మెల్ బోర్న్ వేదికగా దక్షిణాఫ్రికాతో జరుగుతోన్న రెండో టెస్టు మ్యాచ్ లో ఆస్ట్రేలియా క్రికెటర్ డేవిడ్ వార్నర్ చెలరేగిపోయాడు. ఏకంగా డబుల్ సెంచరీ కొట్టాడు. 254 బంతులను ఎదురుకున్న వార్నర్.. 2 సిక్సర్లు, 16 ఫోర్ల సహయంతో 200 పరుగులు చేసి రిటైర్డ్ హర్ట్ గా వెనుదిరిగాడు. న‌డ‌వ‌టానికి కూడా ఇబ్బంది ప‌డ్డ వార్నర్ ఫిజియో సాయంతో మైదానాన్ని వీడాడు. కాగా ఈ టెస్టు వార్నర్ కు 100 టెస్టు కావడం విశేషం. వందో టెస్టు మ్యాచ్ లోడబుల్ సెంచరీ చేసిన రెండో ఆటగాడిగా వార్నర్ నిలువగా, తొలి ఆస్ట్రేలియా ఆటగాడిగా రికార్డు సృష్టించాడు.
అంతకుముందు ఈ ఘనతను ఇంగ్లండ్‌ క్రికెటర్ రూట్‌ 2021 లో సాధించాడు. భారత్‌పై రూట్‌ తన వందో టెస్టులో 218 పరుగులు చేశాడు. ఇక ఆస్ట్రేలియా తన మొద‌టి ఇన్నింగ్స్‌లో 82 ఓవ‌ర్లలో 3 వికెట్ల న‌ష్టానికి 368 ర‌న్స్ చేసింది. ప్రస్తుతం అలెక్స్ కారే (3), ట్రావియస్‌ హెడ్‌(37) పరుగులతో క్రీజ్ లో ఉన్నారు. అటు దక్షిణాఫ్రికా తన మొద‌టి ఇన్నింగ్స్‌లో 189 పరుగులకే ఆలౌట్ అయింది.
