మెగాస్టార్ చిరంజీవి(Chiranjeevi) ప్రధాన పాత్రలో వస్తోన్న లేటెస్ట్ మూవీస్ "భోళా శంకర్"(Bholashankar ). మెహర్ రమేష్(Mehar ramesh) దర్శకత్వం వహిస్తోన్న ఈ మూవీలో.. మిల్కీ బ్యూటీ తమన్నా(Thamanna) హీరోయిన్ గా నటిస్తోంది. స్టార్ హీరోయిన్ కీర్తి సురేష్(Keerthi suresh) మరో కీలక పాత్రలో కనిపించనున్న ఈ మూవీ.. ఆగస్టు 11,2023న ప్రేక్షకుల ముందుకి రానుంది. ఇక ఈ సినిమా నుండి ఇప్పటికే రిలీజ్ ఫస్ట్ లుక్ పోస్టర్స్ సినిమాపై అంచనాలు భారీగానే పెంచేసాయి.
వాల్తేరు వీరయ్య వంటి బ్లాక్ బస్టర్ హిట్ తరువాత మెగాస్టార్ నుండి వస్తున్న మూవీ కావడంతో.. ఈ సినిమా కోసం మెగా అభిమానులు ఆతృతగా ఎదురుచూస్తున్నారు. ఇక తాజాగా ఈ సినిమా నుండి కొన్ని పోస్టర్ లను రిలీజ్ చేసారు మేకర్స్. మే 1 కార్మిక దినోత్సవం సందర్భంగా ఈ కొత్త పోస్టర్ లను రిలీజ్ చేశారు. ఈ పోస్టర్ లో చిరు టాక్సీ డ్రైవర్ గా కనిపించాడు. రిలీజైన కొద్ది క్షణాల్లోనే ఈ పోస్టర్లు సోషల్ మీడియాలో వైరల్ గా మారాయి. కొత్త పోస్టర్లలో చిరంజీవిని చూసిన ఆడియన్స్.. గతంలో చిరు నటించిన రెండు బ్లాక్ బస్టర్ సినిమాలతో కంపేర్ చేసుకుంటున్నారు.
అందులో ఒకటి గ్యాంగ్ లీడర్ కాగా.. మరొకటి ఇంద్ర. ఈ రెండు సినిమాల్లో కూడా చిరు టాక్సీ డ్రైవర్ గా కనిపించాడు. ఆలాగే ఈ రెండు సినిమాలు చిరు కెరీర్ లోనే బిగ్గెస్ట్ హిట్స్ గా నిలిచాయి. ఆ సినిమాల మాదిరిగానే భోళా శంకర్ కూడా సూపర్ హిట్ అవడం ఖాయం అంటూ కామెంట్స్ చేస్తున్నారు. ఏకే ఎంటర్టైన్మెంట్స్ బ్యానర్ పై రామబ్రహ్మం సుంకర నిర్మిస్తున్న ఈ సినిమాకి.. మహతి స్వర సాగర్ సంగీతం అందిస్తున్నాడు.
