ప్రముఖ యాంకర్ సుమ కనకాల(Suma Kanakala) కొడుకు రోషన్(Roshan) హీరోగా పరిచయమవుతూ చేసిన మూవీ బబుల్ గమ్(Bubble Gum). క్షణం, కృష్ణ అండ్ హిజ్ లీల వంటి హిట్ చిత్రాలను తెరకెక్కించిన రవికాంత్ పెరెపు(Ravikanth Perepu) దర్శకత్వంలో వచ్చిన ఈ సినిమాలో మానస చౌదరి(Manasa Chaudary) హీరోయిన్ గా నటించింది. అవుట్ అండ్ అవుట్ యూత్ అండ్ రొమాంటిక్ ఎంటర్టైనర్ గా వచ్చిన ఈ సినిమా డిసెంబర్ 29న ప్రేక్షకుల ముందుకు వచ్చి మంచి విజయాన్ని సాధించింది. విడుదలై నెల రోజులు కావస్తున్నా నేపధ్యంలో ఈ సినిమాను ఓటీటీలో రిలీజ్ చేసేందుకు సిద్ధమయ్యారు మేకర్స్.
Also read :- రాజకీయ పార్టీ పెట్టిన హీరో విజయ్ ఆస్తులు ఎంత..!
ఇదే విషయాన్ని బబుల్ గమ్ సినిమా ఓటీటీ హక్కులని సొతం చేసుకున్న ప్రముఖ సంస్థ ఆహా అధికారికంగా ప్రకటించింది. ప్రేమికుల రోజుకు 5 రోజుల ముందు ఫిబ్రవరి 9న స్ట్రీమింగ్ చేయనున్నట్లు ప్రకటించింది. దీంతో సినీ లవర్స్ హ్యాపీగా ఫీలవుతున్నారు. మరి థియేటర్స్ లో మంచి విజయాన్ని సాధించిన ఈ సినిమాకు ఓటీటీలో ఎలాంటి స్పందన వస్తుందో చూడాలి.
ఇక బబుల్ గమ్ సినిమా కథ విషయానికి వస్తే.. ఓల్డ్ సిటీలో మటన్ వ్యాపారి కొడుకు ఆధిత్య. అలాగే ఒక రిచ్ ఫ్యామిలీకి చెందిన అమ్మాయి ఝాన్సీ. ఈ ఇద్దరి ప్రపంచాలు వేరు. అలాంటి వారి మధ్య ప్రేమ ఎలా చిగురించింది? ప్రేమను గెలిపించుకోవడానికి అందుకోసం వాళ్ళు ఎం చేశారు? అనేది మిగిలిన కథ.
