- త్వరలో బీమా విస్తార్ వివరాలను ప్రకటించనున్న ఐఆర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌డీఏఐ
- లైఫ్‌ కవర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌కు రూ.820, హెల్త్‌‌‌‌‌‌‌‌‌‌‌‌‌‌‌‌కు రూ.500 ప్రీమియం
- రూ. 2 లక్షల వరకు బీమా
న్యూఢిల్లీ: లైఫ్‌, హెల్త్‌, యాక్సిడెంట్, ప్రాపర్టీ వంటి వివిధ రకాల ఇన్సూరెన్స్ కవరేజ్‌‌‌‌‌‌‌‌‌‌‌‌‌‌‌‌ను అందిస్తున్న బీమా విస్తార్ పాలసీ కేవలం రూ.1,500 కే అందుబాటులోకి రానుంది. ఈ పాలసీ ధర, ఇతర ఫీచర్లపై చర్చించేందుకు ఇన్సూరెన్స్ రెగ్యులేటరీ అండ్‌ డెవలప్‌‌‌‌‌‌‌‌‌‌‌‌‌‌‌‌మెంట్ అథారిటీ (ఐఆర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌డీఏఐ) అధికారులు, ఇన్సూరెన్స్ కంపెనీల సీఈఓలు తాజాగా సమావేశమయ్యారు. బీమా విస్తార్ పాలసీని రూ.1,500 కే అమ్మాలని ప్రపోజ్ చేశారని సంబంధిత వ్యక్తులు పేర్కొన్నారు. ఈ పాలసీలో రూ. 820 ప్రీమియంను లైఫ్‌ కవర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌కు కేటాయిస్తారు.
హెల్త్‌ కవర్ కోసం రూ.500, పర్సనల్‌ యాక్సిడెంట్ కవర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌కు రూ.100, ప్రాపర్టీ కవర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌కు రూ.80 ప్రీమియంను కేటాయించే అవకాశం ఉంది. ఒకవేళ మొత్తం ఫ్యామిలీ కోసం ఫ్లోటర్ బేసిస్‌ ( సమ్ అస్యూర్డ్‌‌‌‌‌‌‌‌‌‌‌‌‌‌‌‌ను మొత్తం ఫ్యామిలీ మెంబర్లు వాడుకోవచ్చు) తీసుకుంటే ప్రీమియం కొద్దిగా ఎక్కువ ఉంటుంది. రిపోర్ట్స్ ప్రకారం, ఫ్లోటర్ బేసిస్‌‌‌‌‌‌‌‌‌‌‌‌‌‌‌‌లో బీమా విస్తార్ తీసుకుంటే ప్రీమియం కింద రూ.2,420 చెల్లించాల్సి ఉంటుంది. ఇతర ఫ్యామిలీ మెంబర్లకు అదనంగా రూ.900 ఖర్చవుతుంది. ప్రతి బీమా విస్తార్ పాలసీ రూ.2 లక్షల వరకు లైఫ్‌, పర్సనల్‌ యాక్సిడెంట్, ప్రాపర్టీ కవరేజ్‌‌‌‌‌‌‌‌‌‌‌‌‌‌‌‌ను అందిస్తుంది. హాస్పిటల్ క్యాష్‌‌‌‌‌‌‌‌‌‌‌‌‌‌‌‌గా పిలిచే హెల్త్‌ కవర్ కింద 10 రోజులకు రూ.500 సమ్ అస్యూర్డ్‌‌‌‌‌‌‌‌‌‌‌‌‌‌‌‌ను ప్రొవైడ్‌ చేస్తుంది. ఎటువంటి బిల్లులు, డాక్యుమెంట్లు లేకుండా గరిష్టంగా రూ.5,000 వరకు అందుతుంది.
