- 70 ఏండ్ల వయసులో స్కై డైవింగ్
- చత్తీస్గఢ్ మంత్రి దియో సాహసం
- ట్విట్టర్లో వీడియో పోస్టుతో వైరల్
కాన్బెర్రా(ఆస్ట్రేలియా): స్కై డైవింగ్కు ఏజ్తో సంబంధంలేదని చత్తీస్గఢ్ మంత్రి నిరూపించారు. 70 ఏండ్ల వయసున్న టీఎస్ సింగ్ దియో .. ఇటీవల ఆస్ట్రేలియాలో స్కై డైవింగ్ చేశారు. స్పెషల్ గేర్ సూట్ వేసుకున్న మంత్రి.. డైవ్కు ముందు తన ఇన్స్ట్రక్టర్తో సెల్ఫీ వీడియో ఆన్ చేశారు. విమానం టేకాఫ్ అయిన తర్వాత పారాచూట్ సాయంతో ఇద్దరూ కలిసి కిందికి దూకారు. ఆకాశంలో ఉన్న టైంలో ఆయన నవ్వుతూ కనిపించారు. ఆ తర్వాత పారాచూట్ ఓపెన్ చేసుకుని ల్యాండ్ అయ్యారు. స్కై డైవింగ్కు సంబంధించిన మొత్తం వీడియోను మంత్రి టీఎస్ సింగ్ దియో తన ట్విట్టర్లో పోస్టు చేశారు. ఇది కాస్త వైరల్ అయ్యింది. ‘‘ఆకాశానికి హద్దు లేదు. ఆస్ట్రేలియాలో ఈసారి నాకు స్కై డైవింగ్ చేసే అవకాశం వచ్చింది. ఇదో అద్భుతమైన అనుభవం” అంటూ దియో ట్విట్టర్లో రాసుకొచ్చారు. వీడియో చూసిన సీఎం భూపేశ్ బాఘెల్ ఆశ్చర్యం వ్యక్తంచేశారు. ‘‘గ్రేట్ మహారాజా సాబ్.. మీరు అద్భుతం చేశారు” అంటూ భూపేశ్ బాఘెల్ కొనియాడారు.