కమలాపూర్, వెలుగు: హన్మకొండ జిల్లా కమలాపూర్ మండలం ఉప్పులపల్లిలో ఖాళీ ప్లాస్టిక్ బాటిళ్లతో నిర్మించిన బస్ షెల్టర్అందరినీ ఆకట్టుకుంటోంది. వ్యర్ధాలను అర్ధవంతంగా వాడుకోవాలని ఎంపీడీఓ ఇచ్చిన సలహాతో బస్ షెల్టర్ నిర్మాణానికి గ్రామ సర్పంచ్ ఉమ శ్రీకారం చుట్టారు. ఉప్పులపల్లిలో రోజూ సేకరించిన వ్యర్ధాలను పంచాయతీ సిబ్బంది సెగ్రిగేషన్ షెడ్కు తరలిస్తున్నారు. ప్లాస్టిక్ బాటిళ్లను ఓ మూలన కుప్పపోశారు.
ఇటీవల విలేజ్ను విజిట్ చేసిన ఎంపీడీవో పల్లవి బాటిళ్లతో బస్షెల్టర్ ఏర్పాటు చేయాలని సర్పంచ్ ఉమకు సూచించారు. దీంతో సర్పంచ్ జీపీ సిబ్బందితో కలిసి సుమారు 1200 ఖాళీ ప్లాస్టిక్బాటిళ్లతో నాలుగైదు రోజుల్లోనే ప్లాస్టిక్ హబ్ పేరిట కొత్తగా షెల్టర్ను నిర్మించారు. షెల్టర్చుట్టూ ఖాళీ బాటిళ్లలో గడ్డి పూల మొక్కలు పెంచి అందంగా అలంకరించారు. ప్లాస్టిక్ రహిత గ్రామంగా తీర్చిదిద్దే దిశగా చేసిన ప్రయోగానికి మంచి గుర్తింపు వచ్చింది. బస్ షెల్టర్ వద్ద ప్రయాణికులు, స్థానికులు సెల్ఫీలు దిగుతూ సోషల్ మీడియాలో పోస్ట్ చేస్తున్నారు.