బీమా విస్తార్ పాలసీలను అమ్మే ఏజెంట్లకు 10 శాతం కమీషన్‌ దక్కుతుంది. ఈ పాలసీ అందరికి చేరువయ్యేందుకు ఏజెంట్లకు కమీషన్లను ఇవ్వాలని ఐఆర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌డీఏఐ ప్లాన్ చేస్తోంది. ప్రజల రక్షణ కోసమే కాకుండా ఫైనాన్షియల్ ఇంక్లూజన్‌ (అందరికీ ఆర్థిక ఫలాలు) కోసం కూడా ఈ ఇనీషియేటివ్ సాయపడుతుందని ఇన్సూరెన్స్ బ్రోకర్స్‌ అసోసియేషన్‌ ఆఫ్ ఇండియా (ఐబీఏఐ) వైస్ ప్రెసిడెంట్‌ నరేంద్ర భరింద్వాల్‌ అన్నారు. బీమా విస్తార్ అందిస్తున్న కవరేజ్ చూస్తే దీని ప్రాధాన్యత తెలుస్తోందని చెప్పారు.
క్లయిమ్స్ ఇలా..
క్లయిమ్‌ సెటిల్‌‌‌‌‌‌‌‌‌‌‌‌‌‌‌‌మెంట్స్ డిఫరెంట్ సెగ్మెంట్లకు డిఫరెంట్‌‌‌‌‌‌‌‌‌‌‌‌‌‌‌‌గా ఉంటాయి. ఉదాహరణకు తీవ్రతను బట్టి ప్రాపర్టీ కవరేజ్ ఆధారపడి ఉంటుంది. కాగా, స్విస్‌ రే సిగ్మా రిపోర్ట్ ప్రకారం, 2022–23 లో కేవలం 4 శాతం మంది దగ్గరనే ఇన్సూరెన్స్ పాలసీలు ఉన్నాయి. ఇది అంతకుముందు ఆర్థిక సంవత్సరంలో రికార్డయిన 4.2 శాతం నుంచి తగ్గింది. గ్లోబల్‌‌‌‌‌‌‌‌‌‌‌‌‌‌‌‌గా చూస్తే 6.8 శాతం మందికి పాలసీ కవరేజ్ ఉంది. వాల్యూ పరంగా మాత్రం ఇన్సూరెన్స్ మార్కెట్ సైజ్‌ 91 బిలియన్ డాలర్ల నుంచి 92 బిలియన్ డాలర్లకు పెరిగింది.
ఇన్సూరెన్స్ సెక్టార్ మరింతగా విస్తరించేందుకు ప్రభుత్వం బీమా ట్రినిటీని తీసుకొచ్చింది. దీని కింద బీమా సుగమ్‌, బీమా విస్తార్, బీమా వాహక్‌‌‌‌‌‌‌‌‌‌‌‌‌‌‌‌ను ఆఫర్ చేస్తోంది. బీమా సుగమ్‌ ఒక డిజిటల్ ప్లాట్‌‌‌‌‌‌‌‌‌‌‌‌‌‌‌‌ఫామ్‌. అన్ని కంపెనీలు అందించే ఇన్సూరెన్స్ పాలసీలు ఈ ప్లాట్‌‌‌‌‌‌‌‌‌‌‌‌‌‌‌‌ఫామ్‌‌‌‌‌‌‌‌‌‌‌‌‌‌‌‌లో దొరుకుతాయి. పాలసీలు కొనుక్కోవడం, ప్రీమియం కట్టడం ఈజీ అవుతుంది. బీమా విస్తార్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌తో లైఫ్‌, హెల్త్‌, యాక్సిడెంట్ కవరేజ్‌‌‌‌‌‌‌‌‌‌‌‌‌‌‌‌ను పొందొచ్చు. గ్రామీణ ప్రాంతాల్లోని మహిళలను చేరుకోవడానికి బీమా వాహక్‌‌‌‌‌‌‌‌‌‌‌‌‌‌‌‌ను తీసుకొచ్చారు.
