దబాంగ్ బ్యూటీ సోనాక్షి సిన్హా(Sonakshi Sinha) ఇటీవల దాహద్(Dahaad) అనే వెబ్ సిరీస్లో నటించింది. తొలి సిరీస్లోనే అంజలి అనే కాప్ పాత్రలో అదరగొట్టింది. ఇప్పుడు వరుస చాన్స్లు అందుకుంటోంది. సినిమాలు లేక కొంతకాలం తెరమరుగైన ఈ బ్యూటీని ఓటీటీలే ఆదుకున్నాయని చెప్పొచ్చు.
ఇటీవల ముంబైలో బీచ్ పక్కన ఓ బంగ్లా కూడా కొనేసిందట.దీని ఖరీదు చూసి అంతా నోరెళ్ల బెడుతున్నారు. బాంద్రాలోని ఆరియట్ భవనంలో సోనాక్షి రూ.11 కోట్లతో ఫ్లాట్ కొనుగోలు చేసింది. ఇందుకోసం ఇటీవల రూ.55 లక్షల స్టాంప్ డ్యూటీని కూడా చెల్లించింది. ఈ బంగ్లాలో 4 కార్లు పార్కింగ్ చేసుకునేలా సౌకర్యం ఉందంట. అంతేకాకుండా 2020 లో కూడా రూ.14 కోట్లకు బాంద్రాలో ఓ లగ్జరీ ప్లాట్ ను కొనుగులు చేసింది. ఇప్పుడు ఈ వార్త బాలీవుడ్లో హాట్ టాపిక్గా మారింది.
ప్రస్తుతం సోనాక్షి ‘ది బుక్ ఆఫ్ డార్క్నెస్’లో ఈ హీరోయిన్ నటించనుంది. దీంతో పాటు సంజయ్ లీలా బన్సాలీ హీరామండీ సినిమాలోనూ కీలక పాత్ర చేస్తోంది.