హైదరాబాద్ సిటీ, వెలుగు: దివ్యాంగులు మానసిక స్థైర్యంతో ముందుకు వెళ్లాలని హైదరాబాద్ కలెక్టర్ హరిచందన పిలుపునిచ్చారు. శనివారం చాదర్ఘాట్ విక్టోరియా ప్లే గ్రౌండ్లో అంతర్జాతీయ దివ్యాంగుల దినోత్సవం సందర్భంగా ఏర్పాటు చేసిన జిల్లా స్థాయి క్రీడోత్సవాలను ఆమె ప్రారంభించారు.
ఈ సందర్భంగా మాట్లాడుతూ.. ‘హమ్ కిసీ సే కమ్ నహీ’ ఆలోచన తప్పక ఉండాలని, అప్పడే మానసిక స్థైర్యం పెరుగుతుందన్నారు. దివ్యాంగులు చదువుతోపాటు క్రీడల్లో రాణించి అంతర్జాతీయ స్థాయిలో విజయాలు సాధించాలని ఆకాంక్షించారు. దివ్యాంగులు, -వృద్ధుల సంక్షేమ శాఖ సహాయ సంచాలకుడు రాజేందర్, దివ్యాంగ సంఘ ప్రతినిధులు పాల్గొన్నారు.
