గండిపేట, వెలుగు: విమానంలో ఎయిర్హోస్టెస్ను వేధించిన ప్రయాణికుడిని శంషాబాద్ ఎయిర్‌‌పోర్ట్ పోలీసులు అరెస్ట్ చేశారు. దుబాయ్ నుంచి శుక్రవారం ఓ విమానం వచ్చి ల్యాండయ్యింది. అయితే, దిగడానికి కొద్దిదూరం వరకు వెళ్లిన ఓ ప్రయాణికుడు తన సీట్లో పాస్పోర్ట్ మర్చిపోయానని ఎయిర్ హోస్టెస్ కు చెప్పాడు. ఆమె వెళ్లి చూడగా, సీట్లో తెల్ల కాగితం కనిపించింది. దానిపై అసభ్యకరంగా రాసి ఉంది. దీంతో ఫిర్యాదు చేసింది. నిందితుడిని మద్యం మత్తులో ఉన్నట్లు గుర్తించిన పోలీసులు.. అరెస్ట్ చేశారు.
