హైదరాబాద్‌లో మరోసారి డ్రగ్ కలకలం రేపింది. ఎన్నిసార్లు దాడులు జరిగినా గుట్టు చప్పుడు కాకుండా అక్రమార్కులు డ్రగ్స్ సప్లై చేస్తూనే ఉన్నారు. శ‌నివారం మరోసారి డ్రగ్స్ రాకెట్ గుట్టుర‌ట్టు చేశారు ఎక్సైజ్ అధికారులు. ప‌క్కా స‌మాచారంతో కారులో డ్రగ్స్ సప్లై చేస్తున్న వ్యక్తులను అరెస్టు చేశారు నాంపల్లి ఎక్సైజ్ అధికారులు. వారి ద‌గ్గ‌రి నుంచి ఆరు గ్రాముల కోకైన్, ఒక కారు సీజ్ చేశారు. ఒక్కో గ్రాము కొకైన్ రూ. ఆరు వేలకు అమ్ముతున్నట్లు గుర్తించారు ఎక్సైజ్ అధికారులు. డ్రగ్స్ స‌ర‌ఫ‌రా చేస్తున్న‌వారిని నైజీరియాకు చెందిన సామ్యూల్ స్మిత్ నెల్సాన్ , జేమ్స్ మోరిసన్, అబ్దుల్ తహేర్లుగా గుర్తించిన అధికారులు..నిందితులపై ఎన్డీపీఎస్ సెక్టన్ కిందా కేసు నమోదు చేశారు.
