హోలీ పండుగ రోజు ( మార్చి 14) ఆకాశంలో అద్భుతం జరుగుతుందని ఖగోళ శాస్త్రవేత్తలు.. జ్యోతిష్య శాస్త్రవేత్తలు చెబుతున్నారు. ఆ రోజు ( మార్చి 14) సంపూర్ణ చంద్రగహణం కన్యారాశిలో ఏర్పడుతుందని పండితులు అంటున్నారు. చంద్రుడు పూర్తిగా ఎరుపు రంగులోకి మారనున్నాడు. మన దేశంలో గ్రహణాన్ని చూడలేము.
బ్లడ్ మూన్ అని పిలవబడే చంద్రగ్రహణం ఈసారిమార్చి 14 న ఏర్పడుతుందని ఖగోళ శాస్త్రవేత్తలు చెబుతున్నారు. భూమి, సూర్యుడు, చంద్రుడు ఒక సరళరేఖ పై ఉన్న సమయంలో చంద్రుడిపై భూమి నీడ పడడం వలన పూర్తిగా కప్పేస్తుంది. దీనిని చంద్ర గ్రహణం అంటారు. గ్రహణం సమయంలో చంద్రుడు ఎప్పుడూ కనపడే రంగులోనే ఉంటాడు. కానీ, ఈ బ్లడ్ మూన్ సమయంలో మాత్రం చంద్రుడు పూర్తిగా ఎరుపు లేదా నారింజ రంగులో వచ్చి కనువిందు చేస్తాడు.
Also Read : భగవంతుడికి ఎలాంటి పుష్పాలు సమర్పించాలో తెలుసా..!
సూర్యుడి నుంచి వచ్చే ఎరుపు లేదా నారింజ కిరణాలు భూమిపై నుంచి ప్రయాణం చేసి చంద్రుడి వర్ణాన్ని మారుస్తాయి. దీనిని రేలీ స్కాటరింగ్ అంటారు. మన దేశంలో గ్రహణాన్ని చూడలేము. ఉత్తర అమెరికా, దక్షిణ అమెరికా ఖండాల్లో ఇది కనిపిస్తుందంటున్నారు సైంటిస్టులు. అయితే జ్యోతిష్యుల వాదన మరోలా ఉంది. ఇది కేతు గ్రస్త ఉత్తరా నక్షత్రం కన్యా రాశిలో ఏర్పడే చంద్ర గ్రహణమని వాళ్లు చెబుతున్నారు.
