పద్మ విభూషణ్(Padma Vibhushan) అవార్డుతో చిరంజీవి(Chiranjeevi) ఖ్యాతి మరింత పెరిగింది. మరోవైపు వరుస సినిమాలతో బిజీ అవుతున్నారు. ప్రస్తుతం ఆయన హీరోగా నటిస్తున్న విశ్వంభర(Vishwambhara) చిత్రం భారీ అంచనాల మధ్య తెరకెక్కుతోంది. బింబిసార(Bimbisara) ఫేమ్ వశిష్ట(Vassishta) దర్శకత్వం వహిస్తున్న ఈ మూవీ షూటింగ్ శరవేగంగా జరుగుతోంది. హైదరాబాద్లో వేసిన స్పెషల్ సెట్లో కీలక సన్నివేశాలు తీస్తున్నారు. శుక్రవారం నుంచి మెగాస్టార్ షూటింగ్లో జాయిన్ అయినట్టు అప్డేట్ ఇచ్చిన మేకర్స్.. ఈ మూవీ రిలీజ్ డేట్ను కూడా అనౌన్స్ చేసి ఫ్యాన్స్ కు గుడ్ న్యూస్ చెప్పారు.
వచ్చే సంక్రాంతి కానుకగా జనవరి 10న ఈ చిత్రాన్ని విడుదల చేయనున్నట్టు ప్రకటించారు. ఈ సందర్భంగా చిరంజీవి ‘విశ్వంభర’ వరల్డ్లోకి అడుగుపెడుతున్నట్లుగా విడుదల చేసిన పోస్టర్ ఆకట్టుకుంది. ఈ సినిమా కోసం 13 మ్యాసీవ్ సెట్లను నిర్మించి న్యూ వరల్డ్ని క్రియేట్ చేసినట్టు మేకర్స్ చెప్పారు. ఇప్పటికే విడుదలైన టైటిల్ టీజర్తో సినిమాపై అంచనాలు పెరిగాయి. ఫాంటసీ అడ్వెంచర్ బ్యాక్డ్రాప్లో తెరకెక్కుతోన్న ఈ చిత్రాన్ని యూవీ క్రియేషన్స్ బ్యానర్పై విక్రమ్, వంశీ, ప్రమోద్ భారీ బడ్జెట్తో నిర్మిస్తున్నారు. కీరవాణి సంగీతం అందిస్తుండగా, ఛోటా కె నాయుడు సినిమాటోగ్రాఫర్గా, ఏఎస్ ప్రకాష్ ప్రొడక్షన్ డిజైనర్గా, సుస్మిత కొణిదెల కాస్ట్యూమ్ డిజైనర్గా వర్క్ చేస్తున్నారు.