్మం మెరుస్తుంది కూడా.
ఎగ్ వైట్లో రెండు టీ స్పూన్ల నిమ్మరసం, ఒక టేబుల్ స్పూన్ ఓట్స్ పొడి వేసి పేస్ట్లా చేసి ముఖానికి ప్యాక్లా వేసుకున్నా రిజల్ట్ బాగుంటుంది. అలాగే ఒక టేబుల్ స్పూన్ ఓట్స్ పొడిలో కొద్దిగా టొమాటో జ్యూస్ , రెండు టేబుల్ స్పూన్ల రోజ్ వాటర్ కలిపి పేస్ట్
చేసి ప్యాక్ వేసుకుంటే చర్మం ఫ్రెష్గా ఉంటుంది.