సీఎం కేసీఆర్ ఇవాళ మంత్రులు, టీఆర్ఎస్ ముఖ్య నేతలతో సమావేశం కానున్నారు. రాష్ట్రంలోని తాజా పరిణామాలు, రాజకీయ, పాలనపరమైన అంశాలపై చర్చించనున్నారు. రాష్ట్రపతి ఎన్నికల షెడ్యూల్ రిలీజైన నేపథ్యంలో ఈ సమావేశానికి ప్రాధాన్యత సంతరించుకుంది. బీజేపీకి వ్యతిరేకంగా పలువురు విపక్ష పార్టీల నేతలతో సీఎం కేసీఆర్ ఇప్పటికే సమావేశమయ్యారు. ఈ నేపథ్యంలో రాష్ట్రపతి ఎన్నికల్లో ఎలాంటి వ్యూహం అనుసరించాలి, ఎవరికీ మద్ధతు ఇవ్వాలనే అంశంపై ఈ సమావేశంలో చర్చించనున్నారు. గత ఎన్నికల్లో ఎన్టీయేకు మద్ధతునిచ్చిన టీఆర్ఎస్ ఈ ఎన్నికల్లో ఎవరికీ సపోర్ట్ చేస్తుందనేది చర్చనీయాంశంగా మారింది.
