హైదరాబాద్, వెలుగు: అధికారంలోని లేని కేసీఆర్ గేమ్ ఆడితే.. సీఎంగా ఉన్న రేవంత్ గేమ్ ఆడకుండా ఉంటారా? అని పీసీసీ వర్కింగ్ ప్రెసిడెంట్ జగ్గారెడ్డి అన్నారు. ‘‘కేసీఆర్ ఏ ఆలోచనతో కాంగ్రెస్ ప్రభుత్వం కూలిపోతుందని అన్నాడో తెలియదు కానీ.. ఆయన వ్యూహాలను తిప్పి కొట్టే స్కెచ్ మా దగ్గర ఉన్నది’’అని తెలిపారు. శుక్రవారం గాంధీభవన్లో జగ్గారెడ్డి మీడియాతో మాట్లాడారు.
‘‘కాంగ్రెస్లోకి ఎంత మంది ఎమ్మెల్యేలు వస్తారనేది ఎన్నికల తర్వాత తెలుస్తది. బీజేపీ నేతలంతా గ్రాఫిక్స్ లీడర్లు. పెద్ద దేశభక్తులమంటూ బీజేపీ లీడర్లు డబ్బా కొట్టుకుంటున్నారు. కానీ వాళ్లంతా డూప్లికేట్ దేశభక్తులు’’ అని అన్నారు.
