మానకొండూరులో ఒకే రోజు రెండు అగ్నిప్రమాదాలు జరిగాయి. ఆదివారం ( మే 24 ) మానకొండూరులోని తిమ్మాపూర్ మండలం ముంజంపల్లిలో జరిగిన అగ్నిప్రమాదంలో పశువులు అగ్నికి ఆహుతయ్యాయి. వ్యవసాయ బావి వద్ద గడ్డి కట్టలకు మంటలు అంటుకోవడంతో మంటలు చెలరేగాయి.
ఈ క్రమంలో గుడిసెలో ఉన్న ఆవు, దూడ మృతి చెందగా మరో ఆవు గాయాలతో బయటపడింది. ఈ ప్రమాదంలో సుమారు రూ.2 లక్షల మేర నష్టం వాటిల్లినట్లు సమాచారం.ఈ ఘటనపై పోలీసులకు ఫిర్యాదు చేశారు రైతు.
పొగాకులపల్లిలో మరో అగ్నిప్రమాదం జరిగింది. ఈ ఘటనలో వ్యవసాయ పైపులు, గడ్డికట్టలు దగ్దమయ్యాయి.ఒక్కసారిగా మంటలు చెలరేగడంతో సమీప ఇళ్లకు మంటలు వ్యాపించే ప్రమాదం ఏర్పడింది. ఈ ఘటనపై స్పందించిన స్థానిక సర్పంచ్ గ్రామా పంచాయితీ వాటర్ ట్యాంక్ తెప్పించి మంటలను అదుపులోకి తెచ్చారు. రెండు రోజుల వ్యవధిలో ఇదే ప్రాంతంలో రెండోసారి అగ్నిప్రమాదం జరిగింది.
